WINTI MAMI'S De Teil 86!

[Zwetschge]

Hallo zeme

Uii hent viel gschriebe. De xavier isch am mittwuch krank worde het fieber becho am nami und am dunnstig isch er nu umeglege wie e toti flüge.
Hüt isch er wieder i schuel.
Ja mir isch immer na schlecht zwüschet dure aber easy. Am 18.3 hani wieder en termin bim fa hiff isch alles io den mitem würmli;-).

Wünsch eui en schöne tag.

[Candine]

Weekend: ig bi mit de Kids am Verwandtäweekend gsii in de Flumserbärgä. Isch meega luschtig u schön gsii. am Friitig Nami bi ig mit de Seraina und em Gianluca und mit mire Zwillingsschwee ga schlittlä. am Samschtig bini de wiedermau ufem Brätt gstandä - ui, bimer vorcho wiä e Aafänger. de Schnee isch chli schwär gsii abr ou nid meega schlächt. Für mi isches tip-top gsii. d`Seraina isch 1x uf de Schii gstandä und isch elei ufs Förderband und schön i dHocki und abegfahrä. Gschlafä hani chli wenig Jetzt bini äs paar Täg Strohwittwe ;-( und s`Wätter wird nid guet und äs Outo hani ou nid.... na ja, diä Täg gö scho umä...

Was heit dir so gmacht am Weekend?

[TiFlaYa]

Grüäzi Zäme

Spielplatz
ganz klar der Eulachpark - au ohni Bäum

Weekend
da sind mir am Samstig im Glatt gsii are Schulthek(Verkauf)Party - Fazit, der Nic und mir sind eus ned einig was so e Thek darf druffe ha
Zabe ha ich den na es Gastspiel im SH geh und bin dernach na bir Kollegin gsii wo bald ihres Bebe bechunt und mich i Wahnsinn tribt
Am Sunntig frühe am Morge isch der Nic mittem Papi denn uf Urdorf anes Halbtagestunier, en riese Stolz hät er uf sie Pokal wo seh gunne hend
am spötere Nami het GöGa deh musse schlafe so bi ich mit der Kiddis zur Nachberi uf e Yazzi

die Wuche
hend mir ned viel Plant, der Nic het am Mittwoch na Training
darf am Samstig d'BestPlayer ehrig mache
der Flavio het Turne
und ich warte wiiter ufs Baby wo sit letzt Donnstig eigentlich set da sii abr sicher wartet bis d'Eltere e Name hend, respektiv e 2. Name für ihn hend...

was wür euch Gfalle Sam ... (der Ursprünglich Name Eric, bringt bir werdene Oma schlechti Lune well irgend en Averwante sich s'Lebe gnah het und der het ebe Erich gheisse - isch der guete Frau au na frühe ufgfalle 2 Tag vor ET )

[Candine]

TiFlaYa: ouso ig müesst eifach mau zerscht e rundi lachä, wenn das Büebli de doch nid SAM heisst. hi hi. guet Samuel würdi ja de ou no ga. oder Samichlous? hi hi, odr Samir. bi grad chli dürrä da chunt nur no seich usä.

Mues chli ga liggä....

[cia1]

@Zwetschge
Was nimmsch etz gäg d'Übelkeit? Hoff diä isch bald überstande! Isch sicher alles io mit dim Krümeli!!

@Weekend
Am Sa hani gschaffet und am Abig bini grad a 2 Gebifestli gsi und erst am 3 am Morge dihei gsi! Denn schnell 4h gschlafe und an Flughafe mini Schwöster und min Schwager go empfange! Am Namittag miteme Kolleg go esse und am halbi 6i sinnd Kids wieder hei cho!
d'Alessia hätt bim Papi au no en Unfall gha und isch mitere dicke Lippe hei cho:-( isch echt nid normal was sie eis für Unfäll baut und immer ufs Müüli gheit!!
Aber es gahtere guet:-)) sie isch halt ziemli Risikofreudig und wild!!

