WINTI MAMI'S De Teil 86!

[Shorna]

Ich han eimal indisch gässe, das ist mir viel z scharf!

Candine, mer chas au schön ohni z chnüschperle.

[TiFlaYa]

Gugus...
Auso bi eus isch es eh Tag wie jeder ander au - und summ-summ wie au chnüschperle oder - Barfuess-Schuttä, PowerPlay ... alles scho hüt am füäche morge oder gester zNacht wie au immer

letzt Jahr ha ig Blüämli becho, abr defür nix zum Geburtstag - dajahr sind Blüämli scho zum Geburi cho und werde grad als Motiv für viellicht mis erste Tattoo gnah

der Tag ha ich überstande - jetzt gang ich deh is Bett - GöGa guggt na Basel - geg igendwas richtig Oste..

Buchschlafe
das hend d'Jungs scho frühä gmacht und jetzt na - Mea isch e siite schlögferi, sie dräht sich scho sit sehr frühe selber uf d'Siite....

[pianistin87]

I ha hüt spatdienst gha und darum isch nix mit valentinstag gsi. Das holed mer den am samstig abig i. Hend no en guetschii für es movie dinner zum ilöse.. Gmüetlich znacht esse und den is kino. Freu mi druf.

[Shorna]

Was schaffsch du?

Dänn wünsch ich schöns nachhole. Bis zum Samstig gahts ja nüm lang.

[TiFlaYa]

Guete Morge,

So die Nacht het sich der Papa anerbote um fürs Prinzessli ufz'stah und was passiert? Sie schlaft wie es Herrgöttli
defür isch der Nic letzt nacht "schweissnass" ufgstande und het anschienend schlecht troimt... das ha natürli ich döfe usbade...

So der Alltag fangt scho wieder es bizzi ah... der Favi isch ir Ponyhofspielgruppe - wenn auso öpert usem Ruum Winti e spezielleri Spielgruppe suecht chan ich die nur Empfehele es isch der Hammer deh... wird eusi Bohne deh sicher au deh hie schicke...
Der "Therapieplatz" vom Nic ir Psychomotorik isch au bestätigt, ab next Wuche jewils am Mittwoch Vormittag.

Ich bin richtig froh isch s'Böhnli na eifach so happy - es nimmt vo Chind zu Chind ab. Wenn ich denk, bim Yanic ha ich na Babyschwimme gmacht (Bohn), e Babymassage Kurs - chan beides Empfehle - bin regelmässig id Chrabbelgruppe und zur MüBe... Bim Flavio bi ich deh na is Babyschwimme (H2O) und inne Chrabbelgruppe sporadisch zur MüBe...

Bir Timea spanne meh der Papa ih und er macht mit ihre irgendwas Schwimme - obwohl Manne sett meh besser ned so sache Organisiere lah - er het e Kurs gfunde in Bad Zurzach wo ihm na wür gfalle ... würd mir au zuesäge - ha abr gfunde sicher ned, er sell schön e Kurs in Winti sueche! - zur MüBe gang ich nur wenns grad in Terminplan passt und e Chrabbli sueche ich deh für nachem Summer wenn d'Jungs ir Schuel KiGa sind...

Shorna
was hend ihr gester gmacht??? Ha da überlese oder hesch es eus nani verrate???

[Shorna]

@ TFY
Ich brächti min Maa nie zu somene Kurs. Ich find eu so e cooli Familie!

Geschter:
Mer händ nüt speziells gmacht. Ich han de Esstisch mit Schoggiherzli dekoriert und ich han en Bluemestruss übercho.
Han me us Neugier gfragt, was anderi a dem Tag mached.

[pianistin87]

Ich schaffe 35% i de pfleg.. Imene altersheim

Und chuuum bini da gits doch au scho news vo mir ha hüt dörfe pos. Teschte. ) bi doch grad chli erstuunt gsi dass es so schnell igschlage het. Letscht mal isch es nid so schnell gange.

[Shorna]

@ Piansitin
Das ist sicher en spannede Job.

Gratuliere! Hei, 2013 ist wohl es chinderrichs Jahr!

[TiFlaYa]

Pianistin
Gratuliere au!!! hend ihr Kidz so nach Zäme welle?

Shorna
mir sind vorallem e dureknallti Familie

[pianistin87]

@tiflaya
Danke. I bi halt uu lang nid schwanger worde und ha no e fg gha und darum hend mer gfunde mer lönds eifach druf acho. Mir wünsched euis 2 Chind und euis spilt de Altersunterschiid nid so e Rolle.

