Februarchnöpf 2020

[Kühnli]

so, jetzt esch euse 2. ultraschall au döre. was mer gseh hend? ehm d wirbelsüle. ond schösch? nüt
bueb oder meitli? kei ahnig.
tja... hend jo no19 woche

het sich s chline demfall ned zeige welle Hesch du denn no s Organscreening oder chunnt das no?
Bi eus hets ide 20. ssw gheisse es sig es Meitli und denn bim Organ-Screening ischs denn doch en Bueb gsi hehe
Ich ha hüt no de Glukosetoleranztest gha, dörf denn nöchst Wuche weg de Ergebnis alüte.

[Jil9]

du ganz ehrelech da weissi ned emol, esch jetzt grad chli peinlech. be i de 21ssw. si het alles agluegt 2 bei 2 ärm, niere, herz, zwechfel und und und sogar no mini dorchbluetig gmesse. trotz ehre erklärig hani aber soguet we nüt erkennt. ned mol es gschiids beldli hets geh. i ha au gmeint ergend wenn stoht de no so en zuckertest ah? i ha i 4 woche weder en termin be de hebamme, weiss aber ned öb denne öppis speziells gmacht werd. chome mer grad recht unwissend vor

[Meitshi89]

@MissGrace
Ech ha bereits ide 1.SS en seeehr tüfe Isewärt gha ond ou jz weder. Esch aber luut minere FA ned so schlemm,solang de HB wärt okey esch. Es ged eifach Fraue wo das hend. Evtl wörd der de Cranberry saft vo Nahrin no höufe,sie hend ou so Iseufwärtmittel. Ech persönlech loh d Finger vo Infusione nochdemi metbecho ha wie mini Schwögerin ahschliessend 1,5Johr Problem gha het met Niere,Läbere,Überlkeit,Schwindel,Panikattakene ect ond schlossändli s Iise weder gliich wit onde gsii esch..

[Kühnli]

du ganz ehrelech da weissi ned emol, esch jetzt grad chli peinlech. be i de 21ssw. si het alles agluegt 2 bei 2 ärm, niere, herz, zwechfel und und und sogar no mini dorchbluetig gmesse. trotz ehre erklärig hani aber soguet we nüt erkennt. ned mol es gschiids beldli hets geh. i ha au gmeint ergend wenn stoht de no so en zuckertest ah? i ha i 4 woche weder en termin be de hebamme, weiss aber ned öb denne öppis speziells gmacht werd. chome mer grad recht unwissend vor

Also ich ha min Zuckertest letschte Fritig gha (Endi 24.Ssw) und de isch mer au so vorakündigt worde. Hüt dörfi denne no weg de Ergebnis alüte.
Bi mer ischs so gsi, am Morge cho, denne 1. mol Bluetabneh nüchtern, denne en Zuckermischig trinke, denn 1 Stund spöter nomol Bluet abneh und noch 2 Stund nomol.
Abwe weisch, wenns die 1. ss isch, weiss mer oft ned was froge, oder was als nöchst chunnt etc. Bin bin froh, dass mini FÄ mir do alles immer guet erklärt und ich weiss, was als nöchst uf mich zuechunnt. Bi de Hebamme bini zB bis jetzt no nie gsi, ha s Prinzip ned ganz verstande Frauearzt/Hebamme. Aber ha durch en Kollegin erfahre, dass mer doch mol zu einere goh sött und ha mi jetzt agmeldet.

[Jil9]

scho onderschedlech we da alles esch. also i goh devoh us weni en zuckertest mache soll ond nüchtern goh muess wer mer da wohl öpper säge. be mer esches so das si eigeni hebamme hend de werd der eini zueteilt ond de hetmeh d temine emmer abwechsligswiis. aber denke jetzt müssti de mol eini sueche förd wochebettbetreuig

[green_Flora]

händ ihr euch scho mit de Krankekasse fürs Baby erkundig? weles Model? und weli Franchise?

und für euch selber? tünd ihr euri eigeti Franchise apasse? nögscht Johr wird jo für üs alles e chlin anderscht....

bin do voll unsicher was ich söll..

