Frühlings-Kinderwünsche - wir haben's geschafft -- Teil 2

[Gini]

Hoi zäme

Ich be leider ned dezue cho, zum alles nocheläse. Ihr sind jo würkli alli au scho mega wit vora! Hoffe die Hitzetäg überstöhnd ehr guet.

s Baby werd nöchscht Wuche scho 3 Mönet. Si isch so unschinbar ond ehrgendwie goht si mit ihrere Rueh do fascht chli under. (ich gniesses no solangs so isch)

Mir sind grad am Kämpfe mit de Grosse. Si het en Mega Verstopfig ond jetzt hani en tägliche Kampf mit ihre, dass si endlich mol das Medikament schluckt...Zum Glück Hammer es eifachs Baby, d Geduld isch mängisch echt eifach ufbrucht Zobe.

Leider Hani wohl eher zuegnoh als abgnoh.

Bye Bye witerhin alles Gueti

[wolke7]

@gini: schön esch euchli chli so en pflegliechti- sie werd euch bestemmt no gnueg uf trab halte in zuekonft min stiefsohn esch au so es gagi- problemchend gsi ond emmerno es bezeli- er het denn öber rächt en lange zietrum movicol junior (gets nor uf rezäpt meinti) becho, das esch es gschmacksneutrals polver wo mer i jedes getränk chan tue...evtl wörd so öpis besser abe goh? Meinsch hets evtl en zämehang demet das sie jetzt nöm de absoluti metelponkt esch? Hoffe das beruhigt sich bald weder, mer händ leider sit bald 3 johr emmer weder es züg wäg dem ganze!

[Mimi83]

Hallo zämme!
Ah wucheend!!!
@hunny_b: danke für d info! Super das de hochzit nüt witers im weg stoht! Oh am zischtig. Super!! De bini gspannt uf denn.
@gerbera: gäll ha a ned denkt, dass s baby scho so schwär isch! Aber bin froh das es so guet zuenimmt. Das erklärt a chli die schmerzhafte tritt! Oh du armi isch es so lang gange! Ich cha ohni problem uf em rugge lige bis jetz. Wirds der de schlecht oder bechunsch Atemnot? Ich bin zueversichtlich das sich euche chli no treit. Er hät ja no gnueg platz! Und ich bin a sicher das em super got, trotz komische bilder! Die sind halt immer chli futuristisch! Super das er de GVK so händ chönne organisiere und au das d a chasch reduziere!
@wolke: hihihi so guet. Ja er häts mer eifach gä und gseit 4 mol 2 und ich ha gar nüt witer überleit! Hmm gueti frog. Was seit dis gfühl?! Lüt doch suscht mol a zum nochefroge.
@gini: oh jöh! Ja das isch mit de ruhige chind! Aber häsch recht, gnuess es. Cha mer a vorstelle, dass de gross so d ufmerksamkeit suecht. Aber das wird wider verbi go. Bisch am abnäh? Das isch a mer verbi!!

[wolke7]

Guete morge zäme

@hunny: jo das zieh i de lieste känn ich...glaub mers das werd no schlemmer! i de erste ss hani phase gha am schloss wo ich chum no han chöne laufe wills so zoge het! Ich han ganz e hufe fläschli dihei gha will mini schwöster so vell verpackti gha het wo sie ned brucht het ond han sie nie brucht. Ich dänke das esch öpis wod velecht gschieder erst noch de geburt chaufsch ond zwar met folgendem hintergedanke: ich nehme ah du wetsch zerst mol stille probiere?! Ich han mini gstillt ond de shoppe het sie bis 9 mönet verweigeret- egal welle shoppe ich probiert han! Abpompe esch bi mer ergendwie fascht ned gange obwohl ich milch för drilling gha hetti. Wenns met stille guet goht, eschs öpis wod der emerno chasch zue tue ond wenns im spitol scho schwerigkeite met stelle get, händs döt i de regel shoppe wo sich den de chli dra gwönt ond du hesch velecht en anderi marke dihei wo er denn nöme wott- veli babys send heikel wenns plötzli en andere ufsatzt söttet neh ond en pompi hetsch im notfall schnell i de apothek gholt ond gmietet noch em spitol- wennd sie aber ned bruchsch chasch der das gäld spare- han nie eini brucht! Hoffe das esch verständlich gsi wie ichs meine?!

