WINTI MAMI'S De Teil 86!

[Turbohuän]

He, min Ticker isch stah bliibe

[Candine]

Wenn isch morn Ziitlich de Chinderumzug zWinthi?

[Shorna]

@ Candine
Das mit de Post ist mir amal au es Rätsel...

@ TH
Frag doch TFY, ob sie dir au en 3 Fach Ticker macht.

Fasnacht:
Kei ahnig, mus morn schaffe, aber d sanime weiss das sicher!

[Shorna]

Mir sind grad zrug cho us em Toggi, sind übers Wucheend bi de Schwiegereltere gsi. Super Schnee und Sunne. Mir händs richtig chöne gnüsse.

[Saralena]

hoi zäme kenned ehr mi no? i hami neu mösse registriere loh be auso scho längers nöm do gsi.
läck i muess mi diräkt weder chli zrächt finde ond genauer uf all die neue pseudos luege. eis hani scho weder erkennt
öbrigens, i wönsch eui en guete.

@nomi i be nonig ganz secher, aber evtl. goni höt mit de chind uf dschliefschuebahn. esch au grad öpert dörte?

[Saralena]

uuu wie god das ächt au weder mit dene Tickers etc. ond mau luege, öb i denn wedermau cha es bild inne due. wönsche e schöni nomi

[Candine]

hi hi, Saralena, jetzt muesch eifach immer wieder chli öpis schriebä, dass du di nid wieder nöi muesch registrierä
d`Seraina isch hüt Nami amene Gebifestli, d`Gioia schlaft no und när muesi no ga poschtä. d`Seraina vom Festli abholä und de isch dr Abe scho iitroffä. De Gianluca wär sofort cho

hüt Abe: Hani wieder mau Uusgang. Gange mit äs paar Wiiblis ga es Theater luegä "gut gegen Nordwind". Bi ja gspannt wiä das de isch.

Wünsche aune e schöne Nami

[TiFlaYa]

Saralena
für der Ticker musch 10 Biträg ha....
Het mich gfreut dich und dini Mäddels mal wieder z'gseh.....

so und scho gahts Programm wiiter - Flavio abhole und ab id Turnhalle...

[Shorna]

Hu hu Saralena! Natürlich känn ich dich no!

[TiFlaYa]

Guete Morge,

Bin ich fiis???
Bin gester nachem Iis so dürä gsii, ha mir zwar na fest vorgnah is Turne z'gah abr ha nid mögä...
am Vormittag id Stadt zum der Yanic id Motorik bringe (die chline 2 immer schön derbii)
Mittag Flavio id Krippe
nachem Mittag mittem Yanic ufs Iis
spötere Nami Flavio us der Krippe hole
und eigentlich früäche Abe mittem Flavio is KuTu
so ha ich der Flavio gfragt öb meh jetzt würkli na selle go turne oder öb meh erst Startet wenn er am Mittwoch nimm ir Krippe isch, ergo ab April, (denn het der Yanic au nimm Iis das ha ich ihm natürli ned gseit)
Der Flavio het deh gfunde; OKAY, chönd mir denn scho mittem Velo gah? Ich; Ja - druf euse Schlaumi; das isch super denn chasch du go Poste wenn ich am Turne bin

Irgendwie find ichs aber fiis, ich bin ja nu so müäd well der Yanic mich so brucht - dauerd bin ich für da Chind unterwegs! Ich mach das gern das isch ned s'Problem, abr ebe der Flavio muss jetzt quasi warte!! Isch doch Fiis

[cia1]

@Turbohuän / Candine
Nei, er hätt Kids nonig dörfe kennelerne, das bliebt etz au vorläufig so wett zerst luege was drus wiärd! sust laufts ganz guet mir gsehnd eus halt uu wenig, aber das isch für mich im Moment au ganz ok!

@Candine
Ja di liäb Post ha da au scho einiges erlebt!!
und wiä isch s'Theater gsi?

@Saralena
Willkomme zrugg bi Swissmom

@me
Ich wett endlich Früehlig, han dä Schnee und kälti soooo sattt!!
Sust gahts eus guet dä Jamie macht sich langsam, isch im Moment sehr schön mit ihm, er hilft mir dihei mit allem...freiwillig und ohni das ichs vo ihm verlang
morn hani endlich s'Gspröch mit dä Lehrerin!!
Defür isch Jessica grad uu müehsam es richtigs tusseli und sehr zickig, sie muess immer all provoziere macht nüt was mer ihre seit und hätt immer ä frechi Antwort parat!!
Chönnd denn nid mal eifach all Kids liäb si??!!