[Jil9]

hemmer no garnix gmacht. i be höt sogar verschrocke wod hebamme gmeint het langsam wärdis aber ziit en chenderarztzsueche...
momentan goht alles recht schnell, fasch es betzeli zu schnäll

[green_Flora]

@Jil9: ich han im Kinderarzt aglüte und bi eus händ si gseit, mer chön oder müessi sich ned voramelde..

jo gäll..es git schono allerhand zum vorbereite. nebs dere Grundusstattig, Namesueche, und und und. Ich denk mer, alles was mer jetzt mache chan, isch erledigt.

[Jil9]

mer hend zwöscheziitlech au eine, het aber gmeint si näme eus nor well mer am selbe Ort wohne. hauptsach mer hend eine. jo mega vell gets no ztue, mer hend no gar nüt, kei chenderwage kei maxicosi, keis bett, kei chleider, kei windle garnüt. vom name rede mer ersch garned. aber do lohni mi ned stresse da werd ersch em neue johr erlediget. ganz ehrlich s einzige wo s de wörkli brucht esch ganz, ganz vell liebi ond geborgeheit <3

[Jil9]

an diejenigen unter euch welche arbeiten. bis wann werdet ihr arbeiten? klar wenn der arzt rät kürzer zu treten aber was wenn es euch bis zum schluss prima geht?

[zürimum]

hoi zäme. ich meld mich au wieder mal. wie gahts eu?

mir gahts guet sowit. mine psyche macht nöd somit und drum gang ich jetzt id kinesiolgie und hoffe dass es denn wieder besser wird. körperlich merk ich au immer chli. meh dass ich ss bin amigs nümm so mag. han letscht wuche au schwindelafäll gha. min fa hät gmeint nüt wo besorgnis erregend wär, eifach bitz weniger ufs mal und langsamer mache.

mir händ geschter wieder en us gha. er/sie wett eus nonig zeige was es isch. es isch ca. 850g und öppe 35cm und au susch isch alles wies muen sie. ich gspürs baby scho zimlich regelmässig.

@jil9
solang ich mich wohl fühl schaff ich längstens aber bis endi januar, das isch denn ca. 2 wuche vor geburt. ich han die letschte zwei mönet zwüsched 60 und 80 % gschaffed, dass bedüted dass ich bis endi jahr nur no 40 bis 60% muen ga.

[amaia]

Hallo
Ich habe bisher nur mitgelesen. Das Thema, bis wann arbeiten, beschäftigt mich auch. Ich mache momentan neben der Arbeit noch eine Weiterbildung - mein Arbeitspensum beträgt bis Ende der Weiterbildung im Januar 70% inkl Weiterbildung sind es etwa 100%. Danach wieder 100% Arbeit. Wenn ich mich gut fühle, kann ich mir gut vorstellen, so lange wie möglich zu arbeiten, aber voraussehen, kann ich das jetzt noch nicht.

Was mich allerdings stresst, ist mein Chef, der nun schon drei Mal wissen wollte, bis wann ich denn noch arbeite. Ich verstehe, dass er planen und sein Jahresbudget erstellen muss, allerdings sind die paar Wochen Unsicherheit, die meine Schwangerschaft mitbringt, echt kein grosses Ding auf ein ganzes Jahr mit einem Team von mehr als 20 Personen. Man muss vielleicht noch erwähnen, dass ich die einzige Frau im Team bin und wohl auch die einzige, die jemals dort gearbeitet hat. Ich habe bisher auf diese Frage immer die Antwort oben gegeben "70% bis Ende Januar, danach wieder 100% vorausgesetzt, ich bin körperlich und psychisch in der Lage." So sieht es unser Gesetz nun mal auch vor, es gibt ja keine sichere freie Zeit vor der Geburt. Und ich werde ihm sicher nicht sagen: "Ich lasse mich wahrscheinlich ab Anfang Februar krank schreiben." Das fände ich eine ziemlich seltsame Ansage, va. in einem Umfeld wie diesem.