@me: taschte mich so langsam ad optimaldosis vom magnesium ond hoffe das min buch so ruhig bliebt wie er grad momentan esch- mol luege. Am ziestig chani am 8:00 weder zum fa ond han bereits weder 100 froge wo ich ehm wett stelle. Mach mer breits gedanke wäg de geburt- han jo nach der erste 2x müesse operiert werde will sich es paar plazäntastöck ned glöst händ ond han no nie met em fa dröbert gred öb das jetzt au weder gfohr chönt si- han bez angst das es komplikatione chönt geh wenn sich die ned löst :/

So, wönsche euch en schöne sonntig...gnüssed de tag!

[wolke7]

@hunny: nei noch de geburt het d'plazänta guet usgseh- min wochefloss het ned ufghört ond denn bi de nachkontrolle nach 6 woche het mer da im ultraschall gseh- denn hani di ersti usschabi gha ond es esch öpe es 5.- grosses stöck use gnoh worde. Denn hani zwar nöm blüetet aber bi de nochkontrolle nach 3 woche hets eifach emmerno drinne gha. Han döt ebe voll gstillt, drom send medis ned in frog cho. Mer händ denn ghofft dasi velecht gliech no d'mens öberchome trotz stille ond dene räste ond das die denn so abgönd. Esch leider ned de fall gsi so dasi 6 mönet nach de gebort zum zwoite mol usgschabt worde be. Nochher hani jo chjm me en mens gha ond i de kiwu händs jo gmeint das mini schliemhut dor die usschabige zerstört seg. Ich dänke es het sicher di eint oder ander narbe geh ond ich han drom eifach schess das es bim nöchste mol es grössers usmaas ahnemmt- so au bi mim glöck wo ich i de letschte woche gha han :/ ond wenn mer min fa seit das risiko bez grösser esch, denn öberlegg ich mer ernsthaft en geplante kaiserschnett. Han noll bedänke das ich das chend us mer chan use troke ond het es gewaltigs schlächts gwösse am chline gägeöber- gebort bi minere tochter esch en absolute traum gsi...aber ich werde keis risiko igoh nor damet ich chan säge ich han spontan entbonde!

[Mimi83]

Halli Hallo Frauen
Also ich gnüsse grad jedi sekunde won ich mich ned muss bewege!! Uf ussego han i drum gar ke grossi luscht.
@hunny_b: du bisch chli a de sunne?
Also ich ha grad vo minere kollegin letscht wuche e handpumpi und fläschli becho wo sie ned brucht. Bin für den fall der fälle grüschtet aber kaufe würd ich nüt. Wie d wolke seit, das häsch grad bsorgt wenns muss sie. Oh das kenn i. Ha im moment a vill rechts so lischte schmerze. Und am obig vill es zwicke i de vagina! beunruhigt mich den immer aber es isch halt glaub normal jetz. Bin aber froh z läse, dass ich ned allei bin mit dem.
@wolke: super, das das mit em magnesium sich ipändelt. Ja machsch du der de gedanke, dass du no es 3. chind möchtisch? De macht das sicher sinn mit em keiserschnitt. Bin gspannt was din fa dezue meint.
@all: wie gsehts bi euch us? Wennd ihr no meh chind? Oder möched ihr euch no ke gedanke drübert?!

[gerbera]

@wolke: das verstahni mega guet, es tönt chli so, als wär dini plazenta verwachse gsi... Isch de das dr glich fa gsi, wo du ize hesch? U di frag nach eme dritte chind findi scho no wichtig... Anderersits hesch ja de e schnitt meh ir gm... Das cha ou kontraproduktiv si... Schwirigi sach... Bi gspannt, was de di frouearzt meint...

