Juhu auch wir legen los- die Schwangeren

[Smack]

@ Rafa
Jo das wär scho cool, zum noch es paar Mönet wieder chöne i'zstiege. Aber ich weiss äbe gar ned, öb ich würklich wet schaffe miteme Baby Deheime. Min Chef wird das au verstoh, und ich bin mier sicher, er weiss das es für us klar isch, das mer einisch Chind händ.
Aber es wird vermuetlich ned möglich si, das ich eifach en Pause i dem Sinn mache. Er chan mini Arbet net mache, dönd doof aber das funktioniert ned. Denn isch d'Frog, hört er ganz uf oder chunt öper neus für mich. Es isch ned eifach, aber ich warte no es bitzli zums ihm säge. Sicher erscht nochem erschte Untersuech. Ich wets ihm au so gli wie möglich säge, damit er au chli chan plane.

[Deidelina]

Hallo Zämme

So jetzt chumi au wieder emol drzue zum öbis schriebe.

@alessa
Muess dämfall au emol uf das chinesische Horoskop druf go und go luege.

@carina
Schön gohts Dir besser, vorallem nach alldem wo duregmacht hesch.
Jo säg nüt, ich fang jedes mol fürchterlich afo schnuufe wenn ich die paar Stägetritt (14 Stk.) in 1. Stock muess laufe. zum Glück hätte mir au no e Lift.

@me
Ha jo hüt Kontrolle gha.
Es isch alles tip top. Es isch alles dra wo dra ghört und alles sowit in Ordnig.
Es isch scho 7cm gross und bi jetzt 12+5.
Dr Termin isch natürlich dr besti.
Dr 10.12. ich säg jetzt nit, dass unseri Chlei au denn uf d Welt cho isch.

[Sarenz]

So, ich chume au wedermol zum schribe

@wendy
Ou nei immerno bluetige?

@carina
Schön gohts dir so guet und chasches Gnüsse!

@alessa
Schön händ bi dir alli so toll reagiert im gschäft. Das wird bi mir leider Def. nit de fall si! Im Team werde sicher ned alli begeisteret si und min Chef erst rächt Ned! Hä ehrlichgseit au rächt angst devor szsäge! Die und die nächst Wuche hani Ferie, nachher Bibi die 10. Wuche (chume i die 11.) und mueses säge! Ich befürchte nämli ich Pass nüm i Mini Arbetskleider..

@rafa
So schön, gratuliere zum Meitli!

@smack
Und, immerno alles guet bi dir? Süessi Signatur hesch

@deidelina
Uh, de glich Geburtstermin.. Weisch wie?! Mini Gschwüsterti und ich händ au alli innert einere Wuche Geburtstag!

@horoskop
Also lut dem gits es Meitli. Ich bi au immer der Überzügig gsi ich bechum es Meitli..aaber sit ich Schwanger bin, bini überzoge dases en Bueb git!

@me
Ferie!! I volle züg am gnüsse rund ums Huus. Fänsterputz (Mir händ ned grad wenig) Zoo und eifach chli Sii..met de Übelkeit isches chli besser,aber müed bini immerno extreem

[Carina16]

E schöne Sonntig metenand

@Sarenz: Jupi, gniess dini Ferie ond erholdi guet!

@Deidelina: Scön esch alles tiptop! Ond de no de gliich Termin, hihi! Mini Cousine send au am gliiche Tag of d'Wält cho, aber nor eis Johr usenand Ond jo, Stäge send au grad mis Hassobjekt; schpötischtens dete werd ech weder dra erenneret, dass ech jo schwanger be Ond mer hend ke Left ond wohnid rächt im Hogger obe! Aber das haltet jo fit ond ech ha gläse, das helfi de be de Gebort, wemmer chli Kondition heigi

@Smack: Das esch natürlech en verzweckti Situation i dim Gschäft! Aber kommt Zeit, kommt Rat. Ech wörd mech ez gar ned verrockt mache met dem...

@Chinesisches Horospkop: Ech ha ke Ahnig, wenn üses Baby zügt worde esch, drom loni das glaub lieber lo bliibe ond warte, bes mer de Arzt seid wases ged (hoffe emmerno ofenes Meitli )

@Rafa: Danke förd Uskonft zom Bluetescht. Be jo gspannt wie das de lauft am Fritig (wett es wär scho so wiit...).

@alessa: Schön hend sech alli so gfreut för dech!

Hebid e schöne Sonntig!

[alessa]

Guätä Morgä mitänand

Wiä gahts üch? Sinder am schönä Wetter gnüssä?

