Frühlings-Kinderwünsche - wir haben's geschafft

[gerbera]

@mimi: naja nach dr abnahm hesch ja eich glich viel zue gno wi ig, und wahrschinlech haut scho ds meischte am buch, isch bi mir ou so... Dr buchnabel het sech bi mir allerdings no nid gmäldet, weiss ou nid gnau, ob das abhängig vor art buchnabel isch...

Im momänt plaget mi chli, dassi nümme richtig schlafe, und wenn hani so irri komischi tröim...


Gesendet von iPhone mit Tapatalk

[gerbera]

@hunny: wahrschinlech ischs chli e Kombi vo Hormon, nid chönne abschaute u de Tröim… u när hani ou geng so Durscht ir Nacht, süsch eigentlech nid, u trinke öppe 2 Liter pro Tag, aber ir Nacht hani immer ds Gfüehl i tröchni fasch us… De wachi haut duurend uf u muess öppis trinke… Kenne das süsch gar nid, normalerwis schlafe ig wunderbar… isch wahrschinlech chli ne Agwahnig wenn de ds baby da isch

Buchnabel: dä isch mi mir no total dinne, aber wahrschinlech chunnt ou das ufe Buchnabel a… was schmieret dir eigentlech i gäg streife? i ha scho paar ss-öl probiert, aber finde dert meischtens dr Gruch so mega gruusig, im Momänt hani grad es Bi-Oil. Das findi no fein...

[gerbera]

@hunny: wow wi schön! Gäu das fägt, wenn sech ds chline so bewegt im Buch?
I muess aber ou säge, bi nid so konsequänt mit icreme, tue eifach amigs nachem dusche, vielfach nur einisch am tag...

[black_key]

guete morge ier liebe

@gerbera: ich bin au bi ca. + 7 kg....

@hunny: wow so schön!! bi eus ischs immer so, wenn min maa d hand uf de buch leit isch rueh und sobald er weg isch gspür ichs wider

@creme: ich han s weleda öl, aber de gruch magi so ned verträge... muess au no wägere creme luege. susch bruchi eifach nachem dusche en bodylotion für trochni huut.

@me: bäääh bin verchelted und mini nase isch zue.. soo müehsam

[gerbera]

@black_key: usserordentlech beruhigend I bi mr im Fau ga triofan baby hole, woni mau so verstopfti nase gha ha, da hei si mr gseit das sig ok ir ss...

[black_key]

@gerbera: hihi beruhigt mi au chli das dier au so gaht
super merci für de tipp!!

[Awe]

Hey fraue

Schön zslese dases eu so guet goht ond ehr alli euchi babys gspüüred, das esch för mich au emmer super schön gsi. Min bueb esch jo sehr aktiv gsi ond hed mer au mol rächti tritt geh aber das hed mer nor zeigt das er fit esch

@bauch: ich han mi buuch täglich einisch icremt met dere creme wo mer au bi inopharm cha bstelle..bonal esch glaubs dmarke, ha scho folsüri vo det gha. Ich han keini streife becho aber öb das am creme liid weissi halt au ned. Vorallem hani au e chline buch gha.

@black_key: gratuliere am meitli so herzig hoffe dini verchältig esch bald dore.

@gerbera: der gratulieri herzlich zum bueb das metem schlofe esch sone sach. Ich han eigentli fasch die ganz ss dore sehr guet gschlofe aber halt amigs au uf müesse zum ufs wc go ond troimt hani am afang au ganz vell, das hed denn aber weder ghört. Cha guet sii dases au weder besser wird bi der, hoffes för dich.

@Hunny_B: jöö du hesch au es büebli, gratuliere au herzlich. Dis hochzitskleid hani au agluegt ond es esch traumhaft schön du hesch amigs e härte buch gäll. Ich han das au bereits ab de 20. Woche gha. Jede tag ond mängisch au öber längeri ziit. Gäge ändi vo de ss esch de buch amigs die ganz nacht härt gsi. Das esch ned schmerzhaft aber es esch eifach emmer sone zug womer gspürt gäll ond mich hed de buch denn au so schwer dunkt. Aber es esch jo alles guet gange ond vo dem her esch das nüt schlimms gsi. Ich ha au emmer voll gschaffet das esch velecht au ned ideal gsi aber öbertriebe hanis secher ned.

