Bündner Plaudereggli (Sarganserland / Werdenberg) Teil 20

[miika]

@lema
Dä weg sötti glaub no finde

[Minchen&Co.]

@miika und Lema
i wär gad au cho inen Kafi, ha aber gad gluäget und ich han denn ebä Tageskind.

@Lema
zum Glügg häsch du das do innä gschriibä, i wär hüt döt gstandä .. hihi warum isch denn abgseit?

@Nessuna
schön wieder vo diär zkörä. das glaubi dass du dich uf dini Chuchi freusch. i wünschä diär no en schönä und agnehmä Endspurt!!

@ weiss gar nümä was i ha welä schriibä. wünschä allnä es schöns Tägli und mr gseht sich hoffi bald mal wieder!

[Nessuna]

also s geburtshus in Jenins isch sit letscht Jahr im Juli wieder offe...

üsi Tochter hät jetzt glich no pressant ka...

Sit am Mäntig am 22.28 Uhr sind mir stolzi eltere vor Joy. Sie isch 50cm lang und hät es gwicht vo 3490g. Us gahts allne ganz guet und mir erholet üs jetzt no bizeli im Geburtshus....

[lema]

Liebi Nessuna! Ganz herzlichi Gratulation zur Geburt vo Eurer Tochter Joy!

[Minchen&Co.]

Liäbi Joy, herzlich Willkommä uf dr wält! Ich wünschä diär viel Gsundheit und Glügg , Liäbi und Wärmi!!!

[fontauna]

nessuna: herzliche gratulation zu eurer tochter joy schöns kennalerna und gnüssat ziit no im geburtshus.

treffa am 14. Feb. kanni leidar nid da händ mir fassnachtumzug. schad klapts widar nid.

[miika]

Nessuna, ganz herzlichi Gratulation zur Geburt vo de Joy! Gnüsseds no im Geburtshus (de Alex isch drum au dete uf d'Wält cho vor 4 Jahr) und gueti Erholig und Kennelernziit!

@minchen
susch chönnted ja d'lema und ich eus ganz frech eifach zu dir zumene Kafi iilade

[Slifi]

@Nessuna
Ich gratuliere eu ganz herzlich zum Nochwuchs und wünsche eu ä wunderschöni Kennelernzyt... Gnüssens und lass du di verwöhne...

@Nachtesse
I wür eu gern wieder emol gseh... Wer macht en Doodle? Sus chan au i eine mache...

[Minchen&Co.]

@Miika und Lema
iär dörfed sehr gern nochem Dökti inen kafi cho. i bin jo eh dihei. freuä mi druf.

@Slifi
oh ja gern mach du en doodle! i ha diär jo verzellt dass i keinä meh mach!! gäll... hihi

[Slifi]

@Minchen
JO das weiss i und i verstand di... Aber i wett nid dr Sterntaler in Rugge falle, will sie hät doch emol gseit dass sie en Doodle mäch. Oder nid?

[Sonnenschein072]

Liebi Nessuna, härzliche Glückwunsch zu eurem Sunneschiin. Ich wünsch euch e wunderschöni Kennelernzyt

@Slifi, ich glaub nid, dass d'Sterntaler bös uf dich isch, wenn du eine machsch

Han jetzt no e Froog, d'Schwöschter vonere Kollegin vo mir usem Juni-Forum hüürootet in Walestadt. Sie frogt jetzt, ob öbber e gueti Cateringfirma kennt, wo der Apéro würd mache. Ich han leider kei Ahnig und han dänkt, ihr chönnet mir villicht öbber empfähle.

[Tarra]

@sonnenschein, ich kenn der Partyservice "la culina" und mier sind sehr zfriede gsie wo mer dia kha hend! I kann der sus no meh Adresse geh, aber bin eba erst am Mäntig wieder dahai.

I han au no e frog....
Mier hürotend im Juni und mier sind no uf der Suachi noch eme Restaurant mit eme grosse Saal, söttend ca 70 Lüt dina Platz finde....er söll irgendwo rund a stund fu Maienfeld awegg ligga....