Sarenz: Ich han au voll angst ka vor dem gschpröch han dänkt min chef chunt ä krisä über, da ich diä viärt bin in üserer Firma wo SS isch aber isch alles besser cho als gmeint
Gnüss dini Feriä aber nimms nöd sträng! Erhol dich au chli!

Deidelina: Das muäss mä chönä...2 chind und beid dr glich ET..bin gspannt wänns dä würckli uf d'welt chunt.

Smack: Hesch din Termin übercho?

Carina, Cliini, Linn, Wendy, September: Wiä gahts üch? Vo dä eintä hani scho lang nütmeh glesä.

Mutterpass: han mal ä frag, gits dr Muätterpass nümä oder erst spöter? Ich han no keinä

Me: alles ok, min Buch wachst fliessig

Schöns Tägli

[Deidelina]

@alessa
Das isch halt können.
Bi also au gspannt wenns denn wirklich uf d Welt chunt.

@Mutterpass
Das hani mi au scho gfrogt, ich ha nämlich au keine becho, bis jetzt ämel nit.

@Smack
Hesch dr Termin scho becho?

Und suscht gohts Euch allne guet?
Ich würd jetzt am liebste schön ufem Balkon sitze und es Glacé ässe anstatt do im Büro müesse sitze.
Naja, goht jo nur no bis am 16.30H.

[Smack]

Gugus
Sorry, ich hab das do ned abonniert und hans völlig vepreilt

@ Sarenz
Danke jo, alles tip top. Danke für Kompliment zude Signatur

@ Alessa
Jo, juhu! 19.6!

@ Deidelina
Jaaaaa Am 19. Juni dörfi verbi
Nimme aber glaubs mine Maa ned mit. Weiss gar ned. Wie hend iehrs so gmacht?

@ Glace
Wäri also au debi

@ me
nüt neuis eigentlich. So langsam han ich's Gfühl, ich merke doch das i schwanger bin
Ich bi jo total afängerin, aber ich ha s'Gfühl, do ufem Bürostuehl, wenn ich ned Pfiifegrad hocke, drückts mer uf de Buch (isch jo no überhaupt nüt ume). Vermuetlich gohts eh grad düre mit mer. Zudem hani mensigs Zieh im UL. Ha gläse, Magnesium sell helfe, weiss das öpert? Chönti eifach chli vom Coop hole? (git so Packige dete)

[Sarenz]

@alessa
Danke vill mol! Das machi, bi vill am ligge und nomitagsschlöfli am mache.

@smack
So guet, wie wit bisch am 19.?
Aso das mensartige zieh hani nach wie vor, das sind d Muetter änder wo sich usdehnet hani ghört. Ich nime nüt, findes irgendwie beruhigend, wenn öbbis zieht. Ich mein, denn wachst sicher au öbbis in mir
Maa mitneh: mine isch mitcho und er hets super gfunde! Es isch für ihn s erst mol "grifbar" gsi woner s härzli gseh het! Usserdem hätter mir nit glaubt, dasses en zwilling geh het wo aber nüt worde isch.. Er wird immer wenn möglich mitcho, isch natürlich au en Vorteil, dass er unregelmässig schafft.

@glace
Ha soo luscht uf pistaziehlace siti SS bi und mir elei en chübel gholt (GG hets ned gern) do nimmi doch nachher grad wedermol es Kügeli

@me
Bi ufgregt..am fritig hani de 2. Untersuech wo s alter nomol ahgluegt wird und mini ergäbnis vom Bluettest (ned ETT, nume Rötele etc.) bechume. Zudem hoffi dases kräftig gwachse isch und s härzli noimmer pöpperlet.

Wünsch euch e sunnige nomitag

[Smack]

@ Sarenz
Ich bi den ide 8. Wuche
Er chunt nocher sicher au mit, aber so bim erschte Mol wet er glaub no ned so richtig. Ich zwinge ihn ned Und mier isches au rächt, dä chani die Froge froge, oder no dies und das bespräche.
Jo gäll, do ich sus kein Ahzeiche han, nimi das Zieh also au no in kauf

@ Test
Das git jo unheimlich viel Teschts, wo Frau über sich mues ergoh loh. No nie ghört, Rötele Tescht etc
Drück der d'Düme füre Fritig, gisch de Bescheid

[angelina-a]