@all: händer eu eigentli scho för en name entschiede?

@me: eus gohts wonderbar. Min bueb esch hött 10 woche alt ond richtig goldig. Er lachet u vell ond esch meistens zfriede. Sit ere woche pfust er znacht dore, aber ich probier mi noni dra zgwöhne er lernt so vell, dänke es goht nüme lang bis er dsache chan griffe. Er wachst au guet ond trinkt super. Er esch jo met 2.5 kg ufd welt cho ond esch bereits fasch 6 kg schwer unglaublich wie schnell alles goht, mer send scho bi de 3. Kleidergrössi. Die woche gönd mi maa ond ich serschtmol zäme weg

Wönsch eu e super wochestart

[gerbera]

@name: ja mir si ou bi öppe 4 näme, findes schön, mir sinis sehr schnäu einig gsi...


Gesendet von iPhone mit Tapatalk

[black_key]

@awe: danke schön vo dir z läse! super das euchem chline guet gaht und er sich so guet entwicklet, was wott mer meh würkli unglaublich wie schnell d ziit vergaht.

@hunny: merci villmal. ich glaub es isch en richtigi verchältig, ha ämel au hals- und chopfweh gha. jetzt isch zum glück nur no d nase zue.
isch bi dir wider besser? ich hoffe hesch kei schmerze meh?

@name: simer immer wider am luege aber eus beide gfallt so wenig. und denn wämer au gern en churze da mer en lange nachname hend

[black_key]

@hunny: da hesch du rächt und es gaht mer ja guet suscht
ok super, ich hoffe das blibt eso!

@gspüre: wo gspüred ier euchi babys? ich eigentli immer rächt wiit une

[gerbera]

@black_key: auso scho rächt zentral, underhalb vom Buchnabel, u chli überall

[Mimi83]

@ Gerbera: ja glaub nur am Buch und evtl. no Brüscht. Suscht eher abgnoh a de bei und am füdle. Isch amig gli komisch bin sitze so ohni polschter! Ja de isch suscht scho ned so tüf gsi. Und obe gsehts jetz echt blöd us. Oh das isch blöd. Träume tuen i im Moment nümme so intensiv. Aber schloffe tuen i a vill oberflächlicher. Und z.T. Isch s Bett eifach ned so bequem wie suscht.
@hunny_b: ja hoff de got weder inne! Oh so schön händ ihr beidi euches schätzli gspürrt. Und freu mich auf, dass es der weder besser got. Musch nomol bin Arzt verbi wege dem? Hoff Musch a nümme breche!
@streife: ha d hutärztin gfrogt. Sie meint das es kei Rolle spillt was. Es muss eifach füechtigkeit spende. Aber es git keis Spezialmittel. Ich ha s bi oil, eis vo de Migros s milette oder so, s oil und d Creme und no d Creme und s oil vom Müllner. Ha aber alles geschenkt becho. Creme sicher jede Tag am morge de Buch i und je noch luscht und lune nomol alles.
@black_key: ja de vorfüerefekt! Hihihi de ken i. Einisch hät s Baby mich so ginget das i mim Maa befolle ha bin tv luege bi mer d hand uf z legte. De han i de Film ohni öpis chönne fertig luege. Also wenns gege d buchdecki ginget gots jo no aber so gege inne unde fühlts sich's komisch a. Oh ich wünsche der e gueti genesig. Das isch immer müesahm. Aber ha Mol gläse das die meischte nasesprei kei Problem sind i de ss. Musch Mol Do uf swissmom luege.
@awe: Hey du. Schön gots euch so super! Nei de Name stot bi eus no ned fascht. Also mer Bruches jo zwei do mer üs wend lo überrasche. Favorite sind zwar do aber es isch no alles offe! Oh so schön. Hoff er schloft Eiter dürre. Das isch Gold wert.
@gspüre: in letschter Zit isch es wirklich a be mer meh id mitti gwanderet. Aber es änderet immer weder chli.

