Rüti ZH und umgebung Teil 2

[Evolet2011]

Hier also das neue thema!!

Weiterhin viel spass und wir freuen uns immer über neue familien!!

[tigerfink]

Danke fürs eröffne, Evolet!

@treffe
Toll... Mis Gspröch isch abgseit/verschobe. Jetzt hetti morn doch Ziet 30.1 passt aber au!

@schlumpf
Klar, wär kuhl wännd au cho würsch.

@schnäfeli
Näme werded eh überbewertet Ich han immer so es Ghetto mit dä Näme, vorallem wänni mit dä Kollegin und ihrne zwei Mädels unterwegs bin, dases doch am eifachste wär mer wür die chline Menschli eifach nummeriere

[princessoftheörps]

hallo zäme und fuess id tür stell..

@tigerfink
jezt bini aber froh hesch da no gschribe, ha plötzlich voll s schlächte gwüsse gha und dänkt, falls du das da nüme gsesch, stasch hüt vilicht im migrosrestaurant und niemer isch da.. nöd dass das s erschtmal wär, aber ebe..
30.1. so 14.30/15.00?

[tigerfink]

nöd dass das s erschtmal wär, aber ebe..

30.1. so 14.30/15.00 passt!

[Schlumpf82]

hallo zäme

super denn schlüss ich mich doch gern ah! hets am nami ammigs vill lüt im resti? wie erchänn ich oi?

lg

[princessoftheörps]

@schlumpf
Ja s hät amigs gnueg lüüt.. Ich han zwei jungs, en blonde 3 jährige und en bruunhaarige lockechopf, 1 jährig.. Bisch bi fb?

[mami82]

hallo zäme

hoffe es gaht euch allne guet? bi üs gönd erkältigsviren ume... mir sind no dävo verschont blibe *holzanlang*

@evolet
viele liebe dank fürs eröffne vom teil2

@tigerfink
nöd nur die kinderlein sött mer nummeriere. au diä grossä

@us
sind grad inere eländige phaaase... schnüseli will oft kein richtigä mittagsschlaf meh mache, isch däfür ab 17uhr nur no am brüele und mötzle, eifach superunzfride. und gliichzitig am eeewige zahne. die letschte vier sölled doch endlich use cho! hend eui schätz au so müeh (gha) mit de zäh?

wünsche es schöns wucheänd

[Schlumpf82]

@ princess: nei bi nöd uf fb...mues am mi aber eh go poste, de chani ja eifach mal go güggsle obi oi finde...

[tigerfink]

Hoi zäme

Mini chli Bohne isch chrank... Wenn sie aber nöd zu unerträglich isch, chömed mir aber gliech Da sie ja eh die meist Ziet bi mir hocke mues, chan sie die andere Chind sicher nöd astecke

@schlumpf
Wännd es grosses und chlises Meitli gsehsch wo am Mami dä letst Nerv raubed, sinds sicher mini zwei

@mami
Mini Gross hät ihri letste Zäh ersch vor öpe me halbe Jahr becho. Sie hät aber überhaupt nüt gmerkt, kei einzigi schlaflosi Nacht. Nüt. Ich han amig per Zuefall gmerkt, das wieder neui Zäh cho sind Die Chli schient aber meh z'kämpfe, duredruckt isch aber no keine.

[Schlumpf82]

hallo zäme!

mues leider absäge für hüt! isch mer leider öppis dezwüsched cho!

hoffe es klapped es andersmal!

lg

[princessoftheörps]

@tigerfink und schnäfeli
Chömed ihr hüt nami? Nöd das mir den allei det sitzed..

[tigerfink]

Hoi mitenand

Alles klar bi allne?

Mir händ dä Januar duregsüücht, mini Chli isch meh chrank gsi als gsund. Aber jetzt hämmers glaub langsam überstande *holzalang*

@schnäfeli/princess
Sinder lang bliebe gester? Han eu nachem Umzug gar nüme gseh. Mini chli Häx häts uh lässig gfunde und isch schlussendli truurig gsi wo fertig gsi isch.

