Frühlings-Kinderwünsche - wir haben's geschafft -- Teil 2

[wolke7]

Juhu hunny das freut mich so för dich!!!!!!!! Das werd secher stabil bliebe ond denn dörfsch secher dihei wieter legge! Es lohnt sich ebe doch jedi minute wo mer liet!

[gerbera]

Hallo dir liebe! Exgüse hani mi so lang nümme gmäldet, bi völlig im chinderzimmer, ichoufe ufgange... Hüt hani alli chleidli gwäsche, und ize no iruume, das machi de mitem zuekünftige gotti, de gseh ig si ou wider mau... U ja, säuber vorhäng [emoji1] mau luege wis wird...

@ hunny: das isch genial, i drücke dr mega d düüme, dasses klappet mit hei ga... U ou das mit dim ma, isch genial, wenns grad so louft...


Gesendet von iPhone mit Tapatalk

[black_key]

@hunny: sooo super! das freut mich! hoffe fescht das du nächscht wuche hei dörfsch

@gerbera: mega cool das du sälber chasch näihe. ich han weder talent no en näihmaschine....
super das guet vorwärts chunnsch bim chinderzimmer irichte

@me: hüt en kurze US gha, alles tiptop. nur föteli heds kei gueti geh
sie hed mer gsäit sie macht mer grad wider bis zum nächschte termin es zügnis für 50%. bini grad froh

[gerbera]

@hunny: und wi gsehts us? Alles witer stabil u ustrittstermin scho klar? Hoffes ganz fescht für di! Spital isch haut scho nid dr meischtgliebt ufenthaltsort...

@black_key: findes super, hesch du so ne verständnisvolli fa! Hoffe im momänt ou, dass mini de es zügnis macht... Wäg de vorhäng, heit dir stangene oder schiene? Es git im internet mega schöni fertigvorhäng, we me suecht unterem gwünschte motiv und begriff vorhang, da fingt me genials züg... Hesch du nöime safari-tierli im zimmer? Bi sicher, da fingt me öppis schöns... Naja, wenn überhoupt vorhäng wosch

@wolke: wi geits dir so? Loufts guet daheim? Hoffe du chasch di immer no gnueg schone.

@mimi: wi geits dir? Scho lang nümme ghört?

@me: nach eme super feriestart und eigentlech fertigem chinderzimmer bini grad chli ines energieloch gheit. Ha ou ds gfüehl dr chli isch grad am wachse wi gstört... U i bi krass viel am zuenäh, das macht mr ou chli sorge, ize bini scho bi 11kg... Plegere eigentlech sit am donschtig nur no chli ume, wüui für nüt energie ha... Isch villech ou, bis ize bini mega im hamschterrädli gsi, schaffe, wätter verchrafte, zimmer irichte, u ize isch grad so chli es loch... Jä nu, wot mi nid beklage, u d vorhäng si ja no nid gnäit...




Gesendet von iPhone mit Tapatalk

[black_key]

@gerbera: hey super, ischs zimmer demfall scho fertig? zeigsch eus es föteli??
das känni, a eim tag hed mer energie für alles und am nächschte tag mag mer chum ufstah. denn dörf mer au mal par täg nur fuul umeligge find ich jetz hesch ja no en wuche zum erhole?
mier hend vorhang schiene. ja stimmt muess mal im internet chli stöbere da findi sicher öpis. nei mier hend eigentli alles in wiss und ich wott eifach par akzent in mintgrüen... zeig eu denn es föteli sobald alles staht
bin würkli froh dasi so en super fa han. mini arbetskollegin heds glaub ned so toll gfunde wägem zügnis. wonis ihre geh han isch sie de am mittag eifach gange ohni tschüss säge. janu so sache muessi ignoriere.
hey gaht mer glich wägem gwicht bin au bi 11 kg :/ mini fa hed no nie öpis gsäit und ich find au ned dasis mega übertribe mitem ässe. hed din fa mal öpis gsäit wägem gwicht?

[black_key]

@gerbera: hesch eigentli d resultat vom zuckertescht becho?

@hunny: ich hoffe du hesch s wuchenänd dehei dörfe verbringe?!

