WINTI MAMI'S De Teil 86!

[TiFlaYa]

Gute Morge

Turbohuän
Ich glaub es isch Gsamtschwiizerisch festgleit wieviel Stunde Schuel Kidz pro Wuche münd ha, i weller Stufe. D'Uslegig chan abr jedi Schuel zum teil sogar jede Lehrer selber festlege...

Ha mal irgend ame Eltereallass (Elterebildig) so es Dossier i der Finger gha...
Sprich wenn du sini Schuelstunde zämezellsch setzt +/- 2h uf glichviel Stunde cho egal wo es ander Chind i der gliche Stufe Schuel hät...

[Shorna]

@ TH
Ich verstahn dich, zum Abmache ist das würklich en Seich! Aber ich finde au, dass 4 Stund am Morge lang sind für d Chind.

Zu eusne Ziete ist das nochli andersch gsi. Ich weiss zwar nüm, wieviel Namittäg das ich damals Schuel gha han, aber ich weiss no, dass es a gwüssne Mörge nur 2 Stund gsi sind.
Blockziete händ Vor- und Nachteil. Ebeso, wenns kei Blockziete händ.

[Shorna]

@ FlaYa
Wie gahts dir? bisch no dihei?

[Shorna]

Frag beantwortet. Herzlichi Gratulation zu dinere Timea Sylvie!

[TiFlaYa]

halli Hallo

Ab hüt, 27. Juni 2012, chönd eus d'Chind überstimme!! Kronprinz Yanic und Prinz Flavio, händ mit Prinzessin Timea Sylvie Verstärchig im Familierat becho!
3670 g und 51 cm liege mit der Mama im KSW Zimmer ...
naja eigentlich liege jetzt 3'500g vor mir ufem Sofa




zum Geburtsbericht

[Baby11]

Hallo Zämä

Ich wohne in Rickenbach Sulz 15 Min vo Winterthur und bin uf de Suechi nacheme tageskind am Dunnstig.
Het öpper Intresse vo eu?
Bin 26 gi und glärnti Klikindezieherin ha selber e Tochter di isch 18 Mönet alt.
Mir sind täglich dusse ufem Spielplatz oder im Wald
Liebi Grüässsli Anita

[Fame10]

@Flaya
Herzlichi Gratulation zu Eure Tochter. Ich hoffe Ihr läbed eu z 5e guet i und chönds mitenand gnüsse.

[Jeini]

Hallo zemme

Chume au us winterthur und han jetzt e
2 Monate alti Tochter.
Nemed ier no noii mamiis uf?;)

Lg

[cia1]

@Jeini
Härzlich Willkomme bi eus
Vo wo in Winti bisch denn?

@FlaYa
"Tränliwegwüsch"
Hey bella, han di Geb.Bricht glese!
Tuet mir so leid das es nid so gloffe isch wiäs du dir gwünscht häsch
Hoff das du diä Geburt guet chasch verarbeite und so ahne chasch wiäs isch!! Schick der en grosse Knuddel!!! Gnüss dini chli Prinzässin!!! Hoff das ich sie bald persönlich dörf kennelerne

[TiFlaYa]

Jeini
Herzlich Willkomme bi eus... Ich denk, ich rede für alli, mir freue eus immer über neui Mitschrieberinne...
Kurz Vorstelle?
Ich bin jetzt sit 1 Wuche 3-fach Mami und bibbere chley devor wies gaht wenn mis Mannli ab next Wuche wieder go schaffe gaht...

Wo in Winti wohnsch du?

Cia
Danke für dini Wort... sit ich die Heime bin gahts mir guet - im Spital bi ich fast gstorbe - isch so oder so ned mi Lieblingsplatz und mit allem drum und drah isch es eifach viel viel viel z'viel gsii...

Hoffe au das mir eus bald mal wieder "alli" gsehnd... viellicht klappets ja doch mal na mit Brötlä im Eulachpark und em Wetter....

[Jeini]

hallo zemme

Da froii mi bi oii mitschriibe z chööne.
Ich wohne ihn winterthur wülflinge und ier?

