Frühlings-Kinderwünsche - wir haben's geschafft -- Teil 2

[gerbera]

Ja ize bini scho 2 mau gstoche, und ize muessi am zähni nomau... Sech nüechtern immer wider la id vene stäche isch eich scho dr absolut horror :-/...
Eh nu, am zähni gangi zersch mau es fetts sandwich ga ässe


Gesendet von iPhone mit Tapatalk

[black_key]

du armi das glaubi dir... gliii heschs gschafft und s sandwich hesch der uf all fäll verdient! wünsch der jetz scho en guete

[wolke7]

@blackkey: super esch alles guet, den chasch jo jetzt bi dem wätter d'glace so rechtig gnüsse!

@gerbera: hoffe i der esch au alles guet ond gnüss din sandwich

@hunny: ich dänke a dich!

@me: di ersti nacht esch guet gange ond ich fühl mineigendlech ganz guet, weiss nor nonig so rächt wo mini belastigsgränze esch...han chli schess weni zvell ufstohne das sich weder onbemerkt öpis verchörzt :/

[Mimi83]

Hallo mädels
@hunny_b:danke der! Isch super gsi! 6.8s nächschte screaning. Super de gots bi dim maa vorwerz!
@black_key: super häsch ned so lang musse blibe und das wert guet sind!
@gerbera: drücke a der d dümme, dass alles supi isch!
@wolke: super. Schon dich aber unbedingt gnueg! Das chunnt guet.
@me: alles super sowit. A d resultat vom zuckertest! Und d Schilddrüsen mönd lut de spezialistin a nümme kontrolliert werde. Hüt händ mer au e 3 d ultraschall vom gsichtli gmacht. Entlich häts sich zeigt. Und denn sogar no d zunge usse gstreckt! es isch scho ca 37cm und 1250g! Und im spitol wird i jetz a agmeldet.

[gerbera]

@mimi: wow, wenn hesch du scho wieder et? das geit ja mega vorwärts bi dir, bi mir wird das alles gloub ersch mitti Ouguscht gmacht… 3D hätti ou no gärn… hesch du müesse frage, oder hei sis vo sich us gmacht?

@hunny: Eis vo de beschte Sandwiches, woni je gässe ha

@me: zuckertescht düre, sandwich gässe, normalmönschleche zuestand wieder härgstellt Ize tüe si eifach am Mäntig alütte, ob alles ok isch. Mitti Ouguscht wird de alles planet wäge Spital u so… sit dir d Spitäler no ga aluege? Mir ischs eifach total nid drum, mi so ine Wärbeverastaltig ine ds setze, de passe ig also lieber…

[black_key]

@hunny: das sind gueti news. ich hoffe du dörfsch bald chli ufstah

@mimi: jö so cool es 3d bild schön das alles guet isch!

@gerbera: juhuu hesches au überstande hoffe uf gueti news am mäntig aber isch sicher au alles guet bi dir

@spital: mier sind die zwei wo für eus in frag chömed go aluege. ich has no informativ gfunde, au d zimmer und so aluege. mer gseht au scho par lüüt und mer cha chli abschätze öb mer sich det wird wohlfühle

[Mimi83]

@gerbera: am 7.10 han i de provisori termin. Wobi min es isch jo chli spöter gsi. Mol luege was de s baby will! du schoweder? Nei gar ned. Er hät scho mol i de 12 wuche eine gmacht. Er cha das äbe mit em gliche grät mache. Muss nur uf e chnopf drücke. Und typisch maa, er will zeige was sis super grät so alles cha! Hihihi ich beschwär mich ned drübert! hoff das a gli zu somene 3d bild chunsch! Susch frogsch nochscht mol doch eifach. Isch sicher a bi der alles supi bim zucker test! Ich bin nur am infoabig vom kantonsspital gsi. Weiss das min arzt vill det isch und mir spillts eh ke rolle. Git jo immer überall positivs und negativs. Bin do recht unkompliziert. Has aber a no intressant gfunde. Eifach will i a mol de gebärsahl ha welle gseh. Aber mini kollegin isch das nie go aluege.
Hei wenn luscht und zit häsch, chöntsch doch a üssi provisorische et uf d startsite näh?!
@bläck_key: ja ha a mega freud! Und jetz muss ichs immer a luege! <3

[gerbera]

@mimi: tiptop, hani grad gmacht, has äbe nümme so gnau gwüsst, dünkt mi geng vo de wärte här sigsch du viel witer als ig... Aber bi mir seit ou nie öpper öppis wäg wi läng u wi schwär...

@spital ga luege: tue mr das auso no chli überlege, isch mr eifach nid so drum, weiss ou nid wieso...

Wägem zuckertescht machi mr ize nid so sorge, ha ds gfüehl i hätti das doch gmerkt, wenn öppis nid würd stimme...