Liebe alle

ich platz jetzt einfach mal hier rein...habe bei den "hibblerinnen" ("juhu auch wir legen los...") immer wieder mitgelesen und nie so richtig mitgeschrieben, weil ich mich durch die dauernde auseinandersetzung im forum nicht zusätzlich unter stress bringen wollte..ich hatte und hab drum einen total unregelmässigen zyklus und hatte immer ein wenig bammel, dass es vielleicht monate, jahre dauert, bis es bei mir einschlägt.

gerade eben habe ich einen schwangerschaftstest gemacht.
sowas von fett positiv!
dann noch einen mit den letzten tropfen urin...ja, schwanger.
ich kanns nicht glauben, bin ganz aus dem häuschen, und alleine zu hause, mein partner ist nicht erreichbar. darf ich mich euch ein anschliessen? ich glaube, jetzt brauche ich definitiv den austausch...

zu mir:
angelina-a: BE/ 89/ 1. Kind/ ET ??

herzliche grüsse!
angelina

[Smack]

@angelina
Jeeeeeeey!!! gratuliere von Herzen!!!!
Ist dein Mann da inzwischen?
Das gibt wohl auch ein Februarli!! Willkommen im Club

[angelina-a]

merci villmol! i chans no gar nöd glaube, s isch total unwürklich alles, und glichzitig isches mir doch au völlig klar: min körper het eigentlich zimlich starchi signal geh. trotzdem hani denk denkt, vilicht chämi eifoch d mens. und denn hüt obig, so ganz spontan: naja, chum, denn machi halt doch mol en test! voilà.

nei, min gg isch nonig do, i mue no es stündli warte...und han vorher bim spaziere schön müese ufs muul hocke, dasi mine kolleginne nünt verzellt han!

februar schint mir au wohrschinlich als ET - du demfall au?! wie gohts dir eigentlich mitlerwile?
wobi, i han kei ahnig, wenn min ES gsi isch und wenn das d Schwangerschaft iträtte isch...jedefalls hend mitti mai d brüst extrem agfange spanne, i tippe, dasi denn dä ES gha han.

jetzt hani grad es biz es schlächts gwüsse, wili i dä letschte wuchene eis, zwei mol es gläsli wii trunke han... isch alkohol grad i de früehschwangerschaft problematischer? oder gits vom schwangerschaftsstatus her kein unterschied, wie schädlich d wirkige für de embryo sind?

ganz liebi grüess!
angelina

[alessa]

Juhuuuu

Deidelina: hesch du bim erstä chind dr Muätterpass übercho?
Han im internet glesä das er idr schwiiz nöd obligatorisch isch, wänn user land gasch dä chuntsch einä über. Ich wirds mal am Mittwoch asprechä, da mir ja am September id feriä gönd möchti scho öpis chönä vorwisä wänn öpis wär.

Smack: das isch ja scho bald

Sarenz: viel spass morn!!!

Angelina: Willkommen und Glückwunsch
Wiä het din GG reagiert?

Liäbs Grüässli
Alessa

[alessa]

Sorry vergessä...

Smack: Ich han au so Buchweh ka, han dä Magnesium gno und mir hets gholfä.

[angelina-a]

@ alessa: min gg isch heicho, ich quietschifidel im bett am warte. er froget: hm, wieso hesch denn du sones rots gsicht? und ich, noch wörter ringend, denn fadegrad: i bin schwanger.
er hät mi umarmt, mir sind beidi zerst sprochlos gsi, und denn hemer e stund lang eifoch plauderet, über die freud, espaar ängst, über näme und göttis, alles mögliche...
also unspektakulär, wobi, isch im jetzige moment IRGEND öppis unspektakulär:-)?

oh, alessa, i gseh grad, das du di erste 12 wuche gschafft hesch! gratulation! häsch d neuigkeit scho mit vilne lüüt teilt?

ganz en liebe gruess eu alne

[Rafa]

hallo ihr liäbä

wiä gahts eui? das wetter isch ja dä oberhammer!!!!!

@deidelina
hey so cool mit äm ET....das muäss dir zerst mal no öper nahmachä würsch äs dänn lässig findä wänns am glichä tag geburtstag hettäd? min ET fahlt ebä au ziemlich näch uf min geburtstag und ich hoff also scho dass äs nöd genau dänn chunt! schön isch bim untersuäch alles tip top gsi...das freut mich!

@sarenz
dankä
gnüss dini feriä und immer schön entspannä zwüschäd durrä
wieso häsch dänn du s'gfühl dass dis team und dä chef nöd freud wärdäd ha a dinärä SS?
ich wünsch dir hüt ganz än guätä untersuäch!

@carina
machs ganz guät hüt...druck dir düümä dass alles tip top isch!

