ALINA es kommt alles anders als man denkt....

[Michelle75]

Liebi Alina, du hesch üs ächt alli überascht.....

Mir (dini eltere und din brüder joel) hend vom 18.-19. September 2 Täg Ravensburger Spieleland buechet..
Mir hend de joel nomal so rechtig welle gniesse und er üs ou..bevor das de üses Schätzi em Herbst uf Wält söll cho..

Ech be am 18. am morge ufgstande..und ha erbroche und druchfall gha..ech ha aber gwüsst wie fescht entüscht de joel werd sie wen ech etz absäge.. so send mer trotzdem gfahre.. Fahrt esch ganz schön gsi und de Joel hets chumm chönne erwarte. Mer hend en wunderschöne Tag em Spieleland gha und hends gnosse. Ech be eifach extrem müed gsi. Am abig semmer is Hotel go Znacht ässe. Das ha ech leider grad weder retour ghä und mini Nacht esch sehr bescheide gsi.. So das mer am Samstig entschede hei hei z'fahre..NAtrüli under Protest vo dim grosse Brüder....

Dihei be ech uf direktem Weg is Spital..da ech ha welle wösse wies dir geit. mer het mech und dech 1 1/2 std. undersuecht und es het alles ruhig und sehr guet usgseh..Min urin esch ned super gsi aber met de bedengig vell z'trenke und mech am Abig nomal z'mälde ha ech dörfe hei gah.
Mer send do zemli gli is Bett...Am Halbi3 am morge ha ech gmeint ech möig uf's Wc..ech be ufgstande und es het "pflatsch" gmacht.. "Scheisse" send mini Wort gsi..Din Papi het mi erschrocke agluegt.... Ech ha em SPital aglüte und es het gheisse..cho!! de Papi esch bem Joel blebe het aber zur secherheit em Grosi no aglüte.. DIe esch do inere Nacht und Näbel Aktion zu üs hei gfahre...
üs zwöi hends em Spital ganz lang undersuecht..schliesslech semmer erst i de 34 Woche schwanger..
Mer het abklärt öb mer en Stans dörfe blibe oder öbmer uf Luzern müsse... Zum Glöck...solang üsi Wärt (die hends all 12 Std. undersuecht) stabil send dörfe mer en Stans blibe..Halt met de Gfahr das mer Dech muess uf Luzern due, wen du nach de Geburt ned selber schnufisch und s’dir ned guet geit.
Mer hend mech zur Ruhe (nur is WC hani dörfe loufe) verdonneret…Da mer het welle das du solang wie mögli i mim Buch blibsch..
Ech be do enes einzelzemmer cho und ha dörfe Pfuse. Das heisst weni hätt chönne…Tussegi vo Gedanke send mer döre Chopf….
Aber eis hani nie gha liebi Alina..Angst um dech..ech ha emmer gspührt und gwösst das du gsund uf Wält chunsch und keni Problem wersch ha..Ali Lüt um üs ume, hend sech sorge gmacht weg dir..Aber ech ha töif em Härze gwösst…Du hesch de Beschti Schutzengel wos get..Nämli di grossi Brüder Elia!!
Es esch Sunntig worde und de Tag esch verstreche..De Papi esch em Gschäft go vorschafe und s’Grosi esch metem Joel zum Urgrosi.. Zum Glöck het dis Grosi spontan chönne Ferie näh und het sech um de Joel kümmeret..Das esch en riesegi Erlichterig gsi…

De Tag esch vergange en längi Nacht esch cho…… De Mäntig esch abroche und ech ha ke Wehe gha..CHefärtzin het gmeint bes spätestens am Donnstig döigemer warte und denn ileite.. Oh nei..hani dänkt wet ned solang warte…..obwohl i gwösst ha das für dech guet esch…aber solang im spital…
Am Mäntignamitag esch Anita metem Nevio uf Bsuech cho..Do hani langsam so ali 20 Minute liechti Wehe gha.. Sie send öbe am 3 gange..denn esch de Joel metem GRosi cho… Hm..wehe send stärcher worde..und ech ha am halbi4 mal de Hebamme glütet…sie het mech as CTG aghänkt… Herzli esch guet gsi..wehe hend liecht azeigt…. Und plötzli send Wehe heftiger worde und ech ha müsse metschnuffe…
S’grosi het do em Papi aglüte er söll sech langsam ufe wäg mache…sie het gmässe und ech ha ennert sekunde 2minute wehe gha..sie het em papi gschrebe…“muesch gas gäh“ und het sech verabschedet.(16.15uhr).
Àrztin het mech undersuecht, de MUMU esch 3cm offe gsi..
Mech het mer em Bett i Gebärsaal gstosse ufem Gang esch de Papi cho (grawättlet i de kleidig).
Mer send zum Gebärsaal und ech ha em Papi gseit e weig e PDA.Ha so schmärze gha..sie hend das sofort agortnet…aber das duret halt e chli…
Plötzli ha ech Hebamme agluegt und gseit..ech muess presse!!!!!
Sie hend mer Hose vom Lieb zerrt und nach 2 mau Presse hani scho s’chöpfli ,volle fiine brune häärli gseh. Nach 4 mau presse esch üses Wunder uf de Welt gsi….

