Maiächäferlis 2020

Moderator: Züri Mami

Antworten
Benutzeravatar
Stubsi
Newbie
Beiträge: 36
Registriert: Di 18. Apr 2017, 11:28
Geschlecht: weiblich

Re: Maiächäferlis 2020

Beitrag von Stubsi »

Wie im FB schon geschrieben nun auch hier. Leider hat sich das Kleine entschieden das es noch nicht reif für diese Welt ist.
Ich wünsche euch eine schöne Kugelzeit und alles gute.
Werde den ersten Eintrag löschen damit evtl. Der Zweite die Einträge machen kann...
Alles liebe euch

mami85
Newbie
Beiträge: 14
Registriert: Di 6. Sep 2011, 21:48
Geschlecht: weiblich
Wohnort: 4254 liesberg Dorf

Re: Maiächäferlis 2020

Beitrag von mami85 »

Hoi zämme
Wenn ich darf würd i mi au sehr gärn zu euch gselle. I ha vor ere wuche positiv teschtet und dr et. Isch de 31.05 2020.
Es isch mis 4 kind . I ha e bueb 13 und 2 meitli 8 und 3 .
Wie gohts euch eso ?? Händ ihr scho starki schwangerschaftsbeschwärde übelkeit etc?
Liebi grüess

Malo
Junior Member
Beiträge: 99
Registriert: Fr 5. Jul 2019, 22:42

Re: Maiächäferlis 2020

Beitrag von Malo »

Hallo zusammen
Ich möchte mich gerne anschliessen. Durfte vor einer Woche positiv testen, bin gerade 5 + 1, ET 29.5.20. Nächste Woche darf ich zum Ultraschall, etwas früher als gewöhnlich, aber die FA hat dann erstmal Urlaub.
Es wird unser 2.Kind, erstes geboren 2017.

Habe ein paar Beschwerden. Rückenschmerzen, Verdauungsprobleme und ab und zu leichte Übelkeit.

Toloc
Newbie
Beiträge: 6
Registriert: Mi 25. Sep 2019, 11:10
Geschlecht: weiblich

Re: Maiächäferlis 2020

Beitrag von Toloc »

Hoi zäme, i hoffe öich geits aune de umstände entsprächend guet? I ha geng chli es unwohls gfüeu aber schlächt ischs mir glücklicherwis nid u meeega müed bini. Wi gseht iz das us mit dere FB oder whatsapp gruppe? Existiert die scho u wenn ja wi chöme die ine wo o wette derbi si? Liebi grüess

avme
Member
Beiträge: 248
Registriert: Mi 29. Okt 2014, 08:47

Re: Maiächäferlis 2020

Beitrag von avme »

@toloc hab dir eine pn geschrieben
10/2015 & 1/2018 a de Hand
*10.2014 (5.ssw) 1.2017 (11.ssw) *10.2019 (11.ssw) & *5.2020 (5.ssw) im Härz

Rägebogewunder ET Februar 2021

caretta86
Newbie
Beiträge: 5
Registriert: Di 1. Okt 2019, 11:27
Geschlecht: weiblich

Re: Maiächäferlis 2020

Beitrag von caretta86 »

Hallo zämä

<3-lichi Glückwünsch an alli mit positivem Tescht!
Ich ha hüt min 1. Ultraschall gha und dörfe gseh wie das chline Härzli pulsiert <3 <3 <3.

Nach 3 Inseminationsversüech hets nacher mit dr ICSI im Kryotransfer klappt. Euses Schneeflöckli wird am 27.5.20 erwartet. :D

Letschte Fritig hani no chli Panik gha wil ich Spotting gha ha und denkt ha jetzt isches vorbi... aber bisher seht alles super us. jupii

Fühlet ihr euch scho richtig schwanger? I ha glaub noni so ganz gschnallt, dass öbis in mir wachst.. also gfühlsmässig..obwohl ich mega müed gse bi die letschte Wuche und au immer wieder mol es Zieh im Buch gha ha. Aber isch au schwierig z'unterscheide, obs vom Baby isch oder vo dene diverse Medikament (Gelbkärper) woni muss nä wäg dr ICSI. :shock:

