WINTI MAMI'S De Teil 86!

[TiFlaYa]

Guete Morge,

Eheferie;
das tönt lustig göhne mir eus das Jahr au ganz ohni Ehe mir wend abr ned so wiit gaht nur uf Kanderstäg is Chalet Hotel oder doch ah Thunersee is Hotel Seeblick... ich bi nani schlüssig und GöGa verratets mir au ned - doch ich ha do scho e ahnig

Candine
ich chan euch sesch na Hamburg oder Amsterdam empfehle. Stockholm oder Kompehage seg au e Bsuech wert....

HH & Kidz
ich sett eigentlich dringenst was im HH mache abr d'Motivation isch ned ume... jungs sind i KiGa und SG und die chley schloft... wo sell ig nur afange - 1 Std. ha ich scho mit FB und Forum verplämperlet jetztden...

wünsch euch au alle e schöns WE und verfrühret mir ned - bin au für Frühelig, da mir nimm id Berge gönd isch mir au der frühelig überall Willkomme...

[Shorna]

@ TFY / HH
Uuuuh, dass känn au grad beschtens. Ich han soooo kei Lust öpis zmache. Die chlie nimmt mir fortwärend die ganz Hütte usenand und es gseht schlimmer us wie vorher. *kreisch* Ich han hüt morge nur schnäll d Haar gwäsche und i dere Ziet hät Madame ihre Chleiderchaschte und de Wickeltisch usenand gno! Das Zimmer hät usgseh, als wär en Tornado duregfägt... Natürlich han ich geschter Wösch zämegleit und versorgt, somit ist ihri Chleiderusbüti grad riechlich gsi.

Choche mit de Yael, HORROR! Da bin ich nacher rief für Psychiatrie. Alles wird usegschränzt, Pfanne, Tupperschüsslene etc. was sie halt grad so find. Ich mues all Türe sbschlüsse, well sie suscht is WC gaht go gusle, WC Rolle abwicklet, in obere Stock abhaut und det alles usenand nimmt. Sehr beliebt au em Dian sis Zimmer... Det staht es Hochbett (180 cm höch) det sitzt sie amal wie e Königin und grinst mich schelmisch a. Wänn das Bett nid so höch wär, wärs ja na gliech, aber en Sturz vo sonere Höchi ist vilicht nid so gsund.

Wänn klein Monster mal schlaft bin ich so tillt, dass ich au mal Rueh bruche, chraft tanke für de Namitag. So bliebt eifach vieles uf de Strecki und am Abig wür ich am liebschte en grosse Hufe mache und es Zundhölzli druf wärfe.

[cia1]

@Zoo
weiss nonig ob ich denn au chum, finnds mega tür!! Gahn lieber in Chinderzoo Rappi! d'Fahrt und dä Itritt sind agnehm und eher bezahlbar

@HH
Da isch bi mir nid anderst, chum niä recht däzue, ständig mueni go luege was di andere astellet!!
Chum ischmer fertig, chamer wieder vo vorne afange
Das wiärd wohl erst besser wänn Kids grösser sinnd und bis denn lahn ich mich nümme stresse!!

@Flux
Gahts besser mitem Rugge?


So, muess no schnell d'Chuchi mache und Staubsuge, nocher chunnt s'Nachbarsmeitli zu eus go spiele und am 4i hani s'Gspröch mit dä Lehrerin vom Jamie!
Wünsch eu no än schöne Fritig und ä schös Weekend

[Turbohuän]

Ha ha, en riese Tegscht gschriebe und wäg
Aso nomal churz...

@Tiflaya
Ich find dini Entscheidig richtig wägem Flavio sim Turne. Isch glii April und er hät dänn au na Freud.
Niederbüre bini sofort debii wänns vom Datum her passt.

@Saralena
Ja lueg emal da
In Niederbüre isch en Outdoor-Spielplatz mit Rutschbahne, Trampolin, Wasserspielsache, Chlättergrüscht etc. und ere grosse Gartewirtschaft. Dine häts so ä Art Mini-Starbie, isch aber meischtens sehr volle und sehr luut.

