Märzlis 2018

[Lisa_84]

@sunneschii Säg nixs, ich chänti ewig schlafu
Bin ich froh isch WE, de gits immer äs NM-Schläfchen!

Häbet alli ä güäte Tag!

[dreamy82]

[quote="pfefferminze11"]Dreamy dörf i frage wie de das für di isch, wenn du jetzt do ohni di partner bisch? Stelles mir no schwierig vor.. wie oft chöne dir eu denn gseh? Excüse wenn i so e gwundernase bi
Ganz liebi grüess [/quote]

Moergeli

Ja klar doerfsch frage!
Aso ganz ehrlich, mir hend die Fernbezihig sit 2.5 Jahre zwuesche USA - Schwiz, facetimed aso sicher 4-6 mal am Tag (mal 5 min, mal 1 Stund) und mir gsend ues normalerwiis all 3-5 Moenet. Er isch etz gad im Juni e Woche bi mir gsi und I fluege am 10.8. den fuer 10 Taeg zu ihm
Es isch sicher ned sooo eifach wie wenn er da weri, aber er isch en Goldschatz! Aso mir hend den ebe z.b. de digital SST zeme gmacht und so heter au choene mitfuehle und mittlerwile het er vo sich us scho app's abeglade und mir sogar witer empfohle (teils hemer ned di gliche). Daher isch er voll und ganz debi, wie mir ues halt quasi gwohnt sind.
Bin etz gad am recherchiere wo's bi im ir noechi es Ultraschall-Zenter git (det gits ebe sowas, womer ned zum arzt mues zum da mache) so choemer den zeme gah und er chan das so richtig miterlebe

ganz ehrlich hemer ned demit grechnet das es I dere eitne woche ferie gad klappe wuerd drum simer au ned 150% vorbereitet und hend noni all antworte wie das etz wird mit arztbsuech (wrid sicher filme oder susch halt facetime das er debi isch) und aehnlichem.

Mal e Frag id Gruppe:
- nutzed ihr cooli apps? wenn ja, welli?
- Weiss oepper wie's usgset mit Asatzferbe? Aso isch mir wichtig wil I leider scho biz graui han und das mega nervt!
- und sinder scho am Naeme usesueche?

wuensch allne en happy Friday und e schoens Taegli

[Lisa_84]

@dreamy: So wie dü das beschribsch mächet ier das sicher tip top! Chunt güät

Ich hä z,,Health & Parenting,, Ap, fini bis jetz rächt güät

Also Näme isch ver mich nu keis Thema, apa de ersch ab der 12. SSW we alles i.O. isch! Wellet ier wissu was git? Wier warschinli scho

Mit de Haar häni mal gläsu, dass mu nid zvill selti färbu-ich tüä nur tönu, das selti ga! Aber genau weissis öi nid...

Häbet ä schöne NM-ich bi total kaputt, froh wenn Fiirabu isch

Liäbs Grüässli

[dreamy82]

Ja aso I glaub au das da guet chund mir hends ues sehr gwuenscht, nu ned erwartet das es bi 1 mal gad klapped

ja segs ned - fuul und am liebste etz scho hai! was schaffsch den du @mia?

und hend ihr scho so spezielli gluest oder so? oder merked ihr oeppis woner scho nueme vertraeged?
ich merk das I z.b. nachem esse ufzmal keis bloeterli-wasser me vertraege! und han mis lebe lang nu mit kohlesueri trunke!
und han sone extreme lust noch scharfem esse, jalapenos, chili, eifach alles! hihi

[Lisa_84]

@dreamy
Das chunt ganz bestimmt güät - isch doch wunderschön wes äs Wunschchind isch

Ich schaffu 100% im Sozialu Berich, immer MO bis FR, morgu bis 17.00 Uhr, va dem här nu gäbig!

Verträgu tüäni bis jetzt alles - ich lüägu eifach öi biz druf wasmu darf und was nid. Am meischtu Luscht hän ich uf salzigs und mier chunt öi vor, dass alli Spiise extrem salzig sind. Weiss gar nid ob dass in der SSW scho megli isch? Und schusch häni öi Luscht uf Fricht und weniger uf Siässus - Gott sei dank

In weller Wucha bisch dü scho wieder @dreamy?

[Möndli17]

Oh ich bin au no uf de Suechi nach me coole App!

Ich han gar kei Glüscht, im Gägeteil (appetitlos).
Und müed bin ich komischerwis überhaupt nöd. Zum Glück hani sust all Symptom.

Wow mega gued wie ihr eui eui Fernbeziehig regled und um so schöner hets doch so unkompliziert klappt mit em Wunschkind.

Ich meinti au mer set nöd färbe, zmindest jetzt di erste wuche würdi sicher druf verzichte.