@TiFlaYa
Nur Sam gfalltmer etz nid, d'Alessia hetti Samuel gheisse wenn sie en Bueb worde wär, find dä Name no uu schön!!

@Pianistin
Nachträglich au vo mir alles gueti zum Geburtstag!!

[Flux]

@weekend: am samschtig isch de götti vom chline cho und mir sind 2 stund go spaziere.
am abig gmüetlich mit gg und em chline dihei.
am sunntig simmer go brunche und dänn go spaziere. am namittag uf bsuech zum schwager und de familie.
rassig ume isches gsi...

so, ab in ikea.

[TiFlaYa]

TiFlaYa: ouso ig müesst eifach mau zerscht e rundi lachä, wenn das Büebli de doch nid SAM heisst.

Ich segsene denn, nebem Untersuechigsumschlag wo ich bi dir ha bstellt, mittem Name druf, ha ich na Lederfinkli wo SAM drufe staht, 2 Nuggis scho mit Sam beschrieftet und es "Nachtliechtli" ebefalls mit Sam graviert...

@Weekend
d'Alessia hätt bim Papi au no en Unfall gha und isch mitere dicke Lippe hei cho:-( isch echt nid normal was sie eis für Unfäll baut und immer ufs Müüli gheit!!
Aber es gahtere guet:-)) sie isch halt ziemli Risikofreudig und wild!!

@TiFlaYa
Nur Sam gfalltmer etz nid, d'Alessia hetti Samuel gheisse wenn sie en Bueb worde wär, find dä Name no uu schön!!

der Alessia ganz gueti Besserig
Also am Afang het ja Kollegin welle das der Chley Barnabas (Barney) heisst und ihre "zum glück ned Agetraute" GöGa isch für Ragnar gsii... wo s'ganz Umfeld denn klar gmacht het das da Chind deh fürs lebe gstraft isch, sinds uf Sam cho und bald isch klar gsii (knapp nachem 6. Monet) das da Buebi Sam Eric heisst - denn 2 Tag vor ET het d'SchwiMu plötzlich was a Eric uszsetze

Namessuechi
Hend ihr gwüsst das es viel eifacher isch e Name für es "Fremds" Chind z'finde?
Bi eus hend mir doch sache bedenkt und berücksichtigt - für es ned eiges Chind chömit d'Vorschläg eifach so...

[Shorna]

Happy Birthday liebs Turbohüändli! Mir wünsched dir gaaaanz en schöne Tag und viiiiel verwöhnprogramm.

[Shorna]

Sorry Fraue, ich han alles gläse, aber scho wieder vergässe. Mis Hirni ist es Löchersieb. Ich mues unbedingt mal wieder schlafe! D Yael ist sid 3 Wuche meh chrank als gsund. Han am Sunntig mit ihre in Notfall muese. Sie hät wieder höch Fieber gha und nur no brüelt. Sie hät trotz AB e erneuti beidsietigi Mittelohrentzündig, Angina und vo de Chrippe hät sie na de krass Durchfall heibracht.

Namenswahl:
Damit mir nid driegred wird, han ich d Näme nur de wenigste verrate. Was mini Schwe vo Natanael haltet, han ich gwüsst, aber es ist mis Chind und mir gfallt de Name.

[Shorna]

Gits in Winti na en Migros, wo Milette Naturals Windle i de Grössi 5 verchauft? Hilfe!

[Candine]

Shorna: heisst de Dian no Nathanael? findi ou e schöne Namä. De Dütwäg het dämfau diä Windlä nid, wo du suechsch. Viellicht Rosebärg odr Neuwiisä - diä grössere Migros.
De Yael gueti und schnäu besserig!

[Shorna]

@ Candine
Ja, de Dian heisst zum 2. Name Natanael.

De Migros hät die Windle zum Sortiment usegworfe. D Yael ist sid einiger Ziet sehr empfindlich was Windle abelangt und bechunt vo vielne es rots Fudi. Die hät sie vertreit. Euse Migros hät sie nüm und Neuwiese au nüm.

