WINTI MAMI'S De Teil 86!

[Shorna]

@ Flux
Gonis sind / händ ganz lässigi Baschtelartikel. Sind Giftfrei und guet duredänkt, ideal zum Baschtle mit de Chind.

[TiFlaYa]

Auso ich denk mit es paar Neue wo sich deh au meh ustusche chunt scho schwung i da Forum - der next Summer chunt sicher au irgendswenn und deh chan meh mit der Kidz wieder wo zum PickNicke / Bäddälä abmache...

[Candine]

TYF: gratulierä dir no zum Vollziitmami Ha mi no gfraget, ob du ächt wieder geisch ga schaffä. oh jetzt darfi abr nüüt me sägä, ig schaffä ja mit mine drüünä Du s`Famze wär doch noch öpis für di, da chasch d`Chind mitnäh, git äs Taschägäud und wenn nid grad im Vorstand bisch isches ächt cool, hi hi. sorry mues di chli höchnäh, hi hi schliesslich verdank igs dir, dass ig dert schaffä.

oh ja, uf de Summer fröi ig mi ou scho, da müessemer umedingt wiedermua öpis organisierä ir Badi oder im Park, im Bruederhuus...

[TiFlaYa]

Candine

Du din Ticker wär mal wieder fällig

und FamiZe isch nix für mich, ich bin und blieb es müze Mami - am FamiZe bin ich gscheiteret... Du weisch, mir wohne im Neue Urbane Zentrum Winterthur wenn deh mini Kidz nim sowas bruchet hends das da deh sicher au baut - isch anschienend ja im Gspröch bi eus usse am Park es GZ z'baue / izrichte...

Ig bi scho Happy mit der Halle 710, Bistro wos jetzt na git, der Kleiderbörse und offene Spielgruppe...

So ich muss, bin sit dere Saison ja es Vollbluet Iishalle-Mami... Ich schwörs, sett der Flavio doch na zum EHCW und Timea au na is EHCW oder deh viellicht eher in WSC gaht deh kauf ich der Stadt es stuck Land ab und bou es Huus direkt vor der Iishalle... Brings die Wuche loker uf 30Std. Präsenzziit im Düütweg...

@Shorna
schrieb dir na zu was für ziite ich next Wuche ir Halle bin...

[Candine]

ach ja, dä Ticker. Weisch ig chume immer no nid druus

30 St. im Dütwäg! das müessti jetzt doch nid ha. Abr diä Ziite chömä ou, abr gloubs uf so viiu Stund chum ig niä.

[Shorna]

@TFY
Wetsch mit mir tusche? Ich wür liebend gern wieder i sonere Wohnig läbe wie du!

Das ist guet, ich hoffe es trifft sich, damit ich dir d Decki bringe chan.

[Flux]

hmmm..han scho alles gschribe gha und schwubs wäg...so en m...
naja halt nomal. min chline pfused immer no im wägeli, mir sind ufem märt gsi.

@ TiFlaYa (und au Candine zum Teil): wo isch die Chinderchleiderbörse?
wür mi villicht au gärn mal ahänke, Bruederpark oder Park sind super. Bade isch nöd so mis...ich hoffe au mim chline nöd so...suscht mueni dänn halt anehebe...

@Shorna: das töhnt no witzig mit dere Baschtelparty. Ab wieviel Jahr isch dänn das g eignet. Scho für ganz chlini?

[Shorna]

@ Flux
Da fragsch am beschte d Candine, sie ist jetzt grad wieder frisch informiert.

@ all
Ich freu mich au wieder uf die warm Jahresziet! Eulachpark, Spielkiosk, Bruederhuus, Bädele etc. *schwärm*

[Candine]

Shorna: Dankä für di Vorschlag. Ig möcht gloubs eifach eine, woni aui drüü cha druffä ha und nur mit Geburtdatum, de muesis nid immer wächslä

Flux: So viiu ig weiss, chame mit dene Bastusachä scho rächt früeh aafa. das ja würklich nüüt gfährlichs drinne het, und mirs guet usbringt, isch das ja super. Ouso wens uf d`Kleider chunt, denn muesmes grad uswäschä. Sobauds ir Maschinä gwäschä wird, wirds Iibrönnt. Wöu me diä Farb ou aus Stofffarb cha bruuchä. Das isch de einzig Nachteil.
Sobaud ig diä nächscht Party organisierä, wirdis da inne ou sägä.

