VoLkI-ChIcKs - freued sich uf di neue Volki-Babies...

[LiLe]

@virusli: Ich bin jetzt i de 32. SSW. Es gat no zwei Mönet und ich finds jetzt scho astrengend

[Looni]

Soooo....i meld mi au mal churz
Geschter morgä hät eusi chliine fabienne das licht der welt erblickt eus gahts sowiit guet, isch aber astrengend gsi. Mir hoffet am weekend nach hause zu kommen...

@pucksack: mir händ en swaddleme zu hause...

[Simbat]

@Looni: Jeeeeee <3-liche Glückwunsch zur chliine Fabienne!!! Guets Igwöhne z'4te wünschi eu!

[Biene Maya]

hoi zäme eus gits au no aber ich muess halt au säge dass ich momentan eifach chum ziit fürs forum han und ich au fast niemert meh känn wo mitschribt.

ich hoffe eu gahts guet. de oliver hät jetzt au mit em chindsgi agfange. die ziit lauft so mega gschnell. gnüsset eui chline solangs dihei sind. nacher heissts " muesch nöd mit inecho chasch dusse warte "

@looni herzliche glückwunsch zu de fabienne und e ganz schöni kännelärnziit.

[Virusli]

@looni
herzlichi gratulation zu üchem sunneschiin. gnüsseds und läbe üch guet i.

[Arwen]

@Bella
würkli än schöne Name hät eue chliini Schatz.
Jö, dis Posting isch ja herzig gsi, isch grad gueti Luune überecho.
Mit Pucke känni mi nöd us, händs bi dä Grosse probiert gha aber isch damals kein Erfolg gsi.

@FB Gruppe
Hämmer (glaub?) nöd, weiss nöd öb überhaupt all im FB sind?

@Simbat
oje, ja gell, mängisch gits Täg die laufed super und mängisch isch mer permanent uf Konfrontationskurs. Jö, sone gueti Idee mit dä Schnägglitour.

@Looni
herzlichi Gratulation zur Geburt vo dä Fabienne. Ä schöni Kennelernzyt, gnüsseds.
Tönt nachere strenge Geburt. Aber natürli nur wenn wotsch, wenn's Dir z'persönlich isch oder wieder öppis ufwüehlt natürli nöd.

@okto
schön vo Dir z'lese. Schad dass nüm so zum schriibe chunsch aber verständlich. Wenn mal wieder Luscht ufen Macchiato häsch.... weisch ja wo mir wohned
Zewidecki: bruchemer nöd und känne au grad niemer. Aber die wirsch sicher schnell los.

@Hasel
schaaaaaaad. Aber ich verstah Di. Hoffentli lisisch glich no mit und vilicht gseht mer sich wieder mal bim Hotz im Chimli? Oder Volkiland? Übrigens chumi jetzt "bi eu" in Schwerzi is Muki-Turne.

@LiLe
also die letschte paar Wuche sind eifach am astrengenschte, vor allem wenn scho ein Wirbelwind umespringt...

@BM
ja gell, d'Zyt lauft so schnell, nächscht Jahr chunt eusi Gross au scho in Chindsgi, irgendwie hani s'Gfühl si isch doch erscht grad no Baby gsi....

@Virusli
merci nomal für eue Bsuech und d'Schöggeli!
Isch schön gsi, wieder mal mit Dir chöne z'plaudere und Du häsch zwei ganz lässigi Meitli!

[LiLe]

@looni: Herzliche Gratulation zu eurer Fabienne und einen super Start zu viert!

[Arwen]

@Chrabble
isch das jetzt nächschte Zyschtig wieder? Chunt öpper vo eu?

[Simbat]

@Arwen: Ja ich glaub scho, mir chönd aber leider nöchste Di nöd...

[Virusli]

@arwen
danke vielmal nomal. Sie sind scho im Isatz. Han dier eigentlich welle es sms schriebe. han aber dini nummer nid gha. han jetzt es foti uf fb gstellt.
dini chli muus isch au uh härzig und scho so gross. irgendwie han ich ja s'gfühl, dass sie erscht grad uf d'wält cho isch. vo de grosse han ich ja nid viel gseh. käffele chömmer gärn mal wiederhole, chum doch sücht mal bi üs verbii.

