Juhu auch wir legen los- die Schwangeren

[balouli]

Hallo ladys...
Lahn eu mal ganz es liäbs grüässli da und hoffe eu gahts allne guet?

[Sarenz]

@balouli
Danne fürd Grüessli.. Hoffe bisch au gli bi eus!

@all
Wie gohts euch? Es isch so ruhig worde..

@me
Morn ETT!! Bi scho ufgregt.. Ha sit 2 Täg es ganz liechts zieh links und chöi Buchweh..Hüt jetzt auno chli es liechts zieh ide Schamlippe, hoffe das isch nüt schlimms und hanget mit dem ganz usdehne zäme! Min Buch isch ämel scho gewaltig! Nach 4 Täg frei (bzw. 1 Krank vor Übelkeit) gönd mer mini Arbetshose jetzt garnüm und sone Umstandshose isch scho bequem!

Schöns Tägli euch allne

[Smack]

Gugus zäme

Mier gohts tip top, danke! Ich hoffe, i eu au!

@ Sarzenz
Wow! Cool, freu mi für dich! Mine isch erscht i 4 Wuche Aber, du hesch jo au so lang müsse warte und jetzt isches scho do! Also werd ich das au irgendwie dure bringe
Ou würkli? Scho chli es Büchli? Ich bin äbe uuuuh gspannt, wenn mer öpis merkt bi mier. Vo mier us, chas no chli warte

[Sarenz]

@smack
Schön gohts dir guet! Hesch immerno kei grossi Beschwärde?

@me
ETT isch super gloffe! Euses chline loht sich aso scho jetzt durch nüt zur Rueh us bringe! Es het sich nit so welle zeige und do het de FA s chli welle "närve"..ohni erfolg. Nach längerem hin und her hets denn aber glich klappt ich bin grad soo glücklich und total verliebt i euses Würmli!
Zum Abschluss bini no bi minere beste Fründin verbie.. und was teilt sie mir mit?! Sie isch au Schwanger!! Soo toll.. genau 1 Monet spöter chunnt ihres 2. Kind! Mir händ scho immer welle zämme Schwanger si..

[Smack]

@ Sarenz
Wow das sind jo super Neuigkeite! So schön, isch alles guet bim Bébé, und denn no mit de Fründin schwanger si, uuuuuh schön!!!
Hüt isch jo total din Tag gsi
Hesch scho chli es Büchli übercho?

Nei, ha immerno kei Beschwärde Chli fuuhl bini, aber cha jo grad so guet am Wetter ligge

Was gnau hender alles lo teschte bim ETT? Nackefalte?

[Sarenz]

@smack
Büchli?? Ich han e rise Buch!! Han ich ämel s gfühl.. nei im ärnst, meh gsehts scho und umstandshose sind toll..so bequem!
Mir händ Nackefalte und de normali Bluettest mache loh. Das längt.. De ander Bluettest wird jo au ned zahlt vode KK. S Ergäbnis hani natürlich noni, aber Nackefalte isch i.o. De heter alli Beinli und Ärmli ahgluegt, Blose (isch leer gsi) de Rugge etc. Er heig ämel alles gseh waser müesi bis ufd Blose wo halt leer gsi isch, aber ev hets jo grad bislet..hihi

Du glücklichi, gnüsses! Ich merke langsam dasi nüm do müed bin sit gester! Richtig toll, ha weder chli meh Energie!

[Smack]

@ Sarenz
So schön
Ich hab äbe s'letscht mol vo de FA so es Biiblatt becho, wo druf stoht, das sie kei Bluettescht meh möchid. Nur Nachefalte quasi. Aber jetzt wo du vo 2 Teschts schribsch, bini au nüm sicher, welles dases isch
Jööö so herzig, grad bislet, jo vermuetlich
Wegem Büchli, bin so gspannt, wemmer öpis gseht bi mier. Wobi mier isches glich, wenns no wartet. Ich ha sus scho chli e Buuch, vo dem her wirds allwäg länger go

[Sarenz]

@smack
Sones Biblatt hani au becho.. Bini au ned drus cho! Aso so wieni verstande ha, wird mis Bluet mit de Hormon vom Baby ahgluegt..und s andere würd s Bluet vom Baby ahgluegt wärde?! Chume immernoni drus.. Panoramatest hani auscho ghört, döll de heisse. Jo gäll.. Alles isch so neu, do chame jo nur de Überblick verlüre!
Ich han auned grad en Waschbrettbuch gha, aber hane immerhin chöne ihzie daser flach gsi isch! Das goht jetzt nüm..findes erschreckend und härzig zuglich! Ahjo, zuegnoh hani,wie vermuetet, 1kg.

[Smack]

@ Sarenz
Isch möglich. Tüends aber ned mit Bluet vo mir (oder dier ) und Alter und Nachefalte etc alles zämerechne für e Trisomie-Erchrankig? Oh Gott, ich ha kei Ahnig

1 kg isch jo ok

[Sarenz]

@smack
Genau, mit dene 3 Faktore düends zämerächne aber da ich 28 bi isch do s Risiko au eher chli..
Jap, 1kg isch ok..

