Märzlis 2018

Der Treffpunkt für Mamis in spe mit demselben Entbindungsmonat

Moderator: stella

Gesperrt
Thunergirl
Newbie
Beiträge: 14
Registriert: Sa 29. Okt 2016, 09:39
Geschlecht: weiblich

Re: Märzlis 2018

Beitrag von Thunergirl »

@gumseli83
Ja i bi eifach gester im spital gsi. I ha mi nid drfür mi nomau ds mälde. Es blüetet nid immer. Mängisch duets und mängisch nid. Am Baby geits guet und trotzdem bini unruhig. Warte jez mau ds Wuchenänd ab. Luege jez wis wird und süsch gani wieder ids Spital.

Mami1977
Inaktiv
Beiträge: 44
Registriert: Fr 11. Aug 2017, 17:39
Geschlecht: weiblich

Re: Märzlis 2018

Beitrag von Mami1977 »

Eu zwei Dame alles Gueti - i bin jetzt dänn scho i dä 14. SSW - aber äs bitzli Angscht begleitet mi immer no - versueched ganz viel Vertraue z'ha, mini Psychologin (wo i siit neuschtem ha und mer hilft, dass mi nach dä Geburt nöd no mol so umhaut) hät mer würkli nachegleit, so wenig Angscht wie möglich z'ha, das gspüred d'Babys ebä. Isch in Eurer Situation uh eifach gseit, aber versueched vor allem ruhig z'bliibe - i streichlä amigs viel dä Buuch und schwätze in Gedanke mit em. Hebed Sorg und alles Gueti...

Gumseli83
Member
Beiträge: 405
Registriert: Mo 15. Jun 2015, 11:46
Geschlecht: weiblich

Re: Märzlis 2018

Beitrag von Gumseli83 »

@thunergirl
Wenn chasch ruhig blibe denn wart ab umd lueg das es chli ruhiger chasch näh... ligge und suscht nid z vill due. Weni lang ligge chömed mängmal aber bim ufs wc ga so schlängge... das isch denn gronnigs bluet wo im ligge halt nid wäg isch... sig schiins alles im rahme. Aber ich finds au mega nervezehrend. Mer schaffts irgendwie eifach nid durchwegs positiv z sii wenn mer duurend bluet mues aluege...
Bild
Bild

Thunergirl
Newbie
Beiträge: 14
Registriert: Sa 29. Okt 2016, 09:39
Geschlecht: weiblich

Re: Märzlis 2018

Beitrag von Thunergirl »

@gumseli83
Ja das hani äbä o weni lang ligä. Hesch de o unterliibsschmärze? Ja isch schwierig ruhig ds si. Aber probieres. Ha am Suntig Geburi und mir hei zum brunchä reserviert. Was miechsch jez du? Würdsch ga?

Gumseli83
Member
Beiträge: 405
Registriert: Mo 15. Jun 2015, 11:46
Geschlecht: weiblich

Re: Märzlis 2018

Beitrag von Gumseli83 »

@thunergirl
Ja ich ha au unterliibsschmerze. S zieh vo de muetterbänder aber au mal d verdauig und blähige wo zimmli weh mache chönd. Isch aber amel schwierig immer chönne z sägä was es jetzt grad gnau isch...

Wäg em brunch denk ich jetzt nid das es es problem isch. Halt nid umerenne und am namitag chli anligge. Ich han ja en bald 2 jährige de hei und chan au nid nur ligge... eifach so guet wies gad. Es hed ja niemmer vo absoluter bettrueh gredt.
Bild
Bild

Benutzeravatar
Flusi
Member
Beiträge: 248
Registriert: Di 25. Mär 2014, 23:59
Geschlecht: weiblich

Re: Märzlis 2018

Beitrag von Flusi »

