Februarchnöpf 2020

[claudia89]

@zürimum: ja sie musses ja wüssä ohni chind oh mann das isch scho bitz müähsam finds e recht schwierig als bruäfstätigi frau schwanger werdä, irgendwiä "freued" sich ja scho all, bisch aber glich chli en chlotz am bei

[Jil9]

i cha euchi bedenke bezüglich arbetgeber verstoh. Goht mer ned andersch i ha min Job mega gern, ond wörd au gern nachher weder bezli wiiterschaffe, ha aber no kei ahnig wie ond öbs öberhaupt möglech esch

[zürimum]

@clöö
eigentlich han ichs ja au nachem erschte untersuech welle säge, will eigentlich han ich es guets verhältnis zu minere chefin aber öb das nachher au no so isch...? wer weiss das scho. sie rechnet fescht mit mir und ihre plan gaht jetzt natürlich nümm uf.

[zürimum]

i cha euchi bedenke bezüglich arbetgeber verstoh. Goht mer ned andersch i ha min Job mega gern, ond wörd au gern nachher weder bezli wiiterschaffe, ha aber no kei ahnig wie ond öbs öberhaupt möglech esch

ich schaff momentan 60% und wett nachher eigentlich max 50% mit 1 tag homeoffice schaffe. theoretisch wär das aktuell möglich aber will halt au team konstellation für mich nümm passt, wett ich lieber öppis neus sueche. öppis mit me chürzere arbetsweg (han jetzt ca. 50min je weg) und au öppis familiefründlichers. das muen mr aber zersch finde und eifach uf endi mu chünde ohni oppis neus wird schwierig finanziell.

[Lexii]

@Saereli
I ben i de nöchi vo muri du besch au usem aargau? Han de öberbleck do enne nani so

@Jil9
Bi mer wösseds scho zemmli vell. Aber au us dem grond well ech elaierziehend si werde ond mech eifach ergendwie wo dore ha müesse absechere...

[Jil9]

.

[Lexii]

@Jil9
Esch momentan grad eifacher gseid als gmacht aber es chömed secher weder besseri ziite

[FebruarBaby]

@lexii grad es bitz muetig. Wünsche dir vill chraft das du das durestasch. Denn verstahni natürlich dases bereits es paarne hesch müese sege. Hesch hoffentlich gueti Understützig? Warum bisch denn elleige?

[Lexii]

@FebruarBaby
Es esch en mega schwere Entscheid gsi glaub die schwerigst woni je ha müesse träffe.
Ech has zersch ned welle wells zersch i mine auge ned machbar esch alles ganz elai well de papi vom chliine ned dezue staht. Well mer nie zämme gsi send. Trotz verhüetig hed sech en chliine buuchzwerg bi mer es nästli gsuecht...
ja ech han wörkli super onderstötzig es stönd wörkli alli hender mer osser de vater vom chliine sälber. Momentan sogar kei kontakt me. Aber abtriibe brengi nömme öbers herz han sogar scho de termin gha aber de hani s‘herzli gseh schla ond den beni hei
Mer packet das alli ond ben secher ned die einzig wo das elai packe muen

[Lilly20]

das mitem bruefsläbe als schwangeri, frisches mami isch wüki nöd eifach. känn au so vil übli gschichte!
ich selber weiss au nanig, was ich söll mache.. han derfe bi minere erste tochter äs jahr muetterschaftsurlaub mache und denn wieder istiige mit nu 40%. eigentlich mega de luxus. aber bin sit es paar mönet nüme motiviert für's schaffe. es isch zwar ä traumstell mit familie, aber es macht mir wie kei freud meh. bin wohl scho chli zlang det. drum bini ez au so unschlüssig, wasi söll mache. eigentli hani mit mim maa besproche, dassi künde und 2-3 jahr dihei bin.. glich hani recht angst vor dem schritt, ez woni tatsächli schwanger bin. finds au müehsam, sich ez scho müsse all die gedanke mache..

@lexii: das find ich sehr muetig vo dir! du häsch uf dis herz gloset und drum wird das ganz sicher de richtig entscheid sii!!

@clöö: häsch mir mal probiert ä privati nachricht schicke? oder söll ich dir eini schicke für de wa-chat?

[Meitshi89]

Hallo zäme

Lese bereits set paar Woche met ond set höt hend mer d Bestätigong das öise zwöiti Chnopf onderwägs esch zo öis🥰
Mer send seeeehr öberrascht gsii dasses grad weder ihgschlage hed,freued öis aber riiiesig druf. Öisi Tochter esch im August 2018 of d welt cho ond öise Sonneschiin.

Freumi ofe ustusch met euch via Facebook ond Whats-App.

Aune e schöne Obe

[Babalicious_79]

@lexii

Sehr stark vo Dir. Ich cha Dini Situation guet nochefühle ich bin mit mim erste Chind au elei do gstande damals 23gi. Es isch hart jo aber es git au soooo viel schöns und die Bindig wo me het isch unglaublich. Ich bin mit Ihre 13Joor elei bliibe und no hüt isch eusi Bindig ganz speziell. Ich bi mittlerwiile ghürote und ha no e 2 jährigi Tochter und mir sind zunere glückliche Familie gwachse und erwarte jetzt ebbe Zwärgli Nummer 3. Mini ältischt het au kei Kontakt zum biologische Vater (vo ihm us) aber verstoht sich super mit mim Maa wie mit eme Vater.
Darum cha der nur Muet zuerede isch hart mängisch aber es git so viel schöns wo di chasch freue

[Silinana]

...

[Silinana]

....

[zürimum]

Und gern ano im facebook... Maanuu maanuu heissi.... Viele Dank!!!

din profilname gits es paarmal. was häsch du füres profilbild?

[Silinana]

...

[zürimum]

En französischi flagge.... Viele Dank!!!

ich chan dir uf fb kei fründschaftsafrag schicke. han dir drum e pn gmacht. dini nummere han ich de @lilly gschickt, du chöntsch also dini biträg wieder lösche.

[zürimum]

@lexii
ich find das mega muetig aber mängisch isch es villicht würklich besser so. oder chönt de gg sich vilicht no umentscheide oder wettsch das gar nöd?

[Silinana]

@zürimam
Viele dank für dini hilf!!!

[elabra]

Hallo Mitenand

Unerwartet isch Gester de Test bide Fraueärztin Positiv gsi. Sötti au en Februarchnopf geh. Freue mich uf en Ustuusch mit eu, bin gad chli unvorbereitet

Bin us de Region Pfäffikon ZH

Grüessli
Ela