VoLkI-ChIcKs - freued sich uf di neue Volki-Babies...

[Simbat]

@Arwen: Natürli au vo mir no nachträglich alles alles Gueti und herzliche Glückwunsch dim chline Schnügeli!
Oje neeeiii, die Arm! Hoffentli isch si glii wider gsund und chan sich no chli nahfiire lah.

[Arwen]

Summerpause bi dä Volki-Chicks oder was?

Virusli schön wieder mal vo Dir z'läse, bisch mit Dine Nähprojekt usglaschet?


Danke Simbat, ja mir händ no chli nagfiiret, wo si sich dänn besser gfühlt hät. Isch ja eigentli nüt Tragisches, das Drütagefieber aber halt eifach müehsam, vor allem kombiniert mit zahne...

[LiLe]

@arwen: Schön, händer nochli chöne nafiire. Was hät sie den alles gschenkt übercho?

@looni: Wie gehts dir im Endspurt oder ist das Baby schon da?

@simbat: Und, häsch scho chöne usefinde, wenns mit de Chrabbelgruppe witergat?

[Simbat]

@Lile: Ja nach de Ferie
Und d'Chrabbelgruppe im Steibrugg gaht jewils am Mo Nami wiiter, für de Do händs leider no niemert gfunde...

[LiLe]

@simbat: D.h. nächste Zistig (21.8.)? Chumsch den jetzt au no oder ebä nüme?

@arwen: Und, wärsch au mit debi

[Looni]

lile: nei. baby isch nonig da i mag nimmer... und selbst?

@chrabble: also wänn am 21.8. isch und s`baby nonig detä isch...dänn chum ich wohl au

[Arwen]

@LiLe
Hm, was hät si alles übercho? Ä so äs Förmlisortier-Dings, ä Pink Lego Duplo Box, so ä Motorikschlaufe, Mali Weichpuppe vo Habe (damit si au äs eignigs Bäbi hät, will die vo dä grosse Schwöschter sind absolut tabu...) und äs "Touchscreen-Spieltelefon".

@Chrabble im Gries
Also wenn öpper vo eu au chunt chumi gern au mal wieder. Dä 21. gaht mir aber grad nöd, dänn hani nämli KiA Termin. Dä letscht Termin isch nämli is Wasser gfalle will d'Chinderärztin Mage-Darm-Gripp gha hät....

@Looni
Oje, ich cha Dir so guet nafühle, die letschte Wuche/Täg sind eifach müehsam und ziend sich ewig hi. Wünsche Dir, dass Du bald eues chliine Glücks-Bündel dörfsch im Arm hebe.

[Simbat]

@Lile: Ich glaube das wär nöchste Zistig ja (glaub es isch ja immer 1. udn 3. Di im Moned, wänn ich mich nöd tüsche), also wänn nöd grad Badiwätter isch, würi glaubs au cho...

[Simbat]

Übrigens, ich glaub au abem nöchste DI gahts im Steibrugg wider mit em MuKi Kafi los, mir händ au vorgha jetzt dänn detä mal öfters inezluege...

[LiLe]

@looni: Den bin ich ja gspannt, ob du nächste Zistig no is Chrabble chumsch Ich muess zuegäh, ich finde Schwangerschaft jetzt scho mängisch astrengend und es gat ja scho no es zitli

@simbat: Isch den das MuKi Kafi jedi Wuche oder au nur ab und zue? Welli Zit wär den das?

@arwen: Den findet mir hoffentli mal en Chrabbeltermin, wo mir beidi Zit händ

[Stella_21]

Meld mi au mal wieder

Bi leider nid zum nalese cho. Hoff es gaht eu guet?

Han grad s letzt mal Rückbildig gha. Wahnsinn wue die ziit vergaht

Lahn eu es Grüessli da

[Simbat]

@Lile: Es isch jede Di, glaubs au vo 3-5h, mer sind aber no nie gsi, han eifach ghört es seig no guet. Dänke es hät kein grosse Unterschid zum Chrabble, ussert dass d'Chind ev chli grösser sind...

