VoLkI-ChIcKs - freued sich uf di neue Volki-Babies...

[Simbat]

@Stella: Genau, Arwen hät scho alles gseit. Und es hät letscht Mal also mind. 3 Babys detä gha, es hät äxtra e Decki und Babyspielsache. Chum doch mal go inegüxle...

@Arwen: Gääälll isch mega lässig! Kei Ahnig, weiss nur dass si nüme allzu lang det ine sind.
Ja hey danke vill Mal für de Morge und sorry für de Stress Isch chli turbulänt gsi, he he mini Chlii grad voll am Täubele
Aber ich bin eh grad chli in Watte packt gsi hüt will min Chopf so zue isch
Mir händ dänn no schön de Bus vor de Nase gseh abfahre und dänn merki, dass mini Chlii pflotsch nass isch, si hät ja scho bim Bajka de Wasserspänder plündered und dänn bi dir no so vill Sirup trunke und ich hans irgendwie versäumt ihre mal d'Windle z'wächsle

@us: Hüt simmer uf de Jucker Farm gsi. Lääääääck die Lüüüüt! Kraaasss!!! Aber halt scho mega schön detä. Han mir en Mikrowällechürbis kauft, gar nöd gwüsst dass es so öppis git (Deckel wäg, Chärndli use, 10min id Mikrowälle und schön weich chamer en dänn uslöffle), mues glaubs grad no meh go chaufe...

[Stella_21]

arwen / simbat: merci viel mal. ha nämli grad studiert, will de timo immer so zwüsche 3 und halb 4 sin z vieri wott

was macht mer denn deht so?

[Simbat]

@Stella: Umehocke, schnädere, sis Chind beschäftige oder gnüsse, dass sich sich Chind sälber beschäftige chan, em Chind nahränne etc... und am Schluss werded no es paar Liedli gsunge/tanzt (für dich wahrsch. nonig so interessant)

[Stella_21]

Simbat: da tönt doch scho mal interessant singe und tanze chani eh nid hihi
Hets gnueg Parkplätz deht? Grindelstrass wieviel?

[Simbat]

@Stella: Ich gah nie mit em Auto aber wänn ich das richtig in Erinnerig han, dänn häts immer meh als gnueg freii Parkplätz.
Ich find grad kei Husnummere, nur Quartieranlage Steibrugg, aber wänn bi de Grindelstrass fast ganz hindere fahrsch, gsehsch ganz am Ändi en grosse PP und chli nach hindere versetzt es Huus wo grad nach Chindsgi etc. usgseh, chasch es fasch nöd verfähle...
Ich hoffe ich chan am Mo überhaupt cho (han ja versproche zum hälfe ufrume etc.) will im Momänt ligg ich zimlich flach mit Fieber und Stirnhöhleentzündig...

[Stella_21]

Simbat: okay oh... Denmfall gueti Besserig. Blibsch gschieder dihei und kuriersch di us.

Wer gaht denn alles is Chrabble morn?

[Virusli]

@lile
heeee, auch ganz härzlichi gratulation vo mier. wie laufts dehei z'vierte?
(mich würd de name also scho au ganz ganz furchtbar wundernäh.)

@animanca
ich hocke immer no uf mini animanca-büteli.

[Simbat]

@Virusli: Meinsch du die Dinosaurier Animanca? Ich han all uspackt, d'Chläberli de Lia gäh und mit dem Holzzügs machi jetzt dänn es Cheminéefürli

@Lile: Ja säg, wie gahts eu so? Wie hät de gross Brüeder reagiert etc?

[LiLe]

Ihr sind aber alli gwundrig Ihre Name isch Ilaria.
De gross Brüeder hät eigentlich ganz lieb reagiert. Am schlimmste sind für ihn die Tag gsi, wo ich nöd dehei gsi bin...