@TiFlaYa
Mach der kein Chopf, er isch ja iverstande das er etz erst spöter is turne gönnd! Ich weiss wiä du dich fühlsch, aber chasches ja nid allne recht mache und muesch au echli uf dich luege!!
Dänk das es am Flavio nid viell usmacht, usserdem machsch du ja sust recht viel mit dine Kids, da muesch keis schlechts Gwüsse ha

[Flux]

guete morge mitenand

wilkomme saralena! übrigens ticker funktioniered nöd nur ersch nach 10 biträg, sondern auch ersch nach 10 täg.

@de früelig söll ändli cho:
ja han d chälti au definitiv satt. geschter häts mir no zimli eis in rugg gfitzt und so züg gits amig au nur im winter...

hüt namittag däf ich min chline am papi abgäh, de gaht dänn mit em junior in zoo go tierli gügsle.
ich muen ane beerdigung. bin aber ehrlich gseit grad froh, gits für mich e lupfpause...
de rugge tuet mer so mega weh, dass ich de chli überall nur anelegge und er immer ganz happy isch wänn s mami in mal ue nimmt...de armi
uf jedäfall gangi mir no e tube voltarengel go chaufe...ich hoff das hilft dänn...

wünsche oi en schöne Tag!

[Shorna]

@ TFY
Ich finde nid, damit das gemein ist. De Flavio ist demi iverstande und finde du musch dir au na es bitz luege. De Chind nützts nüt, wenns dich zämeleit.

@ cia
Schön, dass es bi dir so guet lauft. Ich hoffe damit sich die sach mit em ex. erledigt, dass ine glückliche Zuekunft chasch ga.

@ Flux
Autsch, das tuet mega weh! Gueti und schnälli Besserig.

Früehlig:
Obwohls na so chalt ist, han ich im Garte scho es paar Frühligsbote entdeckt.

[Saralena]

@Is esch super gsi med mine mädels mal allei öpis zmache. aber all woche wär mer das ztüür ond zmüehsam händs aber super gha ond müed simmer zobe alli gsi

@TFY jo do, i bewondere de. sovell öberall omespringe. i mögti das auso ned. gange lieber gmüetlich is fitness

@früehlig dörfti def. langsam cho, dh am sunntig gömmer no hurti uf de söreberg go schifahre ond de wetti kei schnee me gseh för die saison

@flux kenne das mit em Rögge, han letschte april so e uuu grausame häxeschuss gha, dass grad paar stund nüt me gange esch - loschtig grad geschter hed mi mini älter Tochter gfrogt, öb de Zoo au no offe esch im winter

soli, wönsch eui e schöne nomi

[Shorna]

Apropos Zoo, wer hetti inträsse mal wieder z ga, wenns wärmer ist?

[Saralena]

@zoo klaro wenns ned amene Mäntig esch, de semmer zemli secher debi

[Flux]

danke oi...wird scho wieder

zoo: ja eh bini gärn debi, mir händ ois es familiejahreschärtli gholt...

guet nacht

[yakari]

shorna
würd gern wiedermal in zoo.
nur under de wuche schaff ich das nid, müesst also grad mal i de ferie sie.

frühelig
därf vo mir us au langsam cho, aber nur da une. mir wend jetzt den zerscht mal no id skiferie, de schnee so richtig go gnüsse.

[TiFlaYa]

Ich bi au derbii bim Zoo doch wie d'Yakari nur wenn mir das ganze id Ferie lege
das ned mal wegem viele sport vo der Kidz, sondern meh wells sech scho muss lohne - mir hend kei Jahrescharte meh und für nur e halbe Tag - Nö da isch es mir z'tüür...

wo meh abr grad bi der Früheligsferie sind, deh staht bi eus au na der Freiziitpark Niederbürä ufem Programm, falls sich wer deh na wett aschlüsse - sehr gern!!!

[Candine]

Zoo: bini ou dri bii - müesst würklich i de Feriä sii. was isch das für e Park "Niederbüre"? guet d`Früehligsferiä si bi üs usbuechet. Zerscht gömer 1 Wuche is Tesseni und när hei mir no äs paar Täg "Eheferiä". Ig fröi mi! wüsset abr nonid wo mir härä whei. London, Prag, Wien, odr docher chli ga wellnesse is Öschtrichischä wome abr ou chönt ga wandärä. Heit dir üs ä Tip?

s`Theater "gut gegen Nordwind" isch cool gsii. äs isch nur äs 2-Mann-Theater gsii, abr has super gfundä. Bi no niä im Theater gsii da zWinthi nur im Summertheater im 2002!

Cia: schön, loufts mit dim Schatz guet. Wünsche dir, dass di Ex di ändlich cha los la, das isch sicher nid eifach.

Flux: wiä geits dim Rüggä?

de Früehlig wünsch ig mir ou! i de Bärg mues dr Schnee no chli bliibä bis mitti März. Denn gangi mit de Kids no chli i d`Flumserbärgä.

So wünsche öich aune e guetä Friitig und e schöne Start is Weekend!