@hunny: has so wi d mimi: ha e handpumpi zum bruche vore kollegin, und fläschli hani ou scho eis gschänkt becho, das isch gloub öppis, wo ou viel so uf windleturte isch... Würd uf ke fall ize viel gäld investere, di elektrische cha me gloub ou miete im spital, wenn me merkt, dass mes brucht...

@mimi: mir wette beidi eich drü... Aber lö üs ize mau uf ds erschte i, und luege när witer... Wi ischs bi dir?

@schmärze: ha das bim dräie mängisch ou, dänke es chunnt abere gwüsse grössi vom chind, je nachdäm wis ligt... Mine het ja dr chopf no dobe, u drückt de gärn so sis füdli i die richtig, woni grad lige, u de stürzts ne haut ufe buch, wenni mi so chli ruckartig dräie... Ämu rein vom gspüre här, erkläri mrs ize so...

@me: ha eh ds gfüehl mi buch explodiert, ha ize knapp 12kg zuegno, und wirde grad so richtig träg... Isch natürlech villech ou ds wätter, u di vergangeni, no 100% arbeitswuche... Das si gloub di beschwärleche letschte 2 monate...


Gesendet von iPhone mit Tapatalk

[wolke7]

@mimi: fende also au das du scho gnueg onder de woche machsch dasd ohni schlächts gwösse jetzt fuhl chasch ome legge ond nüt mache

@gerbera: ich glaub jetzt sötts doch den gli weder bez chüehler werde?!? Also bi eus esch höt scho ned wörkli sonnig! Han i de erste ss ca 13 kg zuegnoh ond mich au sehr walfeschig gfühlt...han aber i de letschte wochene chum me öpis zuegnoh...es esch also ned bi allne zwangsläufig so das am schloss no e hufe dezue chont!

@wieteri chend: bi eus esch nochher de kiwu abgschlosse. Han en wonderbari tochter, warte uf min langersehnte sohn ond ich han jo no en stiefsohn wo sehr vell bi eus esch. Das esch denn glaub au gnueg ich han s'gfühl mer send nochher komplett!

[Mimi83]

@hunny_b: du häsch doch recht! Go glaub mol under d duschi und versuech mich a no chli z bewege! Isch ja schliesslich gsund!
@witeri chind: also am afang won i so erbroche ha, han ich alli verfluecht wo meh als eis chind händ. (Hihihihi) mitlerwiele will ich weder zwei ha! Weiss nur no ned ob ich sie gli nochenand möchti oder ehner mit eme grosse abstand. Ich find beides hät sini vor und nochteil. Ha vill bekannti mit grosse abständ und momentan tendier ich zu dem. Aber you never now!
@hunny& gerbera: finds schön das er a no meh chind wend. 3 würded mich aber glaubs i wahnsinn triebe! Has bi üs gseh, mer sind z dritte gsi! [emoji23]
@gerbera: ja ich verstoh dich! Ich chumme mer im moment chugelrund vor! Und es wird alles langsam umständlicher! Debi han ich, wenn i das won i zerscht abgno han ned rechne, erscht 3,5 kg zuegnoh.
@bauch: apropos händ ihr weder mol es buchfoti gmacht? Bin doch so gwunderig!

[wolke7]

@gerbera: hani vergässe- jo esch de glichi fa! Er esch wörkli super ond ich mach ehm kei vorwörf das ich 2x han mäesse usgschabt werde- er het mer das alles hnau erklärt ond es esch för mich logisch gsi das da chan passiere (das möchids jo ohni das öpis gsänd ond den alles z'verwötsche esch no schwerig) er esch bi de erste gebort ned debi gsi ond werds au ned bi de 2. Er het leider nor no 1 spital wo er tuet entbende. Er esch sehr en rationale ond ich ben mer ebe zemli secher das er mer au ned gnau chan säge wie gross das risiko esch...ond den chont bereits de gedanke...hmm ond wennd a ergend en onerfahrne assistäntsazt grotisch wennd komplikatione hesch?! guet, bliebt mer nüd anders öbrig als bis am ziestig zwarte ond de fa froge.

