Frühlings-Kinderwünsche - wir haben's geschafft -- Teil 2

[wolke7]

@harmony: nemm die cheibe nemm si!!! Da ich no es zietli vor mer han ond ziet jo au ned wett ome goh wär ich för onterstötzig vo euchere siete ächt dankbar!!!!

@hunny: danke för tipps, probiere da mol met ahspanne ond loh mer au s'öl lo hole...han zwar nor no sälte en herte buch aber denn hani öpis do falls es weder zuenemmt! D'lungeriefig werd ned gmacht soland cerclage stabil bliebt, erst wenn sich döt öpis sött tue werd da in betracht zoge!

[gerbera]

@wolke: i dänke für dini chlini wird sicher es gschwüschterti es mega gschänk si, vo däm här muesch sicher kes schlächts gwüsse ha… aber i verstah di scho, me wetti ja ou am chind, wo scho uf ds wält isch ds beschtmögleche gä. Bisch du immer no sehr ängmaschig ir kontrolle? Hoffe die Mage-Darm Sach wird gli besser, di Körper leischtet haut ou schwärschtarbeit, das darf me haut scho nid vergässe…

@hunny: wi isch dr untersuech gloffe? alles bim alte oder neui wärte? Jedi Wuche, wo ds chline sech ize no witer cha entwickle isch natürlech scho gold wärt, gäu?

@harmony: ja du hesch rächt, sit dr Wolke isch wider niemer meh schwanger worde, ize chönntet dr de scho mau zu üs cho…

@chef: bi äbe ou sehr unschlüssig… aber wahrschinlech sägi nüt, i ha mau vor öppe 2 Monate ds Thema atüpft, wis de witer geit, wenn ig nümme da bi, und wäg stv. und so, und denn scho gseit, dasses ja nid 100% sicher sig, dassi de bis im Oktober voll cha schaffe, das längt doch eigentlech. Cha ja immer no nächscht Wuche alles chli ufruume u parat mache, dassi paar sache chönnt abgä, wenns de nötig würd...

[black_key]

@hunny: isch demfall alles guet gsi bi de kontrolle geschter?

@wolke: ich glaub au das s shoppingfieber denn nomal usbricht wenn die chli da isch
ou nei jetz hed di au no sone doofi gripp verwütscht wünsch der ganz gueti besserig!

@gerbera: ich glaub ich würd am chef au mal nüt säge...

@me: bin flissig gsi im chinderzimmer

[black_key]

......

[black_key]

....

[wolke7]

Ahhh blackkey es esch scho mega schön!!!!!

[gerbera]

@black_key: mega schön dis zimmer! Gäu es grosses bett im Zimmer isch super? Das hani ou… Hoffentlech mag de di chlini no chli warte, wenn si scho so es schöns Zimmer het

@hunny: Ja, Ändi Septämber isch scho mau e sehr guete Plan! da bini sehr derfür

[black_key]

danke eu

@hunny: ich bin au überzoge das din chline bis min. afangs oktober no bi dir im buch blibt

@gerbera: ich hoff natürlich ned das sie meint sie muess scho is zimmer izieh aber im moment gsehts ja zum glück ned dena us. ja da mer gnueg platz hend i dem zimmer hemer s gästebett grad dinne gla. isch würkli praktisch denn chan mer det stille oder au mal schlafe.

[gerbera]

@black_key: luschtig, vori hani grad d ets vergliche vo hunny, dir und mir… wenn mr nid so wit wäg vonang würde wohne, chönnts tatsächlech si, dr mr alli ids gliche zimmer würde cho, ig chli übertrage, du uf termin und hunny e wuche ds früeh, wär absolut im rahme vom mügleche wenn me dänkt, das vorhär öppe es halbs jahr niemer schwanger worde isch us üsem clübli… ah und d mimi würd ou no passe

[black_key]

ja gäll es isch würkli e mega zuefall das mir all so nöch binenand sind ich hoffe bi de andere wo no im alte thread sind klappts jetz au grad bi allne ufs mal

ich wünsch eu allne en schöne 1. auguscht trotz em wätter...!

[wolke7]

Hallo zäme

Hoffe es goht euch allne guet ond händ de gestrig tag chönne gnüsse?!

Han gester mol weder is spitol müesse han dor mini mage-darm gschecht am morge im zervixschliem en öpe 5mm grosse fade gha...im ultraschall gseht d'cerclage aber intakt us ond de gmh esch onveränderet zum letschte mittwoch gsi! Sie wössed ned wo de fade her chont...evtl hani au vo dem amel so es zwicke am mumu gha. Naja mini verdauig tuet leider emmerno blöd ond das begönstigt natürli au zwöscheddore s'hert werde vom buch...hoffe das da bald hört!

[wolke7]

Hallo zäme...wie gohts euch?

@hunny: wenn muesch du weder id kontrolle? Was dörfsch du denn jetzt eigendlich alles mache?