@Arwen: Wär das nöd au mal öppis für Dich?

[Arwen]

@LiLe
Ja säg nüt, so än Termin finde isch bi eus ja gaaar nöd so eifach.

@Stella
Ui, scho dä letscht RB-Kurs hinter Dir? Ja, d'Zyt lauft so schnell, als Chind hani das ja nie gfunde aber sit i sälber Chind ha findis ganz extrem. Din chliine Ma isch ja au scho 5 Mönät alt... Gaht's eu guet?

@Simbat
Grundsätzli wär das Muki-Kafi scho öppis für eus. Aber mir gönd det halt scho is Zwerglisinge und nach dä Summerferie gaht mini Grossi det ebe au no id Spielgruppe, ich glaub dänn wär's langsam chli z'viel. Und ich ha halt mal öppis für die Chlii wele mache. Aber wenn öpper mal würd ga würded mir eus vilicht au mal aschlüsse zum usprobiere.

us
so, jetzt isch ja so richtig Summer und ich wott ja würkli nöd motze aber für mich langed amig so 25° völlig. Alles was drüber isch, vor allem über 30°, leit mich komplett lahm.... Aber schön isches, vor allem wenn's am Abig au no chli schön warm isch.
Dänn hämmer no s'brötle im Wald entdeckt, vo minere Grosse us chönted mer das jetzt eigentli jede Tag mache, so chli in Wald go brötle...

[Looni]

so...baby isch immerno inside ich werd dänn hüt is chrabble cho....

[Bella_Stella]

Hoi Zäme.

Ich bin au us Volki und ha am 2.6.12 min chline Schatz dörfe id Arme schlüsse.
Nämed ihr no neui Mitglieder uf?

Ganz liebi Grüessli

[Arwen]

@Looni
Und, was macht Babygirl, immer no am s'Läbe im Buuch gnüsse? Mit Wetterwächsel überleged sich's ja amig vil Babies plötzli anders...

@Bella_Stella
Willkomme bi eus. Ja klar sind neui immer willkomme. Bi eus isch mängisch vil los und mängisch (so wie jetzt....) total toti Hose. Drum chasch Du's vilicht grad wieder chli akurble. Verzel chli über eu, was machsch, wo wohnsch, wo chunsch her und und und.
Und natürli no herzlichi Gratulation zur Geburt vo euem Schatz.

[Bella_Stella]

@ Arwen
Merci vielmal fürs Willkomme heisse und d Glückwünsch, freut mi sehr, dasi bi eu dörf mitschriebe.

Hmmmmmm, ja was gits über mich z`verzelle???

Ich wohne i dä Nöchi vom Wallberg, bin ursprünglich in Gr`See ufgwachse und im 2002 id Ost-CH zoge, ha dänn 9 Jahr det gläbt und bin dänn dur d Liebi wieder uf ZH zrugg cho.

Wie scho gseit, han ich im Juni min chline Schatz dä Leano Noél übercho und bin momentan Vollzit-Mami, wird au no es Zitli so blibe, bis jetzt isch no nöd plant dasi wieder bruefstätig wirde.

Ich bin no nöd ghürate und isch au no nöd so konkret plant, also irgendwänn scho, aber warte no uf min Atrag.

Ja, ich dänke das wärs mal....würd mi mega wunder näh, wer ihr sind, was ihr so mached etc.

@ Looni
Ui bi dir isch es ja spannend....drucke gaaaanz fest Duume, dass es bald losgaht.

[Simbat]

@Bella Stella: Herzlich willkomme da ine und gratuliere zu dim chline Schätzeli! Hey de Name gfallt mir mega, no nie ghört aber wunderschön!
Mir chönnted demfall Nachbare si, ich wohne au i de Nöchi vom Wallberg

@Looni: Nachträglich no herzliche Glückwunsch Dim Chliine Herzensbrächer (er gseht ja jetzt scho us wie en Don Juan) zum Geburi! Händ ihr schön chöne fiire oder bisch ächt scho i de Wehe gläge?