[Smack]

Genau ja, do bin ich mit mine 34gi nüm die jüngscht

[Rafa]

hallo ihr liäbä

melde mich au wieder ämal....sind 10 tag i dä südtürkei i dä feriä gsi und es isch eifach nur traumhaft schön gsi...äs gaht eifach immer z'schnell umä!

@sarenz
gratuliärä zur hochziit und natürlich zum guätä ETT....d'nackäfaltä isch sowieso s'wichtigiere vo dänä faktorä und da du ja bluätjungi 28zgi bisch wird dä bluättest au super usfallä! so schön, gäll da isch scho wieder ämal ä wichtigi hürdä gschafft?! freu mich für eui!

@smack
schön gahts dir so guät....gnüssäs!

@carina
au dir herzlichi gratulation zum guätä ETT! Schade hät din chef nöd so toll reagiert...hoffä nach äm erschtä "schock" freut er sich dänn au chli....diä chefä müänd das mängmal zerscht nochli verdauä!

@tamara
herzlich willkommä bi euis

@alessa
herzlichi gratulation zum buäb da hät din FA aber scho frühä katz usäm sack lah....ich hans bi beidnä erscht bim organscreening wellä wüssä wil ich sicher han wellä si....klar sicher isch mer sich niä aber i dä 20. wuchä gseht mers wahrschindlich scho chli besser als i dä 13.

@me
mach mir grad ächli sorgä um mis töchterli....sie hät sit am mäntig höch fieber und so fescht dä huäschtä...sind jetzt hüt scho s'zweitä mal bim dökti gsi...händ zum glück ä bronchitis sowie ä lungäentzündig chönä usschlüssä....seg wahrschindlich än virus und brucht halt ächli zyt....bin mer das halt überhaupt nöd gwöhnt...mis töchterli isch suscht sehr ä gsundi zum glück und sie jetzt so kaputt und müäd z'gseh tuät mir scho chli leid!
ich han mir jetzt au no so ä doofi vercheltig iigfangä...ja nu, abwartä und tee trinkä! suscht i dä ss gahts mir tip top....mis buchbewohnerli isch sehr aktiv und ich gspühr sie täglich! am zyschtig han ich dä zuckertest freu mich ja gar nöd uf dä aber au da müänd mir durä....wird schon schief gehen

sorry uf alli und alles wo ich nöd iigangä bin....isch ächli schwierig nach so langer schriebabstinenz....wird mich jetzt aber sicher wieder flissiger meldä!

schöns sunnigs tägli allnä

liäbs grüässli rafa

[Deidelina]

Hallo mini liebe

Gohts Euch allne guet und gniessets s Wetter?

@Rafa
Ferie göhnd immer viel zu schnell ume, das isch scho eso.
Wo sind Ihr denn genau gsi in dr Südtürkei?
Gohts Diner Tochter scho chli besser?
Isch scho hart wenn die Chleine so krank sind und nüt möge mache, vorallem wenn mäs so gar nit kennt vo ihne will sie suscht immer gsund sind.

@Smack
Freut mi das es Dir guet goht.

@me
Ha hüt FA Termin gha. Es isch alles guet und so wies sött si.
Mä het gar nüt gseh was es chönt si, es het immer es Bei im Weg gha und het sich richtig versteckt.
Ha au no e Vorderwandplazenta, aber suscht isch ebe alles in Ordnig und so wies muess si.
Es isch scho 20cm gross und ca. 175gr schwer/liecht.
Dr nächsti Termin zum Organscreening hani am 14.08.
Hoff denn jo scho, dass mä mehr gseht. Bzw. das mä überhaupt öbis gseht.

[Rafa]

huhuuuuuu

wo sind dänn au alli?? id ä badi oder am see wahrschindlich

ich hoffä äs gaht eui allnä guät!

@deidelina
mini chli isch zum glück wieder top fit...bin so froh! ja ich han mir würklich rächti sorgä gmacht aber jetzt hämer das au durä und s'nächschtä mal nimm ich das ganze wahrschindlich au wieder ächli gelassener mir sind in belek gsi...imnä super hotel, all inklusive mit ganz viel sachä für di chlinä und di grossä ...isch würklich suuuuper gsi! chan ich nur empfehlä!

hey so schön gseht alles so guät us...das freut mich...das chlinä machts spannend, hä aber bim organscreening zeigts sich dänn sicher....ihr wännd i däm fall wüssä was äs git? häsch äs gfühl?

ich wünsch eui allnä äs schöns sunnigs tägli

[Carina16]

Hallo liebi Fraue

Ech hoffe, es god euich allne guet! Ech be am SCHWETZE!!!!! Ha no müesse en Torte fertig ha bes höt; ha nor i de Nacht ond am Morge früeh chönne dra schaffe, esch mer alles wäggloffe Ez beni froh hani das gschafft ond hani ändli FERIE Hani hoffentli au weder chli meh Ziit mech z'mälde! Am Mettwoch chömmer go s'Schätzeli aluege ond ech hoffe, mer gsänd denn, wases esch. Ech ha ämel scho en rächte Buuch ond ez esches definitiv fertig met Verheimleche

@Deidelina: Jeeeh, dis Chline wetts chli spannend mache för dech Hauptsach alles esch i.O.

