Februarchnöpf 2020

Moderator: Züri Mami

Antworten
Benutzeravatar
Tarja
Newbie
Beiträge: 13
Registriert: Sa 25. Aug 2018, 12:54
Geschlecht: weiblich

Re: Februarchnöpf 2020

Beitrag von Tarja »

Mira Bella hat geschrieben: Di 11. Jun 2019, 15:26 Liebi Tarja das duet mer leid zghöre.
Ich weiss we das isch und verstah das da wetsch früeziitig en Ultraschall mache. Drum han au ich scho bereits in 2 Wuche de erschti Untersuech bim FA - wet wüsse ob alles so isch wes sett sii, bin den 6/7 Wuche.
We wiit bisch den du?
Ich ben jetzt au knapp ide 6. Woche
Sie wet mi aber bereits i 2 Woche snächst mol gseh ond nomol luege wie sechs entwicklet

Maiblume
Newbie
Beiträge: 47
Registriert: Do 30. Mai 2019, 00:11
Geschlecht: weiblich

Re: Februarchnöpf 2020

Beitrag von Maiblume »

@zürimum, ja ich weiss genau was du meinsch. Am Afang hani au leer gschluckt wos mer gseit hend di erscht Kontrolle isch so spaat :lol: Aber jetzt ischs okay. Und ja, jedere ihres eigene, isch doch mega schön därfemer wähle :D Ich kämpf übrigens au grad demit wenn ichs mim Arbetgeber säge wiir, fang nämli ersch inere Wuche det a (befristet)! Ha au sBedürfnis es so rasch wie mögli z'säge, damiti ihres Vertraue nöd grad verlür. Aber sägs glaub früehstens ir 10. SSW.

@didiber, Herzlich willkomme :D Schön, dass au da bisch. Ich freu mi mit der und dim Schatz, er wird sich sicher riesig freue. Dänksch er chunnt denn au mal mit, go s'Herzli lose? Glaub dir dass das ganz was Bsundrigs isch :) Ich probiers mir immer vorzstelle... hihi.

Benutzeravatar
Mira Bella
Newbie
Beiträge: 15
Registriert: So 29. Mär 2015, 19:47
Geschlecht: weiblich

Re: Februarchnöpf 2020

Beitrag von Mira Bella »

Willkomme Didiber, so schön ich chan mer das na gar ned vorstelle we das wird sii wemmer s Herzli serscht mal gseht schlah <3

Die Gedanke wenn ich das mim Chef sell verkünde han ich mir au scho vor de SS gmacht und ich denke ich wird das situativ müse agah. Han ich es guets gfühl mitem „Chnöpfli“ wirds früener und sust sicher die kritische 12 Wuche abwarte.

Benutzeravatar
zürimum
Junior Member
Beiträge: 97
Registriert: Sa 8. Jun 2019, 08:16
Geschlecht: weiblich

Re: Februarchnöpf 2020

Beitrag von zürimum »

@didiber
❤️lich willkomme i euserevtolle gruppe. schön bisch bi eus. bisch du demfall währendem reise ss worde? wo sinder gsi und wie lang? bis du afangsch schaffe bi dim neue arbetgeber bisch denk scho i de 12. wuche. bin denn gspanne wie er reagiert. was schaffsch du denn?

@maiblume
häsch du denn no e hebamme oder dini fa wo dich tuet vorgeburtlich betreue. ich glaub ich chönt nöd so lang warte zum s'herzli s'erscht mal zghöre. ich bin bi mim grosse ab de 8. ssw all 4 wuche eimal id kontrolle. muen mr das echt gar nöd?
🌟 September 2016
💙 August 2017

Maiblume
Newbie
Beiträge: 47
Registriert: Do 30. Mai 2019, 00:11
Geschlecht: weiblich

Re: Februarchnöpf 2020

Beitrag von Maiblume »

@zürimum, i dem Geburtshuus wiir ich au vo Hebamme undersuecht während de ganze SS. Halt immer chli e anderi. Glaub au öppe all 4 Wuche. Ich verzell eu gern nächeres nachem Ufnahmegspräch nägsch Sunntig :) Für de Mom händs gseit chann ich zur FÄ füre 1. Kontrolle oder au nöd weni nöd will. Us ihrer Sicht ischs nöd nötig solang ich mich guet fühle. Und ehrlich gseit ischs mir so au lieber.

