UNSAGBAR GLÜCKLECH---TROTZ ENORME SCHMÄRZE

Teilt Eure Erfahrungen!

Moderator: Phönix

Antworten
Benutzeravatar
RingelSocke
auf Wunsch deaktiviert
Beiträge: 477
Registriert: Mo 26. Okt 2009, 21:04
Geschlecht: weiblich

UNSAGBAR GLÜCKLECH---TROTZ ENORME SCHMÄRZE

Beitrag von RingelSocke »


ÄNDLICH!ZWE TAG NACH ÄM TERMIN,NÄMLI AM 10.OKTOBER 2007,HANI ZNACHT ÄM HAUBI EIS PLÖTZLICH ÄS HEFTIGS ZIEH IM UNGERLIIB.ÄS ISCH DI ERSCHTI WEH UND IG HA SCHO JETZ Z'GFÜEU ÄS SCHRIIS MI FASCH USNANG....

7MINUTE SPÖTER Z'GLICHE:ÄS ZIEHT MI ZÄME UND AM LIÄBSCHTE WÜRDI GREDI USE BÄÄGE.SO GEITS WITER,I GANZ REGUMÄSIGE ABSTÄNG VO 5-8 MINUTE.DR SIMU SCHLOFT NÄBEDRA UND MERKT NÜT.LO IHN LO SCHLOFE,SCHLIESSLECH BINI DE FROH WENN ÄR BI MIR ISCH WES NO SCHLIMMER WIRD.
ÄM HAUBI FÜFI WECKI IHN,ÄR MUESS JO NO I STAU BEVOR MIR IS SPITAU CHÖI.WO ÄR AM SIBNI ISCH VOR CHÄSI HEI CHO HANI NÜM LENGER WÖUE WARTE.MIR FAHRE UF BURGDORF,DAS SI JO NUME 10 MINUTE.ABER WE ME CHUM ME CHA RICHTIG SCHNUFE,GESCHWIGE DE HOCKE,ISCH DAS CHEIBE LANG.
IM SPITAU HET GRAD DR FROU SOMMER IHRE DIENSCHT AGFANGE.SI UNGERSUECHT MI UND GSCHPÜRT DAS MI MUETTERMUND ERSCH 5CM OFFE ISCH.PHU,WENI DÄNKE DASI NOMOU SÖVU SÖU LIDE WI BIS JETZ.....SI SCHICKT ÜS GO Z'LOUFE.HAHA,ISCH NO SCHWIRIG WE ME CHUM ME CHA STO UND ME AU PAAR MINUTE FASCH UM CHUNNT VOR SCHMÄRZE.IG HAS WÜRKLI AUS MEGA SCHMÄRZHAFT ÄMPFUNGE.ABER IG HA JO GWÜSST,DASS MIT JEDEM WEH ÄS BITZI WITERGEIT.
AM ÖUFI ISCH MI MUETTERMUND GÄNG NO NID WITER OFFE GSI.BI DU IS WARME WASSER,WO D'WEHE SÖT FÖRDERE.DERT HANI 2 STUNG GSCHLOFE WIUI JETZ ÜBERHOUPT NÜME HA GSCHPÜRT.WAHRSCHINLECH HANI GWÜSST,DASI NACH DERE SCHLOFLOSE NACHT NO CHLI SÖT CHRAFT TANKE FÜR DAS WO NO CHUNNT.DR SIMU HET DRWIU UF ÄM GEBÄRBETT GSCHNARCHLET.
UM DI ZWÖI HEI SI DU D'FRUCHTBLASE GSCHTOCHE,DASS ÄNDLI VORWÄRTS SÖT GO.NUME ISCH BI MIR LEIDER NÜT PASSIERT.ÄM REMO SINI HÄRZTÖN SI GÄNG WI SCHLECHTER WORDE.DASS D'GEBURT VORWÄRTS GEIT HEI SI DU MÜESSE WEHEMITTU GÄ...
POTZ,ABER JETZE:DI SCHMÄRZE VO VORHÄR SI NÜT DRGÄGE.UF Z'MOU SEIT D'FROU SUMMER:"GSCHPÜHRIT MOU ZWÜSCHE ÖINE BEI;DAS SI ÄM REMO SINI HOOR."IG ÜBERCHUME Ä SPIEGU UND GSEH DASS SI CHOPF JEDE MOMÄNT USECHUNT.ÄS GEIT SCHLAG UF SCHLAG!PRESSWEH SI NO EINISCH UM EINIGES HEFTIGER!IG ÜBERCHUME SURSTOFF WIUS ÄM REMO NID GUET GEIT.WO SI CHOPF ÄNDLI CHUNNT,STÄCHE TUUSIGI VO MÄSSER DÜR MI GANZ KÖRPER.MINI INNERI,RÄCHTI SCHAMLIPPE HET DÄM DRUCK NID STANG GHAUTE UND ISCH PLATZT.Ä 6CM LÄNGE RISS WO MI NO LANG WIRD PLOGE!SCHWUP,UND NÄR ISCH DÄ CHLIN KÖRPER DO!ÄS ISCH 15.48
DR REMO HET Ä STOUZI GRÖSSI VO 52CM UND ÄS GWICHT VO 3440GRAMM
SIMU UND IG SI SO GSCHAFFT,DASS MIR BEIDI VOR ÄRSCHÖPFIG UND FRÖID GRÄNNE.ÄR ISCH DI GANZ ZYT A MIRE SITE GSI UND HET MI UNGERSTÜTZT.DANKE!GLOUB OHNI DI WÄRS NO SCHLIMMER GSI...
SOFORT ÜBERCHUME IG ÜSE CHLI SCHATZ UF Ä BUCH GLEIT.SCHO NACH PAAR MINUTE HET ÄR Z'FRIDE A MIRE BRUSCHT GNUGGELET.SCHO DENN HANI DAS GFÜEU IHN Z'STIUE UNBESCHRIBLECH SCHÖN GFUNGE!
JETZ HEI MIR D'ÖUTERE ÜBER ÜSE ZUEWACHS INFORMIERT UND FRÖIE ÜS DRUF AM OBE SCHO ÄM ERSCHTE BSUECH VOUER STOUZ DR REMO Z'ZEIGE!
Zuletzt geändert von RingelSocke am Di 11. Okt 2011, 13:58, insgesamt 5-mal geändert.

