Februarchnöpf 2020

[songbird]

I wünsch eu allne en guete wuchestart gohts eu guet?

[zürimum]

@songbird
d'wuche isch fasch scho wieder ume. ich hoff du häsch bis jez e gueti wuche gha? mir gahts sowiit guet. körperlich wachst de buch und ich bin gschneller müed und au usser atem. i mim chopf spuuckts immer wieder und ich schlaf wege dene viele gedanke u schlecht. min chline grosse isch am wuchenend 2 worde und mir händ das mit tolle mensche dörfe fiere.

[songbird]

@zürimum min buuch wachst au leider hani die wuche mit brutalem chopfweh z‘kämpfe gha..ha ein tag nöd emol chöne go schaffe..jetzt isches zum glück besser..mer hend e sehr strengs wucheend vor üs..i ha s vierjöhrig jubiläum i de beiz und mer hend vill live-musig & übernachtigsgäst..

[Kühnli]

Ich ha nochher min nöchste Termin bim FA und bin sehr gspannt, öb mer scho seht öbs es Meitli oder en Bueb giht

[songbird]

@ Hello-eva willsch es idemfall wüsse?

und wie gsehts bi de andere uus?

[Jil9]

do alles so wiit so guet, 16. woche, momentan grad chli vell stress aber de buchbewohner beklagt sech ned. vo dem her denki das alles en ordnig si werd
verzellet, no i normale jeans onderwegs oder scho uf umstandsmode umgstiege?

[Janw]

Hallo zäme
Bi eus isch alles guet händ hüt grad Kontrolle gha sind jetzt bi 17+3. Äs gseht alles guet us und mir händ au hüt im US gseh das mir zu eusem Bueb äs Meiteli dörfed empfange.
Wünsche allne no ganz än schöne Abig.

[Kühnli]

Jo, mer händs au welle wüsse. Isch euses erste und mer sind so gspannt gsi. D Fraueärztin het gmeint, sie sig sich sehr sicher, dass es es Meitli giht Endi September händ mer denn no s Organ-Screening bim Spezialist (will mini Ärztin ned so top US Grät het) und sie het gmeitn mer sölle no warte mit rosa chaufe bis denn hehe

Ich bin au uf Umstandsmode umgstiege, vorallem bi de Jeans. Min Buch isch noni riiiesig, aber die normale Jeans sind obe doch sehr äng worde

[green_Flora]

Hallo Zäme
so langsam nimmts Forme ah..
zum glück isch nüme so heiss...das hät mer d schaffe gmacht

gönd ihr no einisch furt id Ferie,.also is Usland? han chli bedenke, wenn ich d Spiskarte im Restaurant ned genau verstand..

ziehts bi euch au öpe am Buch bim Leischte-Berich bim nüse?

bin bi gwüsse Nahrigsmittel immer no unsicher öb si oke sind..
han gläse fertige Herdöpfelsalot sigi bedenklich?
essed ihr vegetarisches Sushi? bin unsicher wegs de Nori-Blätter - die sind jo us Alge und womöglich mit Metall verseh?
oder vegetarisches Thai-Curry? die Curry-Paste hät Fisch/Meeresfrücht dine

bin gspannt uf eui Rückmeldige

[Bebn]

Hallo Zäme
so langsam nimmts Forme ah..
zum glück isch nüme so heiss...das hät mer d schaffe gmacht

gönd ihr no einisch furt id Ferie,.also is Usland? han chli bedenke, wenn ich d Spiskarte im Restaurant ned genau verstand..

ziehts bi euch au öpe am Buch bim Leischte-Berich bim nüse?

bin bi gwüsse Nahrigsmittel immer no unsicher öb si oke sind..
han gläse fertige Herdöpfelsalot sigi bedenklich?
essed ihr vegetarisches Sushi? bin unsicher wegs de Nori-Blätter - die sind jo us Alge und womöglich mit Metall verseh?
oder vegetarisches Thai-Curry? die Curry-Paste hät Fisch/Meeresfrücht dine

bin gspannt uf eui Rückmeldige

Hoi green_Flora

Ich gah nomal is Usland id Ferie demnächst und mach mir da eigentlich ned so grossi Sorge. Ich isse eifach das woni meh oder weniger kenne und probier jetzt nüd neus us usser ich weiss was es isch.