@mutterpass/schwangerschaftspass
dä han ich bim zweitä termin übercho!

@alessa
schön, dä söll nur flissig wachsä

@smack
jupppi ändlich weisch wänn du dis smackli därfsch go aluägä isch würklich ganz ä süässli signatur!
magnesium hilft so ziemlich gägä alles i dä SS mer bruchts vor allem gägä chrämpf, härtä buuch oder verstopfig...ich dänk das ziäh im UL isch völlig normal...aber mal magnesium usprobiärä chasch sicher mal guät....diä vom coop und migros sind eifach nöd so höchdosiert wiä diä vo dä apo aber sie helfed sicher au!
min GG isch nöd bi jedem termin däbi gsi...isch au vom arbetsweg nöd würklich möglich! bim ETT und bim organscreening hät er wellä mitcho und detä hämer eifach gluägäd dass mer än randtermin überchömäd! ich muäss än au nöd jedes mal däbi ha

@angelina-a
herzlichi gratulation zum positivä test und herzlich willkommä bi euis
mini zyklä sind au unregelmässig gsi und vor allem sehr lang...und doch häts bi minärä erschtä tochter im erschtä ÜZ und dasmal bim zweitä ÜZ iigschlagä...ich säg nur, wänns wennd cho dänn chömäds au egal wiäs mit äm zyklus usgseht! sooo schööööön....freut mich sehr für dich!

@me
bin jetzt i dä 23. wuchä und äs gaht mir tip top...mir flügäd am mäntig für 10 täg ab id feriä....freui mich soooooo fescht! nach dä feriä muäss ich dänn zum zuckertest atrabä...freui mich nonig würklich

also ihr liäbä....machäds ganz guät...wird i dä feriä sicher flissig mitläsä (muäss ja wüssä wiäs eui gaht) aber sicher nöd flissig mitschriebä....aber nachher natürlich dänn wieder

gnüssäd d'sunnä...liäbs grüässli rafa

[Carina16]

Hallo metenand

A dem schöne Brögglitag, wo ech zwar frei ha aber gliich chli i de Schuel am Schäffele be, nehm ech mer doch au weder mol 5 Minute Ziit för euich

@angelina-a: Härzlech wellkomme be euis ond e gueti Schwangerschaft! Ond jo, du hesch rächt, be mer esch idere Schwangerschaft au ergendwie alles spektatkulär Aber ech ha au es ständigs Gfühlschaos; mol himmelhochjauchzed, denn trurig, denn änglescht, dass ergendöbbis ned guet esch ond denn weder e sone Secherheit, dass alles wonderbar chond onds üsem Schätzeli tiptop god i mim Buuch.... PS: Wägem Alkohol muesch der gar ke Sorge mache, die ersch Ziit hed das no ke Ifloss. Ez müesstisch eifach drengenscht druuf verzechte Aber das weisch jo secher, hihi.

@alessa: Sägs ned, mi Buuch wachst au, aber es send au chli vell Fettvorröt grad, do beni scho ehrlech zo mer

@Sarenz: Dröck der Dume för höt; muess jo au no atrabe, aber leider erscht am halbi 4i. Deför cha mi Gg metcho...

@gg: Är esch bes jetzt emmer debii gsi be de Ondersüech. Är wett das emmer ombedengt meterläbe, ech glaube är bruucht das, zom die SS z'realisiere. Ond ech be ehrlech gseid au froh, wenn ech ned so eleige muess detesetze, es dod mer guet, dasser debii esch.

@Muetterpass: Ech ha nor d'Hölle öbercho, aber nor zom alli Ultraschallföteli z'sammle ond secher heizbrenge

@Rafa: Schön gods der so guet! Wönsch der vo Härze wonderschöni, erholsami Ferie ond genau so tolls Wätter wies ez grad esch

@me: Höt Nomi US ond Nackefalte! Be mega ufgregt, hoffe alles esch i.O. Im Momänt hani grad ächt chli Problem metem Chreislauf; geschter Morge heds mi im Bad scho weder verteschet, zom Glöck hemmer frei gha ond ech ha mim Gg chönne rüefe! Häts ned mol bes zom Chüelschrank för en Orangesagt gschafft! Muess eifach grad nochem Verwache ufstoh ond chli Zocker zo mer näh (aber äbe; das esch figurtechnisch ned so toll. Ha scho 5 kg zuegno sett ech ss be )!

So, ehr müend scho gliii weder vo mer läse ehr Arme
Hebid e schöne Sommertag

[Sarenz]

Hallo ihr liebe

@angelina
Hörzlich wilkomme i eusem Grüppli! wünsche dir e schöni SS.