So froue, no morn morge, und när 2 wuche ferie... juhuuu



Gesendet von iPhone mit Tapatalk

[Mimi83]

@gerbera: findsch?! mine seit defür nie öpis wegem muetermund und em gebärmueterhals. De ha ne hüt gfrogt wurum. Er meint, das ich kei beschwerde ha unds durum ned relevant isch. Bi villne zweit mamis gieng de muetermund a nümme ganz zue und er chönt jo de ned alli nur wege dem iwise und d lungeriefig sprütze. Also er chönt scho aber es macht kei sinn. Wenn i beschwerde han würd sich das aber äbdere. Bi mir sig voralle s wachstum wichtig gsi zum überprüefe wege de schilddrüese wert. Ich heig defür meh ultraschall als anderi gha. Oh ich benide dich grad. Muss no bis endi august warte bis ich e wuche ferie ha!

[gerbera]

@mimi: äbe, abgseh vo däm stressmomänt, woni mau ufe notfall bi, hani ja ächt e problemlosi bilderbuechschwangerschaft, u bi ou süsch total gsung, drum wird wahrschinlech ou nid alles so gnau agluegt... Ha ja ou ersch 2 ultraschäll gha, naja plus dä wo me gschwing gluegt het, ob ds härzli schlat... Me geit gloub eifach dervo us, dass alles guet isch, wo mi körper betrifft...
Allerdings het hüt d ärztin no gseit, dass si mi de evt. Nach de ferie e gwüsse %-satz chrank schribt, i cha de no afa wider e wuche, u denn het si e termin wöue, für da luege, obs äbe es arztzügnis brucht, wüu si nid wot, dassi mi nomau so muess stresse, dassi öppe no vorzitig wehe bechume... Findi eich no e gueti idee, wett scho no ga schaffe, süsch wirds mr ja längwilig, aber ize mit 50% ischs mr scho viel besser gange...


Gesendet von iPhone mit Tapatalk

[black_key]

@mimi: jöö das glaubi weiss gar ned öb mini fa es 3d grät hed... mini fa hed au no nie öpis wäg gmh oder muettermund gsäit/gluegt. aber ich glaub wie d gerbera säit wenn mer kei beschwerde hed wird das ned gmacht...

@gerbera: cool hesch gli ferie s wätter gseht guet us für nächscht wuche
gäll es gaht eim scho grad vill besser wenn mer ned 100% muess schaffe. ich ha inere wuche wider termin, bis denn gaht au mis arztzügnis. mal luege was mini FA meint

[gerbera]

@black_key: i findes super, het d fa das agsproche, de hani gar nid müesse frage... Finde ou, es chunnt chli drufab, was me schaffet, wenni im büro bi, und chli cha zueschaffe und zwüsche düre chli ufstah und ume loufe und alles i mim tempo mache, de geits mr ou nid schlächt... Aber bi chundetermine, wenn me 100% muess gä, und ke schwächi sötti zeige, de geits mr scho chli ads läbige... De chasch irgendwie ou nid säge, ou momänt, bruche grad 10 minute, ds baby boxt mr grad ids zwärchfäll, cha grad nümme schnufe

Hei mir vier mit mimi und hunny si alli uhu, oder? Tüe mr e champagner uf?


Gesendet von iPhone mit Tapatalk

[black_key]

@gerbera: jaa ich glaub mier sind alli 4 uhu müessted vilicht en alkoholfreie champagner ha
wünsch der schöni erholsami ferie!

@hunny & wolke: wie gahts euch??

[black_key]

@hunny: gitts öpis neus bi dir? dörfsch scho ufstah und di chli bewege?
danke gaht guet, minere chline glaub au sie isch extrem aktiv. freu mi uf de donnschtig denn isch wider baby-tv agsäit

[black_key]

@hunny: bin au scho mega gspannt
das isch ja mega müehsam für dich... meinsch sägeds nüt wills sälber unsicher sind?

[black_key]

@hunny: ja das isch natürlich schwierig... ich wünsch der witerhin ganz vill geduld!

[gerbera]

@ hunny: was macht me nid alles für dä chli pfüderi, gäu? aber jede tag, woner no im buch cha si isch ja es gschänk...

@ black_key: bi gspannt, was de vom us verzellsch, gits e grosse?

@ me: hei geschter zum ferie ilütte u baby-zimmer projekt starte ds bettli ufgsteut [emoji3] findi super, ize chani i dene 2 wuche gmüetlech alles mache,miruume, vorhäng näie u so...


Gesendet von iPad mit Tapatalk

[black_key]

@gerbera: nei nur en chline US. hoffe sie hed 3D, denn gitts evt. es föteli

super jetz hesch schön ziit für das. duesch du vorhäng sälber näihe?

[black_key]

@hunny: wow das sind ja tolli news, gratuliere dim maa ganz herzlich!

[wolke7]

Hallo zäme

@gerbera: schöni ferie- gnüss es!

@hunny: gratuliere dim gg! Ond ich hoffe jetzt ganz fescht för dich das du morn hei dörfsch!

@me: han höt morge ontersuech gha bim chefarzt wo mi operiert het. Min gmh het sich vo 2,2cm uf 2,7cm verlängeret!!! Dörf zwar ned vell meh mache als bis jetzt aber das esch mer glich- ich weiss jo jetzt das es sich loht ond sich da schient z'stabilisiere! Ond jetzt esch s'chline also definitiv weder en bueb