VoLkI-ChIcKs - freued sich uf di neue Volki-Babies...

[okto]

@Simbat: mim chliinschte L isch langwiilig! Söll ich ihn zu dir schicke!?

[Simbat]

Chasch scho, aber ich bin am schaffe. Er stört also niemert, Garte staht offe

[Arwen]

@Trampolin
Also bekannti Gsichter sind uf eusem Trampolin (fascht :-9 ) jederzyt willkomme.
Nur Lüt woni no nie gseh han oder Kollege vo Kollege vo Kollege wo am Abig am 9i chömed cho lüte... det bini amel nöd eso offe. Aber all wo mir känned natürli uf all Fäll gern.

Also LiLe, chum verbi mit Dim Temperatmentsbündel, au okto, dini "L's" sind bi eus willkomme oder wenn d'Lia wieder mal ufeme andere Tramplin will gumpe.

[Simbat]

Also, wänn mached mir Gumpi-Session bi mir oder bi de Arwen?

[LiLe]

@simbat/arwen pn

[Simbat]

Morn bastleds mit de Chind im Volkiland Eichhörndli, es Gumpischloss häts glaubs au wider. Isch öpper debii mit Kafi und d'Chind chönd chli wüete?

[Simbat]

Evtl. öpper Inträsse? Ich han mich mal agmälded: http://www.swissmomforum.ch/viewtopic.p ... 1#p6908131

[Arwen]

Hey super, danke für de Tipp Simbat, ha mi grad agmäldet. Ha d'Büecher würkli interessant gfunde und es isch jetzt sicher no spannend, das mal vo öpperem z'ghöre, vilicht au chli in anderne Wort.

[Simbat]

Hey Arwen lässig! Ich find ebe sini Büecher au super, aber mängisch au chli schwirig zum verstah, drum fänd ich's no guet, wänn mer chli Frage chan stelle und chan diskutiere.

[Simbat]

@Arwen/Okto/BM: Händ ihr gueti Kiga-/Schuel-Start gha?

@Arwen: Wie gfallts dinere Grosse im Kiga?

[Arwen]

@Simbat
Danke danke, mir sind sehr guet gstartet. Ihre gfallts sehr guet, isch au ganz ä lässigi Kindergärtnerin.
Nur euses Morgeritual isch no usbaufähig.... Ich ha nöd so die Chind wo gern schnell vorwärts mached und so chumi mir vor wie dä Generalstabs-Staffelführer bis mer zum Hus us sind (und ich bi ja sälber nöd dä Früehstarter am Morge). Janu, Gwöhnigssach.

[okto]

... ich schrieb mal öpis, bevor mir uf siite 2 verschwindet!

@arwen: und, wirds besser mit em ziitmanagement am morge frühe?


so, meh tippe isch mühesam (hand operiert)....

adios!
okto

[Arwen]

Hihi, guet gmacht okto, steppt ja wieder mal voll de Bär da ine.

ja, euses Zytmanagement wird definitiv besser. Und isch irgendwie au no agnehm, so viel vom Morge z'ha. Mer cha scho no einiges erledige wenn jede Morge am 8i all putzt, gstrählt, gstriglet sind und es volls Büchli händ.

Au weia, hoffentli isch denn d'Hand für d'Räbeliechtli wieder zämebaschtlet. Und suscht mues denn Din Ma a d'Seck.

[okto]

@arwen: räbeliechtli - da muen sowieso min maa ane! die lang ich nümm a....

[Virusli]

Was reded ier au scho wieder vo räbeliechtli?

[okto]

@virusli: naja, hüt i exakt 2 mönet isch halt scho wieder räbeliechtli-umzug!

[Virusli]

@virusli: naja, hüt i exakt 2 mönet isch halt scho wieder räbeliechtli-umzug!

Das isch ja no ewig hi

[okto]

@virusli: findsch!? also ich weiss jetzt scho, dass es mir def. zu schnell wird so wiit sie!

[okto]

Zur Info:

Am nächschte Samschtig, 14. September, isch vo 10:00 bis 13:00 KINDERKLEIDERBÖRSE i de Zwicky-Fabrik in Fällanden! Und gliichziitig, au vor Ort, KINDERFLOHMARKT.

Lohnt sich also definitiv!


Grüessli
okto

[okto]

ab Kleidergrössi 80 wird verkauft!