WINTI MAMI'S De Teil 86!

[Shorna]

@ cia
Schön, händer so en luschtige Silveter gha. De Dian hät de ganz Tag umeplagöred, damit er e freinacht machi... Er ist am 23.00 igschlafe.

[Shorna]

Happy Birthday liebi Bora! Mir wünsched dir ganz en schöne Tag!

[TiFlaYa]

Hallo Winti-Mamis!

Ich bin auch ein Winti-Mami mit zwei kids von 3 und 5 Jahren. Ich würde mich freuen, ein paar andere Winti-Mamis kennenzulernen, meine Kolleginnen wohnen leider alle nicht in Winti selber. Darf ich mal ein bisschen mitschreiben bei euch?

Ich wünsch eu und eune Familie ganz en guete Rutsch!

Hallo Amea,
Ich habe 3 Kidz
unser Hockeyaner ist 6 Jahre und beansprucht mit seinem Sport die meiste Zeit
unser Schlaumi-Schlupf, 4 Jahre, spielt zwar auch Hockey abr er mag lieber Tiere und verbringt die Wahrtezeit in der Eishalle zumeist mit Lehrnspielen
das trio macht unsere kleine Hexe, 6 Monate komplett
Zusammen mit Papa wohnen wir im schönsten Stadtteil Winterthur Hegi

Freu mich mehr von dir zu Lesen...

[Wumbina84]

hoi wintimamis

töff i mi au zu eu gsella? miar sind uf da dezember noch winti züglet vorana hen mer im bündnerland gwohnt ka (merkt ma vilicht au no am dialekt)
i bin 28i han a tochter wo im mai 9i wird und a sohn wo im mai 7ni wird und im juni kriagen mer nomol nochwugs wohna tüan mer in oberwinterthur in dr nöchi vom alterszentrum oberi.
wür mi freue wen i do dinna as paar winterthurermais kennalerna töff do i alli mini kollegina im bündnerland han und do chan ma hald nüm eifach so mol ufe spielplatz mit denna oder zumena kaffi.....

wür mi uf jeda fall freua eu kennazlerna....

übrigens no allna a guats neus und viel glück im 2013!

glg wumbina84

[Candine]

Wumbina: härzlich Willkommä bi üs. Bündnerland isch sooo schön. Würum sit dir züglet? Ig wünsche öich uf jede fau äs guets Iiläbä da in Winthi - dere schöne Stadt! Ig ha drüü Chind. 6 1/2, 4, 2. bi sit 12 Jahr glücklich ghüratä und mir wohne näbem Hauebad Geiselweid.

GONIS-PARTY:
Ig versueche mau so ä Party zorganisierä. Wär würdi da cho? Isch das überhoupt no Inn? Isch s`Inträssä da? Währi ev. no im Januar und süscht de im Februar.

Sit dir aui wieder guet i Autag gstartet? d`Seraina het sich riisig uf de Chindsgi gfröit, das isch so erlichterend!

[Shorna]

Hallo Wumbina, natürlich darfsch mitschriebe. Dini grosse Passed vom Alter her guet zu üsne Chind und au s chliene wird nid allei sie.

Ich han au mal in Oberi gwohnt, ganz i de nöchi vo dir am Morgenweg. Das ist es schöns Fläckli zum wohne gsi.

Was hät eu is Underland zoge?

[Turbohuän]

Hallo zäme
Mäld mi au wieder emal. Hoffe, äs gaht eui allne guet.

@Neui
Herzlich Willkomme. Leider lauft da ine nüme eso vill wie au scho.
Ich ghöre eigentli au gar nüme da dezue, wohn ich doch sit 1.5 Jahr im Kanton TG.
Ich han en 7jährige Sohn uns frühenere Beziehig, äs 8 Monatigs Wiibli und... siehe unten

[Turbohuän]

@TiFlaYa
Wie bringsch du 3 Ticker id Signatur?

[Shorna]

Turbohüändli, du wetsch es ja grad wüsse! Gratuliere zur SS! Ist es scho ofiziell, oder Klappe halten im FB?

[Candine]

Turbohuän! Ha doch glatt geschter a di dänkt und mir überleit, ob ächt du wieder SS bisch. Soooo coool! Gratulierä vo ganzem härzä!

