VoLkI-ChIcKs - freued sich uf di neue Volki-Babies...

[Biene Maya]

@simbat ja genau wie au du nur es schaffsch vom haarföhne e halscheri überzcho.

[Simbat]

@BM: Nei nei, nöd Halschehri, sogar en Wirbel verschobe

[Simbat]

Aaarweeeen!!!! Ich han hüt de Chäller usgmisted wäge de Börse und siehe da, d'Schlafseck sind fürecho! Es sind 4 Stuck 3 devo sind 110cm, eine bitz chliner. Sind alles eher dünni Schlafseck.
Gib mir doch bitte bis morn Mittag Bscheid, wänn si wetsch, susch gib ich si ad Börse.

Frust des Tages: Bim Chäller usmiste hani en Migrosack voooooll zum Teil nigel nagel neue Schueh gfunde!!! Die hät mir en Ex-Arbedskolleg gäh, da isch aber d'Lia nonig uf de Wält gsi. Han wohl dänkt ich tue si mal in Chäller, gaht ja no laaang bis si Schueh brucht und jetzt: tataaaa, sind genau jetzt alli z'chli, Winterschueh wo genau letscht Winter past hetted, Summerschueh wo de Summer gange wäred etc etc *heeeuuul*

[Arwen]

Simbat
oje, so än Mischt mit dä Schueh. A dä Börse, häsch chli öppis verchauft?
Merci vil mal weg dä Schlafsäck, isch total lieb! Wenn hetsch mal Zyt, söli mal is Zänti ufe cho? Dänn chömmer zäme än Kafi trinke? (Oder suscht au bi eus oder im Volkiland, wie Du wetsch).
So Sache (Türrahme) chönted im Fall au vo mir si. Also das mit äm Föhn hani nonig gschafft aber blaui Flecke hani regelmässig überall....

LiLe
ui jetzt ruckts bi Dir aber. Alles parat für dä chliini Erdebürger?

us
wieder zrugg us dä Ferie. Ich findes immer unglaublich was mir für 1 Wuche alles mit schlepped.... aber mir händ eigentli gar nöd so vil unnützes Züg debi gha und händ weder Reisebett no Chinderwage müese mitnä aber s'Auto isch trotzdem voll gsi und d'Wöschmaschine isch in Duurbetrieb....
Aber wunderschön isch's gsi.

[Simbat]

@Arwen: Wie wärs, wänn mir si würed lifere gäge e Gumpisession uf euem Trampolin?
Mir würs gah: Nächste Di 9.10 Morge oder Nami, Fr 12.10. Morge
Oder no besser am Fr. 19.10. so uf di 10ni, da wäri nämmli eh bim Bajka une.

[LiLe]

@arwen: Ja du, die 40. SSW chumt immer nöcher. Aber ich bin also sehr gspannt, welles Datum sich s'Baby usliest Morn isch übrigens wieder mal Chrabbelgruppe, falls Lust häsch zum cho.

[Arwen]

Simbat
19.10. isch guet, dänn isch au grad Schuelferie, heisst kei Spielgruppe, mir wäred also ume.

LiLe
Ja spannend wirds uf jede Fall, mal luege weles Datum sich s'Baby ussuecht.
Chunsch dänn Du is Chrabble, hüt Namitag?

[LiLe]

@arwen: Ja, mir gönd hüt namitag is chrabble (d'Looni chan leider nöd ). Wär also lässig, zum dich wieder mal z'gseh

[Arwen]

LiLe
isch schön gsi, eu geschter z'gseh, wenn au nur churz. Bin froh dass Du det gsi bisch, suscht wäri mer nämli wieder rächt verlore vor cho... Din chliine Ma isch total herzig, ich glaub er gnüsst s'Mami nomal so richtig, bevor er Dich dänn mues teile.

[LiLe]

@arwen: Also ich muess säge, ich bin doch echli schockiert gsi, dass du vo de Verantwortliche gar nöd richtig begrüesst worde bisch... Oder kennsch du den alli scho vo de Mübe? Ich chan also verstah, dass du dich suscht unwohl gfühlt hetisch Ja, min chline Ma hät immer gern sis Mami (oder sin Papi) bi sich i de nöchi Ich has no härzig gfunde, wie er sich gester als einzige mit dinere chline abgä hät, nachdem er letscht Mal scho den einzig gsi isch, wo sich für de Looni ihres Baby interessiert hät Ich hoffe, die soziali Adere hät er den au bi sim chline Gschwüsterti

[Arwen]