@Thunergirl und Gumseli: Oh mann ist das mühsam mit euren Blutungen. Ich hoffe, dass dieser doofe Spuk schnell vorbei ist. Zum Glück schreibt ihr immer, dass es euren Babys wunderbar geht. Ich glaube es fiebern alle mit euch mit und drücken euch alle möglichen Daumen. Was mich immer erstaunt ist, dass die Technik so weit ist um wenige cm grosse Babys zu untersuchen und allerlei zu erkennen aber es dennoch nicht möglich ist, die Orte und Gründe solcher Blutungen festzustellen. Dieses Nichtwissen ist doch das, was besonders Angst macht. Als ich am Mitte SS immer wieder Blutungen hatte wusste ich wenigstens denn Grund und bin nicht immer in absolute Panik geraten, obwohl ich jeweils ganz schön erschrocken bin. Und seit ich weiss, dass ich wieder schwanger bin ist er wieder da, dieser ständige Kontrollblick in die Unterhose...

@Quinshi: Herzlich Willkommen bei uns! Ich kann deine zögerliche Freude sehr gut verstehen und hoffe mit euch, dass dieses Mal alles gut geht. Davon gehe ich aber stark aus. Wir sind ziemlich gleich weit und haben es schon bald bis zum ETT geschafft.

@mami: Man sagt ja: Kleine Kinder = kleine Sorgen, grosse Kinder = grosse Sorgen. Dieser Spruch hat bestimmt was Wahres dran und wird auch uns immer wieder begleiten. Ich finde es auch völlig in Ordnung, dass man sagt, wenn man ge- oder überfordert ist, dass dies keine Schwäche ist und auch bei uns ist es keineswegs perfekt und manchmal schwirrt mir der Kopf. Oft merke ich dann aber auch, dass ich einfach wieder zu viel wollte. Ich kenne einige Frauen, die sind aber immer am jammern und ausrufen und dies teilweise auch vor den Kindern. Das mag ich überhaupt nicht und denke oft, dass sich diese Kinder ja daneben benehmen müssen, da ja gar nicht anderes von ihnen erwartet wird. Ich arbeite beruflich mit Kindern und bin da schon mit allerlei Charakteren, Syndromen und Eltern in Kontakt gekommen. Ich habe immer an das Gute in den Kindern geglaubt und bin damit gut gefahren und hatte Gott sei Dank nie ein absolutes Katastrophenkind. Und mir ist da einfach aufgefallen, dass "ruhigere" und positive Eltern viel weniger auffällige Kinder haben... Ich hoffe jetzt einfach, dass wir das auch irgendwie so hinkriegen :)

@Angst haben: Ich finde da die Art, wie mami es macht ganz gut. Irgendwie versuchen Ruhe zu bewahren, wirklich schon Kontakt mit dem Baby aufnehmen und auch sich selber positiv zureden. Aber es gibt halt schon immer Momente, wo einem vor Angst die Haare zu Berge stehen. Und es heisst ja auch, Angst sei fürs Baby nicht gut... Andererseits hatte ich in meiner SS ja NUR Angst und mich da manchmal wirklich extrem reingesteigert. Da hatte ich oft auch Angst, dass ich diese Unruhe und Nervosität aufs Baby übertrage. Kaum war der Kleine aber da, war ich total ruhig und einfach froh, dass ich mich nun selber überzeugen konnte, dass es ihm gut geht und auch mein Sohn war total gelassen... Angst ist bestimmt nicht förderlich, muss sich aber nicht unbedingt negativ auf das Baby auswirken.

Einen schönen Abend euch allen!

Snuffi
Junior Member
Beiträge: 54
Registriert: Mi 24. Nov 2010, 10:58
Geschlecht: weiblich

Re: Märzlis 2018

Beitrag von Snuffi »

Hallo Mamies....

Dörf ich mich au zu eu Schlüsse....?
Mir erwartet euses 2 Wunder am 25.3.18
Euse ersti Schatz wird jetzt grad 1....
Nöchsti FA Termin hend mir erst am 18.9 wieder für de ETT.....

Freu mi uf gegesiitige Ustusch mit eu....

Mini Agabe : Snuffi/2.Kind/25.3.18/ZH

Gits scho e FB Gruppe?