@Cia
Chinderzoo bini au mal debii i dä Früehligsferie. Wänn händ ihr? Mir grad nach dä Oschtere zwei Wuche.
Schön dass dä Jamie sich macht. Da wart ich bim Kimi na druf

@Shorna
Ich lah d'Lenja ebe d'Chuchi usruume und die andere Zimmertüre sind zue. Chan sie die scho ellei ufmache?

@Flux
Au vo mir na gueti Besserig!

@MDG
Händ mini Chind sit geschter. Mann isch das hässlich! Bi am Wäsche wie hohl und mit zwei so Chind en ganze Tag dihei HORROR!
Zum Glück dörf ich ich 2 Wuche is Wellnesswucheänd mit zwei Fründinne!

@Schwangerschaft
Isch au dasmal nid das Wahre! Immerno schlächt, Verdauuigsproblem und KTS

[Saralena]

@turbohuän i weiss, was dspielschürr in niederbüre esch gueti besserig allne, i hasse MDG. ond was esch KTS?

@chinderzoo findi ebe au grad so tüür ond erscht no müehsam zum erreiche ond wemmer mit ÖV god, grad nomol tüürer. also mer send aber eifach au debi, wenns grad passt natürli

@chlini Chind, do mönd ehr eifach dure i säg eui, es esch sooooo schön, wemmer vo de Chind cha erwarte, dass si nöm sgange huus usnand näme ond spielsache oder bastelzüüg, chönnes wohl es chaos mache, aber si chönnes au scho tiptop sälber ufruume
wos chli gsi sind, händs ide chuchi es chäschtli gha, wos tupperzüügs händs dörfe spiele ond no en chelle dezue becho, aber alles andere hani gfunde, esch tabu ond so händs das de no einigermasse schnäll begriffe

[Saralena]

juhuiii mini postings gönd nöm zude moderatore go chehre coool

[Shorna]

@ TH
Ja leider. Sie chan Türe scho lang allei ufmanche.

Gueti Besserig dine Kids! Dir wünsch ich, damits bald chlie verbie ist mit em schlächt sie und de andere wehwehchen.

@ Saralena
Ich weiss, die Ziet gaht verbie, aber im moment gits sie eifach nur Gas...

[Turbohuän]

@Saralena
Sorry, Candine hät ja gfröged wäge Niederbüre

[Candine]

Ja das bi ig gsii Turbohuän abr has ou gläsä.

HH: dä chäni im Momänt sehr guet machä. Klar, zum d`Wohnig putzä hani guet 2h wöu ig ou immer wieder mues dr vo ga. Ohni Chind bini ire Stund dürä. Natürlich nid ober gründlich. Mängisch hani für zwöi Chinderzimer e ganzä Morgä, denn wird abr uufgrumät, gmischtet, aues usem Zimmer gsteut, d`Möbu fürä näh zum wiedermau überau putzä. Läck, gseh diä Zimmer de amigs e Tag schön uus.

TH: hoffä, dass dini Beschwärde glii wäg si und du diä SS so richtig chasch gniässä.

d`Gioia cha d`Huustürä uftuä. dert wosi nid ufe ma hout si äs Stüehli und stiigt druf. Chuchi uusrumä hei mini niä gmacht, da bini froh, abr si hei ouso ou amigs nur seich im Chopf. Vorauem d`Gioia isch scho äs Luusmeitli.

d`Beärdigung hüt hani ganz schön gfundä - abr meeeeega krass. Dä chlii Chindersarg- eifach truurig ;-( bi iergendwiä dr ganzi Tag chli näb de Schueh gsii, hoffä das isch morn wieder guet.

Wünsche aune e gueti Nacht, grüässli...