@simbat: Falls ich binere Kleidergrössi mal zu wenig Kleider söti ha, chume ich gern uf dich zue

[Stella_21]

LiLe: oh wow, schöne name gfallt mer

[Simbat]

Huiuiui, ich lah mal es Grüessli da, bevor mir uf di 2. Siite aberutsched

@Lile: Wie laufts so? Schöne Name!

@Stella21: Häsch glaubs chli Päch gha, die letschte 2x wo mir im Chrable gsi sind, simmer nur ungefähr z'6. gsi (+ 6 Chind)

@Bella Stella: Immerno nie über de Wäg gloffe vor de Hustüre

@us: Mir kämpfed im Momänt miteme Rhythmusproblem. Gaht irgendwie nöd mit und au nöd ohni Mittagschlaf. Oft pennt si dänn am 5fi no i und gaht dänn natürli erst wider am 10ni is Bett. Oder wänn si gar nöd schlaft pennt si am 6si i und isch dänn i de Nacht 4 Stund wach Schöne Seich... Aber es pändled sich sicher au irgendwänn i.
Mini Rettig sind im Momänt CD's mit Gschichtli, die lost si ganz ufmerksam und isch so au mal 20min mugsmüslistille

Guete Wuchestart wünsch ich eu allne!

[Stella_21]

Simbat: guet mögli han etz paar termine am mo (gha). Muen gugge, weni wieder ziit finde
Das mitem Rhythmus kenni im moment au. Er schlaft am Tag au nid immer glich. Aber am Abig isch zum Glück meistens guet. Er isch am zahnr. Nimme ah, es liit a dem. Er krabet etz au scho i de ganze Wohnig ume so süess

[Arwen]

So, bevor mer uf Siite 2 retour rutsched holi eus nomal füre.
Wie gaht's eu so? Wie gaht's dä Babies? Gnüssed all dä Schnee?

[Stella_21]

arwen: das hesch du sehr guet gmacht eus gats tip top danke de chli macht sich ich glaub etz chunt denn gli die phase, wo er sich überall ufe zieh wott im moment robbt er na de kabel und türe na und wie gats eu so? nach mim gschmack hets langsam gnueg schnee da une bruche nid zwingend so viel schnee in volki scho gar nid uf de strasse. aber zum luege und für chind isches scho mega cool

[Simbat]

Ich lahn au mal es liebs Grüessli da!

Bi eus alles guet so wiit...

@Arwen/Stella21: Wänn chömed ihr widermal is Chrable?

@Bella-Stella: Wänn chunsch du mal is Chrable?

[Stella_21]

simbat: ow ja... s chrabble hani scho fast wieder vergesse... guet seisch es. isch irgendwie immer so viel gloffe, dases grad chli untergange isch.

gits eigentli ziite, a dene kei chrabble isch? ferie oder so?

wenn sind die andere im chrabble? denn sind nid grad alles "fremdi" lüüt ume

[Simbat]

@Stella: Nöchst Mäntig isch no, dänn 2 Wuche kei. I de Ferie isch unterschidlich, isch glaub nöd immer zue. Das macht die Person wo's leited zimmli individuell.
Also mir sind immer detä am Mäntig

[Simbat]

@Okto: Grad s'sneuste vo de Sophie Kinsella gläse, es isch de Hammer!!!

[okto]

@simbat: cool! ich han alli vo dir gläse - bis uf eis..!!! ich chumm sie dir nach de wiehnachtsferie mal go bringe (bis dänn hani s letschte au gläse). isch das ok?
sind übrigens herzigi "farbe-föteli" vo dinere tochter uf fb! hihi...

allne en schöne tag!

lg
okto

[Simbat]

@Okto: Danke, isch au en Heidespass gsi, vorallem s'einstündige Schrubbe aschlüssend, will ich d'Fingerfarb nüme vo ihrem Körper wägbracht han
Ja sicher, kein Stress! Nachher chömmers dänn de Stella witergäh, han scho versuecht si vo de Sophie Kinsella z'überzüge
Han übrigens gseh, dass es no 2 Büecher vo ihre git, wo ich nonig gläse han, mues mal uf d'Suechi nach denä.