Schwyzer Mammas?

[bonghole]

Hallo Zäme

Gits hie ächt wärdendi Mamis us de Region Schwyz?

Gruzzli

[Tschabby]

Bi ursprünglich vo brunne aber scho lang nömm det

[bonghole]

Scho? Wär super gsi... ich wohne im Steinerberg.
Bisch wäg vo dere Region züglet?

[Giigemoeni]

Hoi zäme

Ich bin au es wärdends mami.... Han de et ändi november und ier?
Wär no cool wenn mer so chle chönntet in kontakt blibe....
Chume vom ruum einsiedle, ursprünglich aber vom talchessel.
Lg

[bonghole]

Hallo Giigemoeni

Ich ha de ET ändi September : )
Schön hesch gschrebe.
Einsidle isch ja ned soo wit ewäge - de talchessel wär ja grad ume eggä gsi : )
Ischs Dis erste Chind?

[Giigemoeni]

Hallo bonghole

Ui de bisch du aber scho rächt früehner weder ich.
Ja gäll.... Wo die liebe hinfällt.... da obe isch es au schön.... Und ich bin eh mega vill no dunne....
Ja scho, isch mis erste. Und dis?

[bonghole]

Isch au mis erste
Wie gahts Dier süst so? Hesch scho chlini Gebräche?
Ich merke zum Glück nüd nänneswärts... ussert dass ich usenand gah wie en hefeteig

[Giigemoeni]

He mier gads voll guet.... Nie schlächt nüd sölles.... Ich bi bis zur 9.wuche brutal müed gsi.... De hani iisetablette becho und ez gads mier super! Vo dem här fühl mi nid schwanger....
Ich muess brutal luege ufs gwicht.... Vorallem will ich vorher scho nid nid schlank gsi bi.... Hesch scho vill untersüech gha?

[bonghole]

das mitem gwicht isch genau au mis problem... bi vorhär au ned die liechtist gsi..
aber allzu vill chasches ebe au ned beiflusse.... usgwogni ernährig (isch halt ned soooo lecker) und vill trinke und de hesch scho vill.

ich ha am mäntig min 3. untersuech - isch de au grad de gross (organscreening), wome s gschlächt würd gseh...
bi no unsicher öb ichs wott wüsse oder ned.. irgenwie bini z neugierig.

[Giigemoeni]

Bi mier ischs äbe so gsi das ich verhältniss mässig mega früeh gmerkt ha dasi schwanger bin.... Und drum hani scho 3 untersüech hinder mier.... Aber lieber 1 mal z vill als z wenig. ich han am 19.5. de grossi test.... Also nackefalte mässig usw..... Für üs isch klar, mier wennds wüsse.....
Mier hend z.b. au scho d näme.... Isch für mich mega wichtig gsi....
Ja ich gib mier müeh usgwoge z ässe.... Ez klappts vill besser aber am afang hani immer chönne/welle ässe und au alles welle ässe.... Süess,salzig egal hauptsach inne schobbä.... und ez isch das wieder voll normal... Eher wenig gluscht....
We laufts bi dier mit schaffe? Magsch no guet?

[bonghole]

Schaffe möge würdi scho no... aber d motivation isch grad ufemene tiefpunkt- mis gschäft het ned
so freud gha das ich mami wirde und drum chani au ned bliibe... d stimmig isch au ned so de hammer.
aber es gaht schono.. mache no en guete abschluss und de suechi wider öpis neus (dasmal teilziit).

wie gahts bi dier mit de müedigkeit und schaffe?

bi üs ischs eso dass ichs wüsse wett und mine maa ned... ich darf mich de eifach ned verplappere..

d näme hemmer zum glück au scho, genau wie gotti und götti : )

[Giigemoeni]

Ui nei.... das isch voll uncool vo dim gschäft.... Bi mier weiss es nur afig mini chefin und die hed sich mega gfreut.... Ich wirde na au wieder teilziit go schaffe ga....
Bi mier gads tip top im schaffe.... Beschwärde frii... Chan wirkli nid klage....

Gotti götti sind bi eis au scho fix.... Müend nöchst wuche nur no gfragt werde.... Und nöchst wuche sägmers au äntli üsne eltere!!! Wird ziit!!

[bonghole]

das freut mich für dich : ) isch no schön wen im gschäft au chli unterstützig hesch.
Bi mier isches scho guet so wies isch... ha no ganz lang ziit und cha in rueh überlegge was ich möcht mache.
d eltere wärdet sich sicher riesig freue : )

[Giigemoeni]

Dafi frage we alt du bisch?

Chund scho scho guet, druck der duume!

[bonghole]

ja sicher... 30gi (Jg. 84)

[Giigemoeni]

Hoi bonghole,

We gads? Alles paletti bi dier?

[bonghole]

Hey Giigemoeni

Jaaa alles tip töpeli bi mier... und bi dier?
Schöns Weekend gha?
Und? Hender de Eltere scho die freudig Nachricht überbracht? Hends freud gha?

[Giigemoeni]

Hallöchen,

Bi mier au alles im butter. Morn hani 1. trimester test! Bin gspannt!! freu mi üse chli hupfer wieder mal z gseh.

Ja mier hends allne gseid!! All hend meeeeega freud und sind usem hüsli. Isch wirkli en wunderbare momänt gsi. sind sitem fritig bis gester chle am ume springe gsi wäge baby glück und so det här ischs chle stressigs weekend gsi. Aber isi...
Und dis?
We laufts bi dier so?

[bonghole]

Sehr schön das freut mich für Dich
Bi mier laufts eigentlich guet... usser halt im gschäft... aber eeeeegal sit gester chani s gingge vom zwärgli gspüre weni d hand ufe buch leggä.. isch es meeega schöns gfühl.

S Weekend isch aug tip top gsi... sind binere kollegin gsi wo scho 2 chind het... sie het mer de paar gueti tipps gä und no bücher zum schneuge... und scho s einte oder andere spillzüg..
sind eifach all sooo neugierig öbs en bueb oder es meitli git.. es isch so schwirig dicht z halte - ich weiss es ja

ich drück der ganz fest d düüme für din 1. trimester test... chund super bin de gspannt was z verzelle hesch

[Giigemoeni]

Wow so cool!! Ich freu mich au scho ufs gingge!! Gad aber no es wiili... De test isch au guet use cho hed zwar geduld brucht, es hed nid so welle ane hebä.... De bluet test isch no offe.... Aber chund au guet....

Ja das mit dim gschäft... Findi immer no scheisse vo de andre... Aber isi chund ez eh en besseri ziit... Gniess du die de umso meh!

Hesch scho vill sache fürs baby?

Liebe gruess