Aber im Chopf bini voll drbi und scho alles am nocheläsä und luege und mache.. ha aber ame s Gfühl i ha e Störig wils no vill z früeh isch.. wie heit dir das so?

liebi grüess

Mimi_23
Newbie
Beiträge: 16
Registriert: Di 1. Okt 2019, 23:27
Geschlecht: weiblich

Re: Maiächäferlis 2020

Beitrag von Mimi_23 »

Hallo liebi hoffentlich zuekünftigi MaiMamis

Würd au gern id FB Gruppe ufgno werde. :-) @avme weisch du meh?

Find's uu spannend da ine zläse. Alli die Abchürzige, Spotting & ha zB nöd gwüsst was icsi heisst. Google sei dank weissis jetzt. Bi uf Reise, drum erschiint dä Ziitstämpfel glaub's anderst. Mir händ letscht Wuche dBrüscht afange zie, drum hani da in Lombok än Test gmacht. Ha chli dä Bammel wäge Zika, aber ja, da mueni ez durä.. Termin gemäss Berächnig mit em Zügigsdatum wär da 18.05.20. Wüssed ihr das Datum bi oi? Mir händ uf dä Reis immer verhüeted (ebä, will mer dur Zika Gebiet reised) ussert das eine mal. Prompt igschlage. Aber drum weissi sDatum genau. ;-)

@caretta86 fühlä mi also au nanig schwanger. Ussert biz grösseri Brüscht. Und chli müeder als suscht aber das chönt au vom Surfä sii.. Gfühlmässig au nanig, mir reded zwar viel drüber und froiäd ois extrem! Hetteds natürli irgendwänn inäs paar Jahr, sicher nachem Hochsig (Verlobig vor 3 Mönet au uf dä Reis) agfange mit probiere. Drum isch es im Moment grad chli surreal...

Bin drum froh chani das da inä schriibä, dihei weiss es natürli no niemert. Sind ja au na kei 3 Mönet geschweige denn erste FA-Termin dure. (Hani die Abchürzig richtig brucht? hihi) Wie mached ihr das: Wänn säged ihrs em Umfäld oder händer scho? Vilicht hät ja öper au d Erfahrig gmacht vo im Usland schwanger werde & nöd gnau wüsse wiewowas?

D Zahl i mim Name isch irrefüerend: bi 33i und wott sehr bewusst Mami werde siti i derä wunderbare Beziehig bi sit knapp 3 Jahr.

Froi mi uf dä Ustuusch und i allnä farbigä Dialäkt zläse, wo bi ois herrschäd. :-) Viel Liebi und happy pregnancy time us Indonesie.

avme
Member
Beiträge: 248
Registriert: Mi 29. Okt 2014, 08:47

Re: Maiächäferlis 2020

Beitrag von avme »

@mimi han dir e pn gschriebe
10/2015 & 1/2018 a de Hand
*10.2014 (5.ssw) 1.2017 (11.ssw) *10.2019 (11.ssw) & *5.2020 (5.ssw) im Härz

Rägebogewunder ET Februar 2021

caretta86
Newbie
Beiträge: 5
Registriert: Di 1. Okt 2019, 11:27
Geschlecht: weiblich

Re: Maiächäferlis 2020

Beitrag von caretta86 »

@avme: Darf ich au zur FB Gruppe, falls es die no git? :)

@Mimi_23: Wow das isch jo en Glücksträffer gse bi euch! :lol:
Wie lang sit ihr denn no uf Reise? Muesch unterwägs gebärä? ;-)
D Müedigkeit chunt alwä scho vo dr Schwangerschaft.. am Afang seg das rächt extrem..

Cha übrigens e gueti App empfähle, wo alles genau beschribt, jedi Wuche und Symptom etc. "Schwangerschaft+" heisst die.

