Juhu auch wir legen los Teil 4...

[Peanut88]

hehe wer weiss, vll isch ja genau die erbinfo wo du bruchsch zum fruchtbar si dominanter uf dim vater sim x-chromosom gsi hehe positiv denke unds mit humor neh isch denki definitiv die bescht lösig:D
ich ha hüt oder gescht min ES gha.. mini temperatur isch gsunke..sett morn vermuetli wieder stiege..und ha hüt zwei mal extremi chrämpf gha, nur paar sekunde lang..hoffemers bescht ) also sett so abem 22./23. teschte chöne..oder ebe au ned
jö denn isch sie ja würkli no e chlini muus denn isch de abstand recht nöch (aber sie wenigschtens usem gröbschte babysi dusse). mir sind nonig sicher, übs es zweits gä wird..mal s erschte meischtere

[JeyJey]

Ja, das hämmer au mal gseit und chuum bini ss gsii het min GG nor no vo 'de Chind' gredt! Ja, mir häbd es paar Gründ, dass mer so schnäll es zwöits wänd... mir sind beides ned so dBaby- und Wickelfäns und sind de froh, wenn beid mal laufe chönd. Zudem han ichs ss sii nöd sooo prickelnd gfunde und die Chliini het die erschte 10 Woche nor gschroue (12-13h jede Tag, immer bis am 3 am Morge), ich wott lieber grad no 'drin' sii, söttemer nomol es Schreibaby übercho. Und de natürli z'letscht halt au dKarriere... ich cha ab 2017 en Job afo, wo vorgseh isch, dasi dLeitig übernim, wenn min Chef pensioniert wird und de isches sicher ä chli eifacher, wenn mer nöd no es ganz Chliises het... ui, spannend spannend! Ich mach ev. am 16. en Früehtescht

[Peanut88]

haha wer weiss, vll gahts eus ja denn glich cha bis jetzt mit babies usem fründeschreis au weniger afange als mit eltere chind. wenn, denn sicher au eher nöcher ufenand (au job bedingt). will ned zlang weg si. oh demfall gratulation zu dere bruefliche chance! is keis problem, wennd denn der grad wieder schwanger startisch? schaffsch demfall jetzt wieder? derfi fröge wasd machsch?
phu, denn hender aber e astrengendi ziit hinder eu.. :S das wünschi niemertem. stellmer das echt usefordernd vor: eigeni psyche, körperlich, ide partnerschaft..
mhh bi dene früehteschts gegeüber chli skeptisch..was sind so dini erfahrige? welle nimmsch? ha übrigens recht gha mitem ES. mini gempi isch hüt morge steil ufe. hoffemer, sie bliebt.
es schöns und erholsams we wünschi!

[sabigleinchen]

@peanut88 Mer seit jo dass de Eisprung ca. 14 Täg vor Ändi vom Zyklus esch. Wennd also weisch wie lang din Zyklus esch (vorusgsetzt er esch regelmässig), denn chasches retour rächne. Ond do d Spermie 3-5 Täg öberläbe, hesch denn de Ziitruum wo d Chance do send zom schwanger wärde.

Jetzt weisi nömme weli Peanut vom GG gschrebe het wo beleidigti Läberworst gspellt het . Aber super dases glich no klappet het. Min Partner loht sech sehr liecht öberrede. I gläube de gnüsst die erhöhti Ufmerksamkeit . Sedi d Pelle nömm neme falltsmer aber äu vell liechter ond macht vell meh Freud. Das Hormonzüüg het mech gläub rächt dämpft. Weiss de ned öbi das weder well, äu wenns sini Vorteil het.

[Peanut88]

@sabigleinchen: hehe das stimmt super hesch nach de pille grad so en regelmässige zyklus ich ha au sitt jahre kei hormonelli verhüetig meh. ha nix vertreit (10versch. pille, ring, spirale). cha dis empfinde vom dämpft si also nahempfinde werde mir danach vermuetli d kupferspirale isetze lah oder wiiter wies bisher mit kondom..mal luege

hehe ja denn nutz sini "neu gwonneni" ufmerksamkeit guet

[JeyJey]

@sabigleinchen: Bi mir genau gliich, dPille isch en wahre Liebestöter. Deför gahts mer sosch ebe mit Pille vill besser. Jänu, mer cha wohl nöd alles ha.

@Peanut: Ja, min Chef weiss, dass mer am 2. baschtled, eig. hätti ebe ersch 2018 40% söle starte und cha jetz aber ab 2017 scho 20%. In Jahresarbetsziit, dasch no guet, de chani i de SS nochli meh und nach de Geburt (falls es denn klappt!!) weniger. Ich schaffe i de Kommunikation vomene grössere Spital. Mit 2 so chliine Chind wirds sicher sträng, ja. Aber das nimi in Chauf. Ja puh, es Schreibaby wünschi echt niemertem, me lauft so ufem letschte Zagge! Und dSS isch ä nöd so eifach gsii, well min Schwieva so schwer chrank gsii isch und i de Mitti vo de SS gstorbe isch also chas bim 2. nor besser werde!

