Juhu auch wir legen los Teil 4...

[Topolinchen]

Hoi Nilaya

Aber starte dünd ihr ide Schwiz oder wo?Das wird sicher mega schön!!Hoffemer uf guet Wetter!Ja ha 12 Jahr Pille gno und die denn im September abgsetzt!Bis ez hener mit Kondom verhüetet!Aber jetz dörfemer au die weglah

Schöne Sunntig na

Topolinchen

[Nilaya]

Huhu Topolinchen

Jein.. Mir holä dr Camper in Dütschland ab. Es isch viiiiil günschtiger so. Hoffe ou sehr, dass es bis denn schöner und vorallem wärmer isch! Wobi mir kei fixi Reiserutä hei und üs so chly chöi richtä.

So müehsam wiä z Wartä für euch muess gsi si hets aber dr Vorteil, dass di Körper drfür Zyt het gha sich scho chly izpändlä ohni Hormon. Oder hesch vo Afang a ä regelmässigä Zyklus gha?

Wosit de dir idä Feriä gsi und wiä lang?

Schönä Sunntig nu

[Topolinchen]

Hey Nilaya

So schön!Mir würed sehr gern mal mitme Camper uf Lapland und Lofote etc!Nir sind zwei Wuche mitme Katamaran durd Karibik gseglet,vo Martinique us durab de chline Antille nah!Isch en Traum gsi,und halt öppis wome mit me chline Chind nüm würi mache!
Da hesch recht,de Körper heti da super Zit gha zum sich ipendle,heter allerdings nöd!:-/Ha bis im Januar Zykle vo 32-54 Täg gha,denn het mir d Gyni es Mönchspfefferpräparat gä zums ipendle!Ha scho es schlechts Gfühl gha derbi und so ischs au usecho!Ha dauernd s Gfühl gha es chemi dr Eisprung (gspüren immer guet),aber nüt isch passiert!Ha Möpf denn nach 55 Täg abgsetzt und prompt isch d Mens 5 Täg spöter cho!Fühl mi ez wieder viel besser!Nimme sit 3 Täg Ovaria Comp Globuli,und hoffe die bringed bald wieder en Eisprung!Wie gahts dänn dim Zyklus?

Lg Topolinchen

[Nilaya]

Huhu Topolinchen

Das wär sicher ou ä cooli Routä für mitm Camper. Mir hättä ou gärn so öbis gmacht wo mit Chind nümä so möglich wär. Eigentlich wär ä Backpacker-Tripp planet gsi, aber mir hei müessä umplanä wüu üsä Hund chrank isch. De faut halt alles womö Flügt wäg....
Das tönt hennä cool mitm Katamaran. Ä Troum!!

So müehsam wenn dr Zyklus so düränand isch. Mi Zyklus het sich o no nid ipändlet. Bis jtz ischs immer um 50 Täg gsi und wohl ohni Eisprung (gspühres meischt und sit i mit Ovus agfangä ha si si immer negativ gsi)... ha jtzä mit Mönchspfäffer agfangä.

Ja das mitm Ovaria comp ha i ou scho gläsä. Hoffentlich hilft dir das wenn dr Mönchspfäffer scho so verseit het.

Heit dir de scho vor dr Reis planet nachär afä z üebä?

Lg Nilaya

[Topolinchen]

Hey Nilaya

Oje was het de oire Hund?Aber mim Camper chaner mitcho?
Hesch denn du au hormonell verhüetet?Wenn hesches abgsetzt?Isch scho extremi Chemie womer eusem Körper da atah hend!Bisch sicher hesch kei Eisprüng gha?I trau dene Ovutests nid so,sin bi mir scho neg gsi obwohli en Eisprung gha ha!Tue jede Morge Tempi mässe,dert gseht mers schön!Ja mir hen eigetli gad nach de Ferie,sprich Afang Februar welle afange üebe,hend denn aber erfahre dass mir 3 Mönet müend verhüete wegs dem zikavirus!