[Simbat]

Mir sind hüt im Spielzänti gsi, boah jetzt bin ich glaubs taub, nöchst Mal nim ich d'Ohropax mit

A alli Mamis mit Babys, ich hett no 2 Lauflernhilfene (sottig zum stosse) z'verchaufe, en Giraff us Holz, mega schöön und en Leu us Plastik glaubs vo Fisherprice defür mit vill Blingbling und Music etc. wo mer au chan de Sitz abetue und dänn isch es wie en Bobycar. Falls Inträsse schicki gern Föteli per FB.
Grossi Schlafseck hetti au no im Agebot für die mit de bitz grössere Chind.

[LiLe]

@looni: Seit ihr wieder zu Hause?

@arwen: Ja, es wär de Zistig chrabble, aber mir chönd dasmal leider nöd. Ich han mir jetzt aber mal de 18.9. reserviert. Chöntisch den au?

[Arwen]

@Virusli
ja mängmal weissi au nöd wo dass d'Zyt hi gange isch. Ha amig au s'Gfühl, mini Chlii säg erscht grad uf d'Wält cho und jetzt isch dä 1. Geburtstag scho verbi. Aber Dir gaht's vermuetli nöd andersch. Erscht grad händs dä 1. Geburtstag gfiiret und jetzt gaht's dänn scho uf dä 3. Geburi zue...

@Simbat
I welere Grössi häsch dänn Schlafsäck? Also da wäred mir vilicht no Abnehmer.

@LiLe
Hm, also am 18.9. muesi mal luege, dänn chani nöd am Morge go riite und mal luege öb i dänn am Namitag gang oder erscht am Abig.

[Looni]

Wir sind seid letzten freitag wieder zu hause...aber muss sich erst alles irgendwie ei spielen

@chrabble: evtl. bin ich am 18.9. auch dabei, je nachdem wie es mit der kleinen läuft...

[Zafira]

.....so ich han grad gseh das na es paar vo dä "altä " Garde mitschriebed..resp. verabschieded..;-)Bin au wieder emal uf eurer Siitä glandet und han wellä luegä ob ihr na fliessig schriebed
Lan eu drum es Grüessli da und wird au wieder chli meh innäluegä..au wenni d'Hälfti wahrschiinli gar nümä kennä...
Gnüssed Sunnä...

[Simbat]

@Arwen: Ich miss si mal, sobald ich dra dänke wänn di Chlii wach isch (sind ebe i ihrem Zimmer und ich dänk immer erst am Abig dra, wäni im Forum bin)

@Arwen/Lile: Am Di bini leider in ZH amene Arzttermin...

@Zafira: Hallöchen Villicht gseht mer sich ja widermal bim Poste

Hät öpper Inträsse amene Ikea-Sack voll Lego Mega Blocks? (die riise grosse Legos, ca 4x so gross wie Duplos) Wür si für 35.-- verchaufe...

[LiLe]

@looni: Wie war dein Abend / deine Nacht?

@arwen: Bisch gester lieber go rite als is chrabble

[Looni]

@lile: mir händ vo 18.30-22h theater cha,dänn bini mit ihre im bett liege bliebe,susch isch sie immer verwachet
Sollte ich sie irgendwann nümme träge...bini nur no en halbi mensch

[Arwen]

LiLe
nö Du, nüt mit riite (bi am Mäntig Morge ganz früeh gsi). Geschter Namitag hani min Patient betreut...
Und ha drum au gar nüm im Chopf gha das ja Chrabble wär...

Looni
oje, tönt astrengend bi eu. Viel Geduld und hoffentli chasch ab und zue es paar Stund Schlaf nahole...

[Simbat]

@Arwen: Ich han hüt welä d'Schlafseck mässe und ääähmmm.... si sind nüme uffindbar! Ich bin mir grad de Chopf am zerbräche wem ich die scho chönnti gäh ha! Läck mis Hirni... macht mer grad chli Angst. Aber villicht chömeds ja jetzt bim Entgrümple no irgendwo füre...

@Börse: Mir gönd nöchst Sa s'erst Mal das Herbstbörse bzw. mir verchaufed s'erst Mal. Git sicher no e rächti Büez das alles azschribe aber wenigstens gits wider chli Platz. Scho no krass was sich da so alles asammled...

@me: Bin vorher grad mega in Türrahme knallt. So öppis chan echt au nur mir passiere
Jetzt muesi miteme violette Horn umelaufe