November Babys 2020

[Niclynn]

Hallo mitenand, i ha denkt i bi mal so frech.
i weiss das jetzt den erst November chömed, drum freu i mi die Gruppe wachse zgseh. Wär lässig wemer sich churz vorstellt und i tue sust den bim nägste Biitrag amigs ergänze mit Date das mer chli weiss wer alles debi isch...

Liebs Grüessli

[Niclynn]

ET/Name/Kanton/Jahrgang/Kinder mit Jahrgang/m/w

ET: ? / Niclynn/ AG / 1984 / Sohn
ET: ? /Val86/ ZH/ 1986/ keine
ET: 1.11.2020 / ageiro / SG /? /keine
ET: 2. November /Cecile / Winterthur/Zürich / 1990 /1 Sohn Juli 2019
ET: 6.11.20/princess87/ZH/1987/keine (1 Sternli)
ET: 07.11.2020 / PuraVida89 / AG / 1989 / erste Schwangerschaft
ET: 10.11.2020/ Lilly89/ AG / 1989 / 2016, 2018
ET: 12.11.2020 / Giulia82 / AG / 1982 / Sohn 2019
ET: 13.11.2020 / AnneBlue / Sachsen (D) / 1980 / Sohn 2019
ET: 14.11 / mimimi /1985/SG/4 SS / 2003/2009/2016
ET: ca.14 November / Schnubbel / Brasilien / 1991 / 1. (*MA November '19)
ET: Mitte November / Ameise / BS / 1984/ / 1. (*MA 12.SSW 10.19)
ET: Mitte November / Tanja / Zürich / 1986
ET: 23.11.2020 / täzli / Bielersee / 1987 / 2009, 2011, 2018
ET: 25.11.2020 / Andrea/ Baden / 1987 / Tochter 2018
ET: 25.11.2020 / Aisha1985 / 1985 / SO / 2. SS / Tochter Nov. 2003
ET: 27.11.2020/Pfusi/ AG/1988/ erste Schwangerschaft
ET: Ende November / Sünneli96 / ZH / 1996 / Meitli Feb 2019

[val86]

Hallo Zäme

Ich ha gseh, dass de Oktober scho so voll isch ich weiss de Geubrtstermin noni genau. Positive Schwangerschaftstest gmacht am 18.2. und bi am Mäntig bim FA gsi für de ersti Untersuech. Vorussichtlich endi Oktober afangs November. S ersti mal schwanger und sehr nervös oder besser echli ängstlich ob au alles guet gaht. Komischerwiis ha ich im Januar gar kein Eisprung gha gemäss bim clearblue grät, trotzdem häts igschlage..was seit eus das? Au technik funktioniert wohl nöd immer wie sie söt

[Niclynn]

Sali val86, ui du häsch de ersti Termin scho gha, au sehr früe oder? Vor was häsch angst oder was macht die nervös?
Wie alt bisch den du und vo wo?
Liebs grüessli

[val86]

Hey Niclynn, ja ich ha nach 3 positive Tests mim FA aglüte und en Termin übercho. Mir hend dete eifach alles chli zäme besproche, er hät mir no Vitamine und Magnesium mitgä (Folsäure nimmi scho) und er hät au en Ultraschall gmacht, aso nöd am buch sondern halt..wuup mir hend den es chlises öppis gfunde wo sich bewegt hät, vilt. 3mm gross aber mer gseht wüki so guet wie nüüt. Ich ha nächst Wuche nomal en Termin am Mittwuch. Für mich stimmts au wenn ich diä Untersuechige müssti selber zahle mir git das es guets Gfühl wenn ich chan verbi ga. Er hät au en Bluettest gmacht da söti hüt no s Resultat übercho.

Ich ha vorallem di erste Täg Angst gha, das es vielicht en Fehler isch oder au vor ere Eileiterschwangerschaft. Ez nachem erste Arztbsuech gahts mer besser bi entspannter.

Was hsäch du so für beschwerde momentan , wenn überhaupt welchi da sind?

Grüessli

[val86]

Ergänzig:
ET ?/Val86/ZH/86/keine/w

[Niclynn]

Ussert müed und empfindlichi Brüscht eigentli nid würkli, mengsmol isch mer am Abig chli schlecht aber zum Glück nid so richtig...ahaha

Ah, ok ja chani verstah, i nimms jetzt irgendwie viel lockerer ide 2te SS, aber was es den git nimmt mi glich wunder...sletschte Mal hanis ja chöne für mich bhalte wels de Ma nid het welle wüsse, aber obs dasmal wieder klappet...Er het bis zum Schluss gmeint gha es gäb es Meitli...ahah so geil

[val86]

haha ui das stelli mir schwer vor, wenns öpper weiss und öpper nöd. Mir wennds beidi uf jede fall wüsse.
Brüscht hani au nüüt ab und zue liecht schlecht aber nöd schlimm und immer mal wieder es zieh wie liechti mensschmerze das gaht meistens nach paar minute wieder weg. nimme ah es dehnt und streckt - ha uf jede fall glese das segi normal und unbedenklich. Das glaubi das bim zweite natürlich echli entspannter bisch weisch ja was uf dich zuechunt, mindestens ungefähr

[Suesel]

Hallo Zäme

Ich han gueti Erfahrige gmacht mit dem Forum i minere letschte Schwangerschaft. Deswege wär ich au das mol gern debi.

ET: 2. November 2020
Cecile
Winterthur/Zürich
1990
1 Sohn gebore am 16. Juli 2019 (Jo er isch erst 7 Monet alt und ich bin scho wieder schwanger )

Liebi Grüessli a alli

[Niclynn]

Sali suesel

Willkomme oh öppert us minere Heimatstadt...grins wird den gad das weekend wieder det sie ade Fasnacht....

