Winti Mamis Teil 87 *Neue Willkommen*

[Zwetschge]

Ich chent am Fritig negscht wuche. De xavier chunt nid hei zum zmittagesse somit müssti erscht am 2i die hei sii;-). Und het vor is famze gha falls ihr zyt hent;-).

Vercheltig hemer au gha doof gsi.

Hüt gönt jungs zude schwiegis go schlafe bis am sunntig. Ja het freis wucheend ha scho chli bammel aber eus tuets au mal guet;).

Kammubili danke dir ja so es zimmer git arbet;-). Jetzt heisst bi dir entspurt langsam;-).

[Shorna]

Happy Burzeltag liebi Sanime! Wünsch der ganz en schöne Tag!

[Shorna]

@ Zwetschge
D Yael gaht vorussichtlich es paar Täg zu de Schwiegis und isch am Frietig nid da.

Händer eues Chinderfrei Wucheend gnosse?

[Shorna]

Auguri, cara Alessia! Mir wünsched dir ganz en schöne Tag. Viel Gschänkli und en feiene Chueche. ; - )

[Shorna]

Happy Burzeltag Liebe Flavio! Mir wünsched dir en super Tag mit all diene Liebe!

[mi deseo]

hallo ihr liebe

es gäbti soviel zum verzelle, aber war glaub bitz übertriebe alles ufzschriebe. bi mir isch einiges gloffe.

zum glück sind mini sache endlich igstellt, dass hät mich echt fängs richtig fertig gmacht.

ich wirde ja s'erschte jahr bim mami wohne, so chan ich ihre im huushalt helfe, will sie immerno mega problem mit em rugge hät und ich chan im gägezug gäld spare.

mami, min brüetsch und d'hünd fahred morn id bretagne. uf die eint art wäri scho gärn mitgange, aber bin au froh, dasi mich degäge entschiede han. ich bliebe jetzt da und läbe chli min näschtbautrieb us. han farb kauft, es wärde wänd früsch gstriche, möbel restauriert, igrichtet, dekoriert, vorhängli fürs baby himmlbett gnäht und nachane tueni die ganze baby chleidli wäsche, sortiere und iruhme und denn fangi mit de geburtschärtli ah. mis ziel isch, dasi fertig gmale und igrichtet han, bis in zwei max drei wuche. schon wärs, wenni s'vorhängli au scho hätti... uf das freui mich au mega.

allne wo geburi gha händ no nachträglich alles gueti!

mis chline buch-meiteli wachst und gedeiht prima. am mittwuch isch sie bi de wachstumskobtrolle 38.3cm und 1490g bi 29 +6 gsi.

geschter hani wieder uf bern id insel müesse. nachere usführliche untersuchig inkl. US vo mine glänk han ich no e kortisonsprütze is fuessglänk übercho und bin 100% arbeitsunfähig gschriebe. so chönn ich ja nüme schaffe. (ha mal wieder uh schmarze wege de rheumatoide arthritis gha)

gseht us als muen ich d'medikation nach de geburt komplet ändere. ohni mini ss hormon wird ich vermuetlich en recht fiese schub übercho und ich sölli jede tag stille gnüsse, wills vo eim uf de ander tag chönnti verbie sii. mis neue medi wird nöd babyverträglich sii und drum wirdi müesse abstille. wirde denn amigs is müesse, wirde das übere tropf übercho. usserdem wird mis geburtsteam informiert, das ich während de geburt übere tropf mit 100mg hydrokortison (oder so ähnlich) all 8h versorgt muen werde und i de druf folgende zwei täg au no 50mg alli acht stund.

dasi vermuetlich nöd lang wird chönne stille mag mich scho, aber au mit dem wird ich mich abfinde. bruche eifach en momänt ziiet zum das verdaue.

so, das mal die wichtigschte news.

freu mi mega uf mis schätzeli! ♡

shorna, wie gahts dir i de ss? wenn häsch du nomal et?

