Frühlings-Kinderwünsche - wir haben's geschafft

[wolke7]

@gerbera: magnesium nemi scho rächt höch dosiert- verdauig rächt sich au derför:( aber ich versueche mich au emmer weder demet zberuhige das es gwösses mas a zieh ond drocke halt eifach dezue ghört!

@mimi: mer wäred am frietig för 10 tag id ferie uf italie met em auto. Sand, strand ond nüt mache...aber ich bezwiefle dasi da dörf mache, au wenn jo de mettwoch als ustrett mol ahtönt worde esch. Er het gmeint ich müesss mi den eifach schone....das heti zwar wenni döt ben, müesst aber 7 stond im auto hocke ond da esch glaub ned s'beste

[black_key]

@mimi: ich ha das i letschter ziit au öfter wenni bitz en längeri strecki laufe das es da und det sticht und pikst. aber sobald ich denn chli aneligge isches wider guet. ich dänke das isch alles normal.

@gerbera: ja das stimmt, d stützstrümpf hilfd würkli guet. mitem chreislauf gahts eigentli rächt guet solangs ned am morge früeh scho 30 grad isch...
du machsch das super, die wuche sötts nomal schön werde. gönder weg ide ferie?
ich ha de zuckertescht au am donnschtig, am halbi 8. ich muess nur de chli mache, aso wenn de erschti wert guet isch chani grad wider gah. ich bi zwar froh muessi ned de ganz mache aber ich hoffe es schlüsst s risiko ganz us??!

[gerbera]

@wolke: uhh 7 stund outofahre, villech ersparsch dr das würklech lieber, vorallem, wenn när ds italie wider problem hesch? De bisch doch fasch wohler um dis spital ume?

@black key: mini fa het äbe gseit, es sig öppe 10%, wo me mitem chline tescht nid cha usschliesse... Drum hani när ou bereitwillig dr groas gmacht... Ha öpper ir familie, wo gstorbe isch, wo d chind knapp schuelpflichtig si gsi, wüu me da diabetes nid erkennt het, drum bini chli brönnt dert... Nei wäg gö mr nid, ha mr vorgno ds chinderzimmer umdsruume u idsruume

@mimi: i dänke si hätte aglütte, wenn öppis nid gstumme hätti... Anders chani mr das gar nid vorstelle...


Gesendet von iPhone mit Tapatalk

[wolke7]

Jo er händ scho rächt, rein vo de vernunft hani mi scho letschte ziestig vo dem gedanke verabschedet. Esch ebe min 2. heimatort ond ich ben mindestens einmol im johr döte ond han amel mega sehnsocht nach dem allem...ond da macht mi scho chli trurig wenni dra dänke dasi das johr ned dörf goh aber d'vernunft goht momentan vor!

Bryo hani ned, han jetzt aber grad met minere tcm therapeutin gred ond chome weder chrüter öber ond den luegemer no wenn si wo chan verbi cho för en akkupunktursetzig...hoffe es hilft!

[black_key]

@hunny: danke!
jööö so super das din chline so aktiv isch das heisst ihm gfallts bi dir immer no

@gerbera: ohje das isch natürlich en schlimme fall... ich dänke jetzt mal mini FA hed gnueg erfahrig und ich vertraue da das nüt unentdeckt bliebt.
das isch super chasch s chinderzimmer in rueh iruume. für das möchti denn au no par tag frei neh

[gerbera]

@black_key: das gloubi ou... Si setze ja schins ou d gränzwärte immer meh abe... Drum wärde si im zwifelsfall sicher säge, du söusch doch da blibe füre gross...

@all: mir hei bau 50 site, söui mau es neus eröffne, ha ja no nie eis gmacht, de wäri mau dranne

Gesendet von iPhone mit Tapatalk

[Awe]

Hoi zäme

Hunny ond Wolke: ich dänke fescht a euch ond wönsche eu so sehr dass euchi schätzis no ganz lang im buuch bi eu bliibed. Ehr schaffet das.

@Gerbera: das wär no cool well ich chome au zwenig drus ond es wär schön wenn die 1. Site weder aktuell esch danke der vellmol

[Mimi83]

@wolke: ja ich denke sicher au, das es sinn macht das ned z wit weg gosch und z lang fahrsch. Wenn de wird ich höchschtens is tessin go. Witer trau mich de a nümme.
@black_key: ja es sind gar ned so witi streckene gsi. Und a ned strengi oder so. Aber es beruhigt mich echt, das ihr das a kenned. Has au nur bin laufe.
@hunny_b: so guet! De luszapfe!! schön isch er so aktiv. Immer wenn ich mis schätzi gspüre, bin ich weder beruhigt.
@gerbera: ja das glaub i au. Freu mich jetz vorallem uf de ultraschall am do! Git zwar nur e chline aber immerhin. oh doch scho 50 site!! Ja sicher! Wenn luscht häsch wär ich froh!

[black_key]

@gerbera: ich dänke au das sie das im griff hend, bi ja ned die erscht und einzig wo nur de chli tescht macht
wenn du luscht hesch zum die neu siite mache wär das super!!

@mimi: hihi ja aso ich mein au ned unbedingt langi streckene, mier chund sit churzem jedi strecki woni muess laufe lang vor aber ich ha das aso au, und solangs wider weg gaht wenn dich entspannsch muesch der kei sorge mache. hey so schön en us am donnschtig

@hunny: demfall drucki eu fescht d düme das de tropf nüme bruchsch und du par schritt dörfsch mache. bisch sicher froh wenn mal öpis anders dörfsch mache als ligge...

[gerbera]

Volia: Hie geits witer http://www.swissmomforum.ch/viewtopic.p ... 6#p7332966