Im Internet liest mer viel und jedi Siite seid öppis Anderes. Schlussendlich döffte mer ja gar nüd esse. Ich bin ziemlich wählerisch was esse ahgaht und han mich eigentlich nie mega, mega gsund ernährt. Isse was ich gern han und ned unbedingt was mega gsund isch. Mini FA het mer diesbezüglich gseid dass das ned schlimm isch. Mer sett eifach gnueg Frücht und Gmües zue sich neh. Das mitem fertige Kartoffelsalat hani ned gwüsst und muess au chli schmunzle. Isse praktisch jedi Wuche so eine und es gaht mir und em Baby tiptop

Wegem Sushi weissi ned. Ich würs esse, hättis’s gern. Weiss eifach dass Alge und Fisch im Moment ned schlecht wäred für eus will‘s viel Jod enthalted und das guet isch zur Produktion vo de Schilddrüsehormon.

Mini Schwögerin het die ganz Schwangerschaft normal gässe, s Einzige wo sie weggla het isch so rohe Fisch und sehr scharfi Speisene will sie‘s nümm vertreit het. Sie het so oft Shrimps gässe, het irgendwie mega Lust druf gha. Trochefleisch übrigens au Sie het es ganz gsunds Meitli uf d Welt bracht.

Ich mach mir da ned z viel Sorge um s Esse, solang ich weiss mir und mim Baby gahts guet.

[Janw]

Ich han i dä erste SS extrem druf glueged was ich isse und uf alles verzichted wo gstande isch das söttmer nöd ässe. Bis i dä 30. Ssw d'hebamme im geburtsvorbereitigs kurs gseit ab dä 30. Ssw chönmer alles ässe usser äs Tartar. Bi eus händ ässware ä gueti Qualität da müämer au nöd so Angst ha. Im Usland wür i sicher uf sache mit Eier verzichte. Bim Fleisch eifach immer säge guet dure.
I dä jetzige SS iss ich das wo ich Lust ha. Vor zwei wuche han ich so Lust gha uf Rohschinke dann han ich das au hasse eifach nöd übermässig. Ich find eifach äs söll jedi Frau selber wüsse was sie möcht ich chan nur sage was ich gmacht han.

[Tschuuli20]

Hallo zäme
Ha da chli gläse und ha denkt ich schribe au mal
Ich bin us de Region Winti und aktuell 19+4 und es isch s erste. Ha no praktisch kei Buuch.. Wie isch das bi euich?
Freui mi über Antworte.
Liebi Grüess

[Giannbella]

Hoi Tschuuli20,

S Forum isch anschonend echli i gschlofä. S isch ganz normal das no praktisch kei Buch hesch. Bi minere 1 SS hend alli gmeint ich machi Witz, welli es Libli mit "Baby on board" agha ha . S chunt immer echli ufd Frau a. Jetzt i minärä 3 gseht meh scho guet öpis.

[zürimum]

guete morge mitenand. han au wieder mal chli zit zum schriebe. isch bi mir grad chli viel ztue, denn schaff ich no bitz meh weg ferieabweseheite und ifüerig vo mim visavis. ab novenber isch denn aber schluss und ich schaff wieder mini gwohnte 60% und bau mini überstunde ab. eigentlich gahts mir au guet aber ich han u angscht dass ich mis projekt nöd chan abschlüsse und das beschäftigt mich au znacht und ich schlaf drum u schlecht.

@greenflora
ich han i de erschte ss sehr druf gluegt was ich alles nöd dörf esse han au ganz uf kaffi verzichtet. jetzt i de zweite ss bin ich nümm so sträng mit mir und gönn mir zwüsched dure mal öppis wo nöd empfohle isch.