[cia1]

@Wumbina
Härzlich Willkomme bi eus hoff ihr hännd eu da in Winti guet chönne iläbe?! Was isch dä Grund gsi für dä Umzug, wänni fröge dörf?
Mir sinnd vo Seen, bin Alleierziehend mit 3 Kidds, Jamie 7,5, Jessica 5i und Alessia 2!

@Turbohuän
gratuliere vo härze zur ss freu mi seeehr für dich!!! Wünsch dir ganz ä schöni Chugelziit

@Alltag
dä hätt eus au wieder, bis etz klappets ganz guet, vorallem mitem Jamie...frögt sich nur wiä lang!!
Am Mäntig hani wieder en Termin bi dä Erziehigsberaterin und am Di sGspröch mit dä Lehrerin!
Mit dä Wiiblis isch alles super, Jessica hätt sich sooo gfreut uf dä Chindsgi und ihri best Fründin..so härzig!!
d'Alessia isch wiä immer es mega Luusmeitli und macht immer meh Fortschritt, eifach Wahnsinn wiä schnäll sie gross werdet...bin di letschte Täg echli Wehmüetig gsi, kei Ahnig warum!

@all
Wiä gahts eu so?

[Candine]

GONIS-PARTY!
am Dienstag 29. Januar, um 19.30 bei mir zu Hause.
wer gerne kommen möchte, gebe ich per Private Nachricht meine Adresse durch.
Fröi mi ufen Kreatieve Abe mit öpe 12 Frouä Mannä dörfä natürlich ou cho Liebi Grüäss

Cia: wiä geits dir? bisch immer no Wehmüetig? Würum geits mitem Jamie nid guet ir Schuehu? Wünsche dir viiu Chraft!

[Shorna]

@ Candine
Ich chan leider nid ad gonis Party cho, han Spahtdienscht.

@ cia
Bi eus fangt de Alltag wieder a ichere. Mir händ nach Wiehnachte en Todesfall i de Familie gha und dänn ist alles chlie speziell gsi.

[Candine]

Shorna: wär isch gstorbe vo de Familiä? Das duet weh und grad um d`Wiehnachte ume. Viiu Chraft öich wiiterhin!

[cia1]

@Candine
Wegem Jamie, er isch sit einiger Ziit seehr müehsam, er isch frech, folget null, lost mir nid zue, macht was er will...das heisst vorallem das er nach de Schuel eifach nid hei chunnt und lieber irgendwo mit sim Kolleg spielt! Am Do vor dä Ferie hani es Tel. übercho vo dä Lehrerin, er seg am Morge ä halb Stund z'spat cho, nach de gross Pause heg er sich versteckt und seg 10min. zspat ie cho und am Namittag seg er nomal 20min. zspat cho und das obwohl er rechtziitig und gnueg früeh usegaht!!
A dem Do hätter zum 2. mal müesse Nahsitze und isch denn anstatt hei zcho mit sim Kolleg wo au hätt müesse Nahsitze in Coop go chrömle er isch denn erst am 6i Abig dihei acho!!
Das tüennd mir etz mit dä Erziehigsberaterin und dä Lehrerin aluege...so chas eifach nid wiitergah!!
Diä Wuche isch aber guet gsi, er isch immer pünktlich gsi...hoff das bliebt so!!
Bin gspannt wiäs Gspröch mit dä Lehrerin wird, er hätt nämlich mit gwüsse Sache müeh, vorallem diä Gsichtli wos bruchet anstatt Buechstabe!!

Bin nur Wehmüetig gsi will etz wieder so viel es Baby übercho hännd, han grad letschti s'chline vo dä Kollegin im Arm gha und vermisses halt scho echli diä Babyziit! irgendwiä isch es soo schnell umegange und d'Alessia isch etz au scho recht Sälbständig!! Das heisst aber nid das ich nomal es Baby wett

Weg de Gonis-Party, ich chan leider au nid, s'Grosi vo dä Kids hätt denn Geburtstag! Usserdem wers für mich eh schwierig, find selte en Babysitter!! Wünsch dir aber viel Erfolg und Spass!!

