WINTI MAMI'S De Teil 86!

[Shorna]

Doodle fürs Treffe im Hegipark

Nick / Alter / Anz.Kinder / Name der Kinder / Geb. der Kinder


Sanime / 23.09.1977 / 1 / Niklas / 14.09.04
blablabla / 05.04.1978 / 2 / Dario / 19.11.04 / Ciril / 22.10.07
Bora / 03.01.1979 / 3 / Jonas Nick / 26.04.05 / Noah Levin / 23.05.07 / Lenni Ben / 04.03.11
Candine / 23.01.79 / 3 / Seraina / 18.05.06 / Gianluca / 27.08.08 / Gioia / 24.12.10
Chlini / 23.07.1978 / 2 / Dennis Julien / 12.09.05 / Nevio Kai / 31.01.08
Cia1 / 06.12.1981 / 3 / Jamie Patrick / 09.05.05 / Jessica Vanessa / 30.11.07 / Alessia Sara / 24.09.10
Turbohuän / 13.03.1977 / 1 / Kimi / 20.12.05 / Lenja/ 09.05.12 / Jari 01.07.2013
Wieseli / 15.07.1984 / 2 / Liana / 07.06.08 / Lionel / 18.11.10
Fame 10 / 22.06.1979 / 1 / Jan Luca / 14.04.05
Nil79 / 20.04.1979 / 2 / Loris / 14.09.05 / Nadine / ???
Shorna / 04.10.1979 / 2 / Dian / 23.09.03 / Yael / 04.09.11
Roscia / 24.03.1982/ 2 / Dominic/ 15.12.2005 / Lionel / ????
Saralena / 14.09.1974 / 2 / Rahel / 03.09.06 / Riana / 01.04.08
TiFlaYa / 02.02.1981 / 2 / Yanic M. / 19.12.06 / Flavio P. / 29.09.08 / Timea 27.06.2012
Sprössli / 06.06.1980 / 3 / Sven Mika / 12.01.05 / Lars Samu / 05.05.08 / Mats Kimo / 02.10.10
yakari / 12.02.1981 / 4 / Joel / 27.09.03 / Micha / 28.10.05
Zwetschge / 04.03.1983 / 1 / Xavier / 17.11.05 / Julien 17.09.2013
Flux / 23.05.1979 /1 /Oliver / 05.09.2012

[Shorna]

Ich han au total de Plausch gha, eu all wieder mal z gseh! Mir händ no en schöne rest Namittag gha und en super Abig!
Mir händ fein gässe und händs eifach nur chöne gnüsse!

@ man
Du bisch nanig uf de erste Siete, chasch du mir susch na d Geburtsdate vo dine Chind gä?

[Candine]

Shorna: Danke fürs eröffne. Isch das Restei dämfau empfählenswärt? Wiä fühusch du di mitem nöiä Namä? Ma mi äbe no guet a üsi Begägnig dert emau erinnere. Weisch weli dasi meine?

Man: Chume nid druus, was mit dene : uf sich söu ha?

Wünsche aune ganz e schöne Nami!

[man]

Candine: ich möcht nid das mini eltere d'chind im google findet und meh informatione hend als notwendig. Und so staht de name dete, isch aber nid googlebar...


Shorna: ich cha jetzt pn's verschicke, mache nachher eini und gib dir d'date dure...

[cia1]

@Shorna
Danke fürs Eröffne

[Shorna]

@ Candine
Das Resti ist eifach de Knaller! Mir sind soooo guet bewirtet worde und s Ässe ist eifach nur fein gsi. *schwärm*
A min neue Name mues ich mich gluabs scho nachli gwöhne. Wird aber sicher no...

@ man
Danke, ich wirds demfall au chli verschlüssled ufschriebe... Mir chömed ja drus.

@ cia
Bitte, gern gscheh.

[Shorna]

Happy Birthday liebi Liana! Alles gueti zu dim 4. Geburi!

[TiFlaYa]

ABO löse....

@Liana
häppy häppy B-Day Prinzessin...

[Candine]

Geburi: Ig wünsche aune Mamis und aune Chind wo Geburi hei odr gha hei, aues Gueti!

Man: Aha, das isch no ä gueti Idee. Guet mini Eutete + Schwiegis chöme eh nid druus mitem Google und sie würdes ou nid machä. Machsches de vorauem wäge dini Eutere?

Shorna: Heschmer d`Adrässä vo däm feine Resti? Hets e HP?

Uusgang: Si mi Maa und ig am letschte Sunntig ou wieder mau gsii. är het de äs Resti reserviert und ig ha nid gwüsst wos häre geit. Mir si de ide Räbe in Nefti gsii. Das isch ouso ou hammer!!! Diä hei x- verschiedeni Cordonbleu. Möcht grad wieder ga

[Shorna]

Liebi Winti Mamis, mir händ grad s Gschänkli vo eu ufgmacht... Ihr sind ja wahnsinnig! Mir bedanked eus vo herze bi eu und mir werdet de Abig sicher gnüsse, wämer de Guetschii ilösed.

[Shorna]

@ candine
D Räbe in Näfti ist super, mir gönd au gern dethi.