Früehteschts: Ha letscht Mal en Früehtescht gmacht, allerdings nor 1 Tag vor NMT. Het guet azeigt (vom Coop). Dasmal hani vo Clearblue und billigi, wo aber beidi gliich fiin sind. Weni nömm mag warte haui mal en billigi use am 14. (ES+10), falls er agit ok und sosch warti no bis am 16./17. und nime denn de CB.

me: Ha Fieber und Halsweh, super.

[sabigleinchen]

@JeyJey: Guet muesmer eh ufhöre verhüete wennmer es Chend well . Jo es schint als chöntmer ned alles ha... sone Seich .

Be mer em Gschäft gets secher es Drama wenn ich denn schwanger wär... die send alli so anti-Mami igstellt ond händ s Gfühl Müetere fehle die ganzi Ziit. Aber det wördi de wahrschinli eh ned blibe welle, müesst mind. 60% schaffe, das esch ergend sone neui Vorschrift wellne die chline Pensene z müehsam send

[Peanut88]

hallo ladies

ok, falls sich jetzt de post wiederhole würd..exgüsi. irgendwie hets min 1. nöd azeigt..drum nomal..

@jeyjey: das tuetmer sehr leid zlese wege dim schwiegervater. ich hoffe, ihr hend de verluscht, de umständ entsprechend, guet chöne verarbeite. so öppis begleitet eine s lebe lang, aber ich bi sicher, uf die eint oder anderi art, ischer immer a euere siite.
das mit dim job isch ja e super lösig! denke, obwohls streng wird, is au guet, no was anderes zmache als "nur" dihei si. aber natürli nur so, wies d kräft au zuelönd.

@sabigleinchen: bi mir wär das au so...also ned s muetterfeindliche..im gegeteil (liet vll dra, dassi im soziale schaffe). aber das mit de pense. dezue chunt, dassi minere position danach mind. 80% schaffe müessti und das i unregelmässiger schichtarbet. würdsch du nach de 14 wuche grad wieder afange oder zerscht no dihei bliebe? hehe denn zeigsch dene unwüssende, dass es au anderscht gaht

me: ich spinne jetzt scho ha immer es zwicke und es zwacke im underliib und hoffe sehr, dass es d gebärmuetter isch, wo sich bitz platz macht haha au wenns vermuetli zfrüeh isch. also herzlich willkomme im ss-ibildigs-zirkus

liebe gruess!

[JeyJey]

@Peanut: Jö danke vill Mal. Ja, er fählt scho mega. Mini Hebi het gmeint, die Chliini seg weg dem es Schreibaby gsii, wells mer i de SS psychisch nöd guet gange isch. Ja, wer weiss...

@sabigleinchen, Peanut: Ich hätt ab jetzt au wieder 70% schaffe sölle a minere alte Stell, drom hani kündet. I de SS het mer sGfühl, das gieng denn scho und chuum hesch dis Krümeli im Arm chasch ders nömm vorstelle. Ich rate eui dringend, mind. 6-8 Mönet Urlaub z'neh, wenn ihr nöd unbedingt ufs Gäld agwiese sind. 14 Woche sind so schnäll ume, es isch ächt e Frächheit, dass mer ned meh Mueterschaftsurlaub überchunnt!

Wegem Zwicke: Gaht mer gliich leider hani immerno 37,5 Grad, isch au nöd grad optimal

[Peanut88]

@jeyjey: ja, da chönt din schatz sogar recht ha...glaube, mer übertreit sehr viel..und mer empfindet natürli au useforderige i so schwierige ziite nomal anderscht.

ja, ich werde au chünde. bi denn gnueg lang dete, dasses im lebeslauf io isch. usserdem möchti gern 1 jahr dihei bliebe. das gaht au grad no finanziell, da min schatz au 80% schaffed und ich 16 wuche muetterschaftsurlaub zu 100% (also 100% vo mim normale pensum vo90%) bezahlt bechume. danach möchti was anders mache bzw. ine anderi institution ga. das schichtschaffe gaht ja no, aber ned, wenni kei fixi täg cha ha. muess schliessli mit kita oder evtl. grosseltere chöne plane :s

das mitem muetterschaftsurlaub isch für mich au ned nahvollziehbar. wobi ich meh für e lösig bi, wies de norde het. dassmer sichs chan ufteile. min partner hets glück, im erschte jahr 4 wuche vaterschaftsurlaub zbecho (wobi unbezahlt!) aber immerhin. da er aber sehr viel überstunde het und nur 80% schaffed, werdemer die 4 wuche denn am stuck neh und ferie mache. und überstunde nach de geburt abbaue (wünschmer mind. 2 wuche nach de geburt bi mir). damiter au gseht, wie astrengends chan si mit chind und wie schwer de hushalt denn isch (haha ich hasse huushalt )

haha s beruhigt mi, dasses dir glich gaht!!*phu*.. hesch das ide letschte ss au gha? oje, grad no fieber (also bi mir wärs fieber, ha normalerwies 36 grad). wobi, d körpertemperatur isch ja eh erhöht ide zweite ZH. denn isch d differenz wenigschtens nüm so hoch. glaube ned, dassder sorge mache muesch (wills ja nonig 38.5/39 isch). ganz ganz gueti besserig. lasch di vo dim gg chli verwöhne und schlaf gnueg!