Pfuused guet

Jasi1985
Newbie
Beiträge: 30
Registriert: So 2. Jul 2017, 20:43
Geschlecht: weiblich

Re: Märzlis 2018

Beitrag von Jasi1985 »

Mungglis hat geschrieben:jasi@
danke dir han mal e PN gmacht abr staht imr no i de warteschlaufe,'wie die PNa Mia

Ha der FB Afrog gmacht:-)

Smaragd
Newbie
Beiträge: 45
Registriert: So 18. Jun 2017, 21:45

Re: Märzlis 2018

Beitrag von Smaragd »

@Anstrengende Kids... für mich das bisher schlimmste war die Baby-Zeit mit meiner Tochter... ich kann mir bis heute nicht vorstellen, dass "es noch schlimmer wird"... sie ist aber auch erst fast 6. Aber die Pubertät macht mir schon noch Sorgen...

@Thunergirl und Gumseli ich hoffe das es bei euch bald sorgenfreier wird. Das ist sicher sehr belastend :(.
Bild

Benutzeravatar
Flusi
Member
Beiträge: 248
Registriert: Di 25. Mär 2014, 23:59
Geschlecht: weiblich

Re: Märzlis 2018

Beitrag von Flusi »

Hallo mitenand

Ich hoffe ihr hend alli es guets und erholsams Wucheendi gha und sind hüt guet i die nüi Wuche gstartet.

@gumseli und thunergirl: Wie gahts üch? Sind d'Bluetige zrugg gange? Ich hoffe de Horror isch gli verbi!

@snuffi: Härzlich willkomme bi üs Märzlis und gratuliere zur Schwangerschaft. Ich hoffe dir gahts guet und du häsch nöd vill Beschwärde. Mir hend am gliche Tag ETT. Ich freu mich jetz scho riesig druf!

@smaragd: Darf ich frage, warum du d'Babyziit mit dinere Tochter als so streng empfunde häsch? Ab welem Alter häsch denn s'Gfühl gha es wirdi ringer?

@me: Ich ha hüt Morge de churzi Zwüschecheck bim FA gha, wo ich bim letschtä Termin drum bäte ha. Läck bin ich nervös gsi. Won ich uf de Untersuechigsstuehl ghocket bin hani voller Panik denkt: Was mach ich jetz, wenns nöd guet isch... De FA hät aber u schnell gseit, dass er s'Härzli gseht schla und ich han los gschluchzt. Isch mir mega peinlich gsi aber ich ha nöd anders chöne. Er hät denn gseit, dass mir de Zwüschecheck schiinbar sehr wichtig gsi sigi... Hei bin ich erliechteret und froh, dass ich churz han chöne ga...
I zwei Wuche hani ETT und denn darfis endli zeige und allne verzelle!

Lilyrose
Vielschreiberin
Beiträge: 1659
Registriert: Fr 14. Jul 2017, 07:18
Geschlecht: weiblich

Re: Märzlis 2018

Beitrag von Lilyrose »

@Flusi: schön, dass dein FA so rücksichtsvoll ist und du zu einem zwischen check vorbei gehen durftest.

@Smaragd: war sie ein Schrei-Baby? Das stelle ich mir enormst schwierig vor.

@Bauch: gut, habe ich es vor den Feriengesagt...ich glaube jetzt wäre es nicht mehr vertuschbar.

@me: die Ferien waren solala...zuerst kleine noch krank und quengelig, dann war Wetter nicht so doll...wir haben kaum was unternommen. Erst der letzte Tag war so richtig schön und hat alles wieder etwas aufgewertet. Wir sind nun gleich im Anschluss noch ins Wallis gefahren für ein paar Tage, hoffe hier noch ein bisschen Ferienfeeling zu bekommen :)
Habe die letzten Tage ab und zu schmerzen...blähungen glaube ich...fast wie Krämpfe, muss mich dann jeweils kurz hinlegen. Hoffe, ist nicjt weiter schlimm. Symptome habe ich nicht mehr gross...kreislauf ist besser, müdigkeit auch. Geht aber ja auch schon auf 12 Woche zu

Mami1977
Inaktiv
Beiträge: 44
Registriert: Fr 11. Aug 2017, 17:39
Geschlecht: weiblich

Re: Märzlis 2018

Beitrag von Mami1977 »

Hoffe, Gumseli und Thunergirl, dass es Eu guet goht!