LiLe
Nei, ich känne nöd all vo dä Mübe, eigentli nur sie, aber känne isch au übertriebe, mer händ eus es paar Mal gse, that's it. Aber weisch, s'erscht mal isch's au nöd andersch gsi, det isch zwar öpper anders zueständig gsi aber tja, vilicht mues i dä Tatsach is Aug luege und d'Gries-Lüt möged mi eifach nöd....
Jänu, mal luege, die Gross hät ämel gseit si well au mal mitcho (schinbar hät si geschter glich wele mitcho und mir das aber nöd richtig gseit.... ) si isch uf jede Fall total entüscht gsi das ich ohni si gange bi.
Ja Din chliine Ma isch würkli ganz herzig gsi, ich glaub scho das er Freud am Baby ha wird. Nüm so läss findeds es glaub erscht wenn ihri eigene Sache "in Gfahr" chömed....
Also, Dir no än guete Endspurt! Und denn vilicht wieder mal im Chrabble....

[Simbat]

@Arwen: Supi, dänn chömed mir so gäg di zähni zu eu? + - je nach dem wie lang ich bim Bajka han, söt aber e churzi Sach si.
Chasch mir dänn no dini Adrässe pnle?

@Chrable im Gries: Ganz ehrlich? Die 2 macheds au nöd besser als die alte, bin au mega enttüscht wie sis mached, si sötteds doch besser wüsse vo früehner. Hät also nüt mit dir z'tue Arwen. Ich han gseh, wie si die wenige neue wo mal inegüxled ignoriered, nöd informiered etc...
Tja, da gits nur eis, wider is Chrable im Steibrugg cho, si wo's jetzt macht isch ganz e Liebi.

@Lile: Oh, das isch aber herzig vo Dim Chliine! Dänn isch er ja richtig "parat" für es Gschwüschterti! Au vo mir guete Ändspurt!

[Arwen]

Simbat
Das isch super, schick der no mini Adresse.

Chrabble
Ja also das im Gries isch glaub eifach nöd mis. Dänn probieris vilicht au mal im Steibrugg. Wenn isch dänn säb amig, am Zyschtig?

[Simbat]

@Arwen: Im Steibrugg isch es am Mäntig vo 3-5, am Zistig isch aber im gliche Rum s'Muki-Kafi. Die wo das macht seg aber au e chli e "Spezielli" Bin no nie gsi, aber s'Chrabble isch super detä!

[Arwen]

@Simbat
danke Dir für d'Uskunft. Ha grad schnäll uf dä HP nagläse. Chli blöd isch ebe, das eigentli nur Chind bis 3 "zuegla" sind. Isch ja scho klar, drum isch's ja ä Chrabbelgruppe. Aber was macht mer, wemmer grösseri Gschüschteti hät. *grübel* Vilicht kontaktieri die mal wo das leitet...

[Simbat]

@Arwen: Das isch minere Meinig nah überhaupt keis Problem. Es hät öppedie Fraue mit grössere und chliine Chind. Und im Momänt häts au nonig so vill Lüt. Chum doch eifach mal, dän chasch si immerno druf aspräche. Ich dänke so lang s'Chind kei "Problem" macht sprich, di Chline über de Hufe rännt etc isch es keis Thema. Mir werded am Mo detä si, ussert es isch mega schöns Wätter.

[Simbat]

@Arwen: Und, wie häts dir hüt gfalle im Chrabble?

[Bella_Stella]

Hoi Zäme.

Sorry, dass i mi so sälte mälde, ich bin momentan immer chli im Stress.

Han e Frag a eu:

Kännt öper en guete Huusarzt da in Volketswil?
Ich sött zum Arzt, aber ha no kein guete gfunde, da ich erst sit letscht Jahr da wohne.

Freu mi über Antworte.

[Arwen]

@Simbat
ja has lässig gfunde. Aber mir känned dä Ruum und d'Spielsache ja eigentli scho in- und uswendig (Spielgruppe, Zwerglisinge). Hät mer grad chli gnueg Lüt gha aber isch ä agnehms Klima gsi und si wo's organisiert ganz ä liebi. Kollegin und ich händ grad bis im Mai zahlt.

@Bella Stella
mir gönd zum Tobler, ich find dä guet. Seit direkt was Sach isch, schwätzt nöd lang im Züg ume und git nöd unnötig Medis.

[Bella_Stella]

@ Arwen

Dä Tobler nimmt leider kei neui Patiente. Er isch mer au scho empfohle wordä. Schade.

Gesendet von meinem GT-I9100 mit Tapatalk 2