[gerbera]

@black_key: luschtig, mir si immer mega ähnlech mitem gwicht... i ha se druf agsproche, aber si het gmeint i sig haut eifach geng am obere rand vor kurve, u i chönn ja ize ke diät mache, i söu eifach chli luege mitem ungsunde zügs...

mache de gärn föteli, wenn d vorhäng no si... di bruchts irgendwie

isch de dini arbeitskollegin dini vorgsetzti? odet werum bechunnt si dis zügnis? isch das di glichi, wo scho mau so dumm het ta?

ah ja dr zuckertescht, so unspektakulär guet, dassis ganz vergässe ha... bi eifach ir norm vo guet, d wärte hani mr gar nid la säge...


Gesendet von iPad mit Tapatalk

[black_key]

@gerbera: ok ja ebe vill meh chan mer ja ned mache wägem gwicht. ich stress mi jetz au ned z fescht wäg dem solangs jetz ned no 15 kg oder so meh werded

de bini gspannt uf dini föteli

ja sie isch mini direkti vorgsetzti. genau das isch sie. susch hemers eigentli sehr guet aber weiss halt au ned was problem isch und was sie vo mir erwartet...

super wägem zuckertescht!

@hunny: super dases klappet hed mitem teilwiis-heigah druck der düüme das nächscht wuche am spital bis im oktober dörfsch bye bye säge
weiss gar ned wie gross die chli isch, letscht wuche heds kei mässige geh...

[gerbera]

@black_key: ja i gsehs eigentlech ou chli so… mache cha me ja nüt… aber glich hani ghofft, es wärd de nid so viel, zum nachhär wider abspäcke

Finde das e mega schwirigi Situation mit dire Vorgsetzte, wenn si es Problem het, de söu sis doch säge, oder nid? Hesch vor se druf adsspräche?

@hunny: grossartig, hoffe ou, dass de lang kes Spital meh vo inne muesch ga luege, mind. bis im Oktober Heit dir no viel ds tüe daheim, oder sit dr scho einigermasse igrichtet? Di gg het ja mitem Arm ou nid viel chönne mache? Aber winis im Chopf ha, heit dr ou scho früeh agfange?

@me: Finde das mega spannend mit eune mässige, bi mir het d fa no nie öppis gseit vo wäge wi gross u wi schwär dr chli grad sötti si… bi de mässige gseht me ja bi de grät eifach nur geng, wi ize grad d norm wäg vor gössi i wuche u tage, und da bini immer ender 2 wuche witer, alsi würklech wär… anderersits isch dr letscht US ja ou scho über 10 Wuche här… Nächscht Wuche am fritig isch ds letscht gross Ultraschall, freue mi scho mega druf, ne wieder mau ds gseh. U de söuer de mau mitem Chopf dunde blibe, im Momänt dräiter sech no wi wild, und i ha chli angscht, dasser de plötzlech nümme abe chunnt, wenns de drufab chunnt...

[black_key]

@gerbera: doch find ich au. hüt isch sie wider ganz normal gsi... ich sprich sie ned drufa, sie hed ha ahnschinend es problem, ned ich..

das isch aber schad das dir de fa nüt zu grössi und gwicht säit? bim termin nächscht wuche säit er sicher öpis, schliesslich gahts langsam uf de endspurt zue... din letschti US isch ja würkli scho sehr lang her, wird höchschti ziit das din chline wider mal dörfsch gseh
jaa hoffentlich dreihed sich all eusi schätz früehzitig i die richtig position.

[black_key]

@hunny: bin scho ganz gspannt wie din US gloffe isch, ich hoffe du hesch s ok übercho zum hei gah *dumedrück*

[gerbera]

@hunny: super news, das freut mi mega für di!


Gesendet von iPhone mit Tapatalk

[wolke7]

Juhu, super hunny ich freu mich för dich!!! Gnüss dis dihei!

@me: nüt neus...ben am legge

[black_key]

hey ier liebe ich hoffe es gaht eu allne guet?

@hunny: du bisch es sicher am gnüsse dehei? muesch bald wider id kontrolle?

@wolke: ich hoffe bi dir isch besser und du dörfsch bald scho wider chli öpis mache

@gerbera: hesch dini letschti ferie wuche chönne gnüsse? ich glaub du hesch hüt FA termin gäll?