Wie geht ihr mit solchen Fragen um? Habt ihr verständnisvolle Vorgesetzte, die wissen, dass das nicht planbar ist? Oder denen man sogar eine Ansage machen kann, ab wann man realistischerweise wirklich nicht mehr fit ist?

LG
amaia

[zürimum]

@amaia
ich sött eigentlich au en familiefründliche arbetgeber ha. leider stimmt das nur bedingt. d'frag bis ich wenn ich denn vorhan zum schaffe han ich aber bis jetzt nonig müese beantworte. nach verschiedene vorfäll mit de abteiligsleitig (s'gliche scho erlebt bi de erschte ss) bin ich sicher nümm dethi welle zrugg zgah. muen mir das nümm geh.

[Jil9]

i chan so guet metfühle. ganz ehrlech i be gfrogt worde wasi bes märz april no alles erledige well? hmm tscholdigung aber i glaube so lang bebi nöme no. mettlerwile glaubi au ned das nochher nomol cho muess.. loh mi aber gern positiv öberrasche. i ha de termin jo endi februar, denke also au dass wenn nüt dezwöschechont werdi metti februar schloss mache, spötischtens.

[Kühnli]

Min Arbetgeber het mi au scho gfrogt, wenn ich denn ufhöre mit schaffe... bi eus isch de einzig positivi Punkt, dass mer 4 Wuche vor de Geburt ohni Arztzügnis dörf 'krank' si.
Do nähme das vieli in Aspruch, ich dänke ich wird 3 Wuche vor de Geburt denn ufhöre mit schaffe.

[Jil9]

fende da aber no en gueti regelig, i muess be eus mol alles genau doreläse

[Jil9]

Hallo liebi Mami und bald Mamis
I wär interessiert wie ehrs metem Schlofplatz vom Februarchnopf löse wärdet oder au erfahrig we ehrs met de Gschwüschterri vo de Februarchnöpf glösst händ:

bistellbettli?
im eltere bett?
eignigsbett em eltereschlofzimmer?
oder gar vo afang ah em eigete zemmer?

velle dank för euchi tipps

[sandy01]

i ha no fasch nüt gschribe u gibe jez glich nochli mi senf drzue:)!
üses chnöpfli wierd sicher 2-3 mönet näb mir schlafe im offene „grosse“ chinderbett wo uf höchi vo mim bett montiert isch...
den wär s ziel/plan das aui üsi meitli de im gliche zimmer schlafe (2/4j denn de), drfür hei si no es spielzimmer...mau luege öbs so geit u schüsch sueche mir de den e besseri lösig!

schaffe...i säge gäng dasi so lang schaffe (nume 40%) wies geit aber für mi isch klar dasi spätestens 2 wuche vor et weti ufhöre dasi nochli zur rueh cha cho u zit dehei gniesse! (ev o 3 wuche vorher...)

[Maiblume]

Hallo liebi Jil

Ich ha es Bistellbettli bereit und wirs au montiere. Glaub aber ich wiir üse Spatz eher nebed mir i üsem Bett ha. Ha mi berate lah worufi achte muss (zwüsched mir und Bistellbettli, also am Bettrand. Kei Decki/Chüssi i de Nächi vom Chliine). Glaub für ihn isch das am natürlichschte und sStille i de Nacht wird so au eifach. Gschwüsterti gits grad nonig

[Jil9]

danke för euchi bisherige antworte i hätt eifach so angscht dasi ergendwie druf legge oder dases onder d decki chont.
för eus esch no alled offe. i chönt mer vorstelle das mer mol metem eigete bettli em eltere zimmer starte wäre. puh i sägs euch i ha no soooooo vell offene froge...