@Rafa: önt guet dini Ferie! Ergendwie send mer no nie of d'Idee cho i de Törkei Ferie zmache ehrlech gseid. Mer gönd ez mol chli of Dütschland (gueti Idee be dem Wätter ine Stadt ond de no schwanger ) ond nochhär is Tessin. Det weissi wasi ha

So, wönsche euich allen es schöns Sommerweekend

[alessa]

Grüezi mitänand,

Meld mi au wiedermal

Sarenz: super isch alles guät bi üch , gell mä chenti stundälang uf der bildschirm luägä

Smack: wiä gahts dir?

Rafa: schön händ ihr schöni feriä gah und das es diner tochter wieder guät gaht. Ich stell mir vor, mä lidet unheimlich mit
Viel glück bim zuckertest
Übrigens er het au sini bei gspreizt ka damit mirs jah au gsänd bin gspannt was bim nechstä unersuäch usä chunt....obs dä nöd plötzlich doch äs meitli git

Deidelina: hhmmmm das wett sich eifach nöd zeigä, das isch ja jetzt scho ä luschogä

Carina: hey machsch du au tortä mit fondant? Machi au, han aber müässä zruggsteckä vo dr ziit her, isch aber äs tolls hobby.
Übrigens bin au am schwitzä


Me: han en blödä pilz verwütscht und es biisst und biisst
Han am donnstig FA termin und freu mich meeeeegaaaa!!!!

Lg
Alessa

[Smack]

HuHu Alessa

Danke goht, isch es Uf und es Ab bi mier grad
Ich ha eifach irgendwie es schlechts Gfühl, aber ich muess mich jetzt eifach no bis am 24. Juli gedulde, denn isch de nöchst Termin (ETT). Ich merke nüt, ussert ab und zue es Zieh und Drücke etc, aber sus nüt. Ich muess immerno Utro näh, bis am 24. Juli no. Das beunruhigt mi halt echli, aber ich denke, es wird wohl allne öppe ähnlich goh.
Ou, Pilz - schöne Seich! Sogar das isch mer scho dur de Chopf. Wenni en Pilz hätti, chönti gliner goh, isch total en blöde Gedanke, und ich finds selber doof, aber irgendwie, wür ich denn s'Chline wieder gseh

[Alexa]

Hoi Zäme

Ich bi au mal bide vorgänger Gruppe gsii, hami denn schnell wider usklinkt, will ich mich zfest in kiwu gsteigeret ha.. ha chli möse lockerer werde Und siehe da... ha am 25.06 positiv testet.
Wäg minere Vorgschicht (14.ssw Abtribig wege Ananzephalie) hani bereits hüt ide 6. ssw min erste FA Termin gha. Ha mal dFruchtblase und de Dottersack gse, si hät gmeint gseht sowiit guet us, so wies sött si... De negscht Termin hani scho wider am 17.07. hoffe dasi denn en chline wurm mit pöpperlelndem herzli gseh ss liede hani zum glück no kei, nöd mal müedigkeit plagt mi Ich hoffe das isch kei schlächts zeiche..

Ich hoffe eu und eune buchzwergli gahts allne guet.

Ganz en schöne abig und guet nacht.

[Alexa]

@ signatur: ich mach schnell en test.. falls ich une wider nur en link sött ha,chamer öpper säge wo ich das genau iefüeg und welle link genau

Daanke...

[Sarenz]

Hoi zäme..

Phhuu.. Mir sind weder zrugg usem ahgnähm chüele England! Do isches mir eidütig zwarm! Mir gohts eigentlich weder rächt guet, übelkeit sowie müedigkeit send praktisch weg! Wer die hitz ned, das verträgi garned..und schwups ischs mer weder liecht übel!
Sit em juli schaffi jetzt au nurno im büro, jedoch 3 täg devo ime unklimatisierte..ich freu mi jewils uf die 2 klimatisierte täg

@carina
Jo met verhrimliche isches bi mir def. au verbie! Z London het mer ide ubahn sigar eine platz gmacht, dasi cha sitze vill spass morn bim Baby-TV..

@alessa
Ja das isch so! Mi FA het gmeint er brüchi jetztde en grössere Bildschirm, de gseht mer meh! d Handys sige jo scho bald so gross!
Ou nei, en pilz.. Hoff de isch gli weder weg! Sone seich! Au dir vill vergnüege am Do!

@Alexa
Gratuliere zum positive Test! Gnüsses und da chunnt scjo guet! Nur positiv dänke!!