[Candine]

Pianistin: oh, wiä schön! Härzlichi Glückwünsch zur SS! ig ha ou mau uf dr Pfleg gschaffet. Ha das meeega gärn gmacht, has abr nid glehrt. Ha abr soooo viu dörfä machä, wo mir mega spass het gmacht. i welem Autersheim schaffisch du?

TFY: Hesch du e HP-Adrässä vo däm Ponyhof?

Ig gniässä dr hütig Nami eifach und machä nur das, woni grad mag und luscht ha. Chli mit de Chind spielä, käfälä,...

[cia1]

Meld mi au wiedermal da ine

@Baby schlaflag
Mini sinnd all 3 nur Siitläschlöfer gsi...wiä s'Mami halt! Ich chan nur uf de Siite schlafe!
Jetzt isches underschiedlich, Jamie isch immerno en Siiteschlöfer, Jessica schlaft entweder uf de Siite oder ufem Buuch und d'Alessia ufem Rugge oder Siite!
Ich has immer so schlafe lah wiäs ihne am wohlste gsi isch!

@Valentinstag
Find de Tag ehrlichgseit doof!! Han niä öppis demit chöne afange, das isch ja es "müesse" schenke! Ich bin defür das mer sich au so immerwieder mal Überrascht..isch doch viel schöner!
Gester isch denn no min Ex mit Blueme und Schoggi cho ha mi recht unwohl gfühlt, ha das nid gern und has ihm natürlich gseit! Vorallem sött er ja wüsse wiä ich bin!!
Hoff er gits mal endlich uf und chunnt über mich hinweg!!

@TiFlaYa
Finnds cool macht dine mit dä chli öppis
Ich bin mit allne id Babymassage und sust nüt, MüBe bini no niä gsi! Ha eifach keis Bedürfniss gha det hi zgah!
Du machsch halt scho recht viel, mir wür eifach Kraft fehle! Mir langets das di grosse zwei id Jugi gönnd

@pianistin
Gratuliere ganz härzlich zur ss wünschder ä schöni Chugelziit!!
und viel Spass am Sa

@me
Ich bin i letschter Ziit recht usglaugt und kaputt! Gester hani zum Arzt müesse will ich meega Schmerze han underem Schultereblatt, etz dörfi Physiotherapie mache ich han aber eifach kei Ziit für das...chan denn Kind schlecht mitneh!!
Sust freu ich mich sinnd d'Ferie bald verbii und dä gregleti Alltag fangt wieder a!
Morn freu ich mich ufs schaffe und Kids gönnd denn zum Papi bis am Mäntignamittag:-)


Wünsch eu allne ganz ä schös Weekend

[TiFlaYa]

pianistin87
das freut mich sehr für euch, eusi Jungs sind 21 Monet usenand und im nachhinein gseh isch es streng gsii und isch es jetzt na öpä...

Candine
www.zumtaenzelndenpony.ch
finsch na einigi Föteli vom Flavio und entdecksch sicher na es Chind wo kennsch

Cia
Auso vo selber isch er ned uf d'Idee cho, zumal er ja kein Wasserfan isch - doch ha ihm deh, ganz fiis, d'Wahl zwüsche PEKiP und Schwimme geh, oder natürli jedem andere Eltere-Chind-Ding - da het er gfunde so en Schwimmkurs seg sicher ned soo schlimm und e Kolleg het ja e +/- glichalts Chind. Ev macht der grad au na mit
Wohl gemerkt es bin eigentlich ja ned ich, sondern mini Kidz - Wenn ihne was gfallt frage sie und deh tünd mir luege! Gäh der Nic het scho mit knapp 3 gseit er well Hockey spiele und so richtig macht er das ja jetzt erst sit er knapp 6si isch.
Der Flavio ziehet eifach nah, merkt das ihm abr das Hockey ned so zueseit und gaht jetzt richtig turne - abr klar ned irgend es Turne nei es muss au na was ufwändigs sii

lass dich drucke liebi Cia - hoffe er find e neui Liebi, denk nur denn chunt er so richtig drüber weg!

Ziit für mich!!! Die leist ich mir eifach indem ich Kidz ned ganz us der Fremdbetreuig nim, ich bruch eifach der Frei-Halb-Tag - glaub sesch würd ig scho lang nim möge - merks ja jetzt i der Ferie wo mir ebe der Halbtag fehlt

Cia weg der Physio- wenn hetsch denn die? Ich chönt dir dini 3 hüäte denn - sie müsste ev mit i Düütweg, abr deh gits immer öpis z'luege und bis end der Monet isch ja s'iis na offe...

[Candine]

TFY: dankä für de Link. Choschte 120 min. 30.- odr choschtet 1H 30.-? Ja, de Josia hani ou gseh. gseht mega härzig us diä Spiiugruppä.
Het s`Iisfäud nur no bis ändi Monat offä?

