Januar 2021

[jennymistretta]

Fabi1893 hat geschrieben:
> @miiyu ebbe hanis doch no richtig im Chopf vo dr Lehr, will so händ mirs
> glernt, das wenn des erhitzisch, das Züg kaputt isch. Ich ha ehnter Müeh
> mit de Fleisch und Fischsache. Will das hani ebbe sehr gärn. Aber für euses
> Würmli verzichti natürlich gärn druf. Danke vielmols fürs Nocheluege, denn
> isch jo guet wenni wenigschtens mis Joghurt am Morge no cha ässe
>
> @jennimistretta ich würd trotzdem ins Wellness goh, halt eifach d Sauna und
> Dampfbad sicher si loh, aber s het jo no gnueg anders wo de chasch gniesse,
> und jetzt chasch es no nochärt villicht nüm? (Weiss nit evtl. Hesch scho e
> Chind denn ischs öbis anders, aber bim Erschte würdi no alles gniesse was
> de chasch)


Do hesch räch Mir hei jetz o buechet und wahrschiinlech wirdis denn ou säge. si jo ou die ängschte fründinne. I gloube me muessech chli überlege obme äch de ,it mit gwüssne lüt sowieso gärn würd drüber rede, faus jetz öbbis nid guet wär!?

Übrigens, kenniter s App "Schwangerschaft+"? I ha das mou abeglade und bi totau begeischteret. bi täglech dinne am läse. Wird guet bescchribe was gad mit eim passiert, was im buuch so vorgeit, me cha föteli iträge, termine, het zum bispiu o lischtene zur verfüegig (packlischte etc.), sowie To Do lischtene wome o säuber cha ergänze und ebä ganz süsch o ganz viu tipps.

[Fabi1893]

@jennimistretta

Sehr guet, denn wünschi euch jetzt scho viel Spass. Ich has au mine ängschte 3 Fründinne scho gseit, will wenn würklich öbis wär, denn bruchi die richtige Lüt an minere Site und die hani denn bi ihne 3. Usser eusne Eltere hämmrs aber süscht no niemertem gseit, do warte mer würklich die 12 Wuche ab.

Joo das App hani au abeglade, das isch dr hammer. Ich gang au täglich dri go luege und s stoht immer wieder neus dinne. Obwohl jetzt am Afang s Startbild würklich nonig so toll usgseht

[MaRa94]

@sueri

Ich chume au no nöd würkli drus do. Aber do no die fehlende Agobe: JG: 1994 / Kanton: TG

LG

[Lotte0803]

@ sueri

Wohnet no ide Stadt. Mer zöglet etz aber uf Udligenswil ine grösseri Wohnig

Ond du?

Wie möchid ehrs eigentlech metem schaffe? Ech wörd gärn 50% witerschaffe. Ev. chli meh met HO. Be de gspannt was min Chef meint.

[jennymistretta]

das stimmt, uf swissmom fingtme fasch no meh... i finge eifach würkli o die biuder vor entwicklig mega cool und fröiemi de wes scho meh nacheme baby usgseht

@sueri und @Lotte0803, i schaffe weni nid wie jetz sit 3 mönet im
HO bi o in Luzern, resp. in Root. bi aber viu ir stadt

[Lotta80]

Hallo Zäme
Wür mich Eui au gern aschlüsse... Weiss sitt am Mittwuch das ich schwanger bi und chas no gar nöd rächt fasse.
Mir sind sit 10 Jahr am hoffe und jetzt völlig überrascht.
Han im 2014 scho mal e Eileiterschwangerschaft gha und bi drum jetzt no rächt agspannt. Cha zum Glück scho am 26.5. Zu de Fraueärztin und hoffe denn gahts besser.
Das Schwangerschadts+ App hani au.. Findi Super...

Schön wenn mer sich mit Lüt cha ustuusche wo ide gliche Lag sind.
Min Geburtstermin wär de 19.1.21

[sweetym84]

@sueri
Do no mini Infos zur Ergänzig: Kt.=SG, Jg.=84, Kinder 2, 2006+2014

@Lotta80 ❤lichi Gratulation und hoffen mer sehr dass es fest abisst dis würmli .

@alli: wia machen iar das mit em Verkünda, händer scho öper igweiht usser am Partner? Odr wartender bis zum FA-Termin?

[Lotta80]

@sweetym84 dankä viel mal

Ich has mine Elterä und mine zwei bestä Fründinne gseit.
Nachem FA Termin säged mers denn de Schwiegerelterä und Gschwüsterti.
Fallt mer schwer nüt z'säge.
Wirdes wohl nöd bis zur 12.Wuche chöne gheim bhalte

[Lotta80]

@sueri mini Agabe wäred
19.1.21/Lotta80/BE/1980/-

[Anyawu]

Hallo alli mitenand

Gern würd ich mich da ahschlüsse, au wenns natürli nachli früäh isch.
Ich erwarte mis 2te Wunder, nachdem ich im Sept 18 zum erste Mal so beschenkt worde bin.
De 1. Termin bim FA hani am 5.6 Ich warte mal na mitem ET bis det, s heisst überall chli was anderes und es änderet sich ha denn au bestimmt na.
Aber sicher isch, dass es Januar Baby gä sött

Ich ha grad na welle fesge,öb mer nöd e FB Gruppe wennd eröffne für eus? Oder hets bereits eini?