[wolke7]

Guete morge fraue

@hunny: jo ben so froh esch bereits mentig- min gg het höt spote ond brengt mi nochher met de chline (jo zuckersüess aber met eme herte grendli momentan ) zu minere schwöster ond denn goht de tag bestimmt schnell verbi, damet ich morn morge id kontrolle chan. Ben jedes mol rächt nervös! Hesch den scho allei dur de pessar vell usfloss becho? Bi mer eschs ganz onterschedlich- meistens am morge sehr vell ond de räscht vom tag gohts eso. Nehme jo aber au s'utro ned vaginal- das esch scho emmer en rächti sauerei! Hey jo sprech doch das ah dasd lieber zwoi wetsch- seisch es seg velecht au nor för dini psyche guet wenns säged es nötzi eh nüt!

Ich weiss grad gar ned wär sech höt weder is gschäft het müesse schleicke ond wer ferie het- so oder so, gnüssed de tag!

[Awe]

Hoi zäme

Ich meld mi au wedermol, lauft eifach vell

@Wolke7: schön hesch du ächli ablänkig vo dinere familie. Gnüss de tag hött bi dinere schwöschter ond ich wönsch der en guete untersuech morn. Hoffe es esch alles wies muess sii ond dass dis chline es dezemberli bliibt.

@Hunny_B: der wönschi au dass de tag schnell dure goht ond du morn gwüssheit öberchunsch das emmer no alles guet esch. Jede tag zählt ond du machsch das super ond dis büebli au ha der no wele öppis zu de milchpumpi säge. Ich han emmer gseit ich weli stille ond wenn ich weder schaffe abpumpe, damet de chlii au denn muettermilch öberchunt. Nochdem i denn gwüssheit gha han dass stille bi eus guet klappet hani mer denn e pumpi kauft. Ich känn öpper wo bi de medela schaffet ond ha drum vell rabatt öbercho. Mer händ de öppe noch 2 mönet afo üebe das er denn usem schoppe trinkt weni weder schaffe. Aber du chasch sie au öbers spital oder stillberotig, apotheke miete ond das goht schnell.

@Mimi: hei voll schaffe ond pendle esch also e leistig. Nimmsch der aber die pausene wod bruchsch gäll. Ich han zwar bis zur geburt hii 100 % gschaffet aber ich hab 5 min. arbetswäg ond mer händs ruhig gha im büro. Ich weiss aber dass wenn ich e bruef hätti woni vell muess stoh das glaubs ned gange wär.

@Black_Key: schöns zimmer hesch gmacht esch doch guet hesch es zügnis för 50 %. Nützt niemertem öppis wenn ned magsch. Gnüss die räschtlich ziit no ond nimm der die ziit för sbaby alles parat zmache. Das esch so schön ond wahrschindli nüme so idrücklich wie bim erste baby.

@Gerbera: wie gohts der? Wägem dreihe vom chline muesch no kei bedänke ha. Es get sogar velli babys wos no i de letschte täg möched. Mine esch vo afang a metem kopf dunde im buch gsi ond ich ha mich emmer gfrogt wieso kopfüber ächt sell bequemer sii wägem zueneh wöri mer au kei sorge mache. Glaube es fühlt sich jedi einisch wie en wal egal wie vell kilos droffe send.

