Frühlings-Kinderwünsche - wir haben's geschafft

[Awe]

Hoi zäme

@sportyspice: wie gross esch denn dis schätzli jetzt? also wenn dini ärztin gseid hed es sig alles tip top denn
muesch glaub ich kei angscht ha.

jo ich glaube s'bange hört nie uf egal öb hibble, schwanger oder scho uf de welt...
bin au grad am bange, inere stund chani äntli weder zum FA zum 2. ultraschall, bin ufgregt ond hoffe es
esch alles am rächte ort. freu mi riiiesig zum gseh wies schätzli gedeiht

[sportyspice]

@Kizank: jo, mi Papi het am 17.11 Geburtstag und denn sind mir in dr 30ssw... freu mi uf das endlos. au wenn i wirklich wirklich hoff, dass euses chline erscht im Januar oder Februar uf d Welt chunnt, freu mi, wenns mol als überlebensfähiger gilt. Do euses chline jo zunderscht isch in dr Kurvene, wärs wahrschiens doppelt gföhrlich, wenns zfrüeh würd cho. Aber i denk positiv und denk das chunnt scho guet, momentan hani jo kei Grund zum ane Früehgeburt müesse zdenke.
Jo, mich hets scho paar mol in dr Nacht gweckt, ha denn amigs e recht harte Buch gha. Harte Buch, isch unagnehm aber absolut schmerzlos... ha das sehr oft, mini FA het gseit mini Gebärmuetter würdi mit em chline zämme scho üebe. Aber es sigi nid beunruigend und mini Belegshebamme het das bestätigt.
Merks chline au amigs dure Dag, has Gfühl i weiss mittlerwile au efangs, wenns sini Wachziite und wenns Schlofensziite het... Mi dunkts es het e biz e Rhytmus mittlerwile.

@AWE: jo das isch scho eso. Sie het gseit es sigi alles normal, i chönn wahrschiens eifach kei riese Baby ha, will i selber au nid so gross und breit sigi. s chline machts aber schienbar sehr guet. Isch halt eifach wirklich überall also bi Kopf und Gwicht und Längi praktisch zunderscht unser bim Bruschtkorb, dört isches biz drüber, wills schienbar e starks Herzli het. Sportlerherz halt.
Mi stressts eifach in so fern, dass i jetzt massiv verkältet bin und nid mag esse... bi momentan glaub noch andre Kieferhöhle und Ohrenetzündig... bi absolut schlapp. Macht mir eifach biz angscht, will i muess fit si fürs chline, aber mag nid esse... gib mir aber müeh und ha mi dure Tag kämpft und sogar e Supper abegschlürft... gang eifach gli ins bett und hoff morn gseht d Welt besser us. Ha eifach s Gfühl., dass euses so keini reserve het, dass so aktione no bedenklicher sind, als bimene Riesebaby... au s Thema Früehgeburt, wo i mi hoffentlich nie muess befasse damit, isch sicherlich bimene chline Mägerlimucki nomol gföhrlicher.
Aber villicht hei sie sich jo au eifach tüscht im Termin und es chunnt e Wuche spöter.

Wie isch di Ultraschall gsi? Alles guet bi dim Zwergli? Weisch was es gitt????

Liebi Grüess an alli.

[Kizank]

So. Endlich mol mis Büüchli (24+6 nach Berechnig vo minere Fä) Min Ticker stimmt irgendwie ned ganz.

Und mis eine Büsi

[roehrli85]

huhuuu, bi schnäu ine gschliche

@fae/kinzank: jööööh öji Büüchli und dis Büsi gfaut mr ou kizank. E Main Coon? Oder e Waldchatz??

[fea]

@kizank: schööns büchli )

@sporty: gohts dr wieder besser?? kei angscht, dis chline mägerlimuck luegt scho dases zu sim züg chunnt... aber lueg du, dass DU nid abem stängeli keisch...