Bi eus isches nid ganz eso gheim wil ich miner Familie gseit ha, dass mir de Wäg vo dr künstliche Befruchtig igschlage hei.. wil ich halt immer müed gse bi und vill arzttermine gha ha und evt. schlechti luune.. hani denkt i muss das erkläre suscht meine alli ich seg schwer chrank. :-) Suscht hanis aber niemerem gseit bis jetzt..mir warte die berüehmte 12 Wuche ab. :-)

wie gohts witer bi dir? brechet ihr euchi reis ab?

avme
Member
Beiträge: 248
Registriert: Mi 29. Okt 2014, 08:47

Re: Maiächäferlis 2020

Beitrag von avme »

@caretta han dir e pn gschriebe für d fb gruppe
10/2015 & 1/2018 a de Hand
*10.2014 (5.ssw) 1.2017 (11.ssw) *10.2019 (11.ssw) & *5.2020 (5.ssw) im Härz

Rägebogewunder ET Februar 2021

Benutzeravatar
Mene86
Newbie
Beiträge: 15
Registriert: Mi 2. Okt 2019, 10:29

Re: Maiächäferlis 2020

Beitrag von Mene86 »

Liebe Mai-Mamis
Darf ich mich scheu zu euch gesellen? Allen Herzliche Gratulation zu euren wundern.
Einfachheitshalber schreibe ich Deutsch, da ich aus dem Wallis bin und mich sonst wohl eh niemand versteht😉
Bin aktuell in der 10.Woche und bin zum ersten mal nach 24Üz schwanger.
Umbau stress und FA wechsel sei Dank.
Facebook Gruppe wäre toll.
Freue mich auf einen schönen austausch mit euch

Mimi_23
Newbie
Beiträge: 16
Registriert: Di 1. Okt 2019, 23:27
Geschlecht: weiblich

Re: Maiächäferlis 2020

Beitrag von Mimi_23 »

Danke vill Mal Avme. 🙏 Ha mi uf fb gmulde.

Caretta86: dankä fürd App Empfehlig.
No 4 Wuche simer underwägs (total 6 Mönet). Das mit em Reis abbräche hani gar nie überleit 🙊 Es isch wie unusgschproche für beid klar gsi, dass mer da bliibed. Jetzt natürli ohni Alkohol & mit öfters Siestatime 😅 hihi ja es wird jetzt jede Tag extremer. Überlegge mir scho, öbi spöter zrugg im Geschäft söll es Mätteli is Archivrüümli legge, zum am Mittag z pfuse. Jesses 😆 wänns dänn nöd bessered hett.

Hät öper suscht ä Idee wiemer im Bruefsalltag wäg de Müedi cha durehebä? Kaffis sind evtl. nöd s gschiidschte ;-)

@Mene86 willkomme au usem schönä Wallis! Ich liebe dä Dialäkt, aber DE isch natürli prima. Wow 24... Schön häts jetzt klappt! FA Wechsel findi äs super Stichwort, guet häsch das gmacht & dass es jetzt igschlage hät. Ghöre rundume, dass FA Fähldiagnosene und -beurteilige abgäbed.

caretta86
Newbie
Beiträge: 5
Registriert: Di 1. Okt 2019, 11:27
Geschlecht: weiblich

Re: Maiächäferlis 2020

Beitrag von caretta86 »

@Mene86: willkommä und herzliche glückwunsch zum positive test! heit ihr denn 24üz ohni untersuechige vo ärzt gha? was het denn de neui arzt fürne tipp gha, dass es denn gange isch?

@Mimi_23: ah jo 4 wuche gö jo no.. denn bisch jo immerno am afang.. :-) das wird jo denn e schöni überraschige für dini lüt nebst dem dass ihr zrugg sit. :-) jöö

ha gläsä dass im 2. trimester das mit dr müedigkeit söll verbii si.. isch meh am afang so extrem wäg de ville umstellige im körper und halt bim embryo am meiste passiert am afang.

also ich schaffs im moment nid mich bim schaffe z konzentriere..drum bini die ganz zit am schribe in fore oder uf fb.. und lies ganz vill über schwangerschaft zum mich chli unterhalte damit zit ume goht... ;-)

Benutzeravatar
Mene86
Newbie
Beiträge: 15
Registriert: Mi 2. Okt 2019, 10:29

Re: Maiächäferlis 2020

Beitrag von Mene86 »

@Mimi_23 Danke vill mal! Euch noch eine gute Reise und kommt gesund zurück.