@me: buch esch höt glaub es bez besser...bis jetzt amel! Hoffe es bliebt so. Sit höt esch min fa us de ferie retur ond morn chani grad verbi goh för di ersti kontrolle bi ehm. Bruche weder neui zügnis will d'assistänz- ärztin vom spitol nach 3 ahläuf emmernonig gschafft het mer es zügnis för en hushaltshelf zmache wod krankekasse akzeptiert :/

[wolke7]

@hunny: im momänt esch legge, wc, dusche ond ässe woni dörf ufstoh. Dor da das ich di letschte täg eh ständig förs wc han müesse ufstoh wär vermuetli au kei spaziergang drenne gläge. Soscht halt no vom hus zum auto damet min gg mich ond di chli zu ergendöperem chan brenge wo eus denn betreut...denn muess ich au ned emmer di glieche 4 wänd ahluege

[gerbera]

Hallo dir Liebe

@wolke: i findes super, chasch du di chli mit anderne Lüt umgä, das isch ou für di chlini sicher ganz toll, und de bechunnsch ou weniger schnäll dr Koller… De häbsch hoffentlech no ganz lang düre, villecht sogar bis i dezämber…

@hunny: übertue di eifach nid bim iruume und so. Villecht cha dr ja öpper hälfe? I ha d Hilf vo allne site här sehr gschetzt, obwohl ig keni beschwärde ha, aber lüpfe u bücke isch haut scho nümme so eifach, vorallem, wüui langsam e riisigi chugele ha Donschtig hesch dr nächscht Termin, gäu? I findes krass, wi froh dass me im Momänt grad isch für jedi Wuche, wo ds würmli no dinne blibt…

@black_key: wi geits dir? isch di buuch ou so am explodiere wi mine? findes aber eigentlech no schön, ize gsehni so richtig schwanger us…

@me: bi wieder am schaffe, u wirde sicher d fa frage, ob si mi teilwis cha chrank schribe… läck isch das asträngend… derzue chunnt no, dassi mi füehle wi nes walross vorallem im Bett, wenni mi söu dräie, de merkis amigs guet, wüu d Unterlag halt weich isch… Freue mi aber extrem, mi chli bueb am fritig wider mau dörfe ds bestuune. U luschtigerwis isch mi gg ou scho ganz hibbelig, das hani bis ize no nie so gmerkt vorem Untersuech… i gloube für ihn wirds ize ou langsam real, wüuer ne so guet gspürt dür d Buchdecki…
Eifach d vorhäng müesse grad no chli warte, weiss ächt nid, wenn dassi de das ou no sötti mache...

[black_key]

@wolke: wünsch der witerhin ganz gueti besserig! ich hoffe das sich bi dir bald alles normalisiert und du dini schwangerschaft ändlich au chli chasch gnüsse.

@gerbera: hesch wider guet gstartet nach de ferie? ich ha no geschter a dich dänkt, glaub der das es extrem asträngend isch de ganz tag schaffe. lueg unbedingt am fritig mit dim FA das chasch reduziere.
isch herzig mit dim gg, mine isch vor de termine au immer voll chribelig und nervös
mier gahts guet, merke eifach wies vo wuche zu wuche asträngender wird. ja und de buch wird natürlich au immer grösser

@all: hend ier eu scho für en name entschiede? ich finds sooo schwierig, vorallem weiss ich gar ned wo afange sueche... ich han mer scho par ufgschribe und chume immer wider uf die zrugg, aber denn dänki ami wider es gitt sooo vill näme evt. gitts ja no besseri

[black_key]

@hunny: hey so schön, finds super mached ier das so mit de trauig. hoffe ganz fescht das de FA s ok gitt! toll hesch s chleid dörfe umtusche. so spitzechleider gfalled mier au mega guet und passt super für en zivili trauig.
jöö weisch wie herzig wenn euche chlii denn im summer ade trauig chan debi si <3

[gerbera]

@hunny: da bini froh, es wär schön, wenn du nümme ids spital müesstisch, bis di chli uf d wält chunnt, u mir hei gseit nid vor ändi septämber, gäu

So schön dr Plan mit dire Hochzyt. Findes so dr hammer, wi positiv du alles geng chasch näh, da chani mir mit mire ächt problemlose schwangerschaft und hunderttuusig sörgeli also no e schibe abschnide. Bi aber sicher, dasses es wunderschöns feschtli wird, ou wenns chli anders isch als planet. Drücke dr d Düüme, dass dr fa sis ok derzue git!

übrigens, dis profilbild isch ou mega… nid dassis scho wieder vergisse

@black_key: Auso guet gstartet isch ja geng chli relativ. ha eifach gmerkt, dassi när völlig überdräit bi hei cho, und när hani di haubi nacht nid gschlafe, drum bini ize ou so viel im forum gloub… versueche so chli abe ds fahre. Muess ou zu mire schand gestah, dasses mr nach dene 2 Wuche ferie mega schwär fallt, vo baby wieder uf arbeit umdsschaute… was bi euch und i mim buuch vorgeit, interessiert mi eifach viel meh im Momänt…

wägem name, mir hei eine, wo eigentlech fescht steit, sit mr wüsse, dasses es buebli git. und so wini üs kenne, wirder de churz vorhär nomau ustuuscht es git süsch no e gueti app, wos eim immer wieder näme vorschlat, und me cha säge gfallt mr, oder gfallt mr nid und, de tuets när immer meh igränze, was de chönnt i frag cho… söu dr mau nache luege, wi die heisst? Mi gg und ig hei das zäme gmacht mit lischtene vo näme zersch, di hei mr düre gluegt, und alli, wo üs gfalle hei agstriche. und när so wi ne ranglischte gmacht...