[princessoftheörps]

Hallo zäme

@tigerfink
Nei mir sind öppe am 15.30 hei. De L. Hets gar nöd luschtig gfunde. Er hets rächt luut gfunde. Ich hanem den de pamir agleit und den isch eeeeinigermasse gange aber ebe.. De J. hets lässig gfunde..
Mir hend au kei Platz gfunde zum sitze, mir sind am Schluss so z 10te gsi..

[Evolet2011]

Hey leute,
Kennt ihr die swimmende chrabbel gruppe???
Sie ist leider nur den winter durch. Findet aber noch am :
MO 4.3.13 & MI 20.3.13 jeweils von 17-19:30 freies kommen und gehen
In Wald in der Höhenklinik
Kosten 5.- pro erwachsenen, mitnehmen muss man nichts ausser badehosen

[schnäfeli]

Sali mitenand

@tigerfink

Mir sind au nöd allzulang bliebe, mir isch de Sound und de alti Maa im rosarote Kostüm eifach chli uf de Wecker gange, de chli hätts aber zimli lässig gfunde.

[mami82]

hallo mitenand!

hoffe es gaht allne guet?

d'tochter und ich hend jetzt uuh lang e vercheltig mit umegschleikt... jetzt simmer wider fit. pünktlich uf's zügle! ab nächscht weekend simmer definitiv im schöne züri-oberland dihei! freu mi uuh fescht, isch eifach grandios!

nach de oschtere mal luscht uf es kafi? wür eu gern känne lerne. hmmm weiss aber nonig, wie ich am neue arbeitsort vo de täg her schaffe "mues"...

hend ihr amigs e grossi fasnacht wo vill lauft? bi eus im unterland hetts stark abgnoh. isch nümm so de börner... finde das schad. bi a 2 verschidene umzüg gsi.

liebs grüessli
mami82

[tigerfink]

Hoi mitenand

@mami82
Händer guet züglet? Jetzt musch mer nomal ufd Sprüng hälfe: Wald oder Dürnte?
Ou du, das mit dä Vercheltig känni. Ich bin sietem Samstig nöd so fit und mini Chli isch jetzt au vercheltet.
Kafi: Sofort däbi

@schnäfeli
Gits scho Babynews?

@princess
Und, wie gsehts bi eu mit zügle us?

@all
Hät öper vo eu evtl. Interesse ame Job als Tagesmami?

[princessoftheörps]

Hello
@tigerfink
Ja s git babynews. Geschter isch s baby uf d wält cho. Ich weiss jetzt gar nöd obs am schnäfeli rächt isch wenn ich meh infos öffentlich schribe.. Isch ufjedefall ganz es herzigs baby si mäldet sich sicher wenn si wider dehei idch und si sich z vierte igläbt hend..

@zügle
Gseht no gar nöd drnah us. S problem isch ebe under anderem das min schwigervater vil sälber macht und gsundheitlich ganz schlächt dra isch. S herz macht sit es paar mönet nüm so mit und sini chnü sind völlig im ar***. Er müesst dringend d chnü operiere, beid. Solang aber s herz nöd besser zwäg isch chaner nöd operiere.. Voll de tüfelschreis..

[tigerfink]

oh kuhl! Seisch ihre dämfall liebi Grüess! Gäll sie isch im GH? dä Kita-Fründ vo minere Grosse isch gester au gad grosse Brüeder worde und sis Mami isch au im GH. So lustig.

Das isch natürli blöd mit dä Gsundheit. Dämfall wirds no es momentli dure bis mer Nachbere werded

[mami82]

guete morge mitenand

@tigerfink; danke, mir hend guet züglet. isch aber uuh vil gsi! ha grad geschter die alt hütte abgäh. jetzt gahts as chischte uspacke, ha no es chaos im neue dihei. es ghört zu de gmeind wald.

@princess; ou nei... wünsche dim schwigervater, das es ihm schnell wider besser gaht!

@kafi nächscht wuche; mittwuch ganztags oder dunnschtig morge würs mir gah.

wünsche eu gaaanz vil spass bim häsli sueche
liebe gruess und schöni oschtere