TURBOGEBURT VO ÜSEM 2.WUNGER

Teilt Eure Erfahrungen!

Moderator: Phönix

Antworten
Benutzeravatar
RingelSocke
auf Wunsch deaktiviert
Beiträge: 477
Registriert: Mo 26. Okt 2009, 21:04
Geschlecht: weiblich

TURBOGEBURT VO ÜSEM 2.WUNGER

Beitrag von RingelSocke »

GEBURTSBRICHT VOR ALINE

FÜR MI FOT GEBURT VO ÜSEM 2.WUNGER SCHO CHLI FRÜECHER A.WIU IG BI REMO’S GEBURT ZIEMECHI BLESSURE HA DRVO TREIT,ISCH D’ANGSCHT DAS GANZE NOMOU Z’SCHAFFE,GÄGE ÄNDI VOR SCHWANGERSCHAFT GÄNG WI GRÖSSER WORDE.

UM MÜGLECHSCHT GUET VORBEREITET Z’SI HANI AUES GMACHT WO SÖU HÄUFE:AB DR 35.SSW BINI ID AKUPUNKTUR,HA HIMBEERBLÄTTERTEE TRUNKE,HA HEUBLUEMEDAMPFBÄDER GNO UND HA TÄGLECH MIT ÄM EPI-NO TRAINIERT.

ÜSI BOHNE HET SICH DU ABER ZYT GLO.DR TERMIN ISCH DÜRE UND MIR WARTE UND WARTE.AUI MITTELI WO SÖUI HÄUFE DR START FÜR D’GEBURT Z’BESCHLÖINIGE HEI NÜT GNÜTZT.

SO HANI MI 12 TÄG NACH TERMIN DRZUE ÄNTSCHLOSSE Ä WEHECOCKTAIL Z’NÄ.VO 7-8 AM OBE HANI DAS GRUSIGE ZÜGS TRUNKE. IG HA NATÜRLI NID DRA GLOUBT,DASS ÖPIS PASSIERT.ABER SIEHE DA,DS RIZINUSÖL HET SINI WÜRKIG BROCHT!
CHURZ DRUF,ÄM VIERTU VOR ÖUFI GSCHPÜRI Z’ERSCHTE HEFTIGE ZIE.IG WOT NO GO DUSCHE UND DAS ISCH ZIEMLI SCHWIRIG WE EIM GRAD VO AFANG A AU 3 MINUTE ÄS HEFTIGS WEH ÜBERROUT.NUR Ä HAUB STUNG SPÖTER LÜTE IG IS SPITAU A UND DI SÄGE IG SÖU RASSIG CHO.MI MAA SEIT NO:JO,SO PRESSIERE WIRD’S WOU NID. IS OUTO CHÖNNE HÖCKE WÄR NÜM GANGE UND DRUM BINI IM VIERFÜESSLER HINGE DRIN GSI.


CHURZ VOR DÄ ZWÖUFE CHÖME MIR IM SPITAU A UND MINI WEHE CHÖME MITTLERWILE FASCH OHNI POUSE SO AU 1-2 MINUTE.DR MUETTERMUND ISCH 5CM OFFE UND S’CHÖPFLI SCHO SCHÖN IM BECKI.UM DI EINE GSCHPÜRI WIE ÄS PLOPP I MIR IN UND SCHO SPRUDLET S’FRUCHTWASSER US MIR USE.HA ZWÜSCHIN GÄNG WIDER PROBIERT UFZSTO WIUI Z’GFÜEU HA GHA IG MÜESS UF’S WC.D’HEBAMME HET DU GMEINT,WENI JETZ MEINI IG MÜESS STUELE,DE SIG DAS DS CHÖPFLI WO DRÜCKT.NACHDÄM SI HET NOCHE GLUEGT NIMMT SI S’TELEFON UND LÜTET ÄR ASSISTÄNZÄRZTI A,DASS SI Z’ZWÖIT WÄRI,FAUS ÖPIS WÄR UND MIR BEIDI BETRÖIG BRUCHTI.

CHUM HET SI UFGHÄNKT CHUNNT S’ERSCHTE PRESSWEH UND SCHO ISCH DR CHOPF GEBORE UND DR CHLIN KÖRPER FLUTSCHT NUR SO HINGER NOCHE.ÄS ISCH GENAU 2.00 UHR.MIR SI AUI ÜBERRASCHT,DASS JETZ GRAD SOOO SCHNÄU ISCH GANGE.DI ÄRZTIN TUET TÜRE UF,LEIT HÄNTSCHE A UND SEIT:SO,FROU WYSS,JETZ GEITS NÜME LANG.IG LUEGE SE A UND SÄGE:DIR SIT Z’SPÄT.ERSCH JETZ MERKT SI,DASS ÜSI ALINE SCHO ZWÜSCHE MINE BEI LIGT.
SIMU ISCH ÜBERGLÜCKLECH UND HET TRÄNE I DÄ OUGE VOR FRÖID ÜBER DAS CHLINE WUNGER.ÄR NABLET SE AB UND SI DARF SOFORT ZU MIR UF D’BRUSCHT.DAS GFÜEU SE ÄNDLI I DÄ ARME ZHA ISCH SOOO RIISIG SCHÖN UND DÄ ERSCHT OUGEBLICK EIFACH UNBESCHRIBLECH !


LEIDER ISCH DAS ABER NO NID S’ÄNDI.D’PLAZENTA MUESS JO OU NO USE.LEIDER HANI KENI WEHE ME UND OU AUES UF ÄM BUUCH UMEDRÜCKE NÜTZT NÜT.SI STÄCHE Ä BLASEKADETER UND DAMIT OXYTOCIN USGSCHÜTTET WIRD DARF D’ALINE A MIRE BRUSCHT NUGGELE.SI MACHTS SUPER!UND ÄNTLI,20 MINUTE SPÖTER ISCH OU D’PLAZENTA DO.MIT 850 GRAMM ÄS RIISEDING!