@me: Eus gohts super, euse bueb esch scho 4 mönet alt ond soooo herzig Er dreiht sich wie verruckt hi ond her ond cha au de kopf scho guet hebe. Er esch en liebe ond meischtens guet druffe. Pfuse dued er scho ca. 10 std. i de nacht. Seinzig problem esch de schoppe. Ich han letscht woche weder afo schaffe ond er hed am morge kei schoppe welle. Am erschte tag hed mini schwiegermuetter ghüeted ond er hed eifach nor das trunke wo ehm is mul gloffe esch. Zoge heder ned sälber. Am 2te tag hed mi ma sin erschte papitag gha ond det heder gar nüt welle vom schoppe wösse. Sie send de zo mer is büro cho ond ich ha gstiilt. Mer üebed aber wiiter. Er heden jo au scho trunke wo mer güebt händ das esch eifach amigs am obig gsi. Velecht muess er sich no dra gwöhne dass er jetzt halt am morge scho schöppeli öberchunt. Eifach schad hämmer die pumpti milch müesse wegleere. Ändi monet fangemer denn met breili a, bi gspannt

[wolke7]

@awe: schön vo der zghöre- hey vor eme johr besch doch grad frösch ss worde oder?! Ond jetzt scho weder am schaffe...ich han noch 8 mönet no brüelet woni weder han müesse goh, will mer di chli so gfevlt het ond ich han nor 40% gschaffed wie vell % gohsch du? Ich han jo döt ebe au di chli welle an schoppe gwönne wägem schaffe- aber sie het döt scho ere eignig wille gha...egal welle schoppe, welli person oder welli melch (mumi,pulver vo versch. Marke) sie het alles wehemänt verweigeret...ich ben en monet vor em schaffe fascht verzwieflet will sie nüt ussert mini brüst ond brei het welle. Ond den hani sie gloh ond met em gg au abgmacht das er jewiels 1x pro arbetstag zum stille verbie chont. Das hämmer öpe en monet gmacht ond denn hani en grepp öbercho- di chli het vo eim tag uf de anderi de schoppe mit pulvermilch gnoh als wenn sie no nie öpis anders tronke hetti, gstillt hämmer den nor no i de nacht. Ben im nochhinein irgendwie froh gsi hani mi nöm gstresst; es het sich denn so guet ergeh!

[roehrli85]

hoi zämä

Ah dir heit ja iz ou scho e 2. Teil. Mir vier chöme de hie schön flissig cho mitschriber, hautet dr Platz frei. Harmony het hüt Teil 8 (üse letscht!!!!!) eröffnet und mir mache iz no 4 Mai-Baby's!!!

Drum chumi gad schnäu cho Vire ufsuge.

[Awe]

@wolke7: du seisches, han am 13. August letscht johr positiv testet han also au chli langi ziit gha noch ehm aber ebe ich schaffe so nöch, de gangi au am mittag hei ond gseh ehn de weder ond stille au. Due au 2 täg schaffe. Mer lueged jetzt, velecht nimmt er jo sfläschli öbermorn ond susch stilli im büro. Am nomittag heder amig ersch hunger wenni chume vo dem her no guet. Hei scho loschtig wie die chline mängisch plötzli öppis verweigeret oder weder anähmed.

[Mimi83]

Guete morge Mädels
Oh wie ich de Früedienst im Moment hasse!
@wolke: oh hüt kontrolle oder! Denke a euch und hoff nur uf positivi news!
@hunny_b: du häsch doch a hüt Kontrolle oder? Ja das chan ich verstoh. Du bisch ja a immer recht e aktivi gsi. Ja ich glaub wenn sie am obig chasch abgäh isch das glich ned ganz s gliche! ja ich ha es bild. Ned verschrecke es isch e riese Ranze. Also dich gsecht ich jetz no mit Zwilling.
@spitalwahl: ja ich ha zwei zur uswahl gha. S hirslanden oder de kantonsspital. Min FA isch Belegarzt im kantonsspital. Hät mer aber au abotte is andere spitol z cho. Mer spillts so zimlich kei Rolle. Denke beidi händ ihri vor und nochteil. Durum händ mer üs für de Kantonsspital. Isch chli nöcher, de Arzt isch sich det geöhnt, ich kenns vo de vorherige OPs und de Kinderspital wär im Notfall a det. Ja ich verstoh dini überlegig. Du musch das mache, was der s bessere Gfühl git!
@awe: ja s Pendle, das got mer i Moment a uf de Wecker! Aber ich glaub das sind d Hormon. Suscht han i eigendlich kei müeh demit. Ja mach ich! Danke! schön gots euch a so guet! Ich freu mich scho uf die zit wo du jetz dinne bisch! 10 h schloffe?! Ich will a so eis!! Eie häsch das gmacht?!
@roehrli: nimm vill mit! übrigens danke der nochfrog. Vilicht häsch do chli mitgläse. Mer gots sehr guet.
@me: glaub de Nestbautrieb setzt grad brutal i! Geschter am 10 ni znacht han i muesse Vorhäng im Kinderzimmer uffe mache. Dringend! Hihihi und de Ikea han i a no chli plünderet!