ALINA GEBOREN AM 21.09.09 16.58 Uhr, 2155 gramm und 43 cm

De KIA het dech grad undersuecht..und wie ech’s gspührt ha..du hesch’s vo afang ah hervorragend gmacht. Hesch ke Problem gha und besch es gsunds MEitschi!!

mer hend die erschte paar stund met dir extrem gnosse.. sogar dis grosi und de grossi brüder Joel hend dörfe i Geburtssaal cho und dech begrüsse...Hebamme het extra gwartet met alege und het de joel nacher rechtig toll metibezoge...es wunderschöns erlebniss für ehn..er esch ganzen tolle stolze grosse brüder!!!

Härzlech wellkomme ALINA i üsere Fameli. Mer send ungloublech glöcklech das du zu üs ghörsch..
Di grossi Brüder het höt bem Bett gha gseit..Etz semmer e grossi 5 köpfegi Fameli!!
das stemmt etz semmer en glöckelchi 5 köpfegi fameli..

nachdem ungloublech schwäre jahr 2008 het sech de chreis um üsi fameli etz gschlossse..

[Estelle]

jössesnei wie wunderschö. ich bin überglücklich für eu.
nomol alles alles guäti. viel gsundheit liebi und wunderschöni momente.

[felidae]

Hallo Michelle,

Wow so ä schöne geburtsbricht.wunderschön gschribe, da überchunnt me richtig hüehnerhuut...
Ig fröie mi vo Härze für öich dass Dalina gsung und munter uf dwäut isch cho.
Und dr Joel sis schwöschterli cha gniesse, är wo sich doch sooo sehr äs schwöschterli het gwünscht.

Liebi Grüessli

[zwergli23]

liebe michelle

auch hier nochmals:

h e r z l i c h e n g l ü c k w u n s c h !

ich wünsche euch eine wunderschöne kennenlernzeit!

ach ja und super datum (nicht nur weil es ein 21zigster ist sondern auch gleich noch september) und toller name!

än herzliche gruess
vom zwergli

[~Rasselbande~]

En wunderschöne Geburtsbricht Michelle *Tränewegwisch*
Ich wünsche eu alles erdenklich gueti für euri Familie

LG
Rasselbandi

[schlingel]

Danke für den mega schönen Geburtsbericht. Wünsche euch von Herzen alles Liebe und Gute.

[Bengeli]

michelle:du häsch das wunderschön gschriebe.wünsche dir und dinere familie alles gueti.

[*momo*]

Ganz schön gschribe, rüehrt mir grad zu Träne.

Ou uf däm Wäg nomau, aues Guete ds Viert und härzlichi Gratulation zur Geburt vor Alina.

Liebi Grüessli

[tessa]

so schön und gefühlvoll hast du die geburt beschrieben! bewundernswert, dass du so voller zuversicht warst und einfach wunderbar, dass du recht behalten hast und alina so ein starkes und lebensfrohes mädchen ist! alina hatte ja auch noch die kraft eines engels in sich und das wusstest du. ich gönne euch euer familienglück von ganzem herzen.

alles liebe

[bogus]

wunderschön geschrieben!!

wünsche der ganzen familie ganz viel glück!!

[ginella]

michelle, das hesch so wunderschön gschriebe! i fröie mi ungloublech für euch vier und wünsche euch vo härze alles guete!

[_Sina_]

Liebi Michelle

Du hesch das ganz schön gschrebe met vell gfühl,mer wönschet euch ganz huufe schöni Stonde als Familie

Grüessli sina

[Shayloh]

habs erst jetzt mitbekommen, dachte deine SS ginge noch eine Weile, ich gratuliere dir aber ganz herzlich auf dass ihr es nun auch endlich geniessen könnt.