[black_key]

@gerbera: das glaubi dir sofort das der ned nach schaffe isch. je nöcher de termin ruckt desto unwichtiger wirds schaffe. und ebe, es isch würkli asträngend das chunnt no dezue.
ou jaa das wär super wenn mer chönntsch nacheluege wie das app heisst.

[wolke7]

@gerbera: ich glaube au das da ganh normal esch, das eim s'schaffe nöm so metriesst...guet velecht wenn mer ongeplant ss werd, aber da esch jo bi eus allne definitiv ned de fall ich han zwar i de erste ss wieter gern gschaffed, aber has denn ergendwenn chum me chönne erwarte das chendli äntlech bi mer zha...ond denn hani jo früehzietig müesse höre ond denn esch scho weder s'schlächte gwösse cho...mer chan mers scho nie rächt mache noch de gebort wäri am liebste ganz dihei blobe...ben au jetzt no 20% go schaffe nor damet ich am ball bliebe ond min status ned verlühre...ond das het ich vor de chend nie vo mer dänkt! Jo ond din gg esch au herzig....jo gäll, je grösser dasd chogle werd om so meh begriefeds, das sich alles werd ändere

@blackkey: muesch luege, plötzlich ghörsch neumet en name wo der ond dim gg de ärmel ine nemmt! Bi de erste ss hämmer d'näme scho i de 5ssw gha mini tochter het sehr en spezielle name wo mer för meitli eigendlech niened ghört- ond ich liebe höt no au wenn ehn veli ned wördet wähle! Dasmol hämmer ächli länger brucht, aber ich glaube mer händ de rechtig name gfonde!

@hunny: oh spezechleid...ich liebs! A mim hochzietschleid hets au spetze gha! Ich hoffe ganz fescht för dich das er die trauig ändi monet chönd mache, aber so wies usgseht gohts jo emmer wieter berg uf ond den seit din fa bestimmt ned nei!

[Mimi83]

Hallo mädels
So gots euch allne sowit guet?!
@ gerbera: hihihi ich find die idee mit champagner astosse uf de endspurt gar ned so schlecht! chönd ja e rimus näh wie d hunny gseit hät! Ich muss säge, wär also wirklich mol für es treffe z ha! Coll am fritig häsch e termin gell?! Ich darf am do zum grosse screening. Freu mich a schoweder! Bin gspannt was de schribsch. Und ich drück der d dümme, das dis schätzli richtig lit! Das mit em schloffe kenn ich! Isch recht umständlich sich z treie!
@hunny_b: hei du tapferi! Gratuliere no zu de beförderig vo dim gg!! So cool! Ihr händ das verdient. Ich bin so glücklich das a bi der sowit alles guet got! Ich hoff doch, das mer alli sicher ned vor mitti september gebäred! Oh ich drück der beidi dümme dass das mit de zivile trauig klappet!!
@ wolke: du armi! So gemein mit dene komplikatione. Aber du bisch so tapfer und machsch das so gueg. Ich bewundere dich!! Aber es tönt ja jetz a guet bi der zum glück!! Häsch aber alles chönne bsorge wo no für s baby bruchsch?
@black_key: schön das bi der alles so guet lauft! Wie fühlsch dich suscht so? Hei dis zimmer isch a schön worde! Gfallt mer sehr! Mer händ jetz alles dehei( glaub ich ammel) aber irichte han i no kei zit gha. Hoff das i spötischtens endi monet dezue chumme. De han i de a no e wuche ferie.Coole schlofsack! Ich muss a no eine poschte. Weiss aber no ned was i sell näh oder wo ich ihn sell go chaufe.
@name: ich glaub de meitliname händ mer jetz! Aber de buebename git us no chli z denke! Isch echt schwär uf e gemeinsam nenner z cho.
Hei ich beniede euch zum teil, das de Arzt euch es zügnis macht. Ich schaffe im moment no 100% . Bin aber am obig amig scho recht am aschlag. Wehnigstens hät jetz e stellverträtig die wuche bi mer uf de gruppe agfange. Bin jo froh, das es mer sowit guet got und ich kei medizinische grund ha zum reduziere aber nur scho 2 h weniger am Tag würd ich mit handkuss näh! De ganz Tag chind ummeträge und wägestosse(zweier) forderet mich jetz doch langsam use! Und de no jede tag 2 h pändle. Ja nu got ja nur no ca.8 wuche.
@boxe: isch euches baby au immer so aktiv? Also langsam sind die kikbox einheite doch recht schmerzhaft.