Lina89
Newbie
Beiträge: 1
Registriert: Mi 12. Jun 2019, 08:17
Geschlecht: weiblich

Re: Februarchnöpf 2020

Beitrag von Lina89 »

Hallo zämä


Ich stell mich kurz vor: Ich bin 30gi und wohne mit mim Schatz am obere Zürisee ( no Kt.Schwyz). Ja ich weiss sit em Pfingschtmäntig das ich schwanger bin. Ich bin no leicht Wuche in Mallorca gsi und ha Anfang Wuche chlini Bluetig ka ... ich ha mi so ufgregt welli denkt ha jetzt fanget diä Täg no i mini Feriä aa und no viel z früeh. Es isch aber nur en Tag gsi und somit warschiinli ä Einnistungsbluetig. Am Donnschtig het min Fründ mir en Hüüratsatrag gmacht :) und wie dur Zauberhand han ich es paar Täg spöter positiv testet:) Isch also sehr ä magische Wuche für üs gsi. Ich ha nöd würkli Azeiche ka, mini Täg sind eifach nöd cho. Jetzt fühl so Unterleibsschmerze wo sie aber meh wie Muskelkater aafühlet.

Viellicht no zum vorweg schicke für üs isch es viel meh als positive Schwangerschaftstest ....ich bi letscht Jahr im Februar ame bösartige Gebärmuetterhalskrebs erkrankt und ha mit viel Glück mini Gebärmütter chönne bhalte. Min Gebärmutterhals ich entfernt worde vollständig. Mir isch immer geseit worde das ä Schwangerschaft möglich isch aber das es ä Risikoschwangerschaft isch, engmaschige Kontrolle brucht und natürlich werd ich nur no per KS gebäre chönne da ja z segä min Gebärkanal weg isch. Nimmt natürlich gern in Kauf ich bin nur scho glücklich das es nach 9 Monet üben klappt het :)

Mir sind soooo glücklich. Ich freu mich da debi z sii und chönne mich mit eu usztusche.

Didiber
Newbie
Beiträge: 4
Registriert: Di 11. Jun 2019, 10:02
Geschlecht: weiblich

Re: Februarchnöpf 2020

Beitrag von Didiber »

Hallo Lina89
Das tönt jo wie useme romantische Film mit Happyend trotz Schicksalschlag. I hoffe fescht es goht so positiv wiiter!

@zürimum Ich bin Lehreri, do fangt me halt scho vor em neue Schueljohr Stundeplän mache und a Sitzige teilneh, au wenn ufem Vertrag 1. August stoht. Drum ischs e chli seltsam a de Schuel amel ufztauche und aläss zplane im wüsse, dass me denn vermuetli gar nöd ume isch.
Mir hend üs überleit scho uf de reis z probiere, aber wenns denn gad igschlage het unds mer di ganz reis schlecht xi wär, hetis nöd eso chöne gnüssä. usserdem bini eher chli vorsichtig, es het mi glob gstresst mich müesse uf di usländisch medizinisch versorgig zverloh. Mir sind mitem Womo dur Kanada und Amerika greist. Es isch sehr schön xi und jetzt simer au scho wider es wiili do... d ziit vergoht so schnell.

@ Maiblume Er het scho gfroged wenn er denn mol dörf mitcho, aber i weiss gar nöd so gnau bi welere undersuechig d manne denn willkomme sind und i hoffe dasser nöd umkippt, söll jo vorcho :?

Benutzeravatar
fa_ma_re
Newbie
Beiträge: 8
Registriert: Mi 12. Jun 2019, 09:19
Geschlecht: weiblich

Re: Februarchnöpf 2020

Beitrag von fa_ma_re »

Hallo ihr Liebe

Ich han gester Abig au dörfe positiv teste... :D Ich freu mich ufen en rege Uustusch mit eu!

Churz zu mir.
Ich bin 30gi, chume Us Thaynge (Schaffuuse) und bin es erste mal Schwanger.
De ersti FA-Termin hani scho am Fritig inere Wuche. Er zügled am 1.Juli d'Praxis und denn chenti erst i 4 Wuche go und drum wotermi vorane no gseh… 8)

@Saereli ich wäre sehr gerne auch in der FB-Gruppe dabei. Ich kann dir aber keine Nachricht senden.... :roll:

Benutzeravatar
Saereli
Newbie
Beiträge: 30
Registriert: So 30. Okt 2016, 00:37
Geschlecht: weiblich

Re: Februarchnöpf 2020

Beitrag von Saereli »

Hallo a alli Neue, schön sind ihr au do :-)
Ihr dörfet mir gern e Nachricht schicke mit euem Facebook Name, wenn ihr au i eusi gheimi Facebookgruppe cho möchtet :-)

@Maiblume i welles geburtshuus gohsch du? :-) find i mega toll!! i has mir au überleit, aber i trou mi ned, do die ersti geburt imne KS gändet het...