[Zwetschge]

Hallo zeme

Name: bim xavier sind min gg und ich üs schnell einig gsi emel vim buebe dende hemer paris ghört und beid gfunde so heisst euse sohn mal. Bim zweite dümer de xavier na intregiere und meitli simer üs einig all 3i.

Ich: ich ha hüt untersuech gha bim fa. Isch alles io git en gumpifrosch so herzig gsi wies gummt isch. Het grad de hitzgi gha;-). De xavier isch chli entosche gsi das er nid het dörfe mit negstmal isch er debi. Hani u herzig gfunde.

Suscht weissi nüd meh.

[Shorna]

So schön, das dim Gumpifrosch so aktiv ist. Bin scho gspanne uf de Name... Aber du mues ich na es paar Mönet geduld ufbringe.

[Candine]

das si schöni Nachrichtä, Zwetschgä! hüt im Famze isch e schwangeri Frou umgheit. Ha si de später gfraget obs ihre guet geit. Sie het de gseit ja und s`Chind heig si ou gspürt. Phuu, da isch mir e Stei vom Härzä gheit!

Jetzt bini kao. Bi hüt morgä im Famze gsii, drüü Stund und hüt Nami hani amene Chindergeburi ghufä ou nomau drüü Stund. isch ja nid aasträngend diä Arbeit, abr iergendwiä machts eim haut doch müäd.

Ig wünschä aune äs schöns Weekend! Liebi Grüäss

[pianistin87]

Danke vielmal no fürd glückwünsch zum geburi, das isch den lieb.

I chum momentan nid so zum schriibe im sm forum. Isch mit em handy chli umständlich...

Wünsche allne es schöns wucheend

[Zwetschge]

@shorna ja da muesch di na gedulde. Sege nu bim meitli name isch es vonere gschicht vo de xavier mitem papi am lese isch de 1.teil wo nid gfürig usch;-). Das ebe es buech isch fpr die grosse luesst de gh am xavier vor;-).

@candine uii schutzengeli gha. Ja bi froh isch alles io.

Wünsch eui schös weekend aso respektiv schöne sunntig;-).

[Flux]

hoi zäme

die wuche isch mal defintiv de früelig go hoi säge...hammer sach gsi. han de chli im wägeli gha und mir sind es par stund i oisem garte gsi...uhhhh schööööönnnn!!!
jetzt wämmer hoffe das es rassig oschtere dure isch und er defintiv bi ois blibt.

@familie zentrum: han det min beckebodekurs gmacht. hans sither aber nüme gschafft. was für täg sind ihr amig döt?

so, min ma und de chli chömed grad vom spazier zrugg...
oi en schöne wuchestart

[sashimi]

hallo liebe Winti`s ich frag mal einfach bei euch nach, weil ihr sicher gute Ideen habt. Ich treffe mich nächste Woche mit einer Freundin in Winti, weil wir da ungefähr gleich lange anreisen. Nun suche ich ein gemütliches Café und einen netten Spazierweg die beide easy zu finden sind ohne grosse Ortskenntnisse. (Goldenberg ist wohl zu weit weg vom Bahnhof oder?) Meine Tochter ist 8 Monate alt. Sollte also ein Café sein wo ich den Kinderwagen reinkriege und ein aufgewecktes Baby nicht grad als Ruhestörerin angesehen wird. Wo geht ihr denn so hin?
Danke viel male für ein paar Vorschläge und schöne Ostertage mit Frühling im Herzen.

[Candine]

Im Tibiz het im UG unde e Chindereggä und Tisch und Stüeh zum sii. Ich finds zwar chli schad isches dundä und de Wagä muesch abeträgä odr dobä la. s`Manor-Reschti isch immer e gueti Adrässä und süscht chunt mir ussert de Mac grad nüüt anderschts i sinn...