@rafa
Danke, ich entspann mi sehr!
Das isch eso, ich bi denn nüm richtig ihsatzfähig! Sprich ich bi numeno im Büro und meh ahwäsend, als nützlich. All mini Wucheend und dienste müed anderi überneh. Zudem hani arbetskleider, uii die passe mer bestimmt nüm lang! Wenn übdrhaupt no, mueses hüt mol probiere.

@carina
Ich wünsch der en ganz tolle untersuech hüt und das alles guet usechunnt!

@me
Min Untersuech isch tip top gsi! Es isch schön gwachse und langsam erkennt mer es baby ich bi au total gsund und han alles wos chline brucht! Bi sehr erliechteret! Am 25.6. hani bereits de ETT, bzw. mer mache nume d Nackefalte.

Soo, ich wünsch euch e schöns Tägli, die wo frei händ:gnüsseds! Und dir andere chönnd jo am obe auno gnüsse

[angelina-a]

merci villmol fürs “ufneh” do!

@ rafa: ou ja, was für e sunne!! s isch jo herrlich, aber so richtig gwöhnt bini si tatsächlich no nöd. mol luege, wie sich de summer mit ss verträge wird:-).
vowäge langi zykle: I han teilwis d mens würklich espaar mönet, sogar bis zu 1 ½ johr nöd gha...d FA hät das immer gwüsst und mi toll drin unterstützt, ohni mir angst z mache und medis z verschribe. si het immer gseit “wenn sie dann schwanger werden wollen, kriegen wir das hin”. im dezember – wo dä ss-wunsch starch gsi isch – het si mi rdenn schilddrüesehormon (eltroxin) verschribe.
min gedanke hät ähnlich tönt win dine: wenn min körper wött, wenns würklich so söll si, denn werdi schwanger. und tatsächlich. so,so,so schön.

hey du bisch jo scho richtig wiit! gnüss d ferie, lohs dir guetgoh.

@ carina 16: ooh ja, alkohol tueni natürlich ab jetzt absolut miidä! no problem und no so gärn!

hend ihr fraue eigentlich scho vor dä ss und au jetzt folsüri gno? me läst jo überall, dases superwichtig seg. I han aber au scho ghört, dases nur gno werdi söll, wenn d bluetwert denoch “verlanged”. wie gsehnd ihr das thema?

toitoitoi bi de untersuechig hüt nomi. schribsch üs denn, wies gloffe isch?

@ sarenz: das tönt jo sehr guet...i chan mir vorstelle dases en unglaubliche moment isch, wenn mer das chline pöpperli denn gseht.


à propos FA: I han gest aglüte und en termin scho für dä 11. Juni bescho. das heisst, dasi denn möglicherwiis erst idä 6. ssw bin (möglicherwis au scho wiiter). finded ihr das vill z früeh? I wär eifoch froh ungefähr z wüsse, woni stoh, und ob alles döt isch, wos sött.

gönd ihr eigentlich in spitol go gebäre?

en liebe gruess!
angelina

[Carina16]

E wonderschöne Sonntig metenand

@Sarenz: Schön esch bem Ondersuech alles guet gsi. Dröck der scho mol Düme för de 25.6.

@angelina-a: Also Folsüri han ech scho öbbe 6 Mönet bevor ech schwanger worde be gno (esch met mim FA so abgsproche gsi) ond ha sie jetzt geschter döffe absetze (Ändi 13. Woche).
Dine FA-Termin esch tiptop gläge; ech be denn au gange ond mer hed guet gseh, dass det öbbis esch ond das alles am rechtige Ort esch. Ond i de 8. SSW hani nomol döffe go ond det hed mer scho s'Härzli ghört!

@me: De Ondersuech esch tiptop gsi! Mis Wörmli esch 66mm lang ond d'Nackefaltig esch i.O. Ofe Bluettescht müemer halt nochli warte... Aber es gsed alles guet us. Üses Baby esch extrem aktiv gsi, esch ufe ond abe gompet, hed sech om die eigeti Achse dreid, hed gwonke ond sech rechtig met üs i Kontakt gsetzt Mer hättet chönne stondelang zueluege! Es esch wonderschön ond ech be sooooooooooooooooo froh, dass alles i.O. esch! Jetzt hanis ändlech realisiert: Ech be schwanger ond do esch es wenzigs Baby i mer enne met allem dra! Onglaublech! Mer send verliebt!

Gniessed de Räschte vom Wochenändi!