@wachzyte: unser chlins het glaubs überhaupt kei Rhythmus fürcht ich...und ich dänk das het mit mine tagesabläuf zdue wo totaaaal unregelmässig sin! Meistens isches nämlich bim autofahre wach..ich fahr brueflich so 2-4h Auto pro Tag..aber das natürlich zu unterschiedliche Zyte... was ich eifach merk, isch dass es zwüschedure extrem wachi däg het und denn aber meistens dr dag druff allwäh nocheschloft oder so die wuche isches aber irgendwie rächt hyperig und d bewegige wärde au immer wie heftiger hihihi

mir sin gescht no bim organscreening gsi...är isch fascht nid nochecho mit usgliche wills so umezappelet het

[Awe]

Hoi zäme

@sportyspice: wönsch der ganz e schnelli besserig, dass du
Gli weder fit besch

@kizank: wow ganz e schöns büchli

@me: de ultraschall esch mega schön gsi. GG ond ich send nüme
zum strahle us cho euses schätzli hed met de bei gstramplet
ond esch 4.6 cm gross nackefaltemessig esch au super gsi, 0.8 mm

Wönsch eu no ganz e schöne sonntig

[Kizank]

Sali zäme!

@Roehrli: Isch e Maine Coon (7ni). Wahlwiis au "Chatzehund", "Chinchillabüsi", "Rääf" gnennt. Ha immer vill Chatze um mi gha, i de Nochberschaft woni ufgwachse bi, Familie etc - nie so es Tierli erläbt. Zu de Mänsche total sanft, unufdringlich aahänglich, gspröchig und glehrig (Chunnt uf Zueruef [immer! Wenn au mängisch unter Proteschtmaunz], git Pfötli, macht Männli, git Nasestups, macht Türe uuf). Zu anderne Chatze ussert eusem Katerli aber total aggressiv. Dusse gaht si uf anderi Chatze und au Hünd loos, markiert ihres Territorium und verteidigts massiv. Het mol e Dänischi Dogge müesse erläbe, wos händ dörfe d Lefze näie, will s Rääf sich draghänkt het (Sither dörf si nur no a de Leine use, sus chani d Tierarzträchnige vo anderne nümm zahle)... s Katerli isch ersch drüü und em Rääf total unterordnet. Er isch echli dumm, aber en richtige Kampfschmuuser.

Morn morge hani de Bluetzuckertescht. Gürklet mi chli aa, so lang müesse dete sii, vor allem will die Stüehl i de Praxis ned soo die bequemschte sind, unds mir schlächt wird, weni gar nüt z'morge han... Mol luege, mues da eifach dure.

[roehrli85]

@kizak: ja di si sehr speziell und riesig! E ehemaligi Arbeitskollegin vo mir züchtet se http://www.sanfteriesen.ch/index2.html

[Talulah]

Guete morge mitenand

So, ich mäld mich au mal us de Versänkig! Han i letschte Zyt sovill um d Ohre gha im Gschäft und dihei, de bini gar nümm zum schribä cho!

@all: we gaz üch allne so? Gaht alles nu gliich guet we vorher?

@Sportyspice: gahts der scho wieder besser? ich glaub au, wenn d FÄ seit es gieng em chline guet, dass da chasch vertrue. S Baby nimmt sich ja was es bruucht, din Körper chunt denn ersch a zweiter Stell.
Ohh ja am bibbere isch mer ja immer... gnau so wes d Awe scho beschribe het. ich han mers au chli müesse abgwöhne immer mitere FG oder so öppisem z rächne. Logisch chan das immer passiere, aber nur willi mi devor fürchte, hilft das au nüt degäge! Wänn d Natur zueschlaht, chasch nüt mache. drum lieber positiv dänke und so hilft das i eim für nes bessers Wohlbefinde. Was ja au nüd chan schade.

@kizank: ohhh we schöne Buuch hesch du! Isch ja voll herzig, we du scho mit dim Chlyne redsch! Das machi denn glaub au emal. Bis ez henis leider nu nie gspürt, also emel nüd, woni mier het chönne sicher si!