[TiFlaYa]

Guete Morge,

Ig bi au ar Beerdigung gsii und neb dauer luege das ich ned luut ufschluchze, ha ig mich über der Pfarrer ufgregt - wie chan meh nur so e Predigt halte und sich dauern und immer wieder verhasple!??
GöGa meint, ich heg eifach öpis brucht zum mich festhebe und seg sicher ned so schlimm gsii wie ich verzelli!
Bim Gedanke a Sarg wo na z'chlii gsii isch für uf das Bollerwäggeli muss ig scho wieder träne us der Auge striche - es isch eifach z'frühe...

Zoo
auso ned Bös gmeint, abr i KiZoo würd ig ned mitcho. Deh zahl ich fast glichviel wie für der ZH-Zoo!!!
26 für der Itritt plus 17 Bahnbilett = 43.- KiZoo
33 für der Itritt plus 13 Bahnbilett = 46.- für der ZH-Zoo
guet ich ha im ZH-Zoo erst eis Chind wo muss zahle und wenn meh die Priise aluegt müsst meh sich eh grad überlege öb meh da Jahr na es 2, 3. mal gaht und sich denn für e ev. Jahrescharte entscheide....

Niederbürä
isch würkli voll cool

Treffe Früheligsferie
meh muss ja au ned zwingend wohie wo meh Itritt zahele muss, der Spielkiosk öffnet deh gloub au scho sini Tor und mit Picknickdecki ( Shorna) und PickNick belade chan mehs au im Park ganz lustig ha - ich wird mir sowieso es dauerbillet für der Eulachpark löse - wer mich suecht find mich deh

Wetter
Auso i mage nimm - sell entli höre schneie und der frühelig cho

Hüt
erst poste, deh doch na Ufrume und putze, Nic parad mache für sin Übernachtigsbsuech bi sim Kolleg und zNacht vorbereite für dSchwigis und die 2 chlinere und deh gönd mir hüt uf Züri ane Konzert - freu mich scho...

wünsch euch allne e lässigs ruhigs gmüätlichs fröhlichs ... wucheendi

[Saralena]

@Eulachpark chömmed mir natürli au grad weder. find dä spielplatz wörkli mega toll ond de Kiosk sowieso, scho wäg em WC, da üsi Mädels jetzt immer uf d'schiputteria mönd

@beärdigung sind mir natürli ned gsi, aber es macht mi so scho mega truurig, wenni a so e chline sarg dänke - eifach unfassbar. ha jo vor chorzer ziit erfahre, dass e bekannti en bueb im gliche alter wie drahel hed, wo jo leukämie becho hed (hani glaubs verzellt). onglaublich, was dä i so chorzer ziit alles hed mösse öber sich loh go loh ond das werd 6mt lang so go, wenns kei verzögerige wie fieber etc. git.
i säge eui, i be jo so froh, sind mini chind amix nur närvig ond müehsam ond eifach wonderbar sinds gsund

so mälde mi ab, mer gönd scho id Heia, 1. well mer uu müed sind, 2. schlofed üsi chind scho sit am 7ni ond 3. stönd mer morn am 5i uf för zum go skifahre, gääääähn

[Zwetschge]

Hallo zeme

Ich bin wieder hier;-)

Ha grad gseh het paar neui drum kurz info. Ich bi verhpratet und ha en sohn namens xavier wo 7ni isch. Dur e schweri kranke ha mich da inne zrug zoge und ez hani kranket besiegt scholönger. Sit 3wuche hani erfahre das mir doch na es wunder namal dörfet erlebe ich bi ide 9wuche.

Suscht weischi grad nix.

[Shorna]

Ich han das Chind nid kännt, aber trotzdem machts mich sehr betroffe. Es ist mir mal wieder so richtig bewust worde, wieviel Glück mir vor 8 Jahr gha händ. Da hät mer es gsunds Chind und plötzlich ist nüt me wies mal gsi ist.

@ Saralena
Wie ist euses Ski Weekend gsi?

@ Zwetschge
Schön bisch wieder da.