[Flux]

hoi zäme

mir händ geschter en schöne Abig gha. De chli hät friedlich im Wägeli pfused...und das obwohl s zimli lut isch gsi. bin stolz uf min chline Schatz!

chönd ihr mir mit de Signatur hälfe? Was isch da falsch?
sie wird zwar une zeiged wäni Vorschau mache, aber sie chunt trotzdem nöd...hmmmm



Gratuliere Pianischtin...ich hoffe Du wirsch e agnähmi Schwangerschaft ha!
Mir möchtet au no es zweits Chind...aber Schwanger früeschtens im Summer hani zu mim Ma gseit....
(han e zimli schwierigi Schwangerschaft gha)

halt mich churz, de chli isch grad ufgwached...

[Flux]

haha..jetzt isches doch gange...demfall gahts ersch mitem erschte post womer macht...

[TiFlaYa]

TFY: dankä für de Link. Choschte 120 min. 30.- odr choschtet 1H 30.-? Ja, de Josia hani ou gseh. gseht mega härzig us diä Spiiugruppä.
Het s`Iisfäud nur no bis ändi Monat offä?

Also mir Zahlet 600.- fürs Semester 1x pro Wuche - mir chönd jetzt sogar nachhole ame Zischtig wenn mir mal ame Fr. ned chönd...

Iis isch na öffentlich bis zum 3. März...

[Candine]

600.- isch mir eifach ztüür. Und sie hei`s nur am Ziischtig und Friitig Morgä. Denn hani Programm. d`Mörgä si eh rächt verplanet, d`Namitäg sie amigs chli lang. Na ja, i las gloubs mit dere Umesuecherei - äs geit ja nur no äs haubs Jahr, bis de Gianluca i Chindsgi chunt. Und de Früehlig und Summer chunt ou scho glii, womer wieder meh use chöi.

Flux: du hesches säuber härebracht mit dr Signatur. Mir machts immer TFY i tscheggä das eifach nid. s`Föteli im Avatar het mi Maa nach langem pröblä de ou gschafft.

So, ga hüt beziitä is Bett, mues morn am sibni ufstah...

[Turbohuän]

Heeeee, da lauft ja öppis

@Pianistin
Herzlichi Gratulation zur erneute Schwangerschaft!
Ich hoffe, äs gaht dir die ganze 9-10 Monet bländend

@Flux
Ich liebe dä Tandoor und gange au ab und zue deht hie go ässe mit ere Fründin. Und das vom Thurgau her
Gäll isch mängisch erstunlich wie guet die Chline im Lärme chönd schlafe! D'Lenja isch mir letscht Sunntig am Fasnachtsumzug igschlafe

@Tiflaya
Naja, ich bin froh, dass dä Kimi so Sache macht (Hobby) wo meh oder weniger alles im Dorf isch und er ellei chan gah. Er gaht etz na id Jugi und is Tschutte. Tennis hät er nüme welle - isch mir au gliich, isch nämli s'tüürschte
Er wett unbedingt na in Schlagzüügunti, da lueged mer dänn nach dä Summerferie.

@Candine
Aso da würi glaub dä Gian-Luca au nüme id Spielgruppe schicke für so churz. Und wie du seisch, dä Summer chunnt bald und dänn isch wieder AKTION agseit

@Schlaflag
Han ich au ä Buuchschlöferin sit eh und je! Ha mir NIE Gedanke über dä Chindstod gmacht. Ich han eh d'Istellig, dass alles wo passiert en Grund hät....

@Fasnacht
Gaht öpper am Sunntig an Umzug?
Am Mäntig chani leider das Jahr nöd. Han no s'letscht Mal FItdankbaby und wett unbedingt gah.

@Valentinstag
Sooooo en Mischt

@Cia
Mann du tuesch mir so leid mit dim Ex!
Mue sehr sehr nervig sii. Aber mach dir eifach kei Vorwürf, gäll. Wie gahts mit dinere Liebi?
Hät er d'Chind etz scho dörfe känne lerne?

[Candine]

Oh mann, närv mi grad wiedermau übr d`Poscht! Mis Mami het am Donschtig Abe äs Couvert A-Poscht i Briefchaschtä gheit, dasses hüt da isch. Mi Briefchaschtä isch lääär!!!!! ig ha mau äs Päckli am Donschtig Morgä uf gä - B-Poscht - und am Friitig hets de Chund scho gha. Was isch da verchert?

Cia: Das isch nid aagnähm, wenn dr Ex am Valentinstag uftoucht... wiä loufts ir nöiä Liäbi?