Allne herzliche Glückwunsch und ich drucke allne de Duume!
Liebi Grüäss

[marienkäfer21]

@Lotta80 wow mega schön. Ich wünsche Dir sehr, dasses derf klappä!!

@sweetm84 mir wartet bis 12+0 bismers witer seged.wenn vorher öpis isch würemers natürli eusne engste fründe/familie au sägä aber ich han i mim umfeld i letschter zit vo so viel FGs ghört dasi sehr vorsichtig bin.

@Anyawu. min ET wird wahrschindli au na korrigiert und gäl nur so 3-4% vode chind chömed ja den am ETund ja wär au für e FB Gruppe oder Whatsapp würs mir vereifache da ine zschribe

ich druck au allne ddume

[Lotta80]

Findes au nöd so praktisch da ine zum schribe
Oder ich has no nöd ganz durchschaut

Ich hoffe au, dass mir alli bis zum Schluss derfäd de Wäg gah

[Fabi1893]

Mir händs nur eusne Eltere, mine 3 beschte Fründinne und sim beschte Kolleg gseit, mit allne anderne warte mer bis nach dr 12te Wuche. Bi dene wo mers jetzt scho gseit händ, sind au die wo mer bruche wenn doch no öbis würd passiere. Aber es isch scho extrem schwer ufs Muul z hocke

@lotte0803 mis Ziel isch solang wie möglich in dr ss no 100% z schaffe und denn spöter wieder mit 40% avo. Ich hoff das klappt denn au.

[jennymistretta]

i wär wenn de eher fürne whatsapp gruppe statt facebook

i liide zum glück gar nid unger übelkeit. i ha eifach immer chli e flaue mage und s blubberet o. wie o zum teil chli problem mitder verdouig d brüscht si extrem empfindlech. was mi chli beunruhiget isch im momänt s zieh im ungerliib. wär gloub ganz normau aber nir zieht vorauem gäng links. und wies so isch weme geit go nochelääse chönnt das schiinbar ufne eileiterss düüte.

i hät am 9.6. FA termin dänke lüte aber morn schnäu ah.

[Lotte0803]

@sueri
Ah cool.Gar ned so wiit ewäg demfall Velecht begägnemer üs jo im Spital Wo hesch du denn die letschte beide Mol entbunde?

Mer esch au emmer (mol meh, mol weniger) schlächt. Am beschte gohts mer weni met mim Ross go go usrite Fröschi Loft ond Bewegig halt.
Osserdem nehmi Itinerol B6 Zäpfli. Hälfid aber nor bedingt.
Grochsempfendlech beni au ond d Bröscht dönd au weh!

[black]

Liebe alle

Leider habe ich gestern Abend einen rotbraunen Blutfleck entdeckt... Mache mir nun wirklich Sorgen, dass ich wieder eine Fehlgeburt haben werde. Verhindern kann ichs eh nicht mehr... Bin wie bei der letzten FG wieder in der SSW 6... Hab im Spital angerufen, sie meinten ich solle die Blutungen beobachten und sollte ich wieder eine Blutung haben, vorbeikommen.

Hoffe, bei euch ist alles in Ordnung.

[mueckli89]

Hallo liebe Januar Mamis

Ich bin auch wieder dabei. Wir haben ET am 4.1.21.
Meine kleine 1. Maus wird morgen 8 Monate alt.

Wir freuen uns riesig!

Ich bin wie in der 1 SS auch, immer totmüde und sehr geruchsempfindlich. Da ich aber „nur noch“ 50% im Beruf bin (ohne neben Job (25%), aber gut einzeilbar) kann ich, wenn die Kleine dann will kurze Mittagsschläfchen machen. Extrem wertvoll.

[shaeni]

Hallo zäme, i würd mi sehr gärn o aschliesse we ds okbisch I ha am Fritig positiv teschtet u erwarte mis erschte Würmli <3.
Mini Agabe:
18.01.2021/shaeni/BE/1992/-
Fröie mi ufe Ustusch mit öich!

[anbabu]

Hoi zäme

Ich freu mich, wenni mi do au döf dezue gselle. Be s‘1. Mol schwanger, weiss es set 1 Woche ond de ET esch luut App am 13.1.2021.

Ha hüfig es Zieh im Buuch, söscht merki eig. noned so vell. S‘1. Mol zom FA gangi am 2.6. - mag au chum no warte ond hoffe, dass denn alles oke esch. Het mich ergendwie erstuunt, dass mer do no so lang mues warte.

Mini Agabe: 13.01.21 / anbabu / LU / 1989 / -

Freu mich sehr of de Ustuusch met euch!

[Lotte0803]

@ black

Ohje, das hört sich ja gar nicht gut an. Ich drücke dir die Daumen, dass es nichts Schlimmes und alles gut ist!
Zu Blutungen kann es ja immer kommen, aber ich verstehe, dass man nach einer FG besonders sensibel ist!