Meine FA meine das hätte noch Zeit ich sei ja noch Jung und erst anfang 30.. Da würde die Zeit nicht eilen mit den tests. Mir hat es jedoch keine Ruhe gelassen und habe hinter ihrem rücken einen Termin bei einer anderen Ärztin gemacht. Hatte dann Anfang Juli erst Gespräch bei ihr und es würden sämtliche Tests gemacht. Mitte Juli hatten wir dann die Ergebnis se. Bei meinem Mann alles io und bei mir würde eine Insulinresistenz fest gestellt die mittlerwile behandelt wird.
Am 27.08.19 konnten wir dann positiv testen.

@caretta86 das mit der Konzentration kommt mit bekannt vor🙈 geht mir genau gleich.

Seid ihr in der Facebook Gruppe drin? Wie kommt man da rein?

caretta86
Newbie
Beiträge: 5
Registriert: Di 1. Okt 2019, 11:27
Geschlecht: weiblich

Re: Maiächäferlis 2020

Beitrag von caretta86 »

@avme kannst du Mene86 auch einladen zur FB gruppe bitte?

Celux01
Junior Member
Beiträge: 72
Registriert: Mo 18. Dez 2017, 15:37
Geschlecht: weiblich

Re: Maiächäferlis 2020

Beitrag von Celux01 »

Hallo zämma

i wür au gern id FB Gruppa kho :) @avme, ich mach dir ne PN :)

I han am 9.9. dörfa positiv testa. Miar sind sehr positiv verschrocka. I han im Okt 2018 a Sohn kriagt und mair händ im August gfunda, miar probierens mit ama 2. und as hät im 1. ÜZ, bim 1. Versuch a Treffer gäh. Mit dem hämmer ez also definitiv nit gad grechnet :) aber umso happier simmer ez.

Gester hämmer dr 1. FA Untersuach kha, ir 8 wucha, ET isch 18.05. und as gseht alles guat us, Herzli schlot kräftig.

I bin aber nach wie vor sehr zruckhhaltend, do miar genau vor 2 Joor a FG kha mit Uskratzig und min Sohn a Zwilling gsi wär, wo miar au verlora händ und schlussendlich ganz a selteni Komplikation bir Geburt kha händ, wo i nur um as Höörli überlebt han. Für üs isch drum das 2. Baby as grosses Wunder. Ah und i werda also in as paar Mönet scho 40gi :)

I freu mi uf da Uustusch und werda au zwüschadinna do im Forum si.
LG Celux

schnubbel
Newbie
Beiträge: 47
Registriert: Mi 2. Okt 2019, 14:33
Geschlecht: weiblich

Re: Maiächäferlis 2020

Beitrag von schnubbel »

hallo zäme :) zerscht mal gratulation eu allne!!

i ha am 26.09. positiv testet, luut app isch ET ca. am 01.06., also eigentlich im Juni.. aber d wohrschinlichkeit, dasses denn doch es maichäferli git isch glaubs gross, drum bini au bitz do am lese bi eu im Maiforum...:)

@mimi_23 vorallem din post het mi dezue brocht, do ine zschribe.. wohne siteme ziitli im usland, gnauer gseit in brasilie, wo's ebefalls zika-fäll git.. ha scho vor de schwangerschaft angst ka vorde chrankheite, jetzt, sitem positive test natürlich umso meh.. versuech ezt eifach, mi so guet's goht z schütze und jede muggestich z vermiide..

und au sus machts mi gad bitz nervös, im usland schwanger z sih..weiss überhaupt nonig wiewowas... umso meh bini froh, dassi do im forum bitz erfahrige chan nohläse.. :)

avme
Member
Beiträge: 248
Registriert: Mi 29. Okt 2014, 08:47

Re: Maiächäferlis 2020

Beitrag von avme »

@mene gab dir eine pn geschrieben
10/2015 & 1/2018 a de Hand
*10.2014 (5.ssw) 1.2017 (11.ssw) *10.2019 (11.ssw) & *5.2020 (5.ssw) im Härz

Rägebogewunder ET Februar 2021

Mimi_23
Newbie
Beiträge: 16
Registriert: Di 1. Okt 2019, 23:27
Geschlecht: weiblich

Re: Maiächäferlis 2020

Beitrag von Mimi_23 »

Ha hät am morge Grad nomal än Test gmacht, eifach zum uf Nummer sicher ga. Isch äs MEGA Gfühl!