@tschuuli
herzlich willkomme bi eus. das mit em buch kenn ich. ich han aber sgfühl dass er das mal chliner isch. defür mini brüscht umso grösser.

wünsch allne en schöne zsischtig.

[green_Flora]

schön chunt das Forum für üsi Februarchnöpf wider biz id Gäng. Ich merke wie guet de Ustusch tuet!

mis Büchli (erste Schwangerschaft) isch jetzt es bizzli z gseh. Mit enere lockere Bluse dröber, chan ichs aber no guet verstecke. Id Hose chumi guet, zum Knopf zue mache wirds scho chli schwiriger. han eher anliegende Kleider im Schrank und wird mich wohl bald för Umstandsmode mösse umluege. Bin vorher en schlanki, sportlichi Person gsi. Momentan fühl i mi für Sport ned so motiviert bzw. gang eifach gern am obig, wens nüme z heiss isch go spaziere. Ev. den mol wider go schwümme.

mittlerwil bini au chli entspannter was esse agot. d Swissmom-Homepage isch super zum noläse..aber mer chan sich definitv au veruckt mache mit alle do's and don'ts.

@zürimom:
Schlofe tueni grad au ned guet wili znacht ufs WC mues und den sicher am füfi nomol verwach und nohär nüme ischlofe chan. Isch das scho d Vorbereitig uf die lange Nächt mit wenig Schlof? Min tipp: ich lose gern hörbüecher oder ruigi Musig. Mit Kopfhörer störts au nimert znacht...

[songbird]

isch echt schön das wieder kli was lauft do i ha hüt gad wieder untersuech gha & es isch alles guet..normali jeans gönd bi mer scho e wiili nüme..i ha s gfhühl min buuch isch scho riesig..

[zürimum]

falls no öpper luscht hät id whatsapp gruppe zcho, dörf mr sich gern bi mir per pn melde (es brucht aber öppe 5 biträg bis das freigschaltet isch). det lauft immer mal wieder öppis. d'fb gruppe isch eher ruhig, det chan mr aber au über mich bitrette.

ich han scho länger uf umstandschleider gwechslet. min buch isch scho sehr gwachse und es isch sooo viel bequemer. freu mich aber au, wenn die zit wieder verbi isch und ich mini normale kleider wieder chan alegge.

@greenflora
das han ich bi de erschte ss au so gha. jetzt schlaf ich eigentlich dure bis öppe am drü/vieri und denn treit sich mis gedabkekarusell - zum brüele. ufstah will ich ja au nöd aber liege bliebe macht mich fasch no hässiger. das mit de musig/hörbuech, wär mal no e idee. i'll try it out.

[green_Flora]

wüssed ihr scho obs es Meitli oder en Bueb git? wenders wüsse? und noch usse au säge?

und, händ ihr eu scho gedanke gmacht öb ihr wend Bilder vo euem Chline im Internet/Whatsapp etc. poste?

[Tschuuli20]

Findes lässig das ier zruggschribe hend. Ha scho denkt das Forum isch stillgleit.. Ich ha negst Wuche s Organscreening und dete werded mirs denn definitiv erfahre ebs en bueb oder es meitli wird. Ich wirdes denn au offe kommuniziere.
Was lauft denn so i dere whatsappgruppe?
Ja das mitem Buch isch eifach so frustrierend.. Etz bini quasi ide Hälfti und ne gseht nonig mal was.. Aber es seged all, ja bis doch froh dasd nonig vil zuegno hesch das chunnt denn scho

[green_Flora]

@zürimom: u wär au anere Whatsappgruppe interessiert!
bzgl. guet schlofe gits do no gueti Tipps:
https://www.swissmom.ch/schwangerschaft ... losigkeit/
wo häsch du dini Umstandsmode kauft?

@tschuuli20: spannend! Büchli ha isch schön - aber d Kleideruswahl schränkts definitiv ih. freu mi au glii z wüsse was es wird und mache au gheimnis drus.

beschäftiged eu die aktuelle News us Dütschland mit de Neugeborene ohni Händ?