Bündner Plaudereggli (Sarganserland / Werdenberg) Teil 20

[sterntaler]

...bin grad zimli dura Wind.... dr Partner vo minere Chefin isch geschter bime Lawineunglück ums Läba cho. I bin jetzt grad dra alles in dr Praxis z organisiere, dass es gliich witerlauft.
Wieso grad är - Vater vo 3 Chind - zmitzt us em Läbe grupft.....

[Minchen&Co.]

@Sterntaler
oh das tuät mr leid... sisch immer schwer zverstoh! schlimm für sini Chind und sini Frau! mis Beileid!

[lema]

@sterntaler: Oh, jesses!

[Slifi]

Oh nei das tuet mir leid...

@Doodle
Also bis nögschte Mittwuch chan me sich iträge und nachher isch es fix...

[fontauna]

sterntaler: mis beileid äs trift aifach immar dia falschä

treffa ohni kids: ich entscheida mich spontan obi ka ko oder nid. müasst erst no luaga hebi an babysitter han oder nid.

[Nessuna]

na toll han e hochgadigi gebärmueterentzündig. muen s bett hüete und antibiotika näh... bi mir chan nid eimal eifach alles guet laufe....

[sommer]

Hallo zämme

@slifi; Mexikaner tönt ja mega fein und i würd au gern koh, aber Bad Ragaz isch für mi vo Flims eifach scho kli wit weg, drum dänki dass i verzichte uf's Esse. Aber wänn ihr dänn wieder mal in Chur oder Landquart gönnt kumm i sehr gärn mit. Wünsch Eu aber jetzt scho en Guetä. Hey wie gaht's dir so mit de SS? Hoffe für di, dass Du no as Esse kasch gah, will de Séverin isch ja bi mir 22 Täg frühner koh

@sterntaler; Das mit dinere Chefin tut mer mega leid, einfach mega truurig en Papi mit 3 Kinder. I vermute es isch de Bergsteiger vo GR wo i de Zytig isch oder?

@nessuna; Gute Besserung und tuter guet luege.

@sonnenschein; Halli hallo, wie gaht's eu so? Würd mi freue, wenn ihr wieder e mal uf Flims kömmet für en Z'Mittag. Was meinsch dezu?

@me; So, gestert sind beidi Bube bim Grosi gsi für Nacht. Es isch immer streng für si, da Kind nie richtig wänt schlafe. Am halb 12 hät sie dänn au könne schlafe für e längeri Zyt, beidi ruhig und i ihrne Bettli. Hüt Nachmittag gömmer no mit em Cédric uf Ski an Laaxersee. Wünsch Eu allne en guete Sunntig und en guete Wuchestart.

[miika]

@sterntaler
ui nei, das tuet mer mega leid fuer dini Chefin

@nomal waeg eme kafi
ich han denkt ich chume sowieso emal nomal ufe, nur ich und d'Chind, denn choennted mer eus denn emal nomal zume Kafi treffe. Am DI isch ja min GG au debi, weis noed wie erpicht er isch uf es Kafichraenzli Welli Taeg und Zite goend am beschte? MI-Namittag, oder au susch emal? Aso die Wuche bini susch scho verplant, aber d'Wuchene druff goend.

@us
mir sind aso guet acho, guete flug gha und d'chind sind wieder problemlos greist (nume d'Charlotte hett es bitz z'viel Energie ). und jetzt gsehts us als hetted mer de jetlag au ueberstande, letscht nacht isch emal niemert me stundelang uf gsi. Schomal es guets Zeiche.

[lema]

@miika: Hey schö siner guet greist und au guet scho acho! Wie lang bisch "ir Gegend"? Nägscht Wuche hen miär Ferie und Fasnacht. Am DI Nomi isch Umzug.
Nochher, wenn wieder Schuel isch - naja, miär chunnts nid so drufa, ich cha jo au ohni die Gross go Käfele go

@Nessuna: Ui, heb dr Sorg! Ganz gueti Besserig!

[miika]

@lema
mir sind bis am 6. maerz da

@nessuna
ui, heb der sorg! hesch oeppert wo der chan cho haelfe, dass die chasch schone?

[Minchen&Co.]

@Nessuna
oh ganz schnelli und guäti Besserig!

