Februarchnöpf 2020

[tzzh]

ich han hüt bin 36+6 min vorletschte termin bim fa gha. die chli muus wird uf 3100g und 50cm gschätzt. de gbmh isch verchürzt und weich aber no zue. de chopf isch dunne, was bedüted, dass mini mensschmerze und s'ruggeweh letscht wuche senkwehe gsi sind. ich han jetzt am 14.2 nomal en fa termin min ctg, sötts nöd vorher scho los gah, was es aber chönti. min maa hät hüt gseit, dass mir aber no bis nachem wuchened sölled warte. er hät ebe am samschtig geburi.

wehe sind denn scho nomal öppis anders als das was ich bis jetzt gha han. ihr werdeds merke.

[Jil9]

met 35+0 lohni euch de vortritt ond be gspannt uf euchi erfahrige

[tzzh]

ich han hüt s'grüene formular mit em name vo eusere chline muus ergänzt.

[Jil9]

oh so schön, sender euch schnelleinig gsi?
mer wärde da formular wohl leer metnäh

[Kühnli]

oh so schön, sender euch schnelleinig gsi?
mer wärde da formular wohl leer metnäh

Was isch denn das für es Formular? Das hani gar ned

Bi mir wirds vorussichtlich am 4.2. De Kaiserschnitt geh. De Chli liggt immerno in BEL und d Chance, dass er sich no drüllt sind nümm allzu gross..

[Jil9]

i be mol defoh usgange das s grüene s gliche esch we mis gälbe, name ond personalie vom chend womer zor geburt sett met is spital brenge.
4.2. jo da goht au nöme so lang, vellecht hender jo glich no glück em letschte moment. wönsche uf all fäll scho jetzt alles gueti

[Maiblume]

Liebe Lissi14

Ja, während dieser langen Nacht mit Wehen hatte ich eher starke Schmerzen. Lange, langsame Atemübungen und ein warmes Bad haben mir geholfen. Ich hoffe dass du das nicht mehr so oft hast. Denke an dich.

@Bebn Vielen Dank Auch dir wünsche ich ganz viel Kraft, du schaffst das

Liebe Grüsse
Maiblume

[tzzh]

@kühnli
s'grüene formular isch für d'geburtsazeig wo denn ad gmeind gschickt wird. das müend d'eltere unterschriebe, dass das so alles au stimmt. isch aber glaub wieder mal nöd überall glich - wie chönts au andersch sie i eusere chline schwiiz. de 4.2. isch ja würklich scho ganz gli.

@jil9
händ ihr aber für beidi gschlecht en name gfunde? mir händ eus au das mal u schwer tue. bin froh isch es jetzt klar.

[Jil9]

weder no, mer hend je öppe 5 potentielli näme aber so rechtigi favorite fähle.

[tzzh]

@jil9
ohje! das isch no e recht grossi uswahl. denn würd ich warte bis eues chline wunder da isch und denn merked ihr scho welle denn passt und es paar täg händ ihr ja no dezit nach de geburt.

ich han jetzt au d'erlaubnis vo mim maa, dass es dörf losgah. sin geburi isch i öppe 2.5h verbi.

[Jil9]

genau so werde mers mache.
jo also i be gspannt, wenn die nöchschte geburtsnews chöme

[Lissi14]

Hallo ihr Liebe

Und wie geht es euch?

[tzzh]

mir gahts sowit guet. ich bin am warte, dass es losgaht. i minere beweglichkeit bin ich grausam igschränkt und ich bin froh um jedi ruhigi minute. sobald ich zviel mache oder chli länger unterwegs bin han ich irgendwie s'gfühl min buch explodiert will so e spannig druf isch. au han ich immer wieder s'gfühl s'baby gheii undeuse und abundzue tuets wie so chützle. min grosse isch wieder gsund, mim maa sin geburi verbi, vomir us chönts losgah. han die nacht sogar troimt es göch los.

wie gahts de andere?

[Bebn]

Hoi zäme

Ich bin langsam am Ahschlag. Bin zwar erst 36+6, aber han sitem Sunntig unglaublichi Ruggeschmerze. Han s Gfühl de underi Rugge brennt und strahlt au scho is Becki bzw. Bei. Weiss nöd wie ich das no 3 Wuche ushalte sett..
Hoffe, all Anderne gahts sowit guet.

[sandy01]

i bi ou 36+6
bi mir geits no ganz guet solang ig nid muess sitze, bim sitze bechumi ziemlech schnell schmerze under d rippi wiu si gäg ueche drückt mit em fudi
i bi mega gspannt aber rächne drmit dasi no 2-3 wuche muess oder darf warte

[Bebn]

Das mit de Rippe kenni au. Gaht mir ähnlich. wär schön wenns nonig losgaht, aber wenn ich no 2-3 Wuche mit so Schmerze lebe muess, denn magi echt nümme

[Lissi14]

spannend

ich dörf endlich sit am samschtig wieder noch 10 wuche liege usem huus und spaziere mit gohts sowit
guet nur i de nacht han ich immer wieder vorwehe (oder was das au isch)

@tzzh jo denn gohts villicht bald los

[Jil9]

mer gohts be 35+5 no emmer guet, nach wie vor 100% am schaffe.
no genau 30 täg, oder weniger, weiss ned öbi parat be, es esch sooo unrealistisch, alles

[Jil9]

ab höt gohts be eus so rechtig en endspurt. ha höt s erscht mol d hebamme deheime wo min körper met "traditioneller hebammekunst" uf d geburt vorbereitet. be jo mol gspannt... kennt da öpper vo euch?

[Kühnli]

Also euse chline het sich bis jetzt immer noni drüllt und dänke au ned, dass es jetzt no passiert.

De Kaiserschnitt isch für de 4.2. agsetzt - chas no gar ned fasse, dass ich am Dienstag scho es Baby bechume. Fühlt sich irgendwie alles sehr surreal ah.
Ha jetzt no die letschte Sache vorbereitet und am Wucheend wird s Hus nomol gründlich putzt. Mol luege wie viel ich schaffe