@Awe: schööön hender Freud gha bim zweite US. Gell, mer verchlüpft schier, wenns scho nach me "richtige" Baby usxeht!

@fea: schön bisch wider retour. hesch guet gstartet?

@me: ich chan mich gad nüd beklage. Es gaht mer tiptop, bis zue au nu kei Beschwärde. De Buuch xeht me langsam, zumindest bi änger Chleidig.
Hend sones Grätli übercho - AngelSounds heits glaub. De chömmer amel chli Härztöndli lose. Das isch amel sooooooooooo schön!! und da sitem letschte und em nächte FA-Termin 7 Wuche ligged, beruhigt das denn au nochli. bin so gspannt ob mer denn erfahred wases git! A minere Huut ah, tippi ja uf nes Meitli, aber sones sichers Zeiche isch das ja nüd!

Glg

[Awe]

Guete Morge zäme

@Talulah: schön hesch kei Beschwerde ond es goht der guet Mer esch geschter obig doch mol öppe e
stund (susch amigs nor 5 min.) schlächt gsi, aber susch gohts mer au bestens

Glaube dis chliine settisch glii gspüre, ha gmeint so ab de 18. woche esch da de fall duesch au es bildli
vom buuch ine??

Wow so cool das grätli bi mer gohts jetzt au no 5 woche bis zum nächschte untersuech, das goht halt
würkli ewigs. Chume denn am Tag druf grad i die 18. woche. De FA hed gmeint mer gsäch denn ev. scho wases get aber mer wänd eus jo öberrasche lo
Min GG ond ich händ aber beid ganz fescht sgfühl es get es meitli, weiss au ned wieso

@me: am donnschtig hani die 3 mönet "gschafft" warte jetzt aber no guet 2 woche ond denn duenis
am chef säge

Allne es schöns tägli

[Kizank]

Puhh Bluetzuckertescht überstande. Aber jetzt no öppis ässe lohnt sich irgendwie au nümme, so churz vor em Mittag. Am 10ni umenand hani e rächti Kriise gha, so es blöds flaus Gfühl im Mage und wili jo nüt ha dörfe ässe total greizti Bloose gha und i de Praxis i dene 3 Stund öppe 5 mal ufs WC. Da müend ihr denn worschinli au no dure. Aber ich ha au e mega empfindlichi Bloose, vo dem her gahts eu worschinli besser dänn.

Kell chömmer uf d Siite tue, das sett e käs Problem me gäh. Mer düend bi de Kontrollene amigs guet uf d Bluetmängi luege, eifach für de Fall.

Ultraschall isch mega gsii. Eimol hets s Muul uu wiit uf- und wider zuegmacht, wie wenns gähnt hetti. Läck und es isch scho 910 Gramm schwer! Am 1.9. bim letschte Untersuech sinds 525 Gramm gsii. Isch wahnsinn wies zuegleit het! Fruchtwasser isch au gnue ume, und s Baby liit scho in optimaler Startposition. Hetti aber no gnueg Platz, zum sich drülle. Am 6. November isch de nögscht Termin bi de FÄ. Det wird dänn gluegts, ebs immerno richtig liit, und d Aamältig für s Spital gmacht. Dä dunschtig muesi no aarucke für d Rhesus-Sprütze.

Säged mol, mached ihr d Küüchhueschte Impfig? Ha mi mol duregrunge, si uufzfrüsche...

@Talulah: Ja, wär bi dir no es biz Früeh. I dere Zit wo du gad bisch hani au nur ganz sälte mol s Gfühl gha, das hetti e Bewegig vom Baby chönne sii. Das chunnt dänn scho no! Lang muesch nümme warte. Wenns ad Ussewand vom Buuch druckt isch s es Gfühl, wie wänn öpper mit eme Pinsel vo inne würd draastriiche

@Awe: So guet! Ja jetzt chaschs glii umeverzelle! Ich hans au ned gad i de 12. Wuche, sondern ersch spöter mim Chef gseit (sind au no Ferie vo ihm dezwüschecho) ca 16. Wuche. Ich wür eifach en guete Momänt abwarte.