[JeyJey]

@Peanut: Mini GG het au 2 Woche Ferie gnoh und het nochher 4 Woche Teilzit/Homeoffice gmacht, das isch Gold wert gsii!! Wegem Zwicke: Ja, ha das i de 1. SS su gha, aber churz vorem Teschte hets sich agfühlt, wie wenn TR wörd cho. Sones Nervespiel, das ss werde!

@me: Min GG cha mer leider nöd luege, er isch sitem Friitig zHamburg mit sine Kumpels. Natürli genau jetz! Ha (mit Dauer-Dafalgan-Schlucke) immerno 37,5 Grad nöd so gueti Vorussetzig. Was mer aber Muet macht: Sit vorgeschter han ich die gaaaanz Ziit Hunger. Mega schlimm aber vilicht ja es guets Vorzeiche?

[sabigleinchen]

@Penut88: I wörd gärn 6 Mönet ussetze nochde Geburt. Min GG schaffet 100% ond reduziere werd chum möglech si e sim Job. Derför verdienter emmerhin rächt guet, dases finanziell sött go. Ufhöre schaffe chanimer ned vorstelle, ich glaube das bruchi för mech scho. Aber ebe, 60% fendi eifach zvell. Abgseh dervo dasi mis Chend jo äu wett erläbe ond gseh wases alles för Fortschritt macht, esch en Frömdbetreuuig jo äu sehr tüür.

Spannend be euch zwöi, i dröcke d Duume.

[JeyJey]

Irgendwie hanis Gfühl, es heg klappt es fühlt sich genau wie voreme Johr aa, woni dBänder agfange spüre ha. Aber ich ha mega Schiss wegem Fieber... isch überhaupt nöd optimal. Ja, mal luege. Bi froh weni ändli teschte cha.

[Peanut88]

guete morge mitenand

@jeyjey: ohje..hoffe, das gaht bald verbi! sones pech aber au, dasser grad jetzt weg isch. würd zum arzt, wennd über längeri täg fieber hesch. glaube mer seit, wennmer trotz medis meh als 2täg fieber het, settmer zum arzt ga..
das mitem hunger tönt ned schlecht und das mit de bänder bi gspannt, was no dezue chunt. druckder fescht d düme!

@sabi: oh ja, uch werde nach dem jahr au wieder schaffe. bruch das definitiv au. ich wirde meh müese schaffe, da mir ned verhüratet sind und ich finanziell ned abhängig wott si bzw. au spare muess chöne mit pk, ahv, 3.süle und mim sparkonto..aber mal luege, isch ja no lang bis dethi
gemäss dim ticker sinds no 6 täg bis zum ES. viel glück bim herzle!

me: gspühre immer no es zwicke und hoffe so uf anderi azeiche. will ha nie so es zwicke gha bisher. aber muess min optimismus bremse, ned dass d enttüschig zgross wird. hamer gseit, werde am 21.10. teschte (am abig isch usgang agseit&denn hoffi,meh zwüsse). wär ES+14. jetzt stelli mi mental uf 7täg am stuck schaffe i :S

eu allne en schöne und erfolgriiche wuchestart!

[JeyJey]

@Peanut: Vilicht hani au eifach e Magedarmgripp und ich gspür das nei, Spass beiseite. Zum Doc willi nöd unbedingt, will nöd müesse erkläre, dasi villicht ss bi...druckes Fieber wiiterhin mit Dafalgan. Oh oh, guets Schaffe!

[Peanut88]

@jeyjey: oh wege ned? angscht, dasser seit, das segi no zfrüeh oder dasser seit, du bischs ned? ok denn hoffi, sgaht gli abe!

[JeyJey]

Nei eher, well er mir ja den eh wörd Medis verschriibe, woni nöd döf neh - de bliibi lieber bim Dafalgan, wo mer dörf neh. Usser es wörd wörkli no schlimmer werde... demit rächne, dasses nöd klappt het muesi eh, bi durchschnittlich 20-25% Chance und ebe, dVorussetzige sind ä nöd grad top.

[sabigleinchen]

Ui JeyJey so spannend. Gueti Besserig ond toitoitoi.

@Peanut88: Du besch jo ufmerksam , ich hans ergendwie weder chli vergässe gha .

[Peanut88]

@jeyjey: meinsch, er würd medis gä, wod ned derftisch? 8/ wär ja mega heftig, wenns so wär..! aber ja, klar hesch recht mit dinere ussag. hoffemer mal, s wär es starchs würmli

@sabi: haha du hesch unde ebe so es riese ding (ticker oder wie das heisst). find die immer so faszinierend. wie hesch de gmacht? has ned usegfunde.

[Peanut88]

@jeyjey: https://www.swissmom.ch/schwangerschaft ... -symptome/ das hani gfunde.ganz unde bide temperatur..mich wundered zwar die präzisi agab und muess sege, ha de wert au süscht no niergends glese (nur 0.2-0.8 höher als ide 1.zh). aber vll idch das no interessant für dich und du chasch dem mal nahga.lg