So, wünsche aune e schöne Nami

[TiFlaYa]

[img*]http://lbym.lilypie.com/qWRkp1.png[/img][img*]http://lbym.lilypie.com/JRuPp1.png[/img][img*]http://lbym.lilypie.com/onHsp1.png[/img]

eifach d'Sternli weg neh....

[Candine]

TFY: Hey härzlichä Dank!!!! und ig has sogar gschafft, dassis cha Aktualisierä! Jetzt fähtu nur no äs Fötel. Mau luegä ob ig das elei schaffä

[Shorna]

Guet gmacht Candine, gseht super us.

[Candine]

hä, heiter mis Avatar- Föteli gseh? Dank mim Maa hani ändlich wieder eis

[TiFlaYa]

Candine - bin ganz fest stolz uf dich

Hey hend ihr der Schnee au so gnosse - isch ja der Hammer gsii hüt...

[yakari]

neue herzlich willkommen

turbohuän
meine kinder sind immer 2jahre auseinander

tiflaya
schön darfst du vollziitmami sein, dir wird es ja nicht langweilig. wow deine zeit im deutweg ist auch ganz stattlich.

so hoffe das wir das krank sein wieder für eine langeweile hinter uns lassen können, habe es gesehen. wobei in 2 wochen wird warscheindlich, genau auf die ferien, der kleinste die wildeblattern bekommen.

[Candine]

TFY:

Yakari: Oh, diä Wilde Blaterä. Da druf wart ig scho laaaaang. Mini drüü hei si nonid gha...

[Shorna]

@ Yakari
Oh nei, grad uf d Ferie hie. Aber verhindere chasch es leider au nid. Ich hoffe, für dich damit din jüngste nid so liede mues.

@ TFY
Oh jaaaa, de Schnee ist so schöööön. Han mit de Yael en Schneema baue und de chunt immer meh schieflag über... Irgendwänn gheit er um.

@ Candine
Früehner oder spöter findet die Wilde Blatere au zu eu. Aber je älter d Chind sind um so übler ist es.

[TiFlaYa]

Shorna
mir isch grad ufgfalle das ich ja dini Nat.Nummere gar ned ha...
Iishalle die Wuche;
Hüt Nami ab 15:30 bis ca 17:30
Di & Do. 11:00 bis ca 12:45
Mi. 11:00 bis ca 17:00 ( ja der Nic 2 Trainingseinheite und der Flavio 1ni)

schicks dir abr na bi FB

Edit: so gseh bi ich letzt Wuche doch ned 30std. sondern chley meh als 20 Std. (Mo-Fr 9:45 bis 12:45 plus Mo. Nami 15:30-17:30 und Mi. durchgehend bis 17:00) ir Halle gsii - pflicht vo der Bambini wäre übrigens nur Mo. und Mi. Nami - abr letzt Wuche het der Flavio welle mit sim Kolleg in DWS Schlittschuhe Kurs und der Yanic gaht freiwillig beid Wuche id Laufschuhel zum sis Fahre verbessere - wenn er älter wär würd ich behaupte zum WSC Girls ufrisse - er isch der Hahn im Korb und gniessts um die Iisprinzessine

[yakari]

shorna
ja irgendwenn chömdes und meischtens im tümschte moment. ja hoffe sehr das ers au schwach überchunt. han eifach respekt vo de blattere im windelbereich, das het mir eimal glanget.

candine
irgendwen findet die wildeblattere au de weg zu eu. mue aber nid sie das je älter das sind umso schlimmer isch.

[Shorna]

@ TFY
Wenn nüt dezwüsche chunt, stahn ich am Mittwoch am 11.00 vor em Hauptigang. Es ist mir sehr lieb, wenn ich dir Decki chan zrug gä, nid dass ihre na öpis passiert.

@ Yakari
De Dian hät die Wilde Blatere u fescht gha, aber du häsch scho rächt, jede Körper reagiert andersch.