Um Näme machi mir au Gedanke wenn ich weiss dass alles gued isch. Wenn mer mal e FG gha het wird mer scho sehr vorsichtig.

Ich wünsch eu allne ganz es tolls Weekend!

[Früehligszwieble]

Hallo zusammen

Herzliche Gratualtion euch allen!

Darf ich mich mal vorsichtig zu euch gesellen?

Ich habe letzten Sonntag positiv getestet , war ganz schön überrascht, in dem Stressmonat hätte ich echt nicht damit gerechnet, und ich hatte auch eine Schmierblutung (seither aber nicht mehr). Wir "üben" schon fast eineinhalb Jahre fürs zweite Kind. Ich freue mich sehr, aber kann nur hoffen, dass es sich nicht am falschen Ort eingenistet hat. Ich habe leider vom Kaiserschnitt von meiner Tochter einen Defekt, dh. die Narbe ist nicht richtig geheilt, und dort ist die Gebärmutterwand sehr dünn. Wenn es sich dort eingenistet haben sollte, hat das ganze leider keine Zukunft . Ich habe nächsten Donnerstag Termin bei meiner FA. Ich hätte auch schon diese Woche gehen können bin aber noch in den Bergen und versuche positiv zu denken. ET weiss ich nicht genau, weil ich keine Lust mehr hatte, auf meinen Zyklus zu achten, ich kann nur schätzen, dann wäre es ca. der 8. März, aber sie müssten das Kind wegen der Narbe wohl schon im Februar holen. :-/

MIt FB und Whatsapp Gruppe will ich warten, bis ich weiss ob wir eine Chance haben.

[siha]

hallihallo ihr liebe, sorry noni dezue cho alles zläse, ha hüt min bluettest gha, quantitativ beta hcg und en mega super wert vo 652 übercho... das bi 4+1 resp. 15 tag nach punktion und 10 tag nach blastozystetransfer .
wünsche eu es schöns weekend!

[pfefferminze11]

Hoi dreamy-schön zghöre wie du das meisterisch

Bi mir hets hüt agfange mit all 2h go bisle-suuper wenn me mit auto und zält unterwägs isch.. wie lang het wohl de GG no geduld

[pfefferminze11]

Siha: toll händr ei oder zwei lo transferiere?

[sonea]

Hoi zämä. Bin scho ewig nüm bi swissmom Forum gsi. Ich han 2 Buebe 5i und 3, wo swissmom mich au begleitet het. Ich bin 35 und wohnä im TG. Ich würd mich eu gern aschlüsse. Ich han letzschte Zischtig dörfe positiv teste und bin völlig überrascht gsi. Mir probieret sit 2 Jahr ss werde. Ha dänn Afang Jahr ufgeh und gfunde ich mach ez halt e Diät und han über 10kg abgno...plötzlich sind mini Täg nüme cho. Nach 80 Tag hani mich ufgrafft zur FA gah. Test bi ihre isch negativ gsi, aber sie het gmeint nach 2 Wuche nomal teste...ich voll nöd dra glaubt und de Test gmacht und Tadaaaa! Es chlises Wunder. Am 14.7. chani go luege obs Herzli schlaht...

[Winterfee]

Hallo Metenand!

@dreamy heey hut ab! ich weiss ned öbi das chönt! aber gäll, mer arrangiert sech eifach
ich han im momänt zwei apps woni bruche.. zum eine s babycenter das kenni vo de erste schwangerschaft und den neu "schwangerschaft + " (isch glaub das health & parenting wo d mia schriibt) das findi imfall richtig guet! weisch, chansch sogar dini nöchschde termine ond so iiträge. findi bis eds ächt top!

en name für es meitli hemmer eigentlich scho lang für en bueb würs de eher schwieriger wärde aber ja, mir wennds denn ufjedefall wüsse.

@all wie gönder mit dene ängst um vorere fehlgeburt? ich versueche so positiv wie möglich z'dänke aber mängisch überchunnts mi eifach... gits öber wo gar kei angst hed?

liebe grüess ond en schöne sonntig

[Früehligszwieble]

Guete Morge zeme

Naja dur mini spezielli Situation ha ich eigentlich weniger Angst vor ere Fehlgeburt als ebe Angst dass es sich bir Kaiserschnittnarbe/Defekt ignistet het und ich es gsunds Chind müessti abtriebe wells sus lebensgfährlich für mich werde würdi, und d Abtriebig selber au sehr schwer wäri, nid nu psychisch, well me det schinbar nid chönnt usschabe wells eifach alles so heikel isch, im schlimmste Fall namal KS "für nüt, und de 1 Jahr lang warte...glaub de würdi ufgrund vo mim Alter de Kinderwunsch begrabe...schinbar isch d Chance 1:2000 dases sich det inistet. Ha am Donnstig de Termin bi zur Zyt bi de Eltere ide Ferie, weiss nid öbs ne sell verzelle..
öpper zum mini ängst teile wär scho nid schlecht, aber ha eher es oberflächlichs Verhältnis zu de Eltere.

