Wir warten seit Frühling 2014 und länger - Teil 8 - komplett

[harmony]

so mini Tempi esch nomol gsunke... ig füehle mi ou richtig nach TR - denke si wird hüt no iiträffe....
de wäre mer de auso scho im Üz Nr. 28 und bimene Augustli

[Raffi89]

@harmony: Oh nei es tuet mer so leid . Isch tempi den scho unter CL gsunke?

@roehrli: Wow gsehsch mega hübsch us. Bisch e richtig wunderschöni brut gsie.
Ja mir hüratet in Italie am Strand im Juni 2017. Sind jetzt dra a de iladigskartene will all eusi liebschte müend ja au ferie igeh. Durch das mir im usland hüratet gits achli meh zum organisieren.
Das isch das Kleid woni meh letschtmal verliebt han.

@all: Mir schriebet jetzt ja scho so lang zeme und ich persönlich wörs uh schön finde wenn mir eus mal wöret treffe. Was haltet ihr devo? Ich will eu au nöd überfahre und wörs versta wenn eu das zu persönlich wäri.

[harmony]

@raffi
du meinst juni 2016 oder
Nei si esch no 0.1 über de CL - aber so wieni mi füehle, isch aues exakt so wie jede Monet und drum denki zimli sicher das si hüt no chunt oder de morn.

jo und wägeme treffe, choimer mou luege, vo mer us scho...

[roehrli85]

@raffi: danke
Wow das isch aber ou mega schön, i bi zersch ou chli i di Richtig ga luege, ha öpe miteme ähnleche Chleid agfange, natürlech nid so Trompete/Meerjungfroumässig. Aber i finge das meeeega schön.
Darfi trotzdäm e chlini Frag stelle, hoffe i tue di nid verunsichere, süsch tuets mr auso de Leid, das woti nid... Und zwar, hesch dr überleit, ob das Chleid füre Strand funktioniert? I weiss ja nid ob dir irgendwie im Sand sit oder so....???
Wed anderi Chleider wosch teste, chani dir das nur arate. Entweder fingsch plötzlech eis, wo no besser fingsch oder wenn äbä nid, isch das e Hilf dini Entscheidig z bestäige.


Auso grundsätzlech hani nid öpis gäg nes Träffe, d Frag isch haut ou chli, wenn, wie wo....

[harmony]

Üz28... ZT1
ig ha wedermol d schnauze voll ehrlech. wenn iz aber die nexte 2 zykle glich wie iz bliibe, het sech immerhin grad alles so verkürzt das de ES i üsne ferie esch - jojooo me seit jo, denn klappets. si zwar scho 3 mol am ES ide ferie gsi, aber joo

[Raffi89]

@harmony: Es tuet mer so leid das es de monät scho wieder nöd klappet het. Ich hoffe ganz das du vor dine Ferie scho ss wirsch.

@roerhli: Han mer eigentli drum es Trompete Kleid usgsucht wili denkt han das es für am Strand am passenschte isch. Will so es Prinzessinekleid wöri mega unpassend zu de Location finde. Ja Zermemonie findet im Sand staht aber es wird en Teppich ha Nur es chlieses stüchli mueni mit em Kleid dur de sand, aber wird barfuess an Altar trette Han letschtmal woni bin go abrobiere au es Kleid acha wo e A-Linie cha het aber i dem binmer vorko wie es Zuckerbonbo Aber wird nächscht mal sicher nomal ganz verschiedeni aprobiere das mer den würkli zu 100% sicher bin. Was füres Kleid wörsch du den empfehle?
Eusi Zeremonie am Strand wird i dem Stil si.

@me: Mini TR isch scho wieder dure. Bin hüt ZT 5, i ca. 9 Täg isch scho wieder ES.

[caramel_joghurt]

Hallo
Ha gschnäu wöue cho ineluege u uf gueti news ghofft.

@harmony: mann.. Cha doch nid si. Duesch de Zyklus nomau uslöse? Oder wetsch jetzt gat richtig iui wege Dr Franchise hesch ja mau gseit gha?

@raffi: ou bi dir duets mer leid. Hoffe geit dir inzwischen wieder chli besser?

@roehrli: wow, wunderschöni brut bisch gsi. Wo steisch du im Zyklus? U hei ou 2% chance isch öbis.

@me: hüt Abschluss Kontrolle gha. U eigentlich mittlerweile muessi sege ischs wou gar nid so schlimm het de Eileiter jetzt use müsse. So isch zRisiko uf e witeri ELSS wieder bi dene 1-2% u er isch ou ziemli verchlebt gsi u jetzt dür dELSS sowieso kabutt. Si hei denn im spital aues düre gspüelt u jetzt söt sowit wieder aues i.o si u sobald ig mi derzue bereit füehle chöi mer ou wieder afa hibble. Mini grössti Angst isch momentan eigentlich dass es nüme klappt u drum denki bringt lang warte ou nid viu u mir starte gli wieder....