schlingel

Re: UNSAGBAR GLÜCKLECH---TROTZ ENORME SCHMÄRZE

Beitrag von schlingel »

Danke für dä Geburtsbericht. Ich find Bärntütsch eifach mega härzig. Ihr händ so viel interessanti Usdrück wo mir nöd mal kännend :P
Wünsche euch vo Härze alles Liebi und Gueti

Benutzeravatar
RingelSocke
auf Wunsch deaktiviert
Beiträge: 477
Registriert: Mo 26. Okt 2009, 21:04
Geschlecht: weiblich

Re: UNSAGBAR GLÜCKLECH---TROTZ ENORME SCHMÄRZE

Beitrag von RingelSocke »

Mi gross Schatz
Gester hei mir scho di 5. Geburi gfiiret!
Wahnsinn,wie doch di Zyt vergeit!
Mir si ganz fest stouz,so ä gwitzte,hübsche,gsunge,tolle Bueb z'ha!
Ou we mir fasch täglech a üsi Gränze stosse und viumous mit dim Tämperament nid wüsse umz'go,liebe mir di über aues!


Für die Rechtschreibefehler im obigen Text,ist mein iPhone verantwortlich ;-)
Okt.'07
Aug.'10

Baby11
Newbie
Beiträge: 40
Registriert: Do 6. Mai 2010, 13:05
Geschlecht: weiblich

Re: UNSAGBAR GLÜCKLECH---TROTZ ENORME SCHMÄRZE

Beitrag von Baby11 »

Jö so herzig happy birthday am remo ziit gaht so schnell verbii :D
:D

Antworten