@Shorna
Ui, das tuet mir sehr leid wünsch eu wiiterhin viel Chraft!! Knuddel!!

[Shorna]

@ Candine
E Tante... Danke vielmal für dini Wort.
Danke au dir cia.

Babyziet:
Vo Baby chamer ja bi de Yael au nüm rede... Sie ist so aktiv und suecht immer neui useforderige... Verwütsch mich au immer wieder wie de Wunsch sich bemerkbar macht. Grad mit dene vielne Schwangere i mim Umfeld.

[Candine]

Cia: Das dönt sträng mitem Jeamie. Hoffä für di, dass är so wiiter macht, wiä diä Wuchä. Hesch da amigs nid schiss gha, wenn är erscht am sächsi hei cho isch? Was hesch da gmacht? Wenigschtens heter nid klaut im Coop Wünschter äs guets Gschpräch mit viiu Erfolg - vorauem ou für de Jeamie.
Da heis diä Eleierziehende nid eifach mit Uusgang. Das verstah ig. Abr ig sägä dir, ou mir hei immer wieder üsi Müeh e Hüeti zfinde.

Wünsche aune e guete Start is Weekend!

[TiFlaYa]

Hallo Wumbina84
ich bin 30gi , ha 3 Kidz und wohne tünd mir zäme mittem Papi in Hegi usse...
Willkomme da bi eus...

Turbohüänli
Gratuliere vo ganzem Herze - und 3 Chind sind soooooo streng...

Ticker gaht glaub nur mit dene mini Ticker vo Lilypie.com und wenn nur der teil lasch lah stah wo [img]da%20derzwüsche%20staht[/img]

Cia
ich ha gester Brüelät wo am Flavio sini KiGa ameldig cho isch...

Grossi Jungs und Mäddels
ha grad im WirEltern (glaubs) glese das Kidz immer wie frühener id Pupertät chömit und der zprung zwüsche eigentlich na gern es Chind sii und doch Erwachse werde isch sooo na viel schlimmer als es na bi eus isch gsii...

Der Yanic isch au so en Kanditat - sit er 6si isch und au es Billet brucht für der Bus und en Sportpass für is Trening isch er na viel mühesamer...
Zwar na voll s'Chind - täglich grüsst die Waschmaschine - abr denn es Ego wie e 14 jährige, musch mich sicher ned is Trening begleite, gang wieder Hei - musch eh ned zueluege... Man Mami du hesch kei ahnig - Mami du bisch so peinlich - Mami, das verstahsch du eh ned...
Ich wett ned wüssä wie da wird wenn er im Summer id Schuel chunt...

Der Flavio laht sich na dervo astecke und sin Standartspruch;
Entweder so wie ich wett oder gar ned! oder au hüfig ghört wenn zu öpisem Nei seisch; Has eh ned welle...

Shorna
fühldichganzliebdruckt

Klaue
das muss es riese Thema sii - der Yanic het jetzt nach der Ferie e Zettel Heim bracht.
In Entwa...
"Bitte geben Sie ihrem Kind kein Geld mit in den Kindergarten/Schule. Wir können nicht Garantieren dass, das Geld nicht weg kommt. Des weiteren Empfehlen wir, den Kindern den Besuch im Coop/Migros/Mediamarkt auf dem Schulweg zu verbieten. Es kam leider zu unschönen zwischenfällen in welchem Kinder Sachen ohne zu bezahlen entwendeten."
Wohlgemerkt d'Schuleinheit Hegi - Dorf und Gern umfasst nur 1. KiGa bis 2. Klass!!!!!!

[Fame10]

Wow, Turbohuän, gratuliere zu de SS. Jetzt gäbed ihr aber Gas
Wünsch dir e gueti Schwangerschaft.

[Turbohuän]

Danke eui.
Mir händs druf acho lah will mir en churze Abstand händ welle und äs hät grad igschlage

@TiFlaYa
Ja ja, wird sicher sträng. Egal

@Shorna
Offiziell im Sinn mir mached keis Gheimniss drus, aber grad in FB-Status tuenis (noni) dri.
Im Winti-FB-Dings isches mir gliich.