Das ist de Link vom alte Steinshof, er wird aber nüm als Resti betriebe. Er ist nur no offe abere Gsellschaft ab 8 Personen.

http://www.alter-steinshof.ch/

[man]

Ja hauptsächlich wege mine eltere. Ich bin ja fast immer in panik dass sie mir kind entfüheret! Ich cha nid entspannt go poste... Ich ha immer s'gfühl wenni mi umdrehe schnappt mir eine mini chind weg! Ich gange deswege au nid soooo hüfig weg, wenn de babysitter türe ufmacht und oh mein gott! De totali horror!

[Fame10]

@man
Ui, das tönt ja voll Horror!

[TiFlaYa]

Man
das isch ja schlimm - darf meh frage wieso?
Auso ig weiss das wenn ig nim wär, sich der P. müsst recht duresetze das er Kidz darf palte. Mir hend drum ja au mit allem drum und drah für der Fall was ufsetze lah - ned das da mini Eltere vorallem mi Vater deh würd dervo abhalte... Bi eus, auso mim Daddy isch da hald doch s'Südländische... Volls Kische weiss, abr leider e Tatsach...

[Candine]

Man: Ui nei, hesches gar nid guet mit dine Euterä? oje, so in Sorge zläbe isch ou nid grad eifach. Ig wünsche dir für jede Tag (jedi Nacht) gaaaaaaaanz viiiiiiiiiiu CHRAFT!!!!

Shorna: Bitte scho rächt. Für so e tolli Frou (und Maa) machtme doch gärn so äs Gschänk. Dä Steinshof gseht würklich schön uus. Danke für de Link..

[man]

mini Eltere: churzform: ich ha mit 28-gi zum erste mal mine Ältere wiedersproche und das isch nid guät aacho... und denn hend mir de Kontakt gsamthaft abbroche!

d'N:aya cha chnünlä. So herzig. Und am zahne isch sie au grad na. Biist ii alles ine und isch meeeega schlecht glunet. So isch sie scho letschtmal druf gsi wo sie zahnet hät.

Hüt hani so heiss hunger gha uf alles was mir id nächi cho isch dasi us luuter schlecht gwüsse hüt am halbi elfi uf de Hometrainer gstige bin und na chli gaas geh han. min Maa wür säge, sötsch mal endlich schlafe... rächt hät är.

[Shorna]

@ man
Das ist nid eifach.

D Yael ist au sidere Wuche am Zahne und ist super knatschig. Hät immer wieder Fieber und d Nächt sind alles andere als erholsam.

Häsch no chöne schlafe, nachdem so spat no gspörtlet häsch? Ich bin nach en spörtle immer total ufklöpft.

[Turbohuän]

abolös

@man
Läck das tuet mer dänn leid! Isch ja voll schlimm so
Hoffe ganz fescht, dass ihr das irgendwie wieder is Lot bringed und du nöd immer muesch Angscht ha!

@Shorna
Bitte sehr gern gscheh! Schön, dass ihr Freud händ und ja, ihr werdeds sicher gnüsse

@Reschti
Ich möcht au wieder äs paar Tipps zum fein go ässe. Das wird i dä nächschte Ziit wohl s'einzig sii wo mir viellicht ab und zue werded mache! Also: Tipps daher!
D'Räbe känni natürli scho laaaaang

@zahnendi Chind
Ich hoffe, sie müend nöd zfescht liide und die Zäh chömed rasch. Das staht euis dänn no alles bevor!

@Lenja
Macht glaub grad en Wachstumsschub dure! Isch uh vill am brüele, brucht no meh Nöchi als suscht und chunnt vill öfter und hät hunger! Hoffentli gaht das schnäll verbii, isch aso rächt nährhaft so und min Maa isch leider gägem Job, Huusbau und Sport nöd würkli grad vill ume zum mich understütze...

@Kimi
Dä isch geschter vom Papi-Wucheänd hei cho und hät bim is Bett gah furchtbar und sehr lang müese brüele. Er vermissi sin Papi so fescht und er welli amigs länger bi ihm bliibe etc. etc. Han dänn irgendwie use gspürt, dasses glaub isch, will min Ex wieder ä feschti Fründin hät und das macht em wohl chli Angscht Ui er hät mer sooo leid tah! Hüt morge isch er dänn wieder guet druf gsi - hüt dörf er au id Schuel go "schnuppere"

@ich
Bin müed! D'Lenja chunnt zwar nur 1-2x i dä Nacht, aber die Nacht hät sie nachem Stille nüme i ihres Bettli resp. Stubewägeli welle und hät ume knorzet wie blöd. Bin dänn mit ihre id Stube füre, damit dä S. hät chöne schlafe. Tja, so Nächt wirds wohl no öppe gäh und ich sött unbedingt min Kafi-Konsum reduziere

[Shorna]

@ Turbohuän / Resti
S Wiesental in Rickenbach chan ich empfele mit feine Pizzen.

Schlaflos:
Das wird wohl scho no die eint oder ander Nacht gä i de nächste Mönät und Jahr. Ghört derzue und trotzdem es schlucht eifach...

[Shorna]

@ Turbohuän
Wie gahts de Lanja? Ist besser?

us:
Läck, die Zahnerei... D Yael hat jetzt zwar kei Fieber meh, aber es ist au no kein wietere Zah dure gstosse. 4 Stk. gseht mer, dass chömed aber ebe... Die muen sie sich echt verdiene.