@roehrli: d Chatz isch 6 Kilo, s Katerli 10. Si sind scho rächt gross, aber si sind sich däm au bewusst, ha nie Problem gha, dass si Züg umschmeissed oder aberiissed. Mir hend au no zwei Aquarie, es 120Liter und es 700Liter. Im chline hani knurrendi Zwergguramis und en Kafi und Wels, im Grosse vom GG Diskus, Wels en Asselchugelfisch und Garnele (also s Mampf für de Kufi). Mues mol e Foti mache vom "Methusalem" - Bruune Antennewels, wo bald 20gi isch.

[sportyspice]

Hallo!


@Awe, Fea und co: Danke goht mir langsam biz besser... het mi wirklich grad recht doof verwünscht. stimm hani no immer keine, aber mittlerwile hani nümm bi allem s gfühl, das i verstick. Has geschafft, das i Kieferhöhle und Ohreentzündig wohl im letschte Moment ha chönne mit Hausmittel(Zwiebele und Meerrettich, Salbeitee mit Honig- sei Dank) in Schacht halte. Isch scho mega blöd, bi suscht nie wirklich krank, und nimm au nie Medikament. Als schwangeri Frau settsch jo aber au jo nid fieber ha, und am beschte nie kränkle... aber öbbis neh darfsch au nid. drfür hani s Gfühl euses Mägerlimucki het recht ufgholt und isch am wachse und aktiv wie verruckt. I glaub das het mini Süchi guet überstande.
Bi extrem froh, dass es momentan so aktiv isch- sither sind mini bedenke, dass es zchli isch recht verfloge. Grössi misst sich jo bekanntlich nid in Zentimeter... es macht das super eues Chline.

@awe: super, das alles i.o isch bi dim Buchbewohnerli, gäll gitt eim eifach immer e dauergrinse und e guets Gefühl.

@Kizank: Cool, das dis sone sprung gmacht het, dass isch super. Gäll, es isch scho no schräg meh het s Gfühl es goht no so lang und trotzdem wirds scho langsam konkreter?! I ha do au denkt, es isch scho verruckt es isch morn scho Oktober, und i bi au bald scho endi 2. trimeschter. Muess am Wucheend unbedingt afo Kärtli baschtle... im Moment hani s Gfühl Ziit rasst, i wett no so vieles baschtle, nähen, aber i chum zu nix. S Krank si, hets nid verbesseret.
Bisch scho imene Geburtsvorbereitskurs?
Euses isch momentan no in dr aufrechte Position... obwohl sit geschter bini mir do au nüm so sicher, es stramplet momentan irgendwie überall und schloht definitiv purzelbäum...
Mir mache wahrschiens au Keuchhueschte- Impfig. isch mir sehr empfohle worde.

@Awe, juhui, so schön, das isch scho mol dr erschti Meilestei. Muesch denn unbedingt verzähle, wie dis Umfeld druf reagiert het.Hahaha, s Gfühl fürs Gschlecht vom Kind... das hani au die erschte 12 Wuche s Gfühl gha, i hätt vieles druf gwettet. Denn hei alli in eusem Umfeld, wirklich praktisch alli, gfunde sie glaube au es gäbi e Meitli und das het mi komisch dunkt und i bi plötzlich überzügt gsi es git e Bueb, wahrschiens so fascht als Bschützerinstinkt, aber sit em letschte Ultraschalle... mir heis nid welle wüsse und meh het nix gseh, bini wieder überzügt, das es es meitli git. Eifach so d Körperhaltig hani s Gfühl gha, es sigi es Meiteli.... aber unter em Strich, wird sich das Gfühl wahrschiens bis endi Januar no xmol wächsle und schlussendlich isches au egal was es gitt, hauptsach gesund. Mir werdes so oder so über alles liebe und freue eus imens.