@fa_ma_re Du musch glaub 5 Biiträg gschribe ha bevor chasch nachrichte versände :-)

Benutzeravatar
Babalicious_79
Newbie
Beiträge: 18
Registriert: Mi 12. Jun 2019, 12:15
Geschlecht: weiblich

Re: Februarchnöpf 2020

Beitrag von Babalicious_79 »

Hello ladies....

Ich ha am 01.06.19 positiv testet. Mir sind e bilingual family usem Aargau und mir hän bereits 2 Töchtere (Aug 2002 und Aug 2017) Erwarte somit euses 3. Kind.
Ursprünglich bin ich nach eusere 1. Tochter für unfruchtbar erklärt worde......
Nachdem mir eus do dermit denn abgfunde gha hän im 2016 die erst riesig Überraschig schwanger zsi, dörfe mir eus jetzt sogar nomol einisch über es chlises Wunder freue.

Ich wirde das Joor 40 somit no en krönende Abschluss

Euch allne e schöni Ss

Babalicious

Benutzeravatar
zürimum
Junior Member
Beiträge: 97
Registriert: Sa 8. Jun 2019, 08:16
Geschlecht: weiblich

Re: Februarchnöpf 2020

Beitrag von zürimum »

es ❤️lichs hallo a alli neue. schön dass ihr da sind.

@lina89
das isch ja e mega romantischi wie au wundervolli gschicht. ich glaub ich chan mir gar nöd vorstelle wie ihr eu freue tüend.

@babalicious
dini gschicht tönt also au sehr spannend. dörf ich fröge wiso du als unfruchtbar erklärt worde bisch? welli zwei sprache redet ihr denn diheime?

@didiber
ich weiss so guet was du meinsch. mir händ hüt grad wieder e sitzig gha, wos um d'ifüehrig vo mim neue arbetsgspöndli gaht, bis jetzt han ich mir welle ziit la und alles sorgfältig ufgleise, jetzt muen alles bis endi jahr stah. 🙈 und ich chan jetzt ja nöd usem nüt use plötzlich mini taktik ändere, susch merkets denn no öppis. und soviel themene wo ersch nöchst jahr betreffed.

ich han mich hüt anere sehr guete arbetskollegin avertraut, sie freut sich uuu fescht für mich und het gmeint ich sölls nachem erschte arzttermin denn säge. glaub das mach ich denn so.

hüt bin ich so im büro gsesse und han s'gfühl gha, ich göng uf wie es ofechüechli. alles het irgendwie druckt, klemmt, gspannt, etc. 🙈 uf d'frag vo mim maa "fühlsch dich denn scho schwanger?" chan ich jetzt also mit JA antworte. 🤣
🌟 September 2016
💙 August 2017

Benutzeravatar
Babalicious_79
Newbie
Beiträge: 18
Registriert: Mi 12. Jun 2019, 12:15
Geschlecht: weiblich

Re: Februarchnöpf 2020

Beitrag von Babalicious_79 »

Viele liebe dank für das herzliche Willkomme

@zürimum
Ja klar dörfsch das, also ich han e Krankheit PCOs (polycystic ovary syndrom) Menopause het me bi mir mit 30gi diagnostiziert. Ha immerno kei regelmässige Zyklus aber vorher monatelang kei Mens. Und de recht Eierstock het derzue au no e Tumor (guetartig).

Mir rede dehei hauptsächlich Englisch aber au CH-Dütsch

Benutzeravatar
Tarja
Newbie
Beiträge: 13
Registriert: Sa 25. Aug 2018, 12:54
Geschlecht: weiblich

Re: Februarchnöpf 2020

Beitrag von Tarja »

@zürimum
🤣 genau sgliche hani höt au dänkt bem schaffe.
Ich ha wörkli sgfüehl i 1-2 Woche gsäch e blende vo Aug dass i schwanger be🙈
Debii esch da alles nor ibeldig, dWaag zeigt emmer no sgliche wie vor 2 Mönet

Maiblume
Newbie
Beiträge: 47
Registriert: Do 30. Mai 2019, 00:11
Geschlecht: weiblich

Re: Februarchnöpf 2020

Beitrag von Maiblume »

@lina89, fa_ma_re & Babalicious_79: Herzlich willkomme :) Ich freu mich sehr für eu, schön sinder au da!

@Didiber, Hmm ich weiss gar nöd, ob dManne eher denn mitgönd, wenn d'SS scho chli meh fortgschritte isch.. muss mi mal erkundige, ha au ghofft min Ma därf denn bald emal mit, zum sHerzli lose und au mal es "Zeiche" mitzübercho :) Isch ja no schwierig für die Manne, so vo usse. Mir gspüred ja jetzt scho immer widr es Zieh und so.