[harmony]

@caramel
ig mues am Friitig, dr 13. go Follikel-US mach und denn wird zimli sicher grad usglöst, mini Follis si jo itz immer mega schnell gwachse. Hehe das cha jo nome guet cho. Gester grad hani mit mim GG no läng und breit diskutiert wie wiiter, Franchise bi 2500 loh oder abe. Ig wirde se beloh bi 2500, weil, wenn de müesise jo grad uf 300 due, d.h. ig zahle 1500 meh Prämie, plus 300 Franchise, heisst ig würd falls igs usschöpfe 700.- spare - aber villicht längt jo de ei IUI, who knows. Mi FA het gmeint, us sinere sicht, mit dem super SG und mire Endo chöi mer üs e IUI eigentli spare. Da ärs jo aber sowiso ned selber durefüehrt ir Praxis, wird ig jo de eh müese wiiterluege.
Ig wirde jetz dä und nexte Üz wider uslöse und när dr next Üz (Nr. 30 *omg*) simer jo ide Ferie, de machi wedermou GAR NIX. Mer warte iz mou no chli ab und mache de ide nächste paar Woche ev. mou e Termin ir Kiwu vor Insu z'bern, für im Früehlig, mou fürnes Gspröch, was die so meine.

@raffi
lueg mol uf jjshouse.com - deht hei si e kategorie beach-wedding oder so, de chasch di villich ou no chli lo inspiriere, was so no chönt passe für an strand. hehe ig ha mis chleid sogar grad deht bstellt, super gsi!

@me
ZT3, ha hüt aglüte für e Termin füre Follikel US endi next Woche. När hei si mi für hüt nomitag wöue ufbiete, Zystekontrolle - waaaasss? Ah nei, ig sig jo e sonderfall, mües nid cho, wöu ig jo nid stimuliere sondern nume uslöse. Guet, schwein gha. Iiiiih während de TR gone Vagnial US mache. Churz nach ES hets agfange, as ig nid s'übleche zieh ide brüst ha gha, sondern es biise rund umd Warze... gege TR isches chli wäg, und jetz sit gester biiiiissst mi das wider, chum zum ushalte.
Termin füre US hani am Friitig 13. - de wird sicher ou grad usglöst...

[roehrli85]

@raffi: ah ja i ha nur überleit, das isch haut unger glich es sehr usstehends Chleid und het ja e schleppe, eher mit schwärem Stoff. Ha mr aber so chli überleit, das isch ja relativ wyt abe äng und das vilech im weiche Sand när schwiriger isch zum loufe. Nur i wirde dir gaaaanz sicher nüt empfähle, wüu nur dis Härz weiss, weles würklech dis Chleid isch Houptsach, du liebsch dis Chleid. Ig empfihle da nüt, aber frag mau die im Lade was sie drzue meine.

@caramel: i warte uf ES, aber ke Ahnig, vilech no e Wuche oder so. I weiss gad nid würklech woni stah.

[harmony]

@caramel
was mer no in sinn cho esch woni ha wöue säge betr. Eileiter. Ide Follikel US ha ig meistens uf beide Siite guet entwickleti Follis gha - cha de auso bi dir ou durchuus sii, das dini Chance, mit nur eim Eileiter, gar nid würkli geringer si aus bi angerne mit 2.

[roehrli85]

@harmony: da bini de ou no gspannt, obi irgendwie no usefinge, dass ei Site bi mir stärker isch oder so. Aber das chame ja eh nid stüre oder?

[harmony]

@roehrli
nei vo wo de ES chunt chame leider nid stüre. Aber ig denke mer sette do üsem Körper ou e biz vertraue. Bi mir isch jo die linki siite liecht betroffe vode Endometriose, nid beiiträchtigend, aber es chönt durchuus sii, dases vo rechts biz besser klappet. Jedefaus, hani IMMER im US entweder rechts es sprungriifs folli gha, und links nüt würkli, oder de hani links es sprungriifs gha und rechts aber de ou eis wo grad de öpe nochegsi wär, auso wird mi körper irgendwie sich scho druf iigrichtet ha, daser zur Sicherheit rächts no nocheleit

[roehrli85]

@harmony: wär weiss - i gsehs cho, wes de bi dir ischlaht gits plötzlech sogar Zwillinge :-p

[caramel_joghurt]

@harmony: weiss nid wies bi mir aube isch gsi Wege de follikel aber Dr FA im Spital u ou mi FA si ja optimistisch dass es wieder klappt ..u ig momentan ou.