[Flufferly]

@Suesel Mini Tochter isch au ersucht gad knapp 8 Monet alt und i bin wieder schwanger. Ich aber geplant und mir freued üs meega
Nimmt mi denn wunder, was die Verwandte und Fründe dezue seget....

[Suesel]

@flufferly
Jo uf das bin ich au mega gspannt. Glaub es paar chönnted scho no schockiert sie.
Mir händ eigentlich bloss welle "üebe". Also mir händ nid demit grechnet dass es so schnell klappet, händ
aber scho mol agfange, damit de unterschied zwüsche de chind nid so gross isch. mir wend lieber en chliinere
Abstand ha. aber dass es so schnell goht, hämmer scho nid grad denkt.
ich hoffe eifach die zweit SS und Geburt gönd genau so spurlos verbi we die erst. Nid das etzt well s zweite mol
isch nochher d dehnig bliebt oder so :-0

[Flufferly]

Mir hend au nöd denkt, dass es so schnell got.. aber i bin sehr froh drum, denn isch de Altersunderschied nöd gross.

Bisch du no am Stille? Ich ebe scho. Lueg mol, wie lang das guet got. Es wer jo möglich, dass d Milch eifach ufhört. Hoffentli nöd.

I wünsch mir au, dass die ss glich problemlos isch wie die erst. D Geburt got hoffentlich chli schneller... Suscht bini mit allem zfriede gsi.

Bi dere Schwangerschaft hani d Undersüech binete Hebamme und nöd bim FA. das nimmt mi au wunder, wie andersch das denn isch

[ageiro]

Hoi zeme

Ich schlüsse mich au sehr gern eu ah.
ET: 1.11.2020
bin vo SG
und s erste mol schwanger.

Bi üs hets au gad bim eimol teste igschlage.. huuui
und ez freuet mer üs richtig.
i han ide nacht oft wie Mensschmerze mengisch aber au am
Tag. Finds no recht starch mitere Bettfläsche wirds abo besso.
T Frauärztin het gmeint segi normal. Hend ihr au die Erfahrige gmacht?

[princess87]

Hallo zäme

Ich schreibe auch mal ganz vorsichtig bei euch mit. Habe letzten Dienstag an ES+11 positiv testen dürfen - 13 Monate nach meinem Sternli und 5 Monate nachdem die Ärzte uns gesagt haben mein Mann wäre aufgrund seines SG's unfruchtbar. Ich bin immernoch sehr verhalten, kann mich noch nicht richtig freuen. Habe auch keine grossen Anzeichen ausser leichte UL-Krämpfe und Übelkeit in der Nacht/am Morgen, was mich zusätzlich unsicher macht.

Hier meine Daten: 6.11.20/princess87/ZH/1987/keine (1 Sternli)

[Niclynn]

Sali princess87 herzlich willkomme und natürli drucked mer dir duume das alles guet chunt. I selber ha au nid so mega azeiche...lach. Wen häsch din1 us termin?

Glg

[princess87]

Dankevielmal

Das beruhigt, z wüsse dasses no anderne so gaht. Hüt morge isch mer widr mega schlecht xi...bis ca. am 7ni. sit do nix meh, kei aazeiche, keis zieh/chrämpf nix...

Ha min 1. Termin ersch am 27. - also aafangs 9. SSW. ha nöd früener wele gah. letschtmal het mer bim 1. Termin s Herzli xeh schlah und bime Kontrolltermin e Wuche später isch nüüt meh umexi. Ha mega Angscht vor dem, dass ich das so namal muess erlebe. Drum gangi lieber spat das mal, und denn hoffi dass mers Herzli grad xeh schlah und wenn nöd, denn weissi au grad worah ich bin. Defür hani no kei Bildli und kein Muetterschaftspass und nix. Isch letschtmal zuesätzlich schlimm xi dass i das alles scho diheime gha ha.

[Suesel]

@flufferly: Nei ich stille nüm. han nur 2 Wuche voll gstillt und denn no so es bitzeli bis 10 wuche noch de Geburt. nochher nüm. Das mol werd ich sicher nüm so es Theater mitmache we s letscht mol mit pumpe und so. bin etzt viel entspannter.

@ageiro: ich han das bim erste au uuu heftig gha. immer am obig. sicher die erste 14 wuche jede tag. etzt bim zweite han ich s au scho wieder bitz. aber nüm so fest und nüm so regelmässig.

ich han überhaupt kei schwangerschaftsanzeiche. s einzige was ich merk isch dass ich me hunger han und dass ich wieder öppis rieche. han e uuu schlechti nase. aber scho i de erste SS han ich agfange z schmöcke und etzt isch es wieder so wiit. für öpper wo suscht gar nüt schmöckt, stinkt d welt unglaublich ÖV, Mensa, Sport - alles stinkt

[Giulia82]

Hallo Zäme

Ich möcht au gern mitschriebe. Ha vor 4 Täg positiv testet Es hät grad bim 1. ÜZ klappet und bi no total durenand, weil mer nöd damit grechnet händ. Euses erste Chind hät knapp 2 Jahr uf sich warte la und isch schlussendlich mit de 2. IUI entstande. Mer freuet eus riesig, dass es jetzt spontan uf natürlichen Weg grad klappet hät Jetzt hoffet mer, dass alles guet isch und euses 2. Wunder bi eus bliebt. Ha de ersti US erst Afangs April

Mini Date:
12.11.2020 / Giulia82 / AG / 1982 / Sohn 2019

[Niclynn]

Liebi Giulia

Juhu öppert usem AG, vo wo denn? Schön hets so spontan klappet, alles gueti wiiterhin.

lg