@Saereli, Danke vill mal :) Ich gah uf Bäretswil. Das liit zwar nöd grad am Weg, aber isch mir am sympathischte gsie. Ich verstahn di. Und leider nämeds eim glaub au gar nöd wemmer en KS gha hät. Jetzt mal luege wis denn wükli usechunnt. Plane isch immer guet, mengisch chunnts denn aber au andersch, gäll :D

Benutzeravatar
zürimum
Junior Member
Beiträge: 97
Registriert: Sa 8. Jun 2019, 08:16
Geschlecht: weiblich

Re: Februarchnöpf 2020

Beitrag von zürimum »

also min maa isch bi eusem chline grosse bi jedem untersuech debi gsi und ich gang devo us, dass er au das mal immer debi isch.

so chan er sich immer mit mir freue und wenn öppis nöd in ordnig wär, wet ich ihn unbedingt au debi ha und nöd allei sie.
🌟 September 2016
💙 August 2017

Benutzeravatar
Babalicious_79
Newbie
Beiträge: 18
Registriert: Mi 12. Jun 2019, 12:15
Geschlecht: weiblich

Re: Februarchnöpf 2020

Beitrag von Babalicious_79 »

Also min Maa isch au immer debi gsi nur glaub 2 vo de letschte also so ca 37 wuche oder so isch er verhinderet gsi. Diesmol han ich eine fang scho gha zum ss bestätige.
Mi Maa isch eifach immer sehr nöch am Wasser baue 😊

FebruarBaby
Newbie
Beiträge: 11
Registriert: Mi 12. Jun 2019, 21:54

Re: Februarchnöpf 2020

Beitrag von FebruarBaby »

Hoi zäme :-) Bin sit ändi Mai überfällig, vorletschte Di drum en Arzttermin gha. Da aber de Test nur schwach gsi isch hetter nöd vill chöne helfe. Im Ultraschall hettmer au nani vill gseh. Letscht Samstig isch de Test denn endlich eidütig gsi! Zum glück! Liide sit endi Mai bzw mitti Mai a "Nebewürkige" vo dem Glück. Dur das dasi sones zieh gha han ständig, bini froh dases e Schwangerschaft und nüt anders isch :-) Am dsischtig wieder en FA Termin. Bin froh um Infos, das mis 1.chind isch und ichs nani so chan fasse. Isch grad bim 1.Versuech passiert.. :-) Min Fründ isch grad voll debii und bi allem debii gsi. Hettsich grad über esse + co informiert und luegt dasi s richtige esse :-) Arbetstechnisch bini begristet, de Vertrag wird aber verlängeret. Weisd nani wenn und obi söll über min Zuestand informiere.. Bin au nani schlüssig obi nach de Geburt wieder söll schaffe.

Benutzeravatar
zürimum
Junior Member
Beiträge: 97
Registriert: Sa 8. Jun 2019, 08:16
Geschlecht: weiblich

Re: Februarchnöpf 2020

Beitrag von zürimum »

hallo februarbaby. schön dass du au da bisch. 😚 wie alt bisch du? wo wohnsch? was schaffsch? uiii, soviel frage grad zum afange. 😉 toll, dass din fründ grad so debi isch. isch immer luschtig resp. interessant zum gseh wie sich männer verhaltet wenns papi werded.
Zuletzt geändert von zürimum am Mi 12. Jun 2019, 22:14, insgesamt 1-mal geändert.
🌟 September 2016
💙 August 2017

Benutzeravatar
Babalicious_79
Newbie
Beiträge: 18
Registriert: Mi 12. Jun 2019, 12:15
Geschlecht: weiblich

Re: Februarchnöpf 2020

Beitrag von Babalicious_79 »

Sali Februarbaby herzlich willkomme 😊

FebruarBaby
Newbie
Beiträge: 11
Registriert: Mi 12. Jun 2019, 21:54

Re: Februarchnöpf 2020

Beitrag von FebruarBaby »

Danke fürs Willkomme heisse :-) Ich bin 31gi und schaffe ufem Büro. Wohne dueni im Kt Schwyz.
Ja, das isch würklich lustig.. aber ich han scho denkt das er füür und flamme isch; ich han zwei gottechind und mit dene gaht er würklich fantastisch um. Mengisch han ich s gfühl er freut sich fascht no meh als ich! Bi mir duureds wohl no en Moment bis ichs realisiere. De Frauearzttermin hilft da bestimmt. Die meiste hend de Termin ja düdlich später als ich.. Sind Ihr nöd au gwunderig? :-)

Antworten