[pfefferminze11]

Hoi sonea-woow das isch jo spannend-villicht händr müesse demit abschliesse und zack-scho klappets-amigs chum zglaube so öbbis härzliche glückwunsch! Näme hämr no keini-mir würdets glaub au nid unbedingt welle wüsse was es git-aaaber das säg i jetzt
I ha zyte wo i total e guets und sichers gfühl ha-und de plötzlich überchunts mi und denn hani au angscht! Mängisch chani chum me warte uf dr 1. US und frog mi ob mir früehner us de Ferie zrugg wänd.. denn dänki wider.. so blöd überhaupt dra dänke
Früehligszwiebele-i dänk ganz fest an di und druck dir d düme!

Liebi grüess

[pfefferminze11]

Ah i cha no s App iMamaiPapa empfähle-het de papi au öbbis drvo

[Lisa_84]

Hallo mitenand!

Di Angscht hän ich öi...im Momänt zwar nid vor ra Fehlgeburt, sondern ener obs uberhöipt ä richtigi SSW isch...ich hä ja moru mine erschti Termin und hoffu eifach nur, dass alles i.O. isch, so wies sellti si...Angscht häni öi, dass zHärzli nid würdi schla, oder dass än Eileiter-SSW isch...will irgendeswie fröit mu schich ja gli, het Hoffnige und Züäkunftsvisione!

Ich glöibu weni moru mal weiss was Sach isch, de geits mer biz besser! Aber ich verdrängu das und versüächu positiv zsi...bi so vill Fröje klappts und isch alles güät...wieso öi nid bi iisch alle?

Geschter isch mer übrigens zerscht mal schlächt gsi (ganz komisch gsi...weiss gar nid obs vo der SSW isch gsi?). Bi iner Stadt gsi, und vo einer sekunda zer anra isch mer tot schlächt gsi...ich hä nur nu äs WC gsüächt und gmeint jetz müässi mi de ubergä....und so nach 10min. isch alls verbi gsi. hä de äs coca köift und paar schlick gnu...de zmittag gässu und sit de isch wieder alles tip top!

Wünschu ew ganz ä schöne und erholsame Sunntag Abu

Mia

[julie1977]

Hallo Zusammen

Habe schon ganz gespannt auf die Märzli Gruppe gewartet, bin aber erst jetzt dazu gekommen mich zu registrieren. Bin zum ersten Mal schwanger, bald 40ig und es hat gleich beim ersten Versuch geklappt. Bin also noch sehr unerfahren und vorsichtig euphorisch Da es aber so rasch eingeschlagen hat, scheint mein Körper doch bereit zu sein ET wäre der 7. März 2018 (da sind wir glaube ich ein paar um diesen Termin, super ) und mein erster Termin bei der FA leider aufgrund von weiteren Abwesenheiten erst am 24. Juli. Bin schon ganz gespannt und nervös. Werde mich hier und auch bei der Facebook Gruppe noch zurückhalten, bis es sicherer ist und auch alle wichtigen Personen inklusive Arbeitgeber informiert sind. Würde mich aber sehr fest über den Austausch hier im Forum freuen.
Bis jetzt viele Blähungen, zu Beginn Schmerzen als würde die Mens nächstens kommen mit Ziehen, Stechen usw - dies hat sich mittlerweile gebessert, und manchmal kleine Anflüge von Unwohlsein. Jedoch alles im grünen Bereich.

Wünsche euch noch einen schönen Sonntagabend, liebe Grüsse Julie

[Früehligszwieble]

Herzlichi Gratulation Julie dases so schnell klappt het!

Mia drucke dir ganz fest tuume das morn en positive Bscheid kriegsch und dich chasch richtig freue!
Mir isch hüt nu bitz schlecht worde vom Backofe-Gstank...ha sus scho e fini Nase etz na extremer.

[Jasi1985]

Allne Gratulation

Mia bi so gspannt was morn verzellsch., i ha min morn inere Wuche no sooooo lamg.... mer isch au paar tag recht übel gsi eZ wieder nür defür chli blähige und verstopfige und seeeehrrr müed

Guet nacht eu allne

[Julikind]

Hoi zäme

Habe heute morgen positiv getestet. Bin noch ganz aus dem Häuschen. Et wird 16.3. sein ich habe schon einen Sohn welcher gerade eins geworden ist.