@caretta86: jaa du seisch es! Vorallem mis Mami wird usflippä. Froi mi uf ihri Reaktion. ☺️

@schnubbel: Brazil, so schön! Aber ja Zika und suschtigi Chrankheitä sind leider äs Thema. Dörfsch di aber au nöd verruckt mache la mit Vorkehrige oder zB niemeh churzi Sache aleggä. Die Ziit gnüssä! 🥰 Ich würd mi glaub's näbst da inä anärä Local-Mamasita-Group aschlüssä. Villicht gits das ja bi dir?

@celux01: so guet, dass es bi oi grad zägg gmacht hät. Gratuliere! Ohje so schlimm bi dinärä Geburt 🥺

@Mene86: SUPER häsch selber ghandlät! Find's tragisch was sich die eintä Ärzt für Freiheitä nämed und für eim eigeni 'du häsch ja no Ziit'-Entscheidige fälled. Gahts no...

Bin ee kritisch ggn. Ärzt igschtellt und chamer scho jetzt vorstelle, dassi nöd die bi wo wäg jedem schüüchä Azeichä vomä Liidä zum Arzt gaht. Während dä Schwangerschaft sicher nöd, aber luegemer dänn wänn dä chli Chnopf (hoffentli) da wird sii. ;-)

Lilyrose
Vielschreiberin
Beiträge: 1659
Registriert: Fr 14. Jul 2017, 07:18
Geschlecht: weiblich

Re: Maiächäferlis 2020

Beitrag von Lilyrose »

Obwohl ich die verschiedenen Dialekte toll finde, schreib ich Hochdeutsch...finds jeweils etwas anstrengend zu lesen :)

@celux: oh je, das tönt ja schlimm. Ist es denn eind Komplikation, die wieder auftreten könnte resp die Gefahr bei dir erhöht ist oder einfach zufall gewesen? Kann verstehen, dass die Freude etwas verhalten ist bei dieser Vorgeschichte.

@mimi: das ist ja ein tolles Feriensouvenir :) der Zeitpunkt ist ja auch nicht schlecht, in 4 Wochen wieder zuhause..punktlich zum ETT :)

@Umfeld verraten: ich hab bei den beiden ersten SS nur im Geschaft die 12 Wochen abgewartet...sonst haben wirs unserem Umfeld einfach grad bei der passenden Gelrgenheit gesagt. Diesmal weiss noch niemand Bescheid (ausser eine Kollegin). Meine Familie werd icv wohl Ende Okt eknweihen, da wir da alle zusammen sind. Die von meinem Mann sehen wir bis Weihnachten nie zusammen...vielleicht sagen wirs da halt per Telefon oder so

@me: ich hab grundsätzlich eher wenig Anzeichen. Ab und zu übel und Bauchkrämpfli/Ziehen. Aber bei mir fangen wieder die Schlafprobleme an, die ich in beiden SS hatte. Liege dann einfach wach, habe oft verstopfte Nase und kann nicht mehr schlafen. Mega mühsam, zumal ich ja noch 2 Kids (3 & 1.5) habe, die mich tagsüber fordern...resp der Kleine nachts auch noch, da er höchst selten durchschläft. Aber ich freu micv mega auf Nr 3 und fühle mich grundsätzlich voller Vertrauen für die SS. Möchte mich eigentlich auch fast nur von Hebamme betreuen lassen...und wenn alles klappt, auch ne Hausgeburt. Vielleicht hab ich deshalb so viel Vertrauen...

Antworten