@Flusi: I ha hüt au Tränli vergossä - zerscht won i gseh ha, dass es gwachse isch, wie's mer churz gwunkä hät und ase umeturned isch, also sooooo herzig!!
Mini Gyni hät churz dä Herzschlag zeiget (vor allem für min Sohn), dänn han i au vor Freud gad müesä brüelä... Ha jo sooo Angscht gha, dass öppis nöd chönt guet sii. Jetzt bin i ab morn i dä 14. SSW und s'Chliine isch genau richtig gross für diä Wuchä, und au d'Nackefaltemessig isch unufällig. Am Dunnschtig chum i scho wäg em Bluettescht Bscheid über, die Risikoanlayse wird nöd so toll wäg mine 40 Jöhrli usfalle, aber sie hät nur gmeint, dass i mi jetzt glaubs so würkli richtig dörf freuä. Ihr glaubed gar nöd, was das für es Wunder für mi isch... Ha jetzt nur scho bim Schriibä wieder Träne i dä Auge und gseh dä Bildschrirm fascht nüm ;-)

Jetzt säg is allne und chaufe mir dänn scho bald en neuä Chinderwage - dä alt hä mer nämli scho wäg gäh, wills jo 4 Johr nöd klappet hät ;-)

Wünschä Eu allne ganz ä gueti Wuchä und bliibed positiv! Herzlich, Meli

Smaragd
Newbie
Beiträge: 45
Registriert: So 18. Jun 2017, 21:45

Re: Märzlis 2018

Beitrag von Smaragd »

@Flusi sie het viel brüelet... sehr viel. Es isch besser worde mit jedem Entwickligsschritt. Wo sie mit 12mte het afa laufe isch massiv besser worde!!
Oh jööh, sooo schön isch alles guet!

@lilyrose ja man würde das wohl so sagen... die Mübe sagte bei unserem 2. Besuch jetz kommt wieder der Schreier... naja sehr hilfreich, bin dann nicht mehr hin... ich hoffe du wirst nicht weiter von Krämpfen geplagt und kannst das Ferienfeeling noch etwas geniessen!

@me beginne langsam den Termin am Mittwoch entgegen zu fiebern!
Bild

Vierwaldstädtersee
Newbie
Beiträge: 27
Registriert: Sa 5. Aug 2017, 14:35
Geschlecht: weiblich

Re: Märzlis 2018

Beitrag von Vierwaldstädtersee »

Hallo mitenand

Schön zghöre dasses üchne Buchzwärge allne guet gad!

@Gumseli&Thunergirl, hend üchi Bluetige ufghört? Ich hoffes sehr das de Spuck bald es Endi hed und ier üch richtig chönd freue!!

@Flusi so schön isch alles in Ordnig! Ez chasch du dich beruhigt ufe ETT freue.

@Mami super gsed alles so guet us!! Was hed dine Sohn zum Härzschlag gmeint, heder sini Meinig gänderet nachdem er sis Gschwüsteti im Ultraschall gseh hed?

@Lilyrose duetmer leid weg dine Ferie, hoffe ier chönds ez im Wallis no richtig gniesse und dini Chrämpf gönd bald wäg! Villicht hesch au grad en 'Wachstumsschub" vo Gebärmuetter und Baby, so erklär ichs mier alligs wenn ich Unterliibsschmärze han.

@smaragd das dönt sehr ahsträngend! Ich bi es Schreibaby gsi. 9 Mönet lang hani de Tag dure nie meh gschlafe als 30 min. Ich hoffe seeeeehr das dass nid vererbar isch. Mis Mami seid hüt no es sig de Horror gsi mit mier!!
Hesch de wenigstens es guets Umfeld gha wo dich zwüschedure entlastet hed?

