mal D Schwangerschaft isch eigentlich ganz guet verlofe. Ig ha bi dire chlyne schwöschter zimli hohe bluetdruck gha und extremi wasserilageride und drum hani bi dr schwangerschaft mit dir uf eiwissrichi ernährig gluegt, ha aspirin 100 gno und ghoffet, dass aues guet chunnt….
Am 17.2.2013 sind mir als ganzi familie, di papi, ig und dini 2 schwöschtere zäme ga ä winterspaziergang mache. Plötzlich hani ä riese stich im schambei gha und grad paar sekunde nüme chönne loufe… di papi het gmeint, das geit gli los…ig ach was, das isch ja no 3 wuche und 2 täg z früeh…. I derä nacht vom sunnti uf ä mänti 18.2.13 hani am morge am 5 i blasesprung gha… mir hei üsere beleghebamme aglüte, sie isch scho bi de mädels vo a bis z drbi gsi…sie het gmeint wills s dritte isch sölle mir doch uf di 6 i is spital ufe cho. So hei mir d nonna la cho, dass sie zu dine schwöschtere luegt.
Bir ungersuechig isch dr mumu 2 cm offe gsi aber dr gmh no nid verstriche..ab und zue isch äs weheli cho, doch nüt effektivs. Ha när no venös äs antibiotika becho wäge mögliche infekte und üs isch erklärt worde, dass du no als frühchen agluegt wirsch, wäge 2 täg wo no hei gfählt…wehe , immer no niene … di papi und ig sind ines einzelzimmer bracht worde, wo mir üs hei chönne irichte…und uf d wehe warte….mir hei z morge übercho und sind när mau ga loufe….när sind mir zrugg cho, d hebi het mi ungersuecht…när hets z mittag gä….immer no nur ca. all ½ ä wehe zum verschnufe….
Ig ha mir no äs buech am kiosk kouft, ha dänkt weni no dr ganz abe und nacht ke wehe ha, de ischs mir de meeega längwilig…ha no wehentee übercho und so nes öl fürs büchli i z striche…am 17.00 also grad zimli gnau 12 stund nach blasesprung hets plötzlich afa ihänke… d wehe sind im 10 min abstand chound zimli intensiv…s z nacht isch am 17.30 cho und ig ha ke luscht und zyt me gha ufs ässe…öpis nach de füfi hets no mau äs ctg gä und dr mumu 3 cm offe..weheabstand so 7 min. am 18.00 sind de wehe so mega heftig gsi dass mir d träne sind abegrollet und ig ha zur hebamme gseit, ig cha das nid….sie meint, doch und wie du das chasch, heschs scho 2x super gmacht…sie isch übere i d gebärabteilig und het gmeint mir chöi ihre jederzyt rüefe wenn mir öpis bruche…zäpfli gäge schmärze oder was auch immer oder äbe wenn ig de i d wanne möchte…um 18.50 hani mim maah gseit, dass mir übere müesse denä ig muess drücke….im gebärzimmer a cho hani scho ganz hässig um mi umegwädlet… d hebamme het mi gschnäu beobachtet bimene weh woni veratmet ha und het sofort s wasser useglah und sich parat gmacht…..ire wehepouse , bevor ig i d gebärwanne bi gstige hani no mini füess unbedingt wöuä abdüschele, denä so möchtig de nid gbäre und när chunnt mis baby i d wanne mit sockefussle
Öpe am 19.05 bini i d wanne gstige und ha scho ä riese pressdrang gha…sie het mir ungersuecht und äs isch 10 cm offe gsi…ha langsam mi körper dörfe la drücke, eifach ohni gross mitpresse..unbeschriblich, hammermässig , schmärzhaft…när hani ääändlich dörfe presse …3 presswehe und de hani dini häärli gspührt , no 1 presswehe und när isch dis chöpfli gebore…ha gmeint ig wirde usenander grisse …när wo dis chöpfli dusse isch gsi, hani müesse uf die nächsti wehe warte, das isch sehr unagnähm gsi, dis chöpfli zwische mine bei und eifach warte…..ändlich isch die langersehnti wehe cho und ig ha guet uf de hebamme glost, mit liecht drücke, chli meh, warte , wieder chli drücke...und d schultere sind gebore und schlups bisch du is wasser entglite...ig ha di dörfe ufefische a mi buch... ganz bis ufe a d bruscht hets nid glängt, will dini nabelschnur nid all zu lang isch gsi...ersch nach 10 min wo d nabelschnur uspulsiert isch gsi und di papi se het düregschnitte, denä hani di gaaanz nöch a mi chönne zieh und di beschnuppere.....mi erscht gedanke "jö ä ganz chlyne papi"...und när sind d träne vor erliechterig gflosse...mi sohn, so lang hei mir uf di gwartet, 10 monet lang und jetzt ligsch du i mine arme, wunderschön und eifach äs wunder vom himmu....ig wirde dini geburt wie ou die vo dine schwöschtere , immer töif und fescht i mim härz ufbewahre......ig bi vo härze dankbar für das riesegschänk 3 so wunderbari geburte dörfe erläbt z ha....
..ja ich hatte wirklich 3 x so unglaubliche geburten ohne komplikationen und wie erwünscht,da denke ich glatt ab und zu noch an ein viertes