Juhu auch wir legen los Teil 4...

[sabigleinchen]

@Topolinchen
Es gohtmer glich. Zvell dröber läse oder nohdänke esch ned guet ond macht trurig ond enttüscht. I verträge au Schwangeri nömm so oder Eltere met Babys... wett doch au.
I dröckder d Duume dases bald klappet. Das send jo wahnsennig langi Zyklene .
Mini Zyklene send relativ glichmässig, Schwankig ca. 3 Täg. Mer send etz em 7 ÜZ

[lisettli]

Hoi Zämme

Si glaub nüm so viel ume do inne wo mi no kenne, abr ich hoff es sind alli guet is neue Joor gstartet.
Ich druck euch uf jedefall allne ganz fescht d düüme dass es 2017 chugelet!

Liebi Grüessli

[missre85]

@lisettli schön vo der zläse!
Be da enne nömm wörklech aktiv, aber de könni no! Wie gahts der ir SS?
Danke, hoffe 2017 esch üses Jahr! Es guets Nöis no!

Liebs Grüessli

[missre85]

@all Hibbelnde wönsche üch ou, dass der baud dörfet schwanger si!

[lisettli]

Hoi Missre!
Jo mir gohts guet, Endspurt! No 3 Wuche bis zum Termin langsam wirds chli asträngend und i bi froh, wenns denn do isch.
Ich druck dir all mini düüme, dass s 2017 e bombe joor wird für di
Liebi Grüessli!

[Bienchen84]

Hoi Lisettli
So schön vo dir zghöre!! I hoffe, du übersteisch die letzte Wuche ohni Problem. Wünsche dr ganz viu Glück für die bevorstehendi Geburt!
Dänke de a di, wenns so wit isch!

[missre85]

@lisettli wooooow,dasch ja mega schnäu gange be der, krass! Wönsche der ufaufäu aues Guete förd Gebort ond e super Könnelernziit met üchem Baby! Gniessets!

[lisettli]

Hoi Fraue

Ich han euch nur churz es Grüessli welle do lo. Mir si am 04.02.17 11:57uhr nach churzer aber astrengender Geburt glücklich Eltere worde vo eusem Töchterli Alina Jasmine, 2740g und 49cm

Liebi Grüessli

[missre85]

Hey Lisettli,
jööö soooo schön,gratuliere üch ganz härzlech zo üchere chline Bohne ond wönsche üch e gueti Könnelern-ond Kuschelziit!
Wonderschöne Name heit der usgsuecht..
Hebs guet ond passet guet uf üch uf!

[Rubinja 86]

Ha nume es churzes Hallo weue da la... die einte oder angere kenne mi vilich no...
Ha aber ehrlichgseid nüm so mittgläse u bi daher nid ufem neuschte stand... drum nid bös nä weni da nid uf jedi persönlich iiga
@lisettli: di kenni no vo dazumau und i wünsche dir mit dire chline familie aues guete und ä wunderschöni zyt... mini tochter heisst übrigens ou jasmin zum zweute name eifach ohni e am schluss

Aune angere wünschi viu Glück bim hibble bsungers dä langzythibbelnde wünschi das 2017 eues jahr wird...
Dä Schwangere e wunderschöni schwangerschaft und e ganz tolli, eifachi u schnäui geburt

Liebs Grüessli