@me ich ha gester d Bluetergebniss zrugg becho. Im Ultraschall hed ja alles super usgseh. Leider isch ez im Trisomie 21 Bluettest öbis anderes usecho und mis Risiko isch bi 1:550. Da ich aber en Nierekrankheit han cha das d Testergebniss verfälscht ha.
Mier zahlt ez d Krankekasse de sautüri, neui Bluettest womer s Risiko bis uf 97% cha bestimme und wo ungfährlich isch fürs Baby.
Ez chani de Morn go mache.

Allne wo de ETT ezde hend wünsch ich ganz viel Glück&Freud. Es isch sicher alles in bester Ordnig!

Benutzeravatar
Julikind
Member
Beiträge: 145
Registriert: So 1. Nov 2015, 06:47
Geschlecht: weiblich

Re: Märzlis 2018

Beitrag von Julikind »

Vierwaldstädtersee hat geschrieben:Hallo mitenand

Schön zghöre dasses üchne Buchzwärge allne guet gad!

@Gumseli&Thunergirl, hend üchi Bluetige ufghört? Ich hoffes sehr das de Spuck bald es Endi hed und ier üch richtig chönd freue!!

@Flusi so schön isch alles in Ordnig! Ez chasch du dich beruhigt ufe ETT freue.

@Mami super gsed alles so guet us!! Was hed dine Sohn zum Härzschlag gmeint, heder sini Meinig gänderet nachdem er sis Gschwüsteti im Ultraschall gseh hed?

@Lilyrose duetmer leid weg dine Ferie, hoffe ier chönds ez im Wallis no richtig gniesse und dini Chrämpf gönd bald wäg! Villicht hesch au grad en 'Wachstumsschub" vo Gebärmuetter und Baby, so erklär ichs mier alligs wenn ich Unterliibsschmärze han.

@smaragd das dönt sehr ahsträngend! Ich bi es Schreibaby gsi. 9 Mönet lang hani de Tag dure nie meh gschlafe als 30 min. Ich hoffe seeeeehr das dass nid vererbar isch. Mis Mami seid hüt no es sig de Horror gsi mit mier!!
Hesch de wenigstens es guets Umfeld gha wo dich zwüschedure entlastet hed?

@me ich ha gester d Bluetergebniss zrugg becho. Im Ultraschall hed ja alles super usgseh. Leider isch ez im Trisomie 21 Bluettest öbis anderes usecho und mis Risiko isch bi 1:550. Da ich aber en Nierekrankheit han cha das d Testergebniss verfälscht ha.
Mier zahlt ez d Krankekasse de sautüri, neui Bluettest womer s Risiko bis uf 97% cha bestimme und wo ungfährlich isch fürs Baby.
Ez chani de Morn go mache.

Allne wo de ETT ezde hend wünsch ich ganz viel Glück&Freud. Es isch sicher alles in bester Ordnig!

Duesch es de abtriibe wenns Trisomie 21 het?

Mami1977
Inaktiv
Beiträge: 44
Registriert: Fr 11. Aug 2017, 17:39
Geschlecht: weiblich

Re: Märzlis 2018

Beitrag von Mami1977 »

Das mit denä Bluettescht isch au so ä Sach. Bi zwei Bekannte häts 1x Trisomie 18 und 1x Trisomie 21 aagäh. Beidi Chind sind kerngesund uf d'Welt cho. Anno dazumals händs dänn no müesä d'Fruchtwasserpunktion mache.

I brichte dänn au, was min Wert isch und öb mer dä nächscht Tescht au no mached.

Was hät dänn d'Nackefaltemessig ergäh?

Mami1977
Inaktiv
Beiträge: 44
Registriert: Fr 11. Aug 2017, 17:39
Geschlecht: weiblich

Re: Märzlis 2018

Beitrag von Mami1977 »

Min Sohn findets immer no nöd so berauschend ;-)

Vierwaldstädtersee
Newbie
Beiträge: 27
Registriert: Sa 5. Aug 2017, 14:35
Geschlecht: weiblich

Re: Märzlis 2018

Beitrag von Vierwaldstädtersee »

Nei mier würdid nidemal über en Abtriibig nachedenke. Bi üs isch jedes Chind härzlich Wilkomme!
Es gad nur drum dass mer sich besser cha druf vorbereite und d Ärzt würdet de engmaschiger Kontrolliere.
Wenns de neu Bluettest nid würd gäh hett ich au kei witeri Abklährige meh gmacht. Fruchtwasserpunktion chund für mich nid i Frag, hetti z fest Angst dasses eh Fehlgeburt uslöst.