So hüt hani mir vorgnoh wirklich mol nix z hushalte, z baschtle... aber i ha mi vorher grad ertappt, wie i überleid han, was i chönnt als nächschts mache. alle säge immer i müess es unbedingt ruiger neh- das entspricht so nid mit naturell, dass i das extrem schwierig find eifach mol ufs sofa zliege und z.b tv zluege ohni no irgendöbbis nebe dra zmache...
muess i wohl dra schaffe.

Liebi Grüess

[fea]

@ bluetzuckertescht: ich mach dr nägst Untersuech und entsprächend au dr zucker bidr Hebamme..ich hoff also das wird vo däm här chli agnähmer...aber am Morge paar Stund nüechtern bliebe chunnt also evt. au gar nid guet bi mir...

@me: ich bi grad anere antibiotika-kur woni mi jetzt e monet lang drgege gsträubt ha will ich angscht ka ha vor de näbewirkige (ha scho so oft Antibiotika mega schlächt verträit...) aber siehe da, dr Arzt het rächt ka und mini buch- und magekrämpf sind verschwunde!!

@ kizank: ich bi also mittlerwile au verhürotet würsch du das no apasse uf dr 1. Site bitte?

[Awe]

Guete Morge zäme

@Kizank: Wow scho fasch gäge es Kilo schwer, so herzig wäg de impfig weissi ned. bim letschte
untersuech hed de fa min impfuswiis studiert ond gseit es segi alles tip top, hed wäge dem nüt gseit.
min nächschte untersuech esch öbrigens au am 6. november

@sportyspice: schön gohts der langsam besser ond dis chliine hed sich so wies tönt au
grad neu gstärkt gönnsch der ächli rueh
hihi das chani mer guet vorstelle, dass sich mis gfühl au no 100 mol änderet was es chönt ge aber
eus esch das au total ega, hauptsach gsund und munter
ich due d'kärtli au selber baschtle, aber ha nochli ziit jo eusi beide familiene wösseds bereits ond am wochenänd möchemer es ässe met de kollege, denn düemers ehne säge

@fea: schön sind dini krämpf verschwunde ond hey, herzlichi gratulation zur hochziiit

[Kizank]

En wunderschööne guete Morge!

Gad zrugg vo de Rhesus Sprütze. Boahh hani das ned gern - vor Sprütze hani meh Schiss wie vor dr Geburt Ha mol binere Starrchrampf/Küchhueschte Impfig nachane es Jahr lang min lingge Arm nüm chönne bruuche, drum hani so müe mit Sprützene. E Lumbalpunktion het mi mol chli gheilt, aber wämmer Züüg inedruckt unds dänn so brännt - buuuuhhh... *schüttel*

[Talulah]

Hallihallo

@Awe: schön, dass der grunsätzlich au guet gaht! chan au immer chli mim ässe zämehange, we schlächts eim isch. bi leerem Mage han ichs amel chli gmerkt. Aber au scho vor de SS!
Spöter no meh wägem Chlyne gspüre...
hihi ja s Buuch-Bildli bini definitiv schuldig, das folgt denn no!
ohhhh so schön!! ja gäll die wartezyte zwüsched de Termine chömed eim amel ewig vor!
bin ja au gpspannt, ob mier bim nechste US xeht wases git. Ich wotts umbedingt wüsse. bin doch sone Gwundernaase!
hihi so lustig! ja wer weiss villicht, henders ja richtig im Gfühl. d Chance staht immrhin bi 50%
Bi üs sind sich die werdende Grossmüettere einig, dass es Meitli git!
hüt hesch die 3 Mönet dure!! gratulierä!
wür au arate im ne guete Augeblick bi gueter Luune vom Chef, das mitzteile. de Buuch wirsch ja warschindli nuchli verbärge chönne. Hender üch scho überleit, wevill oder ob überhaut no wettisch schaffe nachher? Denn chöntsch das ggf. am Gspröchg de gad nu am Chef mitteilä.