[Nessuna]

Also d Ziit im Geburtshus händ mir sehr gnosse ka. Mir sind super guet umsorgt worde und händ jederziit e Ahsprechperson ka. I würd also jeder Ziit wieder dert ane go für e Geburt. Leider chan me natürlich au nid für ewigs dert blibe, darum sind mir am Fritig vorere Wuche wieder hei gange. D Ziit dihai vergaht sehr schnell und i chönnti stundelang de Joy zueluege wie sie pfuset. Sie isch es allerliebschts Baby und mir sind einfach nume überglücklich.

wenn ihr es Bild vo üserer Tocher möchtet gseh, de chönd ihr das uf de Site vom Geburtshus. Uf dem Bild isch sie no keini 2 Stund alt gsi.

http://www.geburtshaus-gr.ch/dynamic/de ... on=display

[Slifi]

Guets Mörgeli
Wie gsehts denn bi eu us in Sache Täg...? I chan emol en Doodle mache... Aber hüt chumi wohrschinlich nid dezue, aber morn sicher...

[lema]

Hallöchen! Ich wünsche Eu e guetä Wuchestart!

@Slifi: Das wär supi wenn Du en Doodle mache chönntisch - damit Du chasch go Mitessä cho solang d na chasch Be miär isch allgemein vill los. Drum chunnts wohl nid soo drufa wäg de Täg. Viellecht e DO?

[sterntaler]

@Nessuna
Ganz herzlichi Gratulation zur Geburt vo dr Joy. S Föteli han i grad aaglueget. So herzig! I hoff es goht eu allna guat und ihr händ eu guat iigläbt dahei.

@slifi
Jööö, han gar nid mitübercho, dass do nomol Verstärkig für d Lorena und dr Livio im Aazug isch..... I wünsch dir e gueti "Reschtschwangerschaft".
I däm Fall wärs würkli guat, wenn du dr Doodle machsch fürs Essa......

@miika
Also i wär am 14. au für es Käfeli z ha - oder händ ihr Luscht zu üs go Zmittag ässa cho? Ihr sind herzlich willkomma!

@me
D Gospelsaison isch jetzt fertig - dia letschta Wucha sind mit 5 Konzert nomol rächt intensiv, aber au schön gsi. S Singa im Gospeltrain macht mir einfach Riesefreud! Doch jetzt isch zerscht mol wohlverdianti Pausa bis Ende August und i han wieder Ziit für anders (z.B. mit eu cho go ässa) ......

Liäbi Grüess
sterntaler

[miika]

@sterntaler
han mir au scho überleit öb mer zäme welled go ässe, aber zu dir hei isch natürli immer fein.

@lema und minchen (und sterntaler)
wemmer am Namittag alli zäme go käfele? Mer hetted nämli wahrschindli meh Zit, oise Termin bir KiÄ isch churz nach de 10i, bis am 11i hemmer sicher und denn bis mer bi dir sind Minchen ischs ja scho ehner fasch Mittagszit.

@us
no eimal schlafe!

[lema]

@miika: He, wow, wie die Zit ume isch! Denn gsehemer üs nägscht Wuche scho? Jupie
Hm, miär isch glich wegem Käfele. Aso am Vormittag chummi niene me hi, will mis Halbtageschind chunnt ca. uf die 4tel ab 11i amigs. Am Nomi hetti sie denn halt eifach debei, zu was und wo au immer

[Slifi]

So hier der Link...
http://www.doodle.com/x8hn74r6wxurc2pc

[Minchen&Co.]

@Nessuna
härzigi Joy !!!

@Sterntaler
das glaubi dasses au ä strängi ziit isch mit dem Gospeltrain! Aber ebä au viel freud dra, suscht würsches nid machä!

@miika
Macheder denn jetzt au am Mittwoch no es träffä oder nid? Am DI chani ebä nid cho.

@Lema
ha jetzt gad Tickets für Silberbüx reserviärt!! ha gad es Geburigschänkt füres Gspähnli vom Janik brucht. Jetzt lademer sie gad as Konzert mit üs ii.

@slifi
dankä fürä Doodle!! i luägä wenn iär abmached, denn chumi denn eventuell! hahahah nei Witz!!!

@US
üs gots sehr guät... bi jetzt i sit 4 wuchä strohwittwä under dä wuchä und 2 wuchä muässi no. sisch chli asträngend mit organisiärä und so, da ich au meh muäss go schaffä wil personal usgfallä isch. aber shät jo es endi.
miär gnüssed iä brrrrrrrrrTag und sind viel verussä am schlittlä und skinä. jetzt ischs so lässig mit beidnä chönä umäzdüsä. gangä au ab und zuä amä vormittag nur mitm nils, wenn dr Janik im chindi isch. ja bi scho verwöhnt !!
Am Donstigobed hämmer no Infoobed fürä KiGa vom Nils und für die erscht Klass vom Janik!! oooh sie sind ja scho so gross!!

wünschä allnä es ganz es schöns Tägli no!!