Lg Topolinchen

[Nilaya]

Hallo Topolinchen

Si het ä Autoimmunerchrankig und drzuä het si nu ä Gebärmuetterentzündig becho wo het müessä operiert wärdä. Si hanget sehr a üs und mir hättä ke ruehigi Minutä wenn mir si so lang da würdä lah. Und ja so cha si jtz mitcho.
Ha zersch Müeh gha müessä mir üsi Plän änderä, aber mittlerwilä bi i o froh cha si mit. I hoffä mir chöi di "grossi" Reis nu nachäholä.

Ja ha vorhär zersch acht Jahr mit Pillä und när drü Jahr mit NuvaRing verhüetet. I ha mir gar niä so Gedankä drüber gmacht wiä fescht di Hormon mi Körper manipulierä. Ersch sit i mi nöcher drmit befassä wird mir immer meh klar wi ischnidend di Hormon eigentlich si. Zersch macht mä Jahrelang alles zum nid schwanger wärdä und plötzlich macht mä alles drfür dass es klappt. Scho verrückt!

Und Tempi mässä sig ja schyns z genauschtä aber da i ä sehr unregelmässigä Läbensrythmus ha (schaffä Schicht) klappt das bi mir nid. Missisch du dämfau sit Februar? Und bisch ufgregt chöit dir jtz loslegä?

Liebi Grüess

[Topolinchen]

Huhuu Nilaya

Es wird sicher au e wunderschöni Reis wenner in Europa bliebed,defür mit Hund!Git ja au da wunderhübschi Plätzli!Isch sie denn scho alt?
Ou ja mit Schichtarbet gahts mässe natürli nöd,d Temperatur reagiert uf alles (zwenig schlaf,spöter mässe,Alkohol) e so sensibel!Wie lang probiered ier dennscho?
I bi scho sitem Oktober am mässe zum usefinde was wenn passiert und ob überhaupt was passiert!Mir freued ois mega zum endli afa!

Lg Topolinchen

[JeyJey]

Liebi Mädels, geschter isch eusi Tochter uf dWält cho, mir sind überglücklich und scho total vernarrt i eusi chliini Muus <3 Sie isch 50cm gross und 3250g schwer und machts guet mit trinke

[Nilaya]

@Topolinchen: Nei. Si wird ersch vieri das Jahr! Mir probierä nonid so lang. Ersch sit Februar. Allerdings wüssä mir scho, dass es bi üs vermuetlich länger geit, beziehigswiis ev. Nid eifach so klappt. Mi Fründ het krankheitsbedingt nümä so es guäts Spermiogramm.
Mir versueches locker azga.

Es isch scho interessant was i üsä Körper da so vorgeit. I wünschä öich, dass z Ovaria guät aschlaht und du bald positiv chasch teschtä.

@JeyJey: gratulierä ganz härzlich und wünschä öich viu Spass bim Kennälehrä!

[Bienchen84]

Hoi zäme

I mäude mi ou wiedermau us der Versänkig!
@ aui neue:
härzlech wilkomme hie! Sorry, isch es so still... I persönlech ha nach über 20ÜZ e Pouse brucht u klinke mi im Moment nur selte hie ih...

@ Jeyjey
Wooow, iz isch dini chlini Muus scho da! I gratuliere dir vo härze zur Geburt!!!!
Hoffe, isch aus guet gange! Hesch e Spontangeburt gha??
Gniess d Kennelern-zyt u erhol di guet! <3 <3 <3

[Blevita]

Meld mich au churz: mir gahts glich wie em Bienchen; mir zwei sind sit ahfang ah i dere Gruppe und wartet immerna. Bruche au de abstand und bin selte da inne.

Aber ich heisse oi neue all herzlich willkommen und toitoitoi!

@ JeyJey: OMG! Scho uf de Welt? Wahnsinn!!! Ich wünsch dir und dinere chline Familie alles alles gueti! Din Schwiegerpapi isch sicher im Himmel furchtbar stolz uf sini Enkelin und beschützt sie ganz fest und wacht über oi. Liebsti Grüessli - Blevita

[fiona85]

Bienli und blevita...ich hoffe fest für euch das ihr diesen thread bald verlassen dürft........und ich bitte auch!!!!