@miika
mäldsch die eifach was eu passt, denn chumi denn au!

[sterntaler]

@nessuna
Guati Besserig! Das isch grad öppa s allerletscht, wo ma mit ma chlina Poppi chan bruucha....

@sommer
Du vermuatisch richtig.... s isch eifach alles immer no nid zum Glauba....

@miika
Guat händ ihr geschter dr KiA-Termin gha. Hüt wärs nid so toll gsi zum is Sarganserland z fahre. Mir händ jetzt über 20 cm Schnee uf em Balkongländer..... Schön, dass ihr geschter do gsi sind!

[miika]

@sterntaler
ja, ich han hüt grad i de Ziitig gläse das es glaub rächt es Gstungg gsi isch uf de Strasse geschter. Mir hend defür en Schneema und e Schneebar baut im Garte geschter
Danke nomal für de feini Zmittag, und s'isch lässig gsi zum echli plaudere.

@käfele
aso demfal chämt wohl en Mittwuch am ehnschte in Frag
Wie wärs in zwei Wuche?

Grüessli us em Unterland

[miika]

@minchen
mir isch grad nomal öppis in Sinn cho... wäg em Schneeschuehwandere. Wüsstisch grad e liechts, afängertauglichs Tüürli? Ich würs u gern emal usprobiere, mer sind nämli dehei nüme dezue cho, und ich chönnt mer vorstelle dass das für de Alex au no es Erläbnis wär, vorallem so i de Berge (die sind bi ois ja rar ).
Frag isch nume was mer mit de Charlotte mached, uf de Rugge näh?

[sterntaler]

@miika / Schneeschualaufa
Do wüsst i eu schu es paar schöni, einfachi Sacha:
- Uf em St. Margrethaberg häts es paar liichti Möglichkeita
- Denn isch au Grüsch-Danusa (ab dr Bergstation Danusa) es ganz es schöns, eifachs Gebiet)
- Ab Feldis oder Brambrüesch hettis au Möglichkeita

Das grad so das, was mir momentan in Sinn chunt.

Bezüglich Charlotte: warm iipackt im Tragerucksack gohts für e churzi Tour, für e länger wär Ergo oder Tragetuach uf em Ruggia under dr Tragejacke idealer, da für sie viel wärmer.

@Treffen mit miika am 29. Februar (Mittwochnachmittag)
Wer ist dabei?

Liebe Grüsse
sterntaler

[Minchen&Co.]

@miika
ha gseh du häsch jo scho ä Antwort übercho. go schneeschuälaufä cha mr überall wos Schnee hät. durch verschneiti Wälder, über schöni Felder, ufnen Hügel ufä... i gwüssnä Skigebiät gits spezielli Schneeschuähwäg. ich bi sicher du findsch öbis. Egal i was du dCharlotte wilsch mitträgä, eifach warm aleggä. nid vergässä dass sie sich nid bewegt und sich drum au nid sälber cha warm gäh.

@Träffä am 29. sött miär go. am obed wär jo au no das Träffä ohni Kids!! oder slifi?

miär händ gad Magädarm dihei... nid so starch wiä au scho, aber langahaltend. Am DI morgä hani dä Janik müässi im Kindi holä und sit do isch er dihei. und alli händ vonärä 24hGripp gredt.

[Slifi]

@Treffen ohni Kids
Jo genau am 29.2. isch z Nachtesse ohni Kids... Uf wenn söll i reserviere?
In dem Fall sind nur d Lema und d Minchen und i, oder?

[lema]

@Minchen: Oh, gueti Besserig witerhin! Do in Mels grassiert sus d Gripp, ich hoffe, miär blieben verschont...

@Miika: 29. 2. sötti üs go!

@Slifi: Ja, also in dem Fall tue doch reservierä! Isch jetz jo scho gnueg lang es Thema do und es hetten alli gnueg lang Zit ka zum sich "ameldä". Freu mi scho! Nammie! Und z dritte isch sicher au ganz gmüetlich

So, muess jetz mine Pirat im Chindergarte go hole!

[Slifi]

@Lema und Minchen
Uf wenn söll i? Halbi 8 oder lieber 8i?

[lema]

@Slifi: Miär wär halbi 8i recht!