[black_key]

@mimi: hihi genau das hani geschter au gmacht min maa hed de ganz obig d hand uf mim buch gha aber sie hed sich würkli ersch wider bewegt sobald er d hand weg gnoh hed. so gemein aber übermon hemer ja scho wider untersuech denn chan ers wenigschtens am tv aluege
danke dir, hüt isch zum glück scho besser!

@hunny: danke, es gaht scho besser hüt. ich hoffe dir gahts au guet??

@training: bin jetzt au imene ss-yoga, isch super gsi aber würkli es training isches für mich au ned gsi sehr entspannend und s hed guet da aber sport isches ned ich gah jetz ami no 1 -2 mal ide wuche is fitness, det machi bei, rugge, schultere mit wenig gwicht. was säit din FA wägem poweryoga? ich dänke solang du magsch und dier das guet duet isches keis problem?

[gerbera]

@hunny: i ha eifach müeh mit allem, woni dr Buch no muess aspanne… versueche vorallem viel ga ds loufe, ha agfragt für nes ss-yoga, und so, ids fitness bini ize scho es zitli nümme, muess das ize de mau chünde, gloube ja ou nid, dassi mitem chind de no viel zit ha ids training ds ga…

Dir zwöi heit ja scho i 2 Täg Termin, wow, da bini ja mega gspannt, hoffe es sig alles guet!

Irgendwie findi langsam, i hätti Ferie nötig, ha no tuusigi sache ds erledige, und mag eigentlech gar nid… naja mitti Juli chani de 2 Wuche chille, wäg gö mr gloub nid gross, wot de denn mau ds chinderzimmer i agriff näh

Haha, ha im Fau di nacht tröimt, üses buebli sig uf d wält cho, und sig aber scho grad jährig gsi… diräkt abem buch… mega schreg...

[black_key]

@gerbera: hesch demfall im juli zwei wuche ferie? denn chasch sicher par sache erledige und afange mitem chinderzimmer
de traum hani zimli glich au mal träumt, ganz komisch

@hunny: das stimmt, ich dänke jetzt wo chli problem hesch isch vilicht besser wenn chli öpis ruhigers machsch. au wenns eim am afang chli langwilig vorchunnt

[Cindy16]

Chani do au mitmache. Ha vor ere Wuche positiv teschtet. Jetzt bini ev i de 5. oder 6. Wuche und vööllig unerfahre....

[gerbera]

@black_key: chas si dass du e vorderwandplazenta hesch? Wüu i gspüre mis chline vo usse scho sehr guet, aber gäg ine hani no nie öppis gmerkt, und i ha e rückwand-platzenta...

@jutta: mir si e gruppe, wo scho lenger zäme schribt, villech bisch ire monatsgruppe besser ufghobe? Dert si alli öppe glich wit, ig schribe zum bispiel bi de oktoberli mit... Mir hei drum gloub jedes thema scho mau düre gchätschet


Gesendet von iPhone mit Tapatalk

[black_key]

ich weiss ebe ned, d FA hed mer mal gsäit wasi für en plazenta han aber ich weiss es nüm
ich glaub es chunnd au drufa, wie wiit obe d gebärmuetter scho isch? isch ja au ned bi allne genau glich.


@hunny: jööö das isch denn cool hani geschter abig au gmacht, damit min maa endlich au mal öpis merkt vo usse. ich has ganz dütlich gspürt mit de hand, er hed gfunde er merkts ned guet. naja männer halt
wägem ligge muesch di doch ned schäme ich gah praktisch jede mittag hei, find das super

[gerbera]

Hihi, säget nüt, mi chli het di haubi nacht e zirkusvorstellig gä im buch, und wüus allne so gfalle het no grad e zuegab, ha ewigs nid chönne ischlafe


Gesendet von iPhone mit Tapatalk

[Cindy16]

@hunny: danke villmol... Ich bi do total nöi und ha kei sones Monetsfoor gfunde....