krambambuli, din et rückt immer nöcher... rännt d'ziiet oder schliecht sie? bi mir rennt die ziet nu so devo! glaube aber, wenn alles igrichtet und parat isch, dass es det nomal chönnt wächsle und mega langsam schliche tuet...

zwetschge, händ ihr s'frei weekend schön chöne gnüsse? hät eu sicher guet tue...

liebs grüessli
mi deseo

[Shorna]

@ mi deseo
Ui, bi dir isch ja meeeeega viel gloffe! Ich hoffe, es gaht dir im Moment so einigermasse. Läb du nur din Näschbautireb us, das isch ganz wichtig. Ich has 2x nid chöne, well ich immer am Zügle gsi bin und es hät mich immer möge, dass nüt parat gsi isch...

Mir gahts so wiet ganz ordentlich. Em Baby gahts au guet. Leider häts bim letschte US nid wele zeige, was es wird. Ich hoffe, bim Organ Screening seht mers denn. Min Maa will sich erscht mit Name beschäftige, wenn er weiss, was es git. Supi, i 1,5 Wuche han ich scho Halbziet.

@ Krambamuli
Bi dir gahts mit grosse Schritt uf Geburt zue. Magsch no?

[Zwetschge]

Hallo zeme

Freie Wucheend hämer gnosse hät u guet ta. Hent bis am gakbi tehni gschlafe:-). Ja znd fein gesse aber ha mini jungs vermisst. Bi froh hanis wieder.

Desco bi die lauft ja einiges. Hoffe findet e lösig wegte medi und wegem stille ha beid nid chöne stille de vorteil isch mer cha mal use in usgang;-). Oder de partner cha mal schoppe gäh oder grosi oder so;-).

Bi eus lauft viel de julien hät enorm schritt gmacht. Er lauft am züg entlang und mit sim stuhel. Hät sis eigne köpfli immer meh und isch vernarrt in xavier und umgekert au u herzig aber chönt au stritte;-).

Shorna scho gat ja rassig.

[Krambambuli]

Guuuugus liebi Winti Mamis

Bi mir isch alles ok, läbe aber momentan ebiz i minere eigene Wält. Min Fründ hät jez di neu Stell agfange und isch voll begeisteret, er cha ja über de Mittag heicho. Für mich hät s'Husfraue dasii agfange mit pünktlich choche, Bude suberhalte etc Bis ez simmer beid uu zfride.
Ich bi froh wänn eusi Chlii ändlich da isch. Körperlich bini echt ebiz am Aaschlag. Hetie nie dänkt das e Schwangerschaft so belaschte cha !!!

Shorna, Zwetschge, mi deseo, wie gahts Eu ???

Liebi Grüessli

[Zwetschge]

Krambambuli mir gats sowit guet. Ferie de maa het au 2wuche. Cool cha de fründ über de mittag hei. Gnüsses na wen na kes chaos herscht ide wohnig. De julien rummt alles uus nu nid ii und de xavier spielt au na ide stube nu rumt er wieder uuf;-).

Ich find si herzig wie de xavier zum julien luegt. Hüt het de julien mitem xavier welle knuddle de xavier wart julien wet na schnell fertig luege den hät de julien nid ufgäh und de xavier nimmt ihn und seit julien ha die au lieb u herzig.

[Shorna]

Sorry Ladies, ich bin sooooo schriebful i letschter Ziet. Ich bin immer so müed, mag min Tag fascht nid bewältige. Abgseh vo de Müedigkeit, gahts mir guet.

@ Krambambuli
Bi dir lauft de Countdown! Oder bisch am ändi scho Mami?

@ mi deseo
Wie gahts dir? immer na so sträng?

[Krambambuli]

Bin au fuul und s'Baby no drin gähn....

Läck Bobby Du bisch scho ide 22. Wuche O_O woni sletscht mal gluegt ha bisch ide 13. gsy.... die Ziiiiit !!!!!

