Am 28.09.04 händ mir no welle für Geburtsazeig Fotene vo mim Buch mache.händ mir au gmacht,aber mitte i dä Foti-Session isch Fruchtblase platzt.Händ natürli sofort im Spital aglüte.Am 20.45Uhr hämer müesse dobe si.I ha no schnell duschet und dä ha i mit mim Maa no GZSZ glueget.Und dä ab in Spital.Jetzt bi i langsam nervös worde.Im geburtszimmer händs mi as CTG ghänkt.Am chindli gahts guet aber no kei Wehe.Na super das cha ja no ewigs gah!!Hebamme het dä gfunde,me wartet bis morn und wänn bis dä nüt gaht,wird igleitet.Min Maa het mi dä no is Zimmer begleitet.Chum isch är wäg gsi,händ Wehe agfange.Super!!!Wie söll mer so chöne schlafe???!!Bi die ganz Nacht im Zimmer umetigeret.Will sobald i abgläge bi,ischs no schlimmer worde.öpe am drü het mer schwöster äs Zäpfli gäh,damit i wenigstens no bizli schlafe cha.Ha ja am siebni scho wieder müesse im Gebs. si.Na viel hets ned gnützt aber ha wenigstens chöne ligge.Schlafe isch immer noni gange.
Am 29.09.04 am 7.00 Uhr händs mi wieder in Geburtssaal bracht.Am viertel ab isch min Maa cho und dä grad min Frauearzt. Am 8.00 Uhr ha in so än lässige ilauf becho und am 8.30Uhr dä Wehetropf.Am afang ischs ja no gange.Ha no dänkt wänn das alles isch,dä wird das ä lockeri sach.Hahaha,Guete witz gsi!
Sie het dä immer meh ufegschrubed und wehe sind immer schub wies deftiger worde.Mit schnufe ischs aber rächt guet gange.Nume bi i irgendwänn a än Punkt acho,wo i nüm ha chöne überlegge wie i jetzt söll schnufe.Tja dä isch halt ä PDA cho.Mann ha i schiss kah vor dere.Isch aber nume halb so schlimm.Ah, die erliechterig.
üsere chline ischs immer guet gange.Nume isch sie keis bitzeli abegrutscht.Sie isch eifach ned is becki cho.
Mir händ dä nomal witer probiert.Nach äm Mittag isch dä min Frauearzt cho go luege und är het au gmeint sie cha ned aberutsche.Ha dä müesse entscheide,ob ichs no wiiter wett probiere(mit eigentlich kei chance uf Erfolg) oder ob mer än KS mached.Mir ischs lieber gsi,mer mached jetzt än KS wos ihre no guet gaht als warte bis nüme gaht und dä im volle stress in OPs müesse zgha!
Am 14.00 Uhr händs mit äm Ks agfange.Isch no ä komischs Gfühl.Me gspürt zwar nüt,merkt aber wies am Buch tüend umerüttle.
I ha s`Gfühl kah,die Ziit gaht nie verbi.Ha ja nie gwüsst wie wiit as sind.Nach 20min händ sie üsi Tochter useglupft.Um punkt 14.20 Uhr isch üse Sunneschy ändli da gsi.Das isch so äs unbeschrieblichs Gfühl.
Am 29.09.04 um 14.20 Uhr isch üsi chli Maus Ilenia Michelle uf die Wält cho!
Mir sind so stolz uf üsi hübsch Maus!
