Januar 2021

[Anyawu]

Schön, dass alles guet isch!

[Fabi1893]

Ich bi au ehnter für d FB Gruppe, oder halt do inne, no blibts no chli anonym. Vorallem bis zur 12te Wuche findis anonym blibe no guet. Will mes jo au nonig allne will verzelle..

Ich nimm vo Burgestein s Cela, dört isch alles dinne, Folsüri 300% von tägliche Bedarf, Magnesium leider nur 32% drum nimmis no zuesätzlich.

[Lotte0803]

@ black
Super!! Das freut mech sehr för dech!

Gäge d Übelkeit hani etz Akupressurbänder kauft. Muess säge bes etz beni hell begeischteret. Es esch besser worde.

Femibion nehmi au.

För Whatsapp beni au ned. Vo mer us FB oder do enne.

[Anyawu]

Also d FB Gruppe staht. Sie isch gschlosse, mer gfindet sie nöd und cha nur uf ihladig drin inecho. Niemmert gseht, dass ihr i dere Gruppe sind, ussert d Gruppemitglieder.
Ihr chönd mir gern e Nachricht mache.

[Fabi1893]

@lotte0803

Was sind das für Bänder? Hüt isch mer nämlich au scho dr ganz Tag liicht schlächt und so e komischs Gfühl...

[Lotte0803]

@anyawu
Ha der e Nochrecht gscheckt

@Fabi1893
Go mol id Apothek ond frog noch „Sea-Band“

[Miiyu]

@black
Oh das isch so schön zläse! Das freut mi mega! Denn drucke mir alli dDüme, dass es witerhin guet lauft (bi uns allne).

Ich bi jo au scho uf min Termin gspannt und mues no 2 Wuche warte. Wenn denn alles guet isch, weissi nit ob ichs schaff mim Mami und minere Schwöster nüd drvo zverzelle Aber sSchwangerschaftstagebuech findi no cool. Und dassi nid die ganz Zyt am google bi hani mir no "Das grosse Buch zur Schwangerschaft" bstellt, woni bisher wirklich sehr umfassend und no informativ find.

Ja, also ich fühl mi scho au de ganz Tag komisch und "flau im Maage" und ha nie Lust was zässe, weiss aber, dass es immer chli besser goht, wenni bitz öbis gässe ha. In de Nacht wachi aber regelmässig mit blödem, knurrendem Maage uf und muess paar Kracker und e grosses Glas Wasser zu mir nä. Ich finds eifach interessant wie andersch sich min Körper verhaltet. Tee und sogar Cola magi im Moment au gar nit drinke... praktisch nur Wasser.
Bisher nimi nur Fertivol als Ergänzig und no es Eisenplus Präparat, wo au Vitamin B12 drin het (weili Vegetarierin bi). Das mitem Magnesium wär wohrschins denn gli au mol was.

[Anyawu]

Ooooh ich bin so gspanne uf de Termin und es gaaaht na so lang.
Mir hend eus bisher na gar nöd getraut zum freue.
Zudem häts gnau ihgschlage, nachdem mer gseit hend 2 oder 3 mönet pause zmache, da ich im august e neui stell ahfang und nöd grad scho schwanger ha welle in erste Tag starte
Han bitz Angst, dass denn am Chef zsäge

Ich nimme normalerwiis s Natalben, sitt de letzte SS etz isches aber grad fertig und ha nöd welle bim FA verbi, nur zums go abhole. Also nimmi etz s Burgestei bis zum FA Termin und nimme denn wieder es Pack Natalben mit.

P.s. i de Apothek hends gseit, dass eim au schlecht cha werde vo dene Präparat. Z.b Elevit würd oft Übelkeit uslöse und Burgestei au, aber weniger.
Mal luege, ob mir denn plötzli schlecht isch.
Ussert bi dumme Bewegige oder bime abklemmte Nüser, gspüri nämli har nix vo de SS. Einersiits schön, abderersiits macht mer das au Sorge...

[Rahel85]

@anywabu: ha dir e PN gmacht
@black: das sind denn tolli news, freu mich mega für di!!

würd sehr gern id FB gruppe cho, ich finds do soo müesam und unübersichtlich!

ich nimm bis jetzt nur andreafol (reini folsüri), mir isch öpe flau im mage und i ha oft es zieh im buuch! das känni beides gar ned vor 1. schwangerschaft!

[punktji]

Hallo ihr Lieben

Erstmal möchte ich euch allen zur Schwangerschaft gratulieren!

Eigentlich wollten mein Freund und ich am 13.06.2020 heiraten und danach mit der Familienplanung loslegen. Wegen Corona haben wir unsere Hochzeit auf Juni 2021 verschoben und haben uns gedacht, das Zeitfenster ist zwar knapp, aber vielleicht klappt's ja vorher mit Familie. Inzwischen sollte ich in der SSW 7 sein Am 26.05. habe ich den ersten Termin beim FA. Ich bin unglaublich gespannt und hoffe, dass alles gut sein wird.

Da es unser erstes Kind ist und ich keine Erfahrungen habe, freue ich mich sehr darauf, mich mit euch austauschen zu können.
Hier noch meine Angaben: 11.01.2021 / punktji / VS / 1990 / noch keine

Liebe Grüsse
punktji

[Josie]

Hoi zäme,

Ich wör mich euch au gern aschlüsse.
Bin zwar no chli unsicher. Es wär mini zweite Schwangerschaft und die ersti esch so easy gsi. Und jetzt hani sett afang ah es mega zieh und mir esch täglich schlächt Drum hani ergendwie s gfühl es stimmt velecht au öpis nöd.
Min ET bini nöd ganz sicher, aber vermuetlich um dä 23.01.21

[Fabiella]

Yeahh Gratuliere euch allenich erwarte auch ein Januar Wunder ET 2.1.21

Tagsüber kämpfe ich immer wieder mit Übelkeit am schlimmsten ist es immer nach dem Essen seit einer Woche totale Müdigkeit und meine Brüste werden bald explodieren es fühlt sich jedenfalls so an. Und Zwischendurch immer wieder ein ziehen im Unterbauch, naja trotz den kleinen Beschwerden fühle ich mich sonst gut und freue mich riesig das 1. mal Mami werden zu dürfen

[Engelchen87]

Hallo alli neue Herzleche glöckwonsch euch allne
Josie verstahne dech. I ha emmer weder müeh wenn azeiche verschwende

[Josie]

@Engelchen, ich dänk mir dänn ebe eifach bim erste so guet wie kei Beschwerde. Und jetzt scho bevor ich gwösst ha dasi schwanger bin, oder hät chöne teste, hani fast 24h es flaus Gfühl und au Buuchweh. Ganz komisch.

[Josie]

@Anyawu ich ha dir ä PN gmacht bezüglich Facebook

[Anyawu]

Ja, schriebet mer eifach, wenn Interesse a FB bestaht

[Fabiella]

Hoi zäme, I hätti schüsch o inträsse ar fb Gruppe weni mi darf aschliesse bi aber leider nonid drus cho wie u wo i mi gnau muess mälde wägem biträte? lg

[Josie]

Fabiella du muesch zerscht glaub 10 biiträg gschrebe ha und dänn chasch dä Anyawu ä privati nachricht schriibe

[Fabiella]

@Josie
Danke für dAntwort, uiii de muess i no chli schribe

[Josie]

Schriibed dänn alli andere per Whats app das es so ruhig worde esch?