Hausgeburt Crispin 12.07.2007

[larissa]

Üseri planti Huusgeburt

Am 11. Juli sind die wilde Wehe immer stärker worde und gege Abig han ich s erscht Mal s Gfühl cha, das sie regelmässig werdet! Ich han den am Stefan gseit das ich am nüni de Hebamme alüte, das sie sich chan vorbereite! Aber so nach de achti sind’s nüm regelmässig gsi! So han ich beschlosse das ich is Bett gang, will ich bin mega müed worde! De Stefan hätt s Gfühl cha er chämm besser au go schlafe, so heg er sicher es paar Stund gschlafe bevor s losgaht!

Ich bin denn gli mal igschlafe und han vo Wehe träumt... anere ganz starke bin ich den verwachet! Es isch genau zwölfi gsi! Ich han nüm chänne liege bliebe und bin ufgstande und han mich abgstützt. Nachher bin ich wieder aneglege und wenn d Wehe cho isch wieder ufgstande! De Stefan isch irgendwenn au ufgwacht und er hätt Hunger gha und isch drum ufgstande. Zu dem Ziitpunkt sind d Wehe so all Viertelstund cho, sind aber scho mega stark gsi!
Während dem de Stefan gässe hätt bin ich au ufgstande und han denn immer schneller wieder e Wehe gha. Am viertel ab zwei händ mer diskutiert wenn mer de Hebamme söllet alüte. Ich han gseit am drü de Stefan grad. Am viertel vor drü han ich em Stefan gseit er söll grad jetzt alüte. Die Wehe sind so stark gsi das ich sie fascht nüm usghalte han. De Stefan hätt bi jedere Wehe fescht is Krüz drücke müesse. Denn isch s es bitz erträglicher gsi! D Hebamme isch am zeh ab drü bi üs gsi und hätt mich welle untersueche. Chum bin ich glege isch scho wieder e Wehe cho und sie hätt fascht nüd chänne untersueche... isch au keis Wunder gsi, de Muettermund isch scho ganz off gsi! So hätt d Hebamm grad de Ärztin aglütet und alls vorbereitet für Geburt. Ich han d Wehe scho im Minutetakt gha und würkli nüm gwüsst wie, die händ so weh tue! Aber denn händ scho Presswehe igsetzt und ich bin uf de Mayahocker gsässe, de Stefan hinter mir. Nach öppe de dritte Presswehe isch d Fruchtblase platzt. Denn bi de übernächschte isch scho de Kopf cho aber nüd ganz. Bi de nächschte isch de Crispin gebore gsi! Ich bin ganz platt gsi, das es so schnell gange isch! Ich han de Crispin dörfe uf de Arm neh und han grad gseh das mer en Bueb übercho händ!
So händ mir den gli ufs Sofa züglet und det isch den au scho gli Nachgeburt cho. Will s mir gar nüm bequem gsi isch, händ mer is Bett züglet. De Damm isch das mal nur ganz wenig grisse so dass mer gar nüd hätt müesse nähe! D Ärztin isch denn au nuch cho, halt erscht nach de Geburt. Sie hätt die erschte Untersuechige bim Crispin gmacht! Er isch gsund und munter!

[Maeva]

wunderschön! so natürlich, spontan, einfach... danke für diesen tollen Bericht und viel Glück und Freude und Liebe mit eurem Crispin!

[Schildchrötli]

Wunderschöne Geburt, aber sicher auch anstrengend so kurz.
Wünsche dir alles Gute mit Crispin.

[sefaju]

Schöner Geburtsbericht. Herzlichen Glückwunsch zu eurem neuen Familienmitglied.
Ganz toll fand ich, dass ihr eine HG hattet, plane auch eine anfang 2008. Bin sehr gespannt, ob es klappt.
Euch eine gute Zeit

[larissa]

@asbk74 schön das ihr auch eine HG plant! Hoffe für euch das alles gut geht! Ist es deine erste Geburt?

Vielen Dank für die Antworten

[«O o f l ö ö d l i«]

Find es wirklich toll, hier von Hausgeburten zu hören! Habe selber für dieses Jahr eine HG geplant gehabt. (erste Geburt). Allerdings hat der Gynäkologe Ende Schwangerschaft im Ultraschall festgestellt, dass Salome relativ klein sei und so hat er von einer HG abgeraten, leider. So haben wir halt eine ambulante Spitalgeburt erlebt und durften dafür das Wochenbett zu Hause geniessen.

@asbk74
wünsche dir ebenfalls, dass alles gut geht!

[sefaju]

@larissa:
Nein, es ist meine 3. Geburt, aber die erste geplante Hausgeburt.
So hoffe ich natürlich, dass dann auch alles so abläuft wie ich mir das wünsche.
eine gute Woche

[Joelia]

Ein wunderschöner Geburtsbericht! Finde es spannend, über die Hausgeburt zu lesen. Wünsche euch alles Gute!

[Puma01]

Ein schöner Geburtsbericht, vor allem auch schön einmal von einer Hausgeburt zu lesen. Alles Gute für die Zukunft.

[larissa]

Hochschubs...