@Kizank: Gueti Beschribig, wegem Pinsel... witer unne meh zu dem!
Momer de Bluetzuckertest immer bzw. bi jedere SS mache? frag mi nur gad ob da mier au nu blüeht?
ohh woow üches Baby hät ja demfall scho chräftig zuegleit. so schöön!!
Guet hesch ez d Rhesus-Sprütze überstande! OMG!!! We krass isch den das mit dim Arm xi!?? isch denn das ez wieder guet?

@sportyspice: schön gahts wider Berg uf mit dinere Gsundheit. ich xeh das glich we du, es git doch nüt über Huusmittel. nimme au nüd gern Medis und bin au uh sälte chrank.
hihi es richtigs Sporty-Baby also, wenns so aktiv isch!
We hesches denn mit Sache erledige am Abig? Bisch nachher gad meh gschlucht/müed? Ich bin au die wo meistens nu näbed bi öppis (bastlä, nähjä etc.) "muess" mache. Aber das findi amel absolut entspannend. Zumindest bim jetzige Stadium vode SS. weisch, nüd das di den s "nüt mache" meh stresst als "s Sache erledige"

@fea: oh guet, hed d Kur aagschlage! wenn hesch de Termin bide Hebamme?
gratuliere demfall au nu zur Hochsig, wenn hender de ghürate?

@me: so lustig han doch tatsächlich üses Chlyne gester Mittag s erschmal eindütig gspürt. Das isch uhhh es schöns Gfühl <3
Beschribe hettis so: es fühlt sich wo ah, öppis zwüschend "öpper vo inne ad Buuchwand druckt/streichled" und "es blubberle". De hani spöter nu d`Beschribig mitem Pinsel, vode Kizank glese und da hani müesse lache und säge, das isch die nu besser Beschribig!

[Kizank]

@Talulah: Gäl, isch mega schöns Gfühl! Bi mir gspüri mängisch, wie sichs streckt und dänn mit em Chöpfli abedruckt und d Bei irgendwo bi de Rippe inestemmt. Da hani amigs s Gfühl, es wür scho min ganze Buuch usfülle.
Das mit em Arm isch bi de Küchhueschte/Starrchrampf Impfig mit 10ni gsi - ha si nie meh ufgfrüscht wäg dem. Während em inedrucke hets so weh ta, dass mir d Träne choo sind, sus hani Impfige amigs guet vertreit, aber das isch soo übel gsii... Am Abig isch de Arm ganz stiif gsii, und d Schultere het brönnt wie blöd. Woni e Wuche spöter no ghüület ha, weni de Arm probiert ha z bewege simmer nomol zum Arzt, de het gmeint, ich tüeg eifach Täubele. Mis Mami het nach vill überrede mol dörfe ad Schultere lange - die isch Schteihert gsii. Arzt het ihre nöd glaubt, aber ich ha angscht vor ihm gha, und ned anelange loh. Bis es Jahr nachher hani Schmerze gha, nur ganz langsam meh bewege chönne. So nach eme Jahr hani de Arm wider halbwegs normal benutze chönne. Ersch 5 Jahr spöter bini absolut schmerzfrei gsi. Jetzt no en rise Fläcke a dere Stell i de Schultere. Daher min Hass uf Impfige. und am 6. November machi die wider... Ha scho chli bammel...

[Talulah]

@Kizank: Absolut! nei so schön, du gmerksch das so guet? Isch sicher uhh schön! oder scho bald unagnähm?
Ah so isch das gsi mit dere Impfig. Hmmm das isch aber au en "guete" Arzt xi. Zum Glück heds denn schlussendlich un nach dere lange Zyt vo eleige besseret. Verstahni absolut, dass jetzt natürlich Bammel vo de Uffrüschig hesch! ich drück der uf jedefall denn Duume, dass das nümme passiert!