[Shorna]

@ Krambambuli
Ich glaub, mir verschiebed euse Zmittag no es bitz, bis bis Baby da isch und ihr eu chli anenand gwöhnt händ. Mir häts i letschter Ziet grad einige Termine am Dunnstig inegschneit. Grrrr....

Ja du, Ziet lauft würkli abartig. Morn isch scho wieder November! Martini Märt und Räbeliechtli Umzug freu ich mich total druf!

[Krambambuli]

Ha gar kein Chopf gha für Dates mosch entschuldige. Ha ja e Hypertonie entwicklet das het mi ziemli down gmacht, jedi Wuche voll viel Termin, jesses Gott !!!!!


Finds cool das mis Baby na drin isch obwohli jez bi 39+4 bin, wett unbedingt es Novämberli

gahsch mit dinere Muss an Räbeliechtliumzuug (weiss gar nid ob Du de Name vo ihre da öffentlich schriibsch ? ) und chunt de Gross au mit ??

[Shorna]

@ Krambambuli
Macht nüt, mir isch es ja nid Andersch gange. Ha zwar immer wieder denkt, ich mües der mal schriebe und dänn isch de naschst Termin cho.

Oh, e Hypertonie, ich hoffe, es gaht dir so einigermasse.

Nur no es paar Stund und du häsch die Novemberli uf sicher.

Bi de Winti Mamis, schrieb ich d Name. ( Ich weiss, es chönd au da all go luege, aber es isch doch no es bitz "Privater" als die Threads, wo all immer lueged )

Mit de Yael gahn ich sicher an Räbeliechtli Umzug, bim Dian triffts en Papi Mittwuch und er wird nid debie sie. Mir gönd wahrschinlich uf Wülflinge. Da im Mattebach gits ja kein öffentliche. Leider

[Krambambuli]

Ich weiss na, i minere Chindheit isch de Räbeliechtliumzuug magie pur gsi..... Scho s Schnitze isch echt mystisch gsi und dänn am aabig go laufe mit sovielne Liechtli *träum* nacher na en heisse Tee und en Hotdog, hihi, ha na ganz viel Föteli im Fotialbum vo dere Ziit. Zum Glück hät mis Mami immer viel gföttelet!

Wünsche eu ganz ganz en schöne Aabig bim Umzug

Vode Hypertonie merki eigentli nid viel, bloss dasi mos Medis nää wene alti Frau bzw mini Stiifmueder isch 76 und nimt überhaupt nüüt !! Und ich bruch scho Betablocker *grummel* ^^

Freut sich d'Yael ufs Gschwüsterti ? Realisiert sies ?

Ich, November 1990

[Shorna]

Jöööö, so es herzigs Foti! Mini Eltere händ leider nid so zu de Föteler ghört. Für mich hät de Räbeliechtli Umzug bis hüt vo sinere Magie ipüesst. Ich liebs eifach. Ich dörf ja no es paar Jahr ga.

Danke, das werdemer sicher ha!

Bim Dian han ich au Beta Blocker brucht. Det han ich s vorallem bim laufe gmerkt, ha immer s Gfühl gha de Puls schlöch mer bis in Chopf. Wenn dini Muus da isch, normalisiert sich das sicher schnäll wieder.

Ich weiss nid, wie sehr d Yael das scho realisiert mit em Baby. Mängisch chunt sie und lupft mer de Pulli uf und git em Buch es küssli. Aber damit s Baby drin isch, das isch für sie glaub no ganz unwürkli.

[Shorna]

@ Krambambuli
Hüt isch din ET! Hui, bin ich gspanne, ob sich da no öpis tuet.

[Krambambuli]

Säx nöd

Ich gseh da aber irgendwie schwarz... Wobii ebe, vllt gahts den vo 0 uf 100 plötzli loos *bibber*

[Shorna]

Ha ha, ja du, wer weiss.