@old Chicks: Gits eu nüme? BM, Okto & Co?
Guete Kiga- Schuelstart etc gha???

@us: Mir händ grad e neus Level vom Trotzalter bestige. Sit letschte Samstig, arg krass, de ganz Tag nur am Kämpfe und am Mittag mini Nerve aml scho ufbrucht. Aber hüt, ja hüt händ mir überraschenderwis en total harmonische, wundrschöne Tag gha wo gänded hät mit ere Schnäggli-Streichel Tour im Dunkle rund um's Huus

[Looni]

@bella-stella: herzlich-willkomme bi üs

@simbat: danke motzki kann scho en richtig chameur sein mir händ äs bitzeli gfiiret....

@me: ich chugle immerno....morn hani wieder termin, mal luege ob sich überhaupt öppis tuet....ich mag nöd nochemol en ks ha

[Stella_21]

arwen: ja gell... ziit vergaht. wahnsinn... de timo isch etz denn scho gli 6 mönet alt... und scho so groooooss... gar keis chlises baby meh

bella_stell: herzlich willkomme und alles gueti nachträglich. ich wohne au i de nöchi vom wallberg. eher chli unedrah. bim schuelhuus feldhof schöne name!

looni: ohje ohje... du machsch es ja spannend chan dir nafühle... de timo het au nie wele cho und plötzli isches denn losgange... bi 40+8. ich weiss na, wie ich freiwillig id huzle ufe gloffe bin... stäge um stäge het alles nüt gnützt haha
aber es gaht nüme so lang, wies au scho gange isch gli gli chasch din schatz i de arme halte

simbat: ich glaub ich han dich irgendwenn mal wieder im griespark gseh. isch etz aber au scho wieder es ziitli her... und ich ha nix gseit, wili mer eifach nid 100% sicher gsi bin bin mängisch chli es huehn.

me: hüt glaub irgendwie en clown verschluckt, exgüsi eus gahts sowiit guet. hend e schwierigi phase wieder gmeisteret. also schwierig... so schwierig wies bim timo hald chan si. er isch ja so en goldschatz letzt wuche ischer irgendwie chli am zahne gsi und denn ischem gar nix recht gsi (ussert im plantschbecki bi eus im garte). uf das abe hetter denn no so en herte stuehlgang gha, daser sogar het müesse brüele bim gaggi mache. de armi tropf etz isch aber wieder besser hanem globuli chügeli gäh und verdünte öpfelsaft für babys. het super ghulfe.
er isch au scho fliessig am breili esse... bim gmüess tschudderets ihn zwar no so lustig zum zueluege. weder min rüebli, no min zucchettibrei findet er toll und au das usem gläsli nid... aber sin milchgriesbrei findet er super! und natürlich das ganze früchtezüüg... isch hald au süesser aber chans ihm nid verdenke. han au lieber frücht, statt gmües der apfel fällt hald nicht weit vom stamm probieres eifach immer wieder mit gmüesbrei. und irgendwenn gits denn eh fingerfood... aber etz ischer voll happy mit dim milchgrüesbrei isst wie en grosse.
lustig isch au, wener probiert z chrabble... es funktioniert leider na nid so, wie ers gern hätti. und denn wird er amel richtig verruckt und fangt ah schimpfe er isch jetzt au zum siiteschlöfer mutiert also nur i de nacht jaaaa das wärs glaub aja no churz zu mim gwicht ich bin jetzt sogar 1.5kg liechter, als vor de ss chunt guet, chunt guet nur de buch isch hald nid so schön. aber das wird er wohl au nüme werde. chan aber fäng guet demit läbe

sooo, ich hoffe eu gats allne guet wür eu scho gern mal gseh viellicht schaffemers ja mal, eus treffe. wür mi freue.

wünsch eu allne en guete start i die neu wuche. gli isch september