IG MERKE ABER SOFORT,DASS ÖPIS NO NID GUET ISCH.Z’BLUET LOUFT NUR SO US MIR USE.DAS DOOFE SPEKTRUM WIRD IIGFÜERT UND BEIDI GRÜBLE ÖPIS,FINGE ABER NÜT.IRGENDWO ISCH ÖPIS GRISSE,AUSO MUESS DR OBERARZT HÄRE.DÄ ARM HEISSI ÄXTRA MÜESSE US ÄM BETT NÄ.ÄS ISCH DU Ä GEBÄRMUETTERHAUSRISS FESCHT GSCHTEUT WORDE.DR RED ISCH VO OP,NÄHIE U.S.W.
WIESO JETZ DAS,FROGI MI UND SÄGE ÖB DAS NID ANGERS GÖI?DR DOK MEINT ÄR CHÖNNS MIT ÄME DRUCKVERBAND PROBIERE,DASS TÜEI ABER ZIEMLI WEH.ISCH MIR GLICH WENI MI NUME NID SCHO VO MIM CHLINE SCHÄTZELI MUESS TRENNE.
JO,ÄS HET WEH TO!VIU ME AUS DI GANZI GEBURT.ABER ZUM GLÜCK HETS GHÖRT BLÜETE UND MIR DÖRFE ÜS ÄNDLI Z’DRITT BESCHNUPPERE.WIU IG ABER MEH AUS Ä LITER BLUET VERLORE HA BINI NO ZIEMLI SCHWACH UND WIRDE IM ROUSTUEU IS ZIMMER BROCHT.DERT HEI MIR ÄS WUNDERSCHÖNS WUCHEBETT DÖRFE ÄRLÄBE.


ALINE:17.8.2010 2.00 UHR 3900 GRAMM +53 CM


ÜBRIGENS:TROTZ ÄME CHOPFUMFANG VO 36 CM ISCH MI DAMM UND OU D’SCHAMLIPPE KOMPLETT HEIL BLIBE UND IG HA VO AFANG A OHNI IRGENDWELCHI SCHMÄRZE CHÖNNE SI.DANKE EPI-NO!
Zuletzt geändert von RingelSocke am Di 9. Nov 2010, 09:58, insgesamt 3-mal geändert.
Okt.'07
Aug.'10

cire
Member
Beiträge: 108
Registriert: Di 27. Feb 2007, 18:10

Re: TURBOGEBURT VO ÜSEM 2.WUNGER

Beitrag von cire »

vielen dank für den tollen geburtsbericht. zum glück ist nochmals alles gut gegangen. alles gute zu viert. einen tollen namen hat die kleine maus. :D
grosser 2008
kleiner 2006

schlingel

Re: TURBOGEBURT VO ÜSEM 2.WUNGER

Beitrag von schlingel »

Vielen Dank für den schönen Geburtsbericht. Mensch das war echt ein grosses Baby und nichts gerissen!! Super ich wünsch euch alles Liebe und Gute und einfach ne tolle Hausgeburt beim 3.ten :-)

Benutzeravatar
silence
Newbie
Beiträge: 12
Registriert: So 2. Mai 2010, 22:30
Geschlecht: weiblich

Re: TURBOGEBURT VO ÜSEM 2.WUNGER

Beitrag von silence »

Jetzt hani din Bricht au ändlich mal gläse. Isch ja würkli mega schnell gange!!!
Und zum Glück häsch nöd no müsse in Op's.
Liebe Gruess
<3 17.08.2010 <3
BildBild

Benutzeravatar
RingelSocke
auf Wunsch deaktiviert
Beiträge: 477
Registriert: Mo 26. Okt 2009, 21:04
Geschlecht: weiblich

Re: TURBOGEBURT VO ÜSEM 2.WUNGER

Beitrag von RingelSocke »

Mi liäb Schatz
Jetz wirsch du scho jährig!
Genau hüt vor äme Johr han ig däm Warte äs Ändi gsetzt und dr Rizinuscocktail gschlürft.
Ändli hesch du dini warmi 1-Zimmerwohnig verlo und sit denn hei mir di glücklech und dankbar i üse Arme.Mir si so ungloublech happy,so ä liäbi Bohne dörfe bi üs z'ha.Zäme mit dim Brüetsch machsch du üsi Familie komplett.
Wahnsinn,was mir i dim 1.Läbensjohr aues mit dir hei dörfe erläbe!Vo Afang a hesch du düre pfuuset,was vor auem ig bsungers weiss z'schetze.De hesch di scho mit 4 Mönet uf beidi Site dräit und bisch mit 5 Monet ghocket.Bau hesch de d'Wäut robbend entdeckt und bisch gäng äm Brüetsch uf und noche.Sit äme haube Johr schnoogisch uf aune vierne dür d'Gägend und bisch so uh schnäu.Mit sibe Mönet hesch di 1.Zäng übercho und jetz mit jährig sis 6 Stück.Bis vor 3 Wuche hani di dörfe Stiue und vo denn a hesch ou nüme vo Brii wöue wüsse.Jetz issisch scho mit üs,wie ä Grossi.
Mit Loufe losch dir äue no chli Zyt,äs gseht emu no gar nid drno us.Du steisch zwar überau uf und ou Stäge si kes Problem,aber nid mou a dä Häng trousch di paar Schrittli z'mache....
Danke für di wunderbari,koschtbari Zyt wo mir mit dir dörfe verbringe!
Okt.'07
Aug.'10

Antworten