Im Ultraschall hed alles super usgseh, kei Ahzeiche für en Trisomie. Drum glaub ich au dass alles in Ordnig isch, mach mier ehrlich gseid nid würkli Sorge.

Benutzeravatar
Flusi
Member
Beiträge: 248
Registriert: Di 25. Mär 2014, 23:59
Geschlecht: weiblich

Re: Märzlis 2018

Beitrag von Flusi »

Hallo mitenand

@lilyrose: Ja ich bi au sehr froh, dass ich so en tolle und rücksichtslose FA ha. Ich fühle mich würkli wohl bi ihm.
Schad, dass üchi Ferie nöd sooo de Hit gsi sind. Ich hoffe ihr hends defür ganz schön im Wallis. Ich ha das mit de Buuchchrämpf au immer wieder. Isch würkli mängisch ganz schön unagnehm. Cha mi nöd erinnere, dass ich das ide erschtä SS so fescht gha ha. Ich glaube aber au, dass de Buuch sit letscht Wuche dütlich
gwachse isch. Jetz gseht mers definitiv. Bi recht baff, dass mers dasmal so früeh scho gseht. Chume glaub dasmal nüme mit somene härzige Chugelbüchli devo ;)

@mami: Ich cha mirs guet vorstellä, wie du dich gester bim FA gfühlt häsch. Die Aspannig vorem Untersuech isch unushaltbar. Und nachher die riiieeese Erliechterig. Da chömed die Tränli unufhaltsam!
So schön, dass du jetz en Chinderwage chasch go shoppe! Weisch was für eine du wetsch? Gnüss die Ziit mitem offiziell mache und gnüss das tolli Wunder!
Ich freu mich, wenn ichs dir i 2 Wuche cha nahmache :)

@smaragd: Das isch sicher astrengend, wenns Chliine so vill muess brüele. Vor allem wemer nöd weiss, a was es liit. Sie tüend eim ja so Leid und trotzdem mag mer mängmal eifach nüm. Aber das mit de MüBe findi ja mega mies. Das isch ja unglaublich de Kommentar, gahts derä no? Da hätti mich au nüme blicke la...
So, morn isch din grossi Tag! Ich drucke beidi Duume!

@vierwaldstädtersee: Eigentli tönt ja 1:550 nöd nacheme extreme Risiko. Aber es isch wahrschindli underem Durchschnittswert. Ich würd au ganz optimistisch si... Wie lang muesch uf d'Ergebnis vom 2. Bluettescht warte?
Die Tescht sind würkli chli Fluech und Sägä glichziitig... Nur scho wäg dem truu ich das gar nöd mache...

So, das wär mal wieder min Senf gsi.
Allne ganz en schöne Abig!

Joeyita
Vielschreiberin
Beiträge: 1735
Registriert: Mi 22. Okt 2014, 10:28

Re: Märzlis 2018

Beitrag von Joeyita »

Guete Morge!

@Gumseli und Thunergirl wie geits euch? Dänke fescht a euch!

@Vierwaldstättersee: Oje blöd wägem Test... aber es isch wie dFlusi seit, Fluech und Säge glichzitig. Mir hei drum gar keni Tests la mache. Me ghört soviu dass me sech unnötig Sorge macht und ds Ching de gsund uf dWäut chunnt. Und i gloube, würklech vorbereite druf isch trotzdäm no schwierig...

@Smaragd: Oooh hesch du hüt ETT? Drücke fescht dDüüme!

@me: Ig ha am Mänti ändlech ETT gha und es geit em Baby super und gseht sowit aues guet us. Ha soo Fröid gha und nume chönne strahle... dr Härzschlag zghöre isch eifach immer mega.
Stolzes Buebemami - November 2015 und März 2018

Gesperrt