[Saralena]

@zwetschge wellcome back be au erscht grad weder reneu

@weekend esch super gsi, dh mer send jo nor grad geschter go skifahre. send am 6i zum huus us ond am 19uhr weder hei cho. sind uf sörenberg go skifahre mit de kids ond mire schwö, ihrer fröndin ond mis mami esch au no mitcho. esch eifach herrlich gsi. esch zT no dsunne cho gügsle ond dur das eifach en geniale super skitag worde. üsi chind händ jo nach üsne skiferie bitz de skifahrkoller gha, well drahel eifach chli e zu ergitzige skilehrer gha hed ond driana kei luscht ufs skirenne gha hed. so simmer mit de familie nomol gange innes supertolls familiefröndlichs skigebiet, wo au öberhaupt ned steil esch ond mit gotti+"schwögerin" händ mer no so tolli privatskilehrerinne gha, wo dchind ond mehr total händ chönne profitiere. drahel hed chum me welle ufhöre ond driana esch zwar müed worde ond spöter immer umgheit, aber hed ond hed ned vo ihre us welle ufhöre, wells ihre so vell spass gmacht hed. esch super, dass mer au wedermau chli zum skifahre cho sind ond mer dsaison jetzt super positiv händ chönne beände. git so weder es guets gfühl förs nöchschte johr

[TiFlaYa]

Willkomme ir neue Wuche

Mir gahts einigermasse besser ha am WE doch na der eini oder anderi Träneusbruch gha...

Alti/Neui
ich freu mich sehr das da wieder meh lauft, isch doch Übersichtlicher als im FB und deh isch ja eh au ned so viel gloffä...

eusi Wuche
Hüt am Vormittag bi ig scho im Zumba gsii und go schaffe je 1 Std.
da hüt d'Sunne lacht freu ich mich uf d'Iishalle - viellicht fahr ich hüt au mal wieder 1-2 ründeli
morn am Vormittag ha ich mir au vorgnah is Zumba z'gha, öb ich würkli gange!??
am Nami het der Yanic deh KiTu
am Mittwoch Morge het der Yanic Psychomotorik und der Nami verbringe meh wieder i der Ishalle (der Flavio dorf in Kindertreff)
Am Donnstig bi ich im Treffpunkt (vo der ref. Chille) wo ig deh mittem Flavio au zmittag esse, Spaghettiplausch. Timea darf in Kindertreff und der Yanic het nach der Tagesschuel deh na Laufschuel
am Fritig het der Flavio na Spielgruppe, der Nami isch frei (für mich) well der Yanic isch ir Tageschuel und die 2 chline im Kindertreff. Zabe gang ich deh na go schaffe!
am Samstig Poste und mit GöGa der Wuchecher mache (das isch jetzt neu und viel besser als alles allei mache)
Am Sunntig het der Yanic Match
Ja das wär denn wohl eini vo der letzte Vollgstopfte Wuche - denn next Wuche isch d'Iishalle ja scho zue - auso d'Usefelder und s'Training reduziert sich uf 1-2x

[Zwetschge]

Danke eui...

So de xavier gat ab morn im nachberdorf i schuel. Er isch ja so plaget worde und mir hent es halbskahr eis züg gha au etlichi gspröch mite schuel. Ez hent eltere de schuel aglüte das de xavier agressiv sege zu ihrne kind wo er immer jede tag ufs dach becho het usw. Sit er halt is wingtsun gat heter sich agfange wehre und das het gwüssni elter nid passt. Hüt simer züg na go hole und de xavier het dene nu tschüss gseit wo ers guet gha het. Lehrin isch ganz verblüfft gsi tja cha ja eis und eis zeme zehle. Hüt abig hemer na gspröch ide neue schuel mite neue leherin und em neue schuelleiter. Bi gspanne.