@Flaya
ouuw, daas töönt streng miit 3 chiind.. iich bin scho usglaschtet mit eim imoment.

churz zu ois:
mini chli Sophia isch am 12.05.12 ide ssw 35 3/7 uf d welt cho mit 47cm und 2600g Im moment hedsi glaub gahd en wachstumsschub sii isch am trinke wienen weltmeischter

liebeii grüessli

[Turbohuän]

Hall Jeini

Dänn sind euisi Müüsli fascht gliich alt!
Mini Tochter isch am 9.5. mit 47cm und 3022g uf d'Wält cho
Ich han no en 6jährige Sohn us ere frühenere Beziehig. Sit ich min Maa känne wohni jetzt nüme i dä Umgäbig Winti sondern im schöne Thurgau!
Wills da ine aber äs paar ganz tolli Fraue hät, bini doch immer wieder a Träffe etc. debii.
Viellicht dörfed sich euisi zwei Meitli bald mal känne lerne! Wieviel hät dini Sophia scho zuegnah sit dä Geburt? Mir sind scho bi 4700g, sie trinkt ebe au wie en Wältmeischter und das (fascht) immer

@Flaya
Hettisch du nöd chöne ambulant gebäre? Für mich - hasse Spital au! - isch das würkli genial gsi und ich würs immer und immer wieder so mache!

[Turbohuän]

Entschuldigung - TiFlaya

[TiFlaYa]

Jeini
mir sind am andere End vor Stadt in Hegi

Turbohuän
chönä scho, abr welle ned...
Ha en KS gha und umbedingt welle Stille, und zwar nur Stille...
abr meh kennts ja 1. chunts andersch u 2. als meh denkt

bin froh bin ich scho am Samstig Heim statt erst am Zischtig...
ha abr am Mo ja wieder irucke zum Zwecke ziehe und muss am nexte Zischti wieder gah well ich ja ned chan ruhig hocke, geschweige denn liege und somit isch die cheibe oberst schicht wieder chley offe...
Tut na weh, abr da ich ja eh ned chan Stille - darf ich ja ohni öper andersch schädige schmerzmittel neh

PS: das passt scho das Ti vor FlaYa isch ja na ganz NEU

[Jeini]

turbohuän

oh, thurgau isch auu schön=)
jaaa, dini hedd au recht a gwicht zuegleit.. mini isch bi spitalustritt 2420 gxii und jetzt 4000g.
sii würd immer esse aber da ich ebe ned stille dörfich ihre nur die agebeni mengi pulvermilch geeh.. suscht müemmer mit wasser und tee uscho..

tiflaya

hehe, ja genauu am andere endi vode stadt.

[cia1]

@Jeini
dini chli hätt en uu schöne Name isch bi mir ganz obe uf de Liste gstande, aber mim ex hetter leider nid gfalle
denn stell ich mich au no schnell vor: ich bin au 3-fachs Mami, dä Jamie isch 7ni, d'Jessica isch 4,5 und mini chlinst Alessia isch 21 Mönet jung
ich bin sittem letschte Oktober Alleierziehend und Glücklich mir wohnet im schöne Seen
wür mi freue wenn ihr denn au mal anes Treffe würed cho

@FlaYa
Freut mi das es dir dihei besser/guet gaht glaubi gern das du nid chasch still sitze, du als mega Powerfrau aber trotzdem, versuech di echli z'schone, wenigstens bis d'Narbe verheilt isch

@us
Hütt hett dä Jamie im KiGa sin Abschlusstheater mit aschlüssendem Grilliere freu mi mega
hoffe das Wetter verhebet bis es fertig isch!!

[Jeini]

danke cia1

ooh soo schön seen.=) ich schaffe det.
puuh, demfall au immer öppis umd ohre mit 3 chiind.
chume sehr gern au mal anes treffe.

[Shorna]

Hallo Jeini
Ich stell mich au no schnälll vor. Ich bin 32 han en Sohn wo im Sept. 9i wird und mini Tochter ist gester grad 10 Mönät alt worde. Ich bin in Wülflinge ufgwachse und wohne sid 6 Mönät im Deutweg und han meeeeega Heiweh nach Wü.

[Shorna]

@TFY
Tuet mer Leid, dass d Geburt nid so verlaufe ist, wie du's dir gwünscht häsch. Ich han em Stille zerscht gar kei chance meh welle gä, well ich's bim Dian so negativ erläbt han. D Yael hät nach de Geburt gar nid ad Bruscht wele, hät sich immer wäg gstosse, dass über Stunde hinweg. Für mich ist es dänn erledigt gsi und han scho s Medi wele zum ganz Abstille, wo d Madame gfunde hät, sie well jetzt gliech.

Mir häts aber wieder soooo weh ta, dass ich 2 Mönät nur abbumt han und wo mer züglet händ, han ich abgstillt, wells mir z stressig worde ist. Für mich ist das die totali befreiig gsi!

@ cia
Schöns Fäschtli!

Träffe:
Wer hät Luscht namal en Versuech z wage? Eusi Termine sind leider immer verrägnet worde. Naml es Pick Nick im Eulachpark?

[TiFlaYa]

mir sind derbii - abr erst ab der Schuelferie... und am liebste scho ame Mittwoch - Spielkiosk...