Jeyjey
Herzliche gratulation!!!! Geniesst die anfangszeit!!!!!!!!

[missre85]

@jeyjey herzliche Gratulation zur kleinen Dana und gute Kennenlernzeit!

[Rose90]

Hallo ihr Liebe
Ich han mich grad jetzt früsch da im Forum agmeldet. Han de Tread echli dureglese es isch sehr spannend. Au mir wönd ss werde und sind jetzt im 2. ÜZ

Ich drücke euch allne gaaaanz fest Dume!

Liebi Grüessli

[Topolinchen]

Hallo mitenand

@nilaya: denn isch oie Hund ja no jung und überstaht das sicher guet!!Wegem Spermiogramm:min Maa het scho 2 Chind us erschter Ehe,damals het mer ihm gseit er seg unfruchtbar und bumm ischs erschte unterwegs gsi!Und kenne no zwei anderi Päärli mit de gliiche Gschicht!Drucke oi Dume dasses bald klappet!

@jeyjey: Herzlichi Gratulation,gnüssed s Kennelerne!!!

Liebe Grüess
Topolinchen

[Nilaya]

@Topolinchen: Merci! Es isch immer schön z ghörä, dass es bi anderä doch klappt het. Mir hei ou gseit mir möchtes eifach probierä. Gedankä machä wiä witer chöi mir üs immernu. Jtz versuechä mir eifach s ganz locker azga und üs nid z viu Hoffnigä z machä (liechter gseit als gmacht).

Wiä geits mitm Ovaria? Isch scho es hüpfends Ei in Sicht??

@Rose: härzlich Willkommä. Druckä dir d Dümä, dass es rasch klappt bi öich!

@blevita, missre, fiona und bienchen: söuä mir lieber inä anderä Tread wächslä? Dir schribed scho lang zämä und da möcht i nid dass dir dür üses Nöilingsgschwätz gstört wärdet. Bitte mäudet öich eifach offä. Das wär gar keis Problem!

[fiona85]

@nilaya
Nein gar kein problem....dies hab ich nicht so gemeint....hoffe das ist bei dir nicht falsch rübergekommen...habe geschrieben dass wir bald aus dem thread können.... da ich finde wir sollten so langsam mal zu einem schwangerenthread schreiben!!!!
Alle neuen sind sehr willkommen!!

[Nilaya]

@fiona: das ha i ou so verstandä und das heit dir o aui würklich verdient! I ha numä dänkt villicht fallts öich liechter mau öiä Fruscht usä z lah wenn dir under öich sit. Immerhin hibblet dir scho lang zämä.
Aber dankä für di liebi Antwort!! I wünschä öich das dir gly chöit umziä und öies Wunder nümä länger uf sich laht la wartä!

[Topolinchen]

@nilaya: ja findes au recht schwierig s'glasse azgah, vor allem will aalli,wüki alli, i oisem kollegechreis wos probiert hend ez schwanger si und das Jahr es Chind bechömed,insgesamt acht!Freue mi natürli meega für jedi Einzelni,aber es hilft glich nid gad zum glasse sii!Ez bini quasi di einzig wo no übrig isch,usser natürli die wos gar noni planed!
Wie gönd ier anderne Hibblerinne mit dem um?
@Rose90:Herzlich Willkomme:-))

[missre85]

@aui Nöie härzlech Wöukomme!

@nilaya neeeiiii secher ned, blibet nome ond töit üch ongerhaute, esch doch super! Eg be momentan i däm Thread eifach nor säute ongerwägs, wöu be mer e Chrankheit uscho esch ond bevor eg operiert worde be, chani eh nömm hibble, darom schriibi da ou nömm vöu!
Wönsche üch aber, dasses baud klappet ond der dHibbelziit dörfet gniesse!