@hunny: tuet mr leid ds läse, dasses bi dir nid besseri news git, isch zwar ize die zit, wo jedi Wuche besseri chance bedüte, dass ds baby gsund uf d wält cha cho, aber trotzdäm, es dörft sech scho no 10 Wuche zit la, finde ig… Cha dr leider ou gar ke Tipp ä, was besser chönntisch mache, höchschtens meh schone, und wenn di d ärzt wider wei im Spital la lige, de das villecht mache, nüt riskiere für ds baby… U dis chleid isch würklech mega schön, aber di arzt het dr wahrschinlech no kes grüens liecht gä, oder?
@wolke: hoffe es geit bi dir wieder meh in richtig "baby blibt zfride im Buuch" bi dir isch definitiv no ds früeh für serigi sache… wägem utro, dänksch es cha schade, wenn du meh nimmsch? Oder ischs me so, nützts nüt so schadets nüt?
@mimi: wow das isch ja scho es rächts baby, wo du da im buuch hesch
i bi ja nur e Wuche weniger wit, aber bi mir hets chli anders usgseh…
@me: si vori bir fa gsi, si het wieder mega lang gschallet, i säge nur: hallo vena cava… wird langsam chli müehsam… ir sitelag ds schalle isch nid so gäbig, villecht ischs wäg däm so lang gange… dr chli het sech no nid dräit, är isch aber ou eher e fiine, bi ja ize ir 31. Wuche und är sig öppe 1480g schwär, het dr compi agä… , aber d fa het gseit das sig durchus normal, vorallem hetter so no guet d müglechkeit, sech de no ds dräie… hoffes auso sehr, bis zur 36. Wuche machi mr da also no nid so sorge… ha gfunde ds gsichtli gseht rächt komisch us, hoffe es sig alles ok, het kes 3d-bild gä. u si het gar nid beunruhiget gwürkt, villecht ischs eifach e komischi asicht gsi… Ize hei mr no grad organisiert, dass mr e GVK mache im Spital, und i cha i drü wuche wider ga, mau luege, obs sech dräit het… Süsch hei si nid viel gmacht, bluet nur piekset i finger…