[Awe]

Guete Morge metenand

@Talulah: Jo das isch eso, ich ha drum au 2 Mahlzite meh am tag ibouet ond so eschs mer emmer
wohl. Also e gwundernase bini au, aber ha no lieber öberraschige ond min gg ond ich send eus
eigentli grad vo afang a sicher gsi, das mers ned wänd wösse. bin aber gspannt bi der
Wägem chef hani also gar kei angscht, do muessi kei richtige momänt verwütsche er esch emmer guet
gluunt ond ich weiss er wird sich mega freue för mich.
Ich han au scho en Vorstellig wies chönti wiitergo. ich wör natürli gern bliibe, met ca. 40-50 % wells mer guet
gfallt ond vorallem de lohn guet esch ond mis schwiegermami am liebschte die ganz woche wör hüete
Und im nächschte Sommer chunt eusi Lehrtochter zur Lehr us, de han ich dänkt mer chönted ehre e Stell
abüte. Sie esch denn meh do well sie jetzt no Schuel hed ond ich gange de abe metem Pensum. So chönd alli
do bllibe ond es muess nimert neus igschaffe werde ond ich gange defo us dass mim chef e stei vom herz
fall wenn ich ehm de vorschlag mache, well er sowieso emmer zvell ztue hed onds de för ehn au ned toll esch
wenn de neu mitarbeiter vell züg muess froge bis er de mol chli de lade kännt.
Oh so schön hesch dis chliine jetzt gspürt, uf das warti au sehnlichscht

@Kizank: das esch jo en rächti horror-gschicht met dere impfig, vorallem wells de arzt emmer abe do hed.
zum glück esch es denn doch no einisch schmerzfrei worde, aber chani also sehr guet verschtoh dass bammel vor dem hesch...Ich hoffe dasmol chunts vell besser

@me: han geschter obig furchtbari migräne gha ond dur das esch mer au schlächt gsi, au jetzt grad. de arzt hed mer zwar 2, 3 medis ageh woni bedenkelos chan neh i de ss aber ich warte glich emmer bis zum schluss ond probiers no ergendwie anders bevor i öppis nime. Es hed sich de chli möge löse i de nacht aber gschlofe hani ned guet ond jetzt emmer no bitz kopfweh. Muess denn doch no öppis neh, jetzt wos wochenänd chunt. Deför freui mi riesig uf morn, denn düemer eusi fründi iweihe Es esch sones guets gfühl das mer
jetzt sis glück döf teile, bin gspannt ufd reaktione, sie send secher soo herzig

[Kizank]

Guete Morge mitenand!

So. 27. Wuche aabroche bi mir. Ha mr es Stillchüssi bstellt, hoffe s hilft chli i de Nacht - ich schlafe uu schlächt im Moment, wili fasch nur siitlich ligge chan, und denn mit Verspannigsschmerze i de Bei verwache, will i di ganz Ziit genau gliich ligge (Siitewächsle gaht nur no über de Rugge, und gaht ned ebe ring). Nebscht 1-2mal WC pro Nacht füerts dezue, dasi öppe 5 mal pro Nacht verwache. Hoffe, das wird mit em Chüssi wider chli besser... Schriibes eu uf all Fäll dänn!

Am Samstig simmer im Hüüsli gsii, nomol chli renoviere. Vill chani nümm mache - s Meischte wär jetzt z aasträngend und mir hend scho vill gschafft. GGs Cousine und ihre Maa chömed au mol no, für es verlängerets Weekend zum hälfe.

Hei, mengisch rumplet das i mim Buuch, dasi s Gfühl ha, s riist mi vom Stuehl. D Bewegige sind richtig chräftig worde i de letschte Wuche. Ganz andersch wie am Aafang. Trotzdem u mega schön.

@Awe: Hoffe, dini Migräne het di über s Wuchenänd n Rue gloh!! Händ ihrs eune Fründe chönne verzelle?