Juhu auch wir legen los- die Schwangeren

[linn]

Herzlich willkomme liebe Smack:)

[Smack]

No ned ganz, ich trau mich ned

[Sarenz]

Liebi Smack, loos trau di! Du döfsches glaube, positiv isch positiv wünsche dir e schöni Kugelzit!!

[Deidelina]

Hey Smack, gratuliere ganz härzlich!
Positiv isch positiv.

@ETT
Mir mache au nur dr Nackefaltetest.

@Rafa
Jo das isch scho so.
Bi denn scho froh wenn ame öbis lauft do inne.
Aber leider ischs nit jede Tag glich.

@Carina
Jo ich gibs ehrlich zue, ganz dunkli fiini Hoor hani am Buuch, es seht echt lustig us.
GG meint ich mach ihm no Konkurrenz wenns eso witer goht.
Hmm, weiss nit, mini Schwägerin het das au gha und es isch e Bueb.
Würd säge do löhn mir uns überrasche bis mä öbis gseht bzw. es sich will zeige.

[Smack]

Morge zäme

Ich glaub, ich törf jetzt, oder?

[Rafa]

Jaaaaaaaaaa
Ganz herzlichi gratulation...gnüssäs!!!

[Smack]

Danke viel mol Rafa

es isch soooo komisch, würkli. Ich han immer gmeint, mier isch de schlächt, ich ha Glüscht und ich bi sofort uf "schwanger" igstellt.
Also dem ist nicht so, emel bi mier ned

Mit chli Ibildig isch mer öpe chli flau im Mage. Aber schlächt gar nüt. Guet isch jo au no früeh

[Deidelina]

Smack, jaaaaaaaaaaa jetzt darfsch wirklich!

[Smack]

Juhuuuuu

Danke, isch no gäbig, so chli Bestätigung, die fählt mer äbe sus grad total im Moment. Ich hoffe, ich schaffs zum nüme teschte so blöd, aber ich chas echt no ned ganz glaube

Dörf ich eu jetzt evtl chli mit Froge löchere?

[Sarenz]

Wow smack, jede Tag chli stärker die Linie! Soo schön..
Ich ha mich bis vor lbbe 2 Wuche auno soo unschwanger gfühlt! Gnüsses no dolangs der guet goht! Bi mir isches mittlerwile au verbie.

[Carina16]

Juhui, freumi sehr för dech Smack! Ond gniesses so rechtig, wenn di noni schwanger fühlsch! Ech ha grausig glette öbbe ab de 4./5. Woche! Ond jo, nor zue; frog was muesch froge
PS: Gniesses!!!!

[Smack]

Danke eu ganz fescht
Jo ich weiss, ich sets gnüsse, das ich no nüt gmerke. Aber es fallt mer grad uh schwer, vermuetlich so es neu-schwangere-Ding

Isch das richtig, das ich jetzt ide 5. SSW bin? (letschti Mens, 26.4)
gsehnd iehr das uh streng mitem Esse vo Chäs und Trockefleisch, z.B Salami etc?

[Rafa]

Hey smack

Gnüsses solang no kei ss-beschwerde häsch diä chömäd no frühä gnuäg nei muäss natürlich nöd si aber bi mir sinds bi beidnä ss ab dä 6./7. wuchä uf dä mattä gstandä!

Eifach frägä frägä frägä für das simer doch da

5. wuchä stimmt...dä erscht tag vo dä letschtä mens isch dä erst ss-tag!

Ja das cheibä ässä...äs git tuuusig theoriä und keini isch richtig s'wichtigschtä isch sicher das du uf dis buchgfühl losisch...ich verzichtä uf rohs fleisch, au salami, rohschinkä und bündnerfleisch (bin aber au nöd so dä fleischtyp) und uf weichchäs. hartchäs chasch guät ässä eifach d'rindä grosszügig abschnidä.

[Smack]

Danke Rafa
Han gläse, bi dier isch hüt Uftritt vom Chlinschte So herzig!
Merci für d'Info, jo so gsehn ichs äbe au. Ich werde jetzt au ned täglich rohs Fleisch ässe, aber ich denke, für uf ere Pizza oder sus mol ganz wenig, sett jo dinne ligge.

Uf wänn isches am gschidschte, zum en Termin abmache? Ich glaube, ich lüte endi die Wuche mal ah

[Sarenz]

@smack
Alles uf de Pizza isch eh keis problem, wenn de Salami im Ofe gsi isch oder au de Käse de isches erhitzt worde, sprich I.o.
Ich ha grad im Frauearzt ahglüte, die rächne für dich und mache de Termin ab uf wenn dases passt. Ich bi bi 6+2 s erst mol gsi. Das isch eher no chli früeh, darum gangi jetzt bi 9+2 also nöchst Wuche noeinisch. Aber au letscht mol hani bereits es Härzli gseh pöpperle.

[Smack]

Ou jo? Bi 6+2 ...
Also ich wär jetzt 5+1 ? oder wie goht das gnau?

[Rafa]

@smack
Du bisch 4+1 = 4 wuchä und ein tag heisst 5. wuchä
Ich bin bi 6+6 gsi und han s'herzli au gseh...lüt doch eifach mal am FA a dä bstellt dich dänn scho richtig id praxis
Ui ja du gli gli därf ich mis würmli nach soooo laaangä 6 1/2 wuchä wieder gseh...freu mich

[Smack]

@ Rafa
Ah, danke Ich hoffe, ich chume denn do au no dri, früehner oder spöter

Ich han do gläse, das es vode Krankekasse us greglet isch, wieviel (3) Ultraschall (schäller ... ) git, stimmt das?

[Carina16]

Aso das met dem Ultraschall han ech au ned so verstande. Aber wells mer ned so guet god, han ech bes jetzt jedi zwöiti, dretti Woche zom FA chönne ond bes jetzt heds emmer (halt "erscht" en vaginale) US gäh... Go devo us, die wärded scho zahlt

Ech wörd au im FA alüte, die säged der scho, wenns dech gärn wend gseh... Ech ha do äbe au chli en Usnahmereglig, well ech so Schmärze gha ha ond be scho sehr früeh ufbote worde.

Bem Ässe lueg ech scho sehr druf: Ke rohs Fleisch (au ke Trochefleisch, Rohschenke), ke rohe Fesch, nor döregarts Fleisch, ke rohi Eier ond nor Melchprodukt us pasturisierter Melch (stod öberall droffe!). Osserdem vermiid ech wenn möglech industriell gwäschne Salot etc.

Das met de Woche esch so wies d'Rafa seid: Wemmer i de 5. SSW esch, denn esch mer 4 + ... schwanger (also emmer chli weniger, hihi).

Allne e schöne Nomitag/Obig, ech muess no es rächts Wiili schaffe höt Wenigschtens gods mer söscht tiptop! Döfmi also ned beklage

[Smack]

Danke viel Mol für d'Antworte. Ok wegen de SSW, ich glaub, ich chume drus

Sorry wieder en Frag
Ich han nachwievor d'Grundversicherig bide Chrankekasse. Det stoht sogar, nur 2 Ultraschällelis ... isch jo uh wenig, ned? Verstohni scho richtig, 7x Arztbsuech ohni Ultraschall und 2 mit Ultraschall...

"Im Verlaufe einer normalen Schwangerschaft sind sieben ärztliche Kontrolluntersuchungen und zwei Ultraschallkontrollen vollumfänglich in den Leistungen der Grundversicherung eingeschlossen."