@me: bin geschter mit mim mami go babysache shoppe. sie isch voll in shopping rusch cho wo sie die ville herzige chleidli gseh hed mer hend eus denn no berate lah wäge schlafsäck und ich han mich für de entschiede http://www.babyartikel.de/produkt/baby_ ... nchen_grau
sooo süess er isch so chli hihih

[caramel_joghurt]

* ineschlich*
La nech e liebe Gruess da u nime derfür gaaaaanz viu ss Vire mit
*useschlich*

[gerbera]

@caramel: hihi bedien di

@black_key: e mega schöne schlafsack hesch da, mit allem schnickschnack [emoji2] stimmt, i ha mi im momänt vorallem uf d chleidli konzentriert, muess de serigs ou no ga poschte...

Ha ersch hüt ire wuche fa-termin... Si het zersch wöue luege, wis geit mit schaffe, bevor si mi chrank schribt... I muess aber säge, irgendwie ischs mr scho grad nid eso drum wider adsfa... Ha eifach anders im chopf... Hät nie dänkt, dass mi de das baby im buuch so gedanklech völlig absorbiert... Würdet dir dr chef am mäntig vorwarne, dasses de wahrschinlech es arztzügnis git, ändi wuche?

Und wi geits üsne zwöi ligi-froue? Hunny&wolke? Hoffe chli besser u entspannt! Zum glück isch ja ds wätter agnähm zum lige...


Gesendet von iPhone mit Tapatalk

[black_key]

@gerbera: er isch würkli super. mim mami isch wichtig gsi das das e gueti qualität hed, rächt hed sie ja

verstah di guet, je nöcher de termin chunnt desto meh gedanke macht mer sich. hmm gueti frag wägem vorwarne... du chasch ihm ja fäng säge das am fritig en termin hesch und denn de FA luegt wägere evt. reduzierig vom pensum

[wolke7]

@gerbera: ich ben ned secher öbi öpis wörd säge- hesch es guet met ehm? Wennd ebe vorher scho seisch das es EVTL es zügnis get, gsehts velecht so us als wennds wördsch druf ab lege ond wennd denn am frietig chonsch ond seisch de fa het di chrank oder teilwies chrank gschrebe, denn eschs allei am fa sini entscheidig gsi ohni das din chef denn velechts s'gfühl het du hesch din fa beiflosst?! Weisch wie ich meine? Esch göaub grad ächli omständlich gschrebe :/

@blackkey: kuhl de schlofsack! Schön freut sich dis mami so...muesch luege das werd denn no schlemmer wenns chline do esch ich han jetzt so zemli alles wo no gfehlt het (vor allem zemmer irechtig, will alles andere hämmer jo gnueg) öber s'internet bstellt...er glaubet gar ned was mer alles bi amazon bstelle cha

@hunny: hoffe es liet sich guet dihei?! Din gg eigendlech weder am schaffe oder esch er au no chrank gschrebe wäg em arm?

@me: chan mi rächt guet zrogg neh dihei- han en super gg ond familie wo wörkli alles möchid, so das au di chli ned zchorz chont...han trotzdem es schlächts gwösse chan ned met ere gross spele, werde ere ersti tag i de waldspelgroppe verpasse...ond ond ond! Zu allem übel hani sit gester obig no en mage-darm grepp...oder min körper rebelliert gäge all die medis woni i de letschte wochene han müesse neh...ach eifach sch....

[wolke7]

Ganz vergässe @ hunny: nehme ah du nemmsch au gnueg magnesium?! Hesch du da au das du trotz dem emmer so ahgspannti beimuskulalutur hesch, als wennd nöchstens en chrampf bechämtsch?

[harmony]

*reinschleich*
@hunny und wolke
ig drücke üch fescht düüme - jedi woche wos no drinne bliibt isch super

sooo, ig wott ou SS-Vire haa!!! diversi SS-Büch aalänge, Storch aalänge... aues het no nüt gnützt.... fingi de scho biz doof we mer itz no so elei im hibbelthread si und när de eini um die anger elei do im SS thread ...si itz immerhin ou scho bide aprillis....de wird awe's baby scho jährig...

*alle SS-Viren die caramel noch da gelassen hat schnapp und rausrenn*