[Saralena]

@TiFlaYa wieso god din Sohnemaa id Psychomotorik? das wörd mi no interessiere ond i was för e Laufschuel (Sport-jogge)?`

@mini Woche gseht lockerer us
- höt erholig bim schaffe, obwohl i no vell zdue ha, zobe chind id heia - greys+pp
- morn Fitness vo 8.30-11i, NM Rahel Kiga mit de Riana chli use, de händ au beid Kitu, de machi chli HH,
zobe no vorbereitige för dSitzig am MI
- MI Coiffeur, NM mit de Chind öpis astelle, zobe Sitzig
- DO fangs 6.J Kontrolle bim KIA evtl. no es Kafi ide Stadt, aschliessend HH, NM HH ond dchind id Nochberschaft schicke oder be eus
- FR Fitness, NM Wocheichauf
- SA secher au mau nochli sport ond Family, aber no nüt fix
- SO Family ond zobe as Unheiligkonzert mit mim Mami, juuppppiiiiiiiiiiiiiiiiiii, freu

öberall wo ich dchind am nomi beschäftige, werd i secher au im Dorf si, a verschiedene Gspröch wäg em Feriespass, wo ich ide Organisation be

[TiFlaYa]

@TiFlaYa wieso god din Sohnemaa id Psychomotorik? das wörd mi no interessiere ond i was för e Laufschuel (Sport-jogge)?`

Hallo Saralena
also der Yanic isch ir Psychomotorik well er luut KiGaLehreri e schlechte tonus (oder wie meh da seit) het und sini Kraft ned richtig chäch dossiere...
bi der Abklärig isch usecho, das ers würkli ned so mit der Dossierig vo der Kraft het und das unter Umständ spöter bim schriebe chönt es Problem sii, wiiter isch sini Körperhaltig würkli ned die besti.
Jetzt gaht er 1x ir Wuche, ebe am Mittwoch i die "Gruppetherapie" er find das cool mit namal 2 Buebe e Lektion chley umetobbe, zeichne, nameh umetobbe und namal chley öpis Bastle... Auso das isch das was er mir verzellt was sie deh mache... es wird alles e Sinn und Zweck ha und solangs ned schad und's er gern macht sell er...

Azmerke isch, das ja die wo d'Kurzabklärig im KiGa gmacht het mit der KiGaLehreri eus als ersts het welle vorschriebe das der Yanic nimm döfi Hockey spiele... d'Therapeutin wo d'Abklärig gmacht het und au die wo er jetzt isch, findet das grad das Hockey super für ihn sege - es trainieri Glichgwicht und das ned nur im wörtliche sinn, sondern au im Soziale. Dur sini Körpermasse isch es grad namal e guete Sport, denn es isch astrengend und er brucht das eifach - er gspürt sich anschienend besser denn.

Du ha gseit er sell das jetzt mal da Halbjahr mache und deh luege meh öb er denn während der erste Klass wiiter wird gah oder öb mirs deh wieder chönd bliebe lah...

[Shorna]

@ TFY
Wo gaht de Yanic id Psychomotorik?

@ Zwetschge
Was ist usecho bim gsröch?

@ Flux
Wie gahts dim Rugge?

Eu allne en schöne Tag!

[Zwetschge]

@shorna gspröch isch supi gsi de xavier usch u begeisteret bu scho vom pauseplatz;-). Au mir als eltere sind begeisteret nu scho de itruck vom schuelleiter,eifach alles strukturiert im büro. Ufde karte vo jedem kind de name wos herchunt us wellem dorf u herzig. Eifach total anderscht al bi üs in brütte. Ez mpmer eifach na luege wegem transport. Evt langets zytlich am schuelbus wo die andere zsem dorf gat go hole de xavier au na go hole chunt und suscht halt taxi wo brütte schuel muss zahle. Sie hent sich scho eifach vorgstellt brüttemer schuel ado schuelleiterin. Mir lueget ez positiv dri und es isch halt würkli nu 1.klass und nid 1-3klass zeme plus na immer gmischt unti.


So wünsch eui en schöne tag. Bi rus isch de altag cho.