@zwillinge: ja söts i üsere Gruppe auso scho no geh..

@treffen: jenachdem wo u wenn wer ig ou derbi. Weiss gar nid us welem egge mir aui chöme?! Ussert zroehrli..mir wohne ziemli nöch binand.

@me: ha sit hüt chli buchzieh...aber ke ahnig wo ig ja gnau stah im zyklus. Mir werdes gseh.

[harmony]

@caramel
ig bi ou ganz optimistisch für di. Düme sind drückt.

@zwillinge
nei, ig bitte nid!

@treffen
caramel und roehrli si vom Kt. Bern, ig vo Solothurn

@me
Aastrengends weekend gha und gester aber endli wiedermol zum herzle cho. ES isch aber erst next weekend, bzw. mues jo de am friitig zum FA go kontrolliere und uslöse. NMT esch de erst irgendwo ume 27. oder so

[Tiare29]

haallooooo mini liebe fraue

mir händ züglet und ich starte offiziell i min 1. oder besser gseit üsen 1. Zyklus *freeeeeu* also all negative gedanke über board wörfe.. mir sind etzt all wieder positiv okee

@caramel
ich ha jo nur no ein Eierstock und ärzt händ mir do gseit es könnt unter umständ schwierig werde.. naja 2x unplant schwanger worde.. es funktioniert also

@raffi
ame treffe bini nie abgneigt bisch denn du au vo züri umenand??

@harmony
ach bi dir tuets mir immer am meiste weh.. und ich ka dini biträg scho fast nüm lese so sehr fühli mit dir.. du wartisch etzt eifach scho soooo lang.. ich bewundere dini stärki und dini geduld.. du bisch e wahnsinnsfrau

@roehrli
meeeega schööns kleid wie gsehts bi dinere arbetssuechi us??

[roehrli85]

@harmony: i drücke dr uf jede Fau d Düme füre aktuell Zyklus! Tja, iz muesch di drmit abfinde, dasses Zwillinge git. I gloub mir si dasmau relativ nöch zämä mit NMT. I bi ja ou no ufe ES am warte.

@Tiare: de viu Glück mit dim wider nöj 1. Zyklus. Nöje Versuech, nöjs Glück... Danke dir!

@caramel: vilech ischs Buchzieh dr ES? Wär no cool, de chöi du, ig und harmony au schön nachenand teste.

@raffi: wo bisch was machsch, wo steisch und geits dr guet? Ja i weiss, es isch Novämber, du hesch äuä nid viu Zyt.

@me: Bi immer no am Warte uf ES. Aues no ruhig.

@träffe: auso caramel und ig si irgendwie nöch vonenand, aber nid wyt vo Solothurn, harmony vo Solothurn, i ha gmeint ka Raffi wohni ou irgendwo z Bärn und Tiare wär de vo ZH... de chönti mr no vorstelle, chönt evtl. Langenthal e guete Träffpunkt si

[caramel_joghurt]

@tiare: welcome back. Siter wieder gsund? U wo steisch im zyklus?

@roehrli: we mer vo de letschte zykle vo dir usgeit wer scho langsam Dr ES ir nöchi oder?! Hoffe Dr ovu wird gli positiv

@raffi; ja wo bisch? Guet hesch momentan bim schaffe ja sicher wieder gnueg Arbeit...du armi

@träffe: raffi89 Zürcher oder Berner? Dass isch jetzt die Frage des Tages

@me: aso so ES zieh hani letschti wuche gha, de weri jetzt ir 2 ZH ca ES+6 ..aber ha hüt u gester TR buchzieh, aso vilecht chunt doch TR?! Uf jedefau ischs scho chli es dürenand, cha bau dStillilage fürenäh, chunt tröpfliwis Milch us mine Brüst

[Tiare29]

@caramel
jaaaaa gottseidank.. ich sägs dir horrorwuchenend gsi najaa etzt staratemer voll elan dure i bi ZT 3 hüt kunnt üses neue Schlofzimmer aber mir müend no warte mit ufstelle well zerst no de neu Teppich inekunnt najaaa i bi jo eh no am blüete vo dem her nid sooooo tragisch

@roehrli
danke

@treffe
aso i bi mobil.. mir spielts kei rolle.. und wenns ide nöchi vo Solothurn isch isch au super denn kani mini schwigis no bsüechle

[roehrli85]

@caramel: so schreg bi dir, da chämti ou langsam nüm drus.
ja eigentlech söt ES ir nöchi si, aber isch no nüt, merkes ou am ZS. Nur dänki, chas nüm lang ga. Hoffentlech nid.