[Awe]

@Mimi83: Gäll ich han es glück. Sit er 8 woche alt esch pfust er dore i de nacht. Er chunt zwar meistens um di 7ni ome am morge aber ich stille denn im bett im legge ond de pfus ich sowieso witer. Er hänkt de nochem trinke au nomol 2, 3 stündli a met schlofe deför schloft er de tag dor fasch nüt, dasch de weder sandere
Hihi nestbautrieb han ich au ganz stark gha om wiehnachte ome, glaub de bini öppe so wit wie ehr alli gsi.

[Mimi83]

@awe: ja das tönt mega! De nachtschlof isch halt scho no vill wert. Bin jo de gspannt was mis baby macht!
@hunny_b: oh ja sorry! Das han i vergesse dra z hänke! Jöh din buch! Scho schön! Mine isch riesig! Hihihi du bisch aber a ned schlecht mit em mobile!! Super isch bi der guet gange hüt! Aber das mit de wehe isch jo echt schräg!! Schön, 1200g. Ja du bisch ja a e fini!
@wolke: bin gspannt uf dini news!
[img]http://images.tapatalk-cdn.com/15/08/11 ... 00e62b.jpg[/img]
So do no mi ranze!!

[wolke7]

@hunny: jo han no chönne goh, ben sit vori zrogg ond au fix ond fertig! Super gsehts weder besser us! Was het er zum utro gmeint? Denn gsehts jo jetzt wörkli au guet us för euches hochziet ändi august- das freut mi mega för dich!!! Wenn muesch weder goh? Ah jo...schöns büchli hesch!!!!

@awe: doreschlofe....du glöcklichi mini werd im novämber 3 ond schloft nonig dore

@mimi: wott din buch au gseh:) säg emol muesch du emmer so früeh los för zum go schaffe? Ich bechämt krise!

@me: het höt uf di 8:00 fa termin gha ond woni sozäge vor de praxis gsi ben het d'mpa ahglüte das min dökti an en geburt het müesse :/ han jetzt vor em mettag no chönne goh zum glöck! Han dasmol wie letschtmol scho eher wenig frochtwasser- d'versorgig esch aber super (die chli esch eher en grosse ond gwecht sogar a de obere gränze) ond frochtwasser goht au kei ab...drom eschs halt eifach so. Es gäbt im notfall d'möglichkeit fruchtwasser binere punktion ufzfölle, das het er aber ned erwähnt (das hani vom dr google) ond deom dänki wörkli das es ned dramatisch esch. De gmh esch sowiet stabil- velecht en mm chörzer, devör kei trechterbeldig. S'risiko das bi dere ss plazänta zfest ihwachst will das letscht mol schl so gsi esch ond halt dor die operatione sig dütlech erhöht. En spontangeburt seg natürlich möglich, aber en kaiserschnett sig natürlech met weniger eisike erbunde met minere vorgschecht...ich glaub met dere ussag esch mini entscheidig troffe, au wenn ichs mer anderst gwönscht hetti!

[wolke7]

@mimi: das esch wörkli scho en rächti chogle...aber sie gseht im